禾牛薈火煱館 (金馬倫道)

禾牛薈火煱館 (金馬倫道)，位於尖沙咀金馬倫道48號中國保險大廈1樓及2樓。 餐廳有兩層，當晚我們坐在二樓房間裏。 首先點了幾款小食📌，有老友鬼鬼、沙薑雞腳、脆炸蜆嘅鯪魚球、 酸薑糖心皮蛋、脆炸魚片頭。 然後到火鍋湯底和配料📌，椰子雞湯、 至尊本地手切肥牛、 特級手切肥牛、 西班牙橡果黑毛豬片、 響鈴、 自家製餃子、精選六寶丸、 白鱔片、美國桶蠔、 花枝片、珊瑚蚌、 炸魚皮、滑豆腐、油麥菜、 雞蛋。 幾款小食裏面，比較喜歡酸薑糖心皮蛋，味道甘香，皮爽流心， 酸酸甜甜幾開胃。 椰子雞湯味道清香， 兩款肥牛， 牛味濃厚，但性價比不算高。 另外比較喜歡美國桶蠔，肉質肥美滑嫩。 其他小食和配菜屬於正常發揮， 不算突出。 埋單大約五百幾一位， 值得一讚的是有房間提供，私隱度高😊。 🏷️溫馨提示～ 整個用餐體驗均屬個人分享意見， 只作參考😊。 …查看更多

朋友介紹呢間火鍋，就決定試下。服務員介紹左個小食 "老友鬼鬼" 俾我地食住先，呢個其實係油炸鬼加蝦滑。個油炸鬼好香好脆。食完都好想reorder。呢個真係推介。有別於一般的火鍋店，呢度有好多魚產品食。特別仲有大魚頭同魚鰾。魚不新鮮很容易會腥的。睇下個魚眼，就知新鮮。加上椰子湯底，就特別鮮甜。魚鰾同魚片，都很爽甜。另外都有叫"特級手切肥牛"油脂分佈平均，好林。還有一個都想推介的是竹笙露笋卷，吸晒湯既味道真係好正。除左一般既響鈴，豆卜，仲有鮮腐竹同蜂巢豆腐。菜既種類，又有淮山同皇帝菜。呢度真係一般出面火鍋店食唔到既野都食到。而且分量都唔少。原本以為以牛為主，點知仲有咁多野食。店的環境也很好，坐得舒服，波有壓迫感。…查看更多

聽過禾牛薈呢個名好耐，終於約到朋友一齊來試一試。我們上到二樓窗旁卡位，不得了，原來每枱都有獨位LED電視，我們可以一邊繼續追看倚天屠龍記，一邊打邊爐，這是喜出望外的。甫坐下便有一位貌似鼎爺的型格伯伯下單，雖然外貌cool cool的，卻是個冷面笑匠，非常配合餐廳的感覺。我們點了推介的御膳宮庭海中寶湯底，上枱時我們先是一呆，因為只見一鍋湯及一個豬肚，便甚麼也沒有了，我不禁吶罕，說好的海中寶呢。鼎爺伯伯的嘴角微微翹起，然後用剪刀將豬肚一剪，嘩不得了，豬肚內滿是海參、瑤柱、花膠、螺頭、魚唇、冬菇，和湯底一起滾幾滾，味道鮮得不得了，在我O了嘴之際，鼎爺伯伯說，咁易被你估到仲得了既。(高人)我們點了老友鬼鬼，非常香脆，即食又得，當佢是響鈴放在湯內浸又浸亦得。黑毛豬肉很有豬味，但我最愛的還是手切牛頸背，脂肪像微絲血管爆裂般均稱，入口不覺油膩，只覺牛味一陣陣的滲入齒脥。鵝肝蝦丸也是我一大推介，將鵝肝釀入蝦丸裡面，外面彈牙，裡面滿是濃濃的鵝肝香味，非常惹味。另外，我們也點了些白膳片和珊瑚蚌，配合海中寶湯底，簡直是一絕。…查看更多

