鉄火堂 (厚福街)

營業中

休息中

鉄火堂，曾經係唔少朋友心目中食魚生飯嘅首選，見佢由3間分店到得返一間，實在有啲唏噓…曾經係旺角分店倒閉前去過，再嚟到尖沙咀分店，呢間「留下來的舖」明顯水準👍🏽好好多，魚生都新鮮而且無特別食到有根。作為小鳥胃，飯量多左一啖左右，可能因為今次揀嘅配搭有3款魚生，厚切，食完💛好滿足☺️下次會再嚟，希望佢可以維持魚生水準，努力生存落去💪🏽今次叫嘅係自選魚生飯，可揀米飯、藍鰭吞拿，再自選4款配料，我嘅選擇係：壽司飯｜吞拿魚｜火炙三文魚、汁燒帆立貝、劍魚腩、芝士蟹籽💲108 有加一服務費

嘩！今次去到收銀個男人係我俾錢果陣西面到呢，大佬，摷緊錢嘛。佢係抵食又免加一服務費。$108套餐有個麵豉湯送。套餐有1款藍鰭吞拿魚配4種食材，壽司飯都有得揀。叫咗 薑味壽司飯+$6、中拖羅+$20、溫泉蛋、赤蝦、三文魚、松葉蟹腳+$5。咁食材都算新鮮，埋單$139。1）薑味壽司飯食落好清新，消一消暑。2）中拖羅無筋幾滑口。3）松葉蟹就無乜肉，兩隻蟹腳先得一粒魚蛋咁丁屎嘅蟹肉。4）溫泉蛋正常有流心5）赤蝦爽口唔潺6）三文魚唔夠肥，魚身唔油抵食就計個成本價俾你睇，$6 = 三文魚2片$5 = 溫泉蛋$30 = 中拖羅 2片$10 = 松葉蟹腳 2隻$6 = 赤蝦 2隻$2 = 麵豉湯$10 = 薑味壽司飯Total $69 = 大約成本佢應該一碗我嘅飯就賺到$70減返租金、人工，應該一碗飯淨賺$10-$15 最多。

唉剛剛好錯過左午市, 變相餐牌貴左 同埋 要俾加一。如果唔會好晏食, 強烈建議17:00前好黎食！自選魚生飯其實依間都算經常黎食, 今次照舊自選魚生飯,注意返, 佢壽司飯/白飯係任添, 不過記得食得滯先好叫!選擇配搭: 壽司飯+帝皇蟹棒+火炙三文魚+穴子(佢會包埋一件玉子)帝皇蟹棒個份量好夠, 本身都好好味。而更加要大推嘅, 會係穴子! 好淋, 而且有鰻魚嘅味道，當然，佢亦都無細骨！火炙三文魚就無咩特別, 亦都無咩油脂, 建議可以選擇其他, 比例火炙左口魚。

睇完一篇營養師嘅文章，決定嚟試下中午一點幾嚟到，有幾個人排緊隊。見唔係太多人等，可以排下。排左10分鐘左右就有位喇。。。一坐底，侍應就會落杯茶同一碗湯。自選丼好多選擇，有啲選擇困難最後揀左6款（劍魚腩，油甘魚，火炙左口魚裙邊，三文魚籽，蟹膏同海膽魷魚）三款可以撈飯嘅三文魚籽，蟹膏，海膽魷魚都好正火炙左口魚裙邊，本來寫係3片，但唔知係咪太濕碎，俾左5-6片。呢個無得輸，都係咁多油脂兩款魚生有少少遜色，太薄。壽司朗食呢6款壽司都應該差唔多價。如果唔使排，會揀去壽司朗

午市自選魚生飯非常推介！.魚生有多款選擇，想食嘅全部都搵到。叫左三文魚、三文魚籽、甜蝦、帶子，4樣都新鮮好味。尤其三文魚籽，份量好多，非常驚喜！.仲有一點超好，就係可以免費加飯！我胃口都算大，平時食魚生飯好快又餓 😂 今次加咗一碗飯，夠晒飽，好滿足～

