錵の工房 (已結業)

星期六長週下班，來個悠閑午餐，很久沒有來這裡，不如吃這裡比較有名的和牛芝士漢堡餐，如果是五都多元的漢堡來說，味道算不錯。九龍灣吃東西向來偏貴，要找好味的餐廳很難。…查看更多

九龍灣工廈一向多野食，只係唔知咩野好食。咁啱去環球工商大廈搵朋友食飯，見到八樓有間日式餐廳，所以就試下啦。這裡似乎係新裝修，好有日式cafe既感覺。聽聞日日餐牌都有少少唔同，不過午餐都有十款左右！點了兩個餐，我見隔離枱個漢堡包超大，所以點了，哈哈！友人的雞翼餐先上，係六件單骨炸雞翼，即係只有三隻雞中翼，份量不多。除左雞翼仲有碟苦瓜做前菜，味道一般，好似生生地⋯等左一陣漢堡包到，嘩左一聲，真係超巨型，和牛排有2cm厚，而且好多汁，仲有幾片蕃茄同菜。最特別係有日式酸蘿蔔在包內，不過味道不太夾。湯係西蘭花湯，不錯。食完真係超飽超滿足。…查看更多

朋友在九龍灣工作因為好耐冇見決定星期六接他收工一起食個 lunch 吹吹水，朋友介紹在九龍灣的工廈有一間叫「錵の工房」味道唔錯而且價錢合理,既然朋友極力推介一於試一試。軟殼蟹蟹子沙律 $52軟殼蟹蟹子沙律分量十足而且是即叫即做，青瓜絲、蟹柳絲、蟹子的比例配合得近乎完美軟殼蟹新鮮炸出來，蟹味十足較為大隻和有蟹膏的。自家製和牛芝士漢堡 $60自家製和牛芝士漢堡材料豐富有生菜、蕃茄、芝士、和牛漢堡扒比較特別是用日式蘿蔔片再加上炸薯條和沙律菜真的份量十足，一口咬落味道豐富，再加上選用了兩款不同的芝士，層次豐富，雖然沒有放其他醬汁但因為生菜和番茄的關係食落 Juicy 絕對好味。玫瑰黃金桂（青蘋果味熱飲) +$5玫瑰黃金桂（青蘋果味熱飲) 因為加上青蘋果的關係味道清新略帶酸甜十分醒神開胃。…查看更多

又一次係MEGABOX溜完冰，體力透支過後梗係食返個下午茶補返一下能量先啦。商場入面嘅餐廰都無咩咁吸引，就行返過地鐵站嗰邊睇下有咩好食，行行下就發現呢間係工廠大廈入面嘅和式小館。先黎係三文魚沙津，魚片都多同埋肥美。沙津雖然菜類唔多只有羅生菜及火箭菜，但用上花生/合桃及杏仁增加口感，味道提升不少。配上的伴食醬汁有紅酒醋呢個就較甜及香口及橄欖油，可隨喜好添加。手打和牛漢堡，超級厚身調味都夠但乾左少少。不過配上紅椒汁一齊食可以彌補返濕潤同時降低油膩感。而麵包都鬆軟唔會一壓就偏晒，整體黎講幾唔錯。跟餐有個羅宋湯，味道好濃同杰身。茄味同香茅西芹都夠而且牛肉炆煮得好腍溶化晒入個湯度。綠茶鮮奶嘅綠茶味都夠濃不過覺得遮左啲啲奶味就偏淡咗少少。飲落都滑身唔澀唔錯。整體環境同食物都有日式家庭手作店嘅味道，食嘅時候又有幾家大小同場感覺幾温馨。…查看更多