之前因為 有親戚試過 大讚呢一間火鍋, 所以我同屋企人都追隨步伐, 黎試一試了~ 地點超易搵, 就係 金馬倫道 , 經過亦會見到大大個紅色招牌, 唔驚搵唔到XD 餐廳原來有2層呢, 我地被安排到 2樓~ 環境幾闊落 而且見到有唔少靠窗卡位, 有自己一枱既獨立電視 感覺幾梳乎~ 我地一家四口黎, 訂位時講明想坐房, 就可以免費坐入VIP房喇~ ( VIP房入面有button係比你叫侍應架, 唔使怕坐入房好難搵員工 而且每次員工入房前都有敲門, 出去後又有關門, 私隱度高 !) 入面有部靠牆電視, 可以自己轉台~ 未叫野, 先上醬料, 足足有9款! 雖然我都只係會落2種, 但望到咁colorful都幾開心XD 然後.. 想講食物款實在多得太緊要! 真係要花少少時間去睇~ 建議大家快D揀左湯底先再慢慢揀料 見到呢度有好多比較特別既湯底款呀, 好似“海中寶”,”鮑魚牛蹄”,”花甲蟹鍋”等等 不過我地反而叫左個相對普通 但又好補既 健脾養顏椰子雞湯底 $188 ~ 因為實在係好耐無食椰子雞喇 !! 湯底滾左之後可以空口飲🤤🤤 超香甜既味道+超多椰子同雞件~! 一開始個湯底係最正最無混入左其他食材味道架, 所以襯未黎野食可以飲多2碗~ 先黎一個大合照hehe~~ 好壯觀!XDD 老友鬼鬼, 海鮮拼盤, 特級手切肥牛(細), 西班牙橡果黑毛豬片, 自家製四寶丸, 鮮腐竹, 唐生菜, 蘆薈蜂蜜 老友鬼鬼 $68 用油炸鬼包住蝦滑, 係熟既小食黎~ 唔使放入鍋 (唔想咁熱氣既都可以放入鍋滾幾秒既🤣) 想講呢個食入口真係sharp sharp聲!! 🤣 油炸鬼超級香脆 !! 入面既蝦滑份量唔小呢~~ 仲真係好彈牙, 呢個口感一流呀! 推介大家試 海鮮拼盤 $288 呢個拼盤係幾抵叫既 因為單點海鮮都唔平 (海蝦1份都$168, 廣島蠔1份$118…etc.) 所以覺得叫拼盤係抵D 拼盤包左:: 海蝦4隻, 帶子4粒, 廣島蠔4隻, 蕃薯蜆4粒 蕃薯蜆 全程都好生猛😂😂 蜆肉全程keep住郁動😂😂 食入口又真係好好好鮮甜既…. 無得輸…. 十級推介大家要食呢個 平時麻麻地食蠔既我… 對呢度既 蠔係高評價既… 佢既海水味好出 但唔會太咸 雖然size唔算超大但肉質飽滿~ 海蝦 係大SIZE 肉質好彈牙 !!! 的確係唔錯既 帶子 相比起黎就無咁出色, 但都係新鮮既~ 特級手切肥牛(細) $208 想講呢度連牛肉都有超多種… 至尊本地 (再細分牛部位, 如邊爪, 封門柳, 頸脊等等), 本地, 極品, 特級, 然後仲有牛拼盤, 牛脷粒等等… 令人三心兩意😂 最後我地決定揀個相對平既 特級手切肥牛 ~~ 雖然係平D, 但見到牛肉紋理好靚~ 食入口係軟嫩既感覺~ 牛味算幾出, 整體不錯 西班牙橡果黑毛豬片 $138 豬肉唔會太多肥肉, 肥瘦比例幾平均 ! 味帶甘甜, 不錯吃 自家製四寶丸 $178 呢個係必點啊~ 一碟有齊店家自家手打既蝦丸, 黑白墨魚丸, 牛丸同鯪魚球 其實食完咁多款丸後, 發現重點都係:: 口感好彈牙! 店家手打功夫不錯 我最鐘意係蝦丸同牛丸!!! 兩款既食材味都好濃郁~ 鮮腐竹 $38, 唐生菜 $38 嘻嘻健康既我地點都要叫返D素~ 腐竹夠滑身同薄身, 生菜亦都新鮮呢 飲品方面都有幾多款下, 自家製菊花茶, 竹蔗水, 天地一號(蘋果陳醋飲品黎)都有~XD 我地就揀左潤喉清熱既 蘆薈蜂蜜 $58/酌 估唔到飲品會係有驚喜🙈 🙈 夠凍, 味道清新唔過甜, 仲有好多蘆薈粒咬下 雖然食左咁多野已經好飽, 但我地又貪心 追加左份 自家製餃子 $88 有成8隻… 然後.. 每一隻入面 都有完整既一粒蝦同一粒帶子 皮夠薄, 呢一款都會推介大家試以上再加埋 茶介醬料 $25 X 4=$100 呢一間火鍋度 價錢真係唔平… 不過 食物質素係有保證.. 一定唔會令人失望 加上幾鐘意佢既獨立電視設計, 同埋有房坐 如果想一家人/ 一大班人坐得舒舒服服 食餐正既邊爐 呢度係個唔錯既選擇呀…查看更多