有日夜晚係尖沙咀行街，見好耐都無食過日本魚生飯，於是上網睇人推介呢間就去試下我地個日6點幾去到，結果係完全唔需要等位職員既態度都非常有禮貌，啲環境都好似日本嘅居酒屋，雖然坐得唔算舒服，但都係可以接受。睇完個menu，都係打算食出名既自選魚生飯。我呢個餐可以揀七款魚生。魚生飯送到上嚟嘅時候賣相 流，味道係超高質，魚生都好新鮮。隨魚生飯都會送一碗麵豉湯。食完最後7點半到，一出去發現已經超多人係度等緊位，真係好好彩。

💛鉄火堂·我之前試過同同事係首都廣場個間買外賣 但係最後發現都係堂食豐富D好味D😈😈·自選魚生飯 $62(4款) l $72(5款)佢呢度係白飯任添既 不過我自己叫少飯已經好夠😌佢個帶子幾甜 幾新鮮 個三文魚籽份量都好多 而且調味岩岩好😎😎個鰻魚都唔錯既 無咩骨而且個鰻魚汁好好味 不過就細舊少少🤭佢個吞拿魚食落就似赤身多D 佢口感唔錯既 不過就唔算話好肥美 個火炙三文魚就偏淡少少 但係整體黎講性價比都好高既🤑🤑·#rbyeat#rby日本菜#rby💛#rby尖沙咀 #rby旺角·📍尖沙咀厚福街10號地舖📍尖沙咀漆咸道南61-65號首都廣場地下5號舖📍旺角登打士街36號恆威商業中心地下1-2號舖

黎到尖沙咀食午餐當然要去厚福街啦嗰度真係好多好嘢食今次就食人氣日本餐廳主要食魚生飯為主-鉄火堂 自選魚生飯 算係平價之算4款刺身 $60 5款刺身$70以上配上麵豉湯🥣仲要唔洗加一呀🤩係尖沙咀地段 真係抵食🥳魚生飯大槪30幾 款式任君選擇😱當然要食 藍鰭吞拿魚 火炙三文魚腩 ......😎送餐服務快 又友善個賣相好靚🤗刺身好足料 舖滿成個碗面每個飯都有玉子燒上面印住佢餐廳名食落刺身好新鮮飯量適中口感好香口今次除左叫魚生飯外仲叫左沙律🥗同小食— 溫泉蛋火炙三文魚沙律 $ 68份量都唔少 溫泉蛋🍳仲係流心 健康之選 — 蟹肉忌廉薯餅蟹餅份量2件 $26食落口唔係好油膩脆口 香口配上沙律醬簡直邪惡之選味道：🤩🤩🤩🤩/5CP值：🥳🥳🥳🥳🥳/5

午市自選魚生飯（5款配料）$69 選擇夠多，分量都夠晒飽，跟碗味噌湯，仲可以免費加飯。40幾款嘅配料任揀5樣，除咗普通嘅白飯同壽司飯底，仲可以另外加$5轉其他飯底（我係嗌普通嘅壽司飯，覺得已經好夠味）配料方面，碎蔥吞拿魚撈埋壽司飯再加啲薑係幾好食，俾我感覺啲魚生都幾新鮮；而鰻魚係厚肉又唔會一夾就爛，食落有油脂感，鍾意食鰻魚嘅唔好錯過啦🤣不過其他配料就正正常常，冇話特別鍾意。✴️整體嚟講，午市呢個價位食到自己任揀5款配料嘅魚生飯，都可以話幾抵食！但如果講緊晚市嗰價位，我就覺得有啲唔值啦🤣

