一冰廳

星期六去開土瓜灣，咁就諗住食個午餐，Google下睇吓附近有咩餐廳，俾我search到呢間一冰廳！餐廳喺地鐵站行需要大約5分鐘，位置喺車房附近，門口望見入面地方吾大但坐滿人!  入到去坐低後叫左芝士咖哩蛋包飯配日式炸雞，咖喱汁係偏甜，而芝士汁就好滑身，炸雞都大舊，有4件，咬落有肉汁，炒蛋夠滑，另外跟餐杯凍奶茶都吾錯，值得推薦，下次過黎會試埋好多人叫嘅粟米忌廉湯火腿通粉!!!不過舖太細，坐得唔算舒服，會坐得靠貼，另外要留意營業時間較短,冇晚市,星期日休息, 想去就要留意營業時間!!!一冰廳地址: 土瓜灣長寧街53號地舖…Read More

放學去左走瓜灣食lunch 呢間一冰廳之前都聽講過但冇食過🥹 今次終於可以入去試試佢😍😍.常餐 #鮮粟米忌廉湯通粉 配招牌炒蛋 厚多士🍞 午餐肉👉🏻轉 煙肉 👅8.5/10 $43個忌廉湯真係好香好香 唔係平時啲茶記嘅cheap cheap忌廉味（非睇唔起平時啲茶記呀😂😂😂）（只係呢個湯真係好香🥹🥹）（西餐廳咁款呀😉😉） 真心大力推介😭 食落好香好濃粟米味🌽 完全唔似罐頭湯 🥫唔知係咪用粟米自己打湯🥣通粉呀煙肉呀呢啲冇咩好講啦係咪？😂厚多士🍞正正常常咁呀 幾香個炒蛋🥚又係好香蛋味（好似講廢話咁sorry） 恕我詞窮唔係好識表達 但真心唔錯😍.午餐 #芝士咖哩蛋包飯配日式炸雞 👅8/10 $61 👍🏻分別係咖哩汁、蛋、芝士 三隻色 大大碟擺埋黎😍 女仔真係未必食得曬 好彩呢日有🙋🏻‍♂️幫我食埋佢🥹 咖哩係日式嗰隻 所以唔辣架 🙅🏻‍♀️🌶❌❌❌ 大家絕絕食得到😉 個蛋又係整到滑捋捋🥚🥚 同隔離個芝士汁好夾呀🤣 個芝士汁隻色偏白 但就幾香芝士味👍🏻.叫左杯凍朱 同C0T🍋就唔多介紹了 費事又要大家睇我寫廢話😂.味道👅：8/10賣相👀：8.5/10扺食💰：8/10環境🎑：8/10服務🙆🏻‍♀️：9/10…Read More