Tamarind

營業中

休息中

朋友話想食火山排骨 ，話旺角女人街有間泰國餐廳唔錯，叫做 Tamarind ，就決定一齊去試吓。星期五收工之後，大概6:20pm 去到餐廳，真係哇一聲，條隊長到懷疑人生。排隊等左大概一個半小時，大概8:10pm終於到我哋。好彩餐廳冷氣都好夠，又安排我哋坐Tuk Tuk 卡位，侍應服務都好好，好有耐性同有禮貌。………………………………………………鹹蛋青木瓜沙律 ⭐️⭐️⭐️⭐️⭐️青木瓜絲切得好幼細，酸甜開胃，口感清爽，夾雜小蝦米同咸蛋黃碎，味道層次好豐富。泰式魚餅 ⭐️⭐️魚餅味道同口感都普通。冬陰公湯 ⭐️⭐️⭐️材料好豐富，有好多大蜆、魷魚、蝦、菇等等，味道濃郁，不過我哋都一致覺得太咸。豬肉碎生菜包 ⭐️⭐️⭐️⭐️生菜好新鮮，豬肉碎比較大粒，肥瘦比例適中，調味剛剛好，夾埋生菜一齊食，好味。泰國炸蠔餅 ⭐️⭐️⭐️蠔肉大大隻，炸粉亦都好脆口，但係炸粉好似同啲蠔肉唔friend咁，食的時候好多時都分離左，變左炸粉還炸粉，蠔還蠔咁，所以都一般般。曼谷火山排骨 ⭐️⭐️⭐️⭐️今次晚餐嘅重中之重，份量十足，有4大舊肉骨，用酸辣汁煮到肉質軟林，餐廳有提供膠手套，可以用手拆骨撕開啲肉嚟食，食落啖啖肉，點埋個汁一齊食，好開胃惹味。泰式

最近旺角又多咗間晚晚爆場嘅泰式餐廳 Tamarind，一到放工時間已經見到長長人龍。餐廳裝修帶點泰國街頭大排檔風格，主打多款泰式小食，除咗粉麵飯之外仲有唔少特色選擇。🔥 必試推介✔ 蟹肉庵列 $158賣相同內容都幾吸引，蛋包之下塞滿蟹肉，足料唔欺場，蛋香＋蟹鮮幾夾。推薦✔ 大蝦炒金邊粉 $88只有兩隻大蝦，味道偏清，炒得唔夠乾身，略嫌普通。✔ 芒果糯米飯 $58芒果唔酸，仲附送多一小杯椰汁，不過整體味道比較一般。✔ 泰國街頭椰子雪糕 $58有花生配料，但椰子味唔算突出，如果加椰絲會更好。✔ 泰式綠奶茶 $26偏淡，冇太大驚喜。💡 總結餐廳氣氛熱鬧夠晒feel，小食款式多樣，不過整體味道未至於「驚為天人」，等熱潮過後再慢慢試可能更理想。

Tamarind😘😘😘泰地道旺角通菜街、旺中之旺、地道泰菜、餐館縮影、泰相似、泰有氣氛、食之餘仲可以打埋卡😁😁泰開心😃✨沙爹豬串燒$48帶點肥豬肉切片、串串燒烤、肉質鮮嫩更爽、醃製入味、搭配泰式香料、伴微辣甜豉油、香氣四溢、提升味蕾口感、泰美味小吃的首選😘✨炭燒牛小扒$148選用優質牛小扒、經特製醬料醃製，搭配香草和香料、炭燒後外焦內嫩、每一口都散發著濃郁的泰式風味、肉質鮮美、回味無窮👍🏻✨粉絲大蝦煲$138粉絲吸收了鮮美湯汁、搭配新鮮大蝦、泰式香料、口感滑嫩、味道濃郁、讓人陶醉在泰式風味中😍✨芒果糯米飯$58濃香白白椰漿、鋪滿暖粒粒、軟糯的糯米飯上、像披上一層白雪❄️、配搭切片、清甜泰國芒果、灑上綠豆脆粒、賣相一流、吃不停口、舔舔脷👅✨芒果冰沙$32 冰凍芒果肉粒、冰塊、少許椰奶、攪拌成芒果汁、軟滑清甜、清爽👍🏻✨泰式奶茶$26 泰式紅茶、濃郁茶香、加添奶、「泰」簡單就是原味！Tamarind旺角通菜街1號威達商業大廈地下K&L號舖港鐵油麻地站A2出口、行約5分鐘