加班後跟同事到了尖沙咀吃晚飯聊天，她帶我到了位於厚福街的鉄火堂 ，餐廳裝潢是典型日式木製家具風，座位之間的隔板寫上對香港人的勉勵，令人看完心頭一暖，非常有心思👍🏻 🐟四式藍鰭吞拿魚壽司🐟這個壽司set包含了吞拿魚的不同部位，包括大拖羅，中拖羅，赤身，和碎吞拿魚壽司，一客可以嘗試到不同的口感和鮮味，每一款都入口肥美而且很厚身，很值得推薦😋🍚自選魚生飯🍚我選了甜蝦、希靈魚、帶子和腐皮，所有刺身都很新鮮，值得推薦～

以魚生飯來講可以話係非常抵食👍🏻叫咗一個自選嘅魚生飯，試咗佢嘅吞拿魚油甘魚同生蝦，三款都非常好食亦都十分新鮮😋 但係份量相對上就比較細份咗少少作為男士都唔算太飽。平日都多人食需要人齊先可以入座，可以早少少去拎定位！

朋友生日想食日本野，最後揀左呢間丼飯，本身已經有好多唔同選擇，另外仲可以自選配料有五餸魚生飯，總共都有四十幾款可以揀。於是心大大細之下就揀左厚切藍鰭中拖羅、穴子、北寄貝、希靈魚同蟹膏，配冬菇壽司飯（$109），送味噌湯。自己最鍾意蟹膏，感覺特別香，冬菇唔算特別多，有少少咬口。朋友就叫左厚切藍鰭中拖羅、三文魚、玻璃蝦、油甘魚同帆立貝，都配冬菇壽司飯（$109），另外點左個芥辣八爪魚（$18）。所有野都算新鮮，算係對得起價錢，聽講Lunch五餸魚生飯都係$69，好似都幾正。

之前睇過d片都有介紹過呢間日本🇯🇵料理！咁岩知道佢做緊promotion, 係fb點贊後就可以半價，就黎試下！ 餐廳唔算多人，可能是平日夜晚關係都不用等位！我們點了雜錦壽司🍣半價，好抵丫！ 佢個set都幾多野的, 有湯, 溫泉蛋, 迷你魚生飯柸, 沙律! 個人認為魚生尚算鮮味, 賣相吸引, 女生一個人應該食唔灑的!另外, 還點了自選魚生飯，魚生飯其實很少店可以自選的，都幾特別！可以揀d自己鍾意食既野！個魚生飯還配了麵豉湯都幾抵食，性價比高！

去開尖沙咀行街，又唔想用太多時間等餐廳，lum去左厚福街碰下運氣，咁岩見到呢間食魚生飯，又唔洗等位（可能好彩）見個價錢okay，最後就入左去試喇！可能時間尚早，餐廳未滿座~因爲太肚餓既關係，我同男朋友好快就點左想食既魚生飯組合，我叫左一個自選魚生飯，揀左帆立貝、吞拿魚、油甘魚、三文魚，另外再叫左海膽帶子三文魚丼。上菜時間快，魚生飯望落似樣，件數亦唔少，以百幾蚊食到咁多款刺身，價錢都幾經濟實惠。整體味道都唔錯幾新鮮，唯一不足係魚生有點薄，性價比黎講算唔差，特別適合想食early dinner之後仲想行街既朋友！海膽帶子三文魚丼自選魚生飯（帆立貝、吞拿魚、油甘魚、三文魚）

之前係尖沙咀食過鐵火堂 今次帶埋朋友嚟油麻地分店 .呢間店主要係食自選魚生飯 每樣野唔同價錢 不停咁加上去 有普通壽司飯同菇飯 我揀左菇飯 食完d飯唔夠可以無限添普通壽司飯.魚生選擇好多 我地每人拎住一張點菜單好似考試咁低頭思考🤣 睇嚟大家都選擇困難症 諗完一大輪最後我揀左3款 其實佢每樣十幾至二十元 好快會愈tick愈多 .魚生飯跟一個面豉湯 嚟到個賣相幾好wo 擺到滿哂咁 應該係佢個碗太細 一開始真係唔知點食好 不過佢蛋上面個鐵字無左🤣 魚生都幾新鮮 重點係可以自選 每人揀番自己想食嘅就得.朋友食完都話可以encore