森美餐廳

今次是一個月內第2次來食呢間良心小店，選擇再Encore一定有原因😋！今日同屋企人來慶祝生日，雖然有屋企人唔食牛肉，亦有其他的選擇，今餐分別叫左1. 森美沙律2. 墨汁虎蝦帶子意粉3. 芝士蟹肉大啡菇4. 炭燒黑毛豬5. 德國脆豬手太多太多野想試，例如炸魚薯條、斧頭扒、Rib eye steak、Angus steak、羊架等等😋下次一定會再返來試👍🏻👍🏻👍🏻另外，餐廳仲有個set (drink + dessert)只是$30，可惜胃部已經無多餘的空間了！埋單無加1，又好味，又大份，環境又舒適，適合大班朋友疫情過後聚餐，或情侶用餐！雖然用餐是星期三晚，但都接近全場爆滿，建議要先訂位。…查看更多

荃灣地膽一定對開業20年嘅森美餐廳不感陌生，近來老闆嘅仔仔們係舖頭樓下，即係華都中心地下開左一間同樣叫森美餐廳嘅工業風Cafe，夠曬寬敞足夠容納50人，坐得舒服之餘又可以一瞥街景。Menu方面雖然同舊店一樣走西餐路線，菜式方面卻有80%不同，更加西化，不拘一格，有炸魚薯條、安格斯牛肉芝士漢堡等Causal Food、牛肉眼扒等大舊肉、西班牙風腿凱撒沙律等小食，想重溫舊森美的味道，亦有招牌脆燒德國咸豬手，呢個絕對係我嘅飛佛，我一定會重臨大戰佢一場！菜式大大碟，如有可供6人食用的2kg美國斧頭扒，方便一家大細Share。食材都upgrade，如牛油果蟹肉沙律用上了羽衣甘藍，又有波士頓龍蝦漢堡，正值時令，蝦膏爆燈。想係到飲杯野chill一chill又得，店子落重本設置一部價值7萬嘅咖啡機，除咖啡、花茶外，仲引入英國手工汽水，由天然香草發酵，英國古法汽水比一般可樂味道更濃更自然。 用2磅以上嘅豬手，所以夠曬厚肉唔欺場，工序都唔少，需隔日風乾、焗完再炸，外層超級香脆，肉質食然Juicy，伴自製的紫椰菜酸菜。我一定會再去Encore一下。波士頓龍蝦正值時令，非常多膏，爽口鮮甜，配自製千島醬、蕃茄、洋蔥及烘香的麵包，清新好吃。有圖有真相，真係爆！多！膏！啦，講明先呀，老細話正值時令先係咁，唔係隻隻有架。 牛油果夠熟夠軟滑，蟹肉沙律富海鮮味，堅食到一絲絲蟹肉，亮點在於用上羽衣甘藍，因菜葉比較硬身，又稱「鬼佬芥蘭」，是近年流行的「超級食物」，營養價值非常高。我本身以為自己好抗拒，但啲汁又令我覺得...啲菜都幾好食呀！  難得係荃灣可以食到咁大舊肉！需一天前預訂，足2kg，份量超多夠6人享用，連骨肉質特別鮮嫩，外層燒得香口。我知，我知，我真係影得好衰，又鬆郁蒙。我都係用手做下個比例jie。佢啲肉類主菜嘅配菜真係好鬼癲，有好多款，平時出面餐廳都只會俾啲薯仔你，呢到有烤菠蘿、蕃茄、茄子、露筍，炸薯仔，連焗蒜頭都有！由香草發酵而成，要花7天時間釀製，味道比一般可樂天然之餘，味道更濃…查看更多

記得第一次幫襯森美餐廳係大約5年前, 因為朋友邀請食晚飯, 他介紹了荃灣一間食德國咸豬手的餐廳, 試了真的很滿意!之後, 雖然間中都會幫襯森美, 但也不知道原來最近它在地面開了這麽大間裝修華麗的餐廳! 一入餐廳, 門口附近放了很多精美的擺設。裡面用的枱櫈跟裝修配合但很好, 很有風格!我們一行四人點了多道菜色, 由沙律, 到多款Starter, Pasta, 及Main Course。每一款的份量十分, 賣相亦一流, 比舊店更為出色! 我強烈推介脆燒德國咸豬手及脆炸大咖菇配黑松露汁! 呢度有環境有食物質素, 絕對適合大型朋友聚餐或搞派對!…查看更多

星期天一早醒來掛著八號風球朋友說超市有百多人在排隊我心想: 也太誇張了吧 也不會掛足一天呀果然下午就下波了 哈哈晚上決定和家人外出吃飯本來想吃二樓的森美餐廳森美一向也是我至愛打算先打個電話去確認一下有沒有開才發覺原來地面也開了一家「森美」這間森美是走CAFE路線的你看外觀就知道啦 有點像上環那一帶的CAFE六點入座都已經坐滿差不多一半客人群主要都是一家大小的也有一、兩對情侶大家感覺都是附近的居民*牛油果蟹肉沙律 $108雖然$100有點貴 但絕對是足本的!裡面有牛油果、蟹肉、青瓜、羽衣甘藍、車厘茄、芝士我媽一邊吃一邊說 羽衣甘藍是神奇的蔬菜又高纖又有葉酸 還可排毒和抗氧等她說完我都吃了一半了! 要特別提的就是蟹肉很~多~!*炸金文拔芝士 $68好奇心驅使下 我在餐廳時上網查了一下「金文拔」原來是法國芝士!!炸金文拔芝士外脆內軟芝士的味道奶味重外面熟成  內裏香滑*你看 芝士的份量!能感覺到它軟綿綿的口感不?這是香而不漏 我連吃了兩顆*吃到途中全店坐滿了!*這是主菜附的麵包熱騰騰的很好吃*還有雜菜湯也是送的裡面有很多蔬菜湯的酸甜度也掌握得剛剛好*登 登 ~這就是我們點的主菜*脆燒德國咸豬手 $178擺盤色彩繽紛而且很有心思咸豬手已經起肉而且切成一大塊的一上桌直接就可以吃了! 讚!!*油脂和肉的分佈平均肉質腍滑多汁啖啖肉很好吃*咸豬手烤得香脆  完全不硬很易咬吃的時候有清脆的「索索」聲*比較特別的配菜是烤大蒜烤完的大蒜吃起來質地像薯仔嗆辣的味道完全消失 好神奇~*16安士美國Prime牛肉眼扒 $268牛肉眼扒一上桌也是吸引! 散發出陣陣誘人的香氣*我們點了五成熟的牛肉眼扒個人覺得是恰到好處的熟度切面帶有微微的粉紅色*外圍呈灰啡色切好的肉在口中咀嚼的時候肉汁的在嘴裏奔騰是值得一試的一款主菜*門口旁邊有一堆擺設應該是店主的「寶貝」吧*總的來說 我很喜歡這間「新森美」的環境感覺很開揚 而且座位之間很寬闊其實食物的質素跟樓上的森美是一樣的但這間新森美的食物更精緻更有心思樓上的森美就是走樸實的路線看你要選那一種路線就去那一家吧反正兩家我都喜歡*最後附上餐牌作參考:…查看更多