今日舊同事約我去九龍灣食Lunch，佢話最近係環球工商大廈開咗間新嘅日式餐廳，帶我去試新嘢😆餐廳以花做主題🌺門口佈置得好靚🌸🌼佈滿乾花和綠色植物🌳🌴好似置身係城市綠洲🌷🌹🌺🌼🌻🌾好舒服☺️餐廳有12款唔同款式嘅 set Lunch，我哋叫咗健康沙津🥗沙津材料好豐富🥗有牛油果🥑雜菜，合桃，腰果，兩種柚子🥒青瓜配黑醋，每種材料都好新鮮，柚子仲好甜，牛油果🥑好熟，好好食😋我哋仲叫咗自家製和牛漢堡🍔和牛漢堡超厚身超大塊仲爆汁嫁😻配菜有生菜，蕃茄，芝士和酸青瓜，一啖咬落去口感好豐富，還有脆卜卜嘅薯條🍟超正啊😋個餐配埋青豆湯和熱飲都係60元，真係超級抵食又好食👍🏻我哋還叫咗蒲燒鰻魚定食，鰻魚超級大塊和好厚，外層的皮燒得脆脆地，食落好有口感🐟鰻魚油脂好多好肥美又鮮嫩👍🏻配合煙韌的日本飯食🍚超級爆正😋飲品我哋叫咗熱檸水和熱朱古力，熱朱古力好濃味👍🏻午餐時間坐滿曬人😱環境都好舒適☺️好喜歡餐廳用花做主題🌴🌸感覺自己置身於一個城市綠洲到食嘢🌳🌼食物質素好高👍🏻價錢唔算貴👍🏻下次去開九龍灣做嘢都會再嚟食嘢😆…查看更多

星期六在德福廣場看完戲後，商場裡面人山人海，所以就來到附近工廈的錵の工房醫肚。一入門口就已是花團錦簇，田園風的裝修清新淡雅又不失溫暖感。餐廳面積頗大，環境寬敞舒服。除了散叫款式外，週末亦有提供午餐，價錢經濟實惠。自家製和牛芝士漢堡 $60一客漢堡set lunch 包括羅宋湯、漢堡包和薯條，包身疊得高高，相當具份量，以這個價錢來說可說是抵食。漢堡扒口感扎實，不過因為所用的牛肉似乎比較瘦，肉汁未算十分飽滿，油香不多，所以不會太滯膩。薯條是舊式的粗條波浪狀，炸得乾爽， 不會油淋淋，只是可能是一早炸好的關係，所以不太夠熱，也未算很脆身。蒲燒鰻魚定食 $70鰻魚定食包括一客味噌湯，醃製青瓜和沙律，十分豐富，飯量更是極多，一個正常食量的女生未必可以吃得完。蒲燒鰻魚肉質軟嫩肥美，沒甚麼細骨，油香四溢，而米飯就煮得略為硬了點，如果可以下多點燒汁用來撈飯會更開胃吧！明太子千層麵 $70假如你是芝士控，必定會愛上這碟鋪滿厚厚芝士的千層麵，芝味極濃郁。千層麵利用多層的麵皮堆疊，內層夾上明太子醬、肉醬及芝士，雖然明太子味不太突出，但全碟仍有著多重的口感和豐富的味道。青檸薄荷梳打 $15青檸與薄荷清香絲絲滲透，配搭清新，冰涼又解渴。榛子朱古力 $15熱朱古力沖得香滑濃稠，可可味濃郁，反而入口後榛子味就不算重。…查看更多

星期六來到九龍灣搵食，德福淘大，又有Mega Box，餐廳選擇非常多。所以今次就揀他們以外的新嘗試，來到工業區搵食。來到環球工商大廈，意想不到餐廳會藏在這裡。餐廳室內地方頗大，可能是新開業及星期六的關係，餐廳只坐了大半食客，相信平時上班日子應該人頭湧湧。餐牌上食物選擇多，而種類是日式fusion菜。蒲燒鰻魚定食 $70上枱時熱辣辣，鰻魚也夠份量，加上紫菜絲做點綴，賣相吸引。鰻魚入口香腍，配上適量的鰻魚汁，不會過咸。定食還跟有麵豉湯，沙律菜及前菜，非常豐富。自家製和牛芝士漢堡 $60漢堡都幾有份量，因為除了厚厚的牛肉，還有芝士，青瓜，菜等。入口有牛肉的juicy，芝士的香味和各種蔬菜的清新感覺。而各種食材亦令漢堡口感變得豐富。伴碟還有薯條，沙律菜和羅宋湯，都幾抵食。藍橘菠蘿梳打這次尋寶發現九龍灣的工業區果然臥虎藏龍，在這裡的上班族有福了。…查看更多