今日約了朋友到旺角逛街～行到攰見到這間泰國餐廳人頭湧湧，而且看過餐牌除了有泰式粉麵飯之外，仲有很多有特色的泰國小食，所以我跟朋友決定到餐廳內食一點小食，飲返杯嘢，唞一唞再出發購物。餐廳座位非常之多，我們點了兩款串燒。豬肉串燒，豬肉啖啖肉非常惹味，燒得相當出色，點上了獨特汁非常惹味。而且串燒有三串的，而且每一串都相當多肉！另外點了雞肉串燒，是配上了沙嗲汁，沙嗲雞串相當美味！啖啖肉而且雞肉較為嫩滑的質感。串燒相當有風味，而且肉類份量十分足料。吃泰國食物，當然少不了芒果糯米飯，這間餐廳的芒果糯米飯超級好味， 十分推薦！芒果又甜又多汁，而且啖啖芒果肉配上了煙靭無比的糯米飯，非常出色，仲可以淋上椰汁，椰汁芒果糯米飯冇得頂！又香又甜又惹味！泰國特色飲品～鮮椰青～清涼解暑！啱晒炎炎夏日！泰國龍眼水，甜甜的，而且龍眼味清甜無比，非常滋潤，冰冰凍凍十分解暑！入邊仲有龍眼果肉的。下次再來一定要試試這裏的泰式粉麵飯！看到其他食客的食物都相當香噴噴。

星期六下午1:30左右開始排，大約排半個鐘終於入到去。餐廳個環境幾新淨亦幾有泰國feel嘅，不過地下有輕微跣。兩個人最後叫咗泰式牛肉船麵+泰國龍眼水+沙嗲豬串燒+泰式青芒沙律+芒果糯米飯，每個飯麵主餐都可以配set lunch飲品。豬串燒味道幾驚艷，整體味道係唔錯，應該會二訪，不過船麵&泰式沙律都有唔少芫荽，唔食嘅朋友落單時可能要預先叫佢哋走芫荽（見到好多人叫火山排骨，諗住下次試下就問下店員，但佢話火山排骨係落芫荽+芫荽汁）。

最近發掘到呢間泰國菜環境好有Feel🇹🇭 感覺真係好似去咗泰國夜市咁座位仲係一架篤篤既造型🛺 食物方面有特色好有泰式大排檔小菜既風味🥹岩曬最愛泰國菜嘅我⭐️ 鹹蛋青木瓜沙律 🥗青木瓜調味好清爽🍋‍🟩醬汁調味比較帶酸😛但係配上鹹蛋嘅點綴好有鹹鮮風味🥚⭐️ 蟹肉奄列 🍳蟹肉豐富又飽滿配上奄列好滑嫩🦀菜式簡單但係做到咁鮮味又唔油膩非常講究技巧🌊⭐️ 泰國街頭炸魚 🐟用上滾油炸嘅鱸魚非常香口🔥 配上醬汁做到街頭嘅風味🛵 一咬落去魚肉仍然保持嫩滑值得一讚⭐️ 泰北咖喱雞金麵 🥘咖喱麵味道濃郁幼滑又帶香氣🤪 配上嫩滑既雞髀肉好地道🥹⭐️ 芒果糯米飯 🥭糯米嘅黏度配上椰汁既甜味好平衡🥥係每次泰國菜嘅必食🧡

新開一個月多啲嘅泰國菜，6點幾門外已經很多人排隊，可能因為係新開，有book枱會比較好。裝修風格都令人有種親民嘅感覺。埋邊仲有啲篤篤車嘅卡位。見到餐牌上面好多泰國特別菜品佢都有，好似火山骨、蟹肉奄列、椰子雪糕等等。今次就叫咗招牌蟹肉炒飯、泰式燒豬頸肉、芒果糯米飯同埋椰子雪糕。首先講吓個炒飯，好似第一次見炒飯會配埋青檸，見佢有比，咁我都落咗少少，無諗過成件事係咁夾，令到個炒飯昇華咗成件事好清新，份量都好足，算係好大碟。豬頸肉同芒果糯米飯就正常好食。仲叫咗杯泰式奶茶，用不鏽鋼杯裝住，個感覺好似喺泰國食緊飯咁。2個女仔叫唔到好多嘢，下次黎一定要試埋個蟹肉奄列。新開幕，有好多客好忙，但店內員工都好nice。

我有位泰國朋友在香港好懷念家鄉的青木瓜沙律, 我見附近有間新開的泰國餐廳, 見門面幾大, 就入去試試。佢地有幾款青木瓜沙律。有一款用咗酵臭魚醬，香味非常濃郁口感豐富。我同朋友喺香港同大陸試過唔少泰國餐廳，好多都冇呢隻酵臭魚醬(要買隻醬都唔易搵), 終於有機會試到, 真係好正宗。佢話呢度嘅芒果糯米飯同生菜包都好好味，質素高夠地道。在旺角女人街來講, 好多餐廳都會坐得好迫的, 但呢間餐廳環境舒適又寬敞, 所以一定會再來試埋其他菜。