天龍燒鵝 (新禧大樓)

最近好想食返一啲港式美食，醒起之前睇米紙推介嘅呢間由米芝蓮2星中餐廳燒味部主廚創業嘅天龍燒鵝，一於就來呢到食燒味飯做晚餐！聽講餐廳每一日都風雨不改咁樣全日keep住不停咁燒製乳豬同埋燒鵝，真係誠意十足啊～✨一人套餐叫咗招牌嘅乳豬拼肥燶腩叉！乳豬外皮入口酥脆，乳豬肉嫩滑多汁，仲帶有煙燻香味，成舊放入口感覺都唔會油膩！肥燶腩叉肥瘦均勻，除咗蜜香味之外，燶邊仲為叉燒增添咗一種焦香，令到味道嘅層次更加豐富！套餐仲有埋蠔油菜心、涼拌木耳、白飯同埋老火湯，非常豐富～✨ 叉燒油雞米粉朋友想食得健康啲，叫咗瘦叉同埋雞胸！雞胸肉質嫩滑唔會柴！雖然叫咗瘦叉，但係肉質依然保持到柔軟多汁！燒味配搭米粉又係另一番風味～✨凍奶茶…查看更多

朋友介紹嘅一間隱世燒味飯店，曾經上過「米紙灣仔燒鵝大戰」一集設有各式各樣嘅燒味飯配搭仲有一人套餐，包小食、油菜、白飯、老火湯、燒味▶️ 老火湯每人一客湯，可以加錢轉飲品老火湯有家的味道😙用料好足入面有花生、眉豆、雞腳，超級滋補▶️ 海蜇鹽焗手撕雞飯 ($68)可揀麻辣或唔辣，姐姐話麻辣好食啲，可惜個人唔食得辣估唔到佢咁多海蜇🤩同手撕雞一樣咁粗，咬落好爽彈！入面拌入青瓜絲，帶點清新🥒手撕雞又淋又唔柴乾👍🏻仲要一啲筋、骨、皮都冇，全部肉🐔好餸飯調味亦做得好好，鹽焗得來唔過鹹，落咗好少好少辣椒，帶微微辛辣🌶️令味道更滋味白飯質感綿密，米粒較幼同短身，落埋豉油更有港式風味🍚-有水準、高質嘅一間燒味飯店，賣相唔頹試咗朋友嘅蜜汁叉燒，半肥瘦，肉質同樣好淋，蜜汁醬油甜甜地🐷屬靚叉燒服務唔錯，啲姐姐好友善，面帶笑容，仲同我哋講笑 (我哋大部份人唔食雞腳，全部俾晒一個朋友，跟住啲姐姐問: 嘩！你好鍾意食雞腳㗎😂)上菜好快，落單後冇幾耐就上晒全部飯入面座位唔算多，地方狹窄，我哋七個人去食，好唔容易先坐到一齊，比較迫入面掛咗啲死咗準備攞去斬嘅燒鵝同雞，會有陣味🙈係貴價啲嘅燒味飯，平均$65/飯，但以佢嘅份量同質素來講值得(肉嘅份量比起一般燒味舖多)食完出嚟1pm左右，見到開始有人龍，所以大家想食可能要早啲12pm就去啦!…查看更多

最近係灣仔開左間新燒味店， 聽同事介紹說是米之連兩星主廚主理🤤， 而且勝價比好高而經濟😙當然要試一試佢既招牌燒鵝啦👍🏻， 試左一人餐， 但無諗過有兩至三款前菜小食、有老火湯及飲品， 好抵👍🏻（5⭐️最高）一人套餐 - 燒鵝拼乳豬（5⭐️）$100燒鵝肉肥瘦適中， 外皮香脆內裡鵝肉香😝， 而且都有4-5件， 都大大件， 加埋酸梅醬， 正呀👍🏻。超脆口既乳豬肉， 而且無骨，啖啖食又，外皮脆，肉質又juice， 最岩怕食到骨既人😅， 正呀～一人套餐-燒味雙拼(叉燒 & 油雞) （5⭐️）$78叉燒真係要一讚， 超好味🥰， 肥瘦適中之仲好入味🤤， 燒得岩岩好， 食落又滑又juice ； 油雞同樣入味， 而且食落鮮甜美味😋。 可能因為係髀位， 一食落就直滑入喉嚨😜。 滋味滿分。…查看更多