老友相聚梗係要打邊邊, 今次唔食量食吓質, 所以選了呢間禾牛薈。環境火煱店分兩層, 每層面積不算十分大, 但空間十足, 每枱保持相當距離, 有十人八人大枱有房, 我地就坐4 人卡位。呢度出名枱枱有電視, 但我地都係傾計多無乜點睇到。食物呢度全部都要分開點逐樣計, highlight 部份火鍋料如下湯底- 御膳宮庭海中寶, 個湯好足料, 有海參瑤柱花膠豬肚等, 就咁飲都好好飲, 打到最尾都不太油老友鬼鬼- 成舊都好脆又唔油益手切肥牛頸脊肉- 手切鮮牛肉係正啲, 黎呢度一定要食~自家製鵝肝蝦丸- 外彈內軟口感好得意, 手打蝦肉同鵝肝味又ok 夾喎白鱔片- 打邊邊好少食鱔, 有驚喜枱枱有電視幾好食的老友鬼鬼, 成舊都好脆御膳宮庭海中寶原本好似平平無奇, 但其實內有乾坤, 師父將一大堆海味讓左入個豬肚度, 有海參瑤柱花膠等, 仲即場開肚比你睇黑毛豬肉手切肥牛頸脊肉鵝肝蝦丸鵝肝讓左入去墨丸裡面白鱔片…查看更多

尖沙咀美食又再加一間個湯底我地叫左海中寶好足料既湯底有四大隻鮑魚同牛肋骨好重膠原 女人恩物佢一上我地飲左一啖湯底飲得出佢本身一定下左苦功有老火湯感覺呢間d牛牛好好味佢係比較爽同少脂肪既邊爪肉同埋老友鬼鬼都係強推炸油炸鬼配蝦滑真心無得輸放喺湯底度等半分鐘左右浸到個油炸鬼脆得來又淋淋地🤤無咁熱氣食個幾粒都無咁驚重點係大家去一定要勁點佢個XO瑤柱醬係其他火鍋店都好少見有真係有一條條瑤柱係到…查看更多

畢了業後已出來工作數年，跟身邊的朋友也好像少見了最近終於約到一位中學時期認識的好朋友，她是要輪班工作的，多難得才約到她。尖沙咀金馬倫道有一間頗有名的火鍋店，之前在尖沙咀逛街也經常經過，卻覺得應該很貴所以沒有光顧，難得和很久沒見的朋友聚聚，多花一些金錢還是需要的，終於也試了這間餐廳。在九龍城也有分店，但我想以人流來說，尖沙咀應該會相對多人。先到了餐廳樓下，有一位接待生接待客人，然後會詢問客人有沒有訂位，然後才安排客人到樓上就座。現今有很多餐廳都開始流行用手機點單，這裡也不例外，用手機掃描單據上的QR code後，便可用手機點餐，方便得多了。值得一讚的是，裏面的環境可以令人感到自在，竟然每一張靠牆的桌子都會有一部小型的私人電視，令客人有多一種娛樂👍🏼我和朋友坐的位置也不錯，椅背軟綿綿的，空間也足夠。來吃火鍋，先點的當然是湯底，自己最想試的湯底價錢比較昂貴，點了一個價錢適中的湯底。椰子雞湯很是足料！有大量的海底椰片，裡面還有很多件雞，絕不吝嗇，味道也不會像味精湯。「老友鬼鬼」這詞語是廣東話，即是自己和朋友十分友好的意思，這道菜是油炸鬼(即是油條)，所以便滑稽地命名為「老友鬼鬼」吧。油炸鬼被分成一件件的小件，裡面有蝦滑，有蝦滑的油炸鬼我還是第一次吃，令原本單調的油炸鬼變得特別。鮑魚每隻$24，真不算昂貴，看它的外型和外殻也知道是高質素的鮑魚，大大的，帶點嚼勁，想必來到這裡不點這個也會後悔的😌手打黑白墨魚丸也是火鍋館的招牌菜之一，很少會看見有黑色的墨魚丸，黑和白混合在一起挺有創意的。兩者同樣是墨魚丸，黑色的有較重的墨魚味，白色的則有點欠缺。最初吃肥牛的時候，真的不懂如何分辨那一些是高質素或是低質素的牛肉，後來男朋友告訴我，條紋鮮明、沒有什麼脂肪的，便是高質素的肥牛。在這裏有數款的肥牛，難得和這位很久沒見的朋友一聚，當然想吃好一些，於是便點了特級肥牛，入口的感覺真的很軟稔牛肉味也十分新鮮！弄熟後仍可清晰可見它的條紋。…查看更多

鮮茄坑腩薯仔濃湯湯底番茄酸 May May 好開胃。真材實料，飲唔到有用茄汁調味。好多牛坑腩，牛魔王不能錯過。本地招牌手切肥牛 (大)牛肉好新鮮，呈血紅色，並唔係好似其他火鍋放題店咁樣，去到客人面前仲係結冰狀態，雪藏至變成瘀血色。而且油脂同肉比例剛剛好，加上切得好薄，湯滾淥十秒剛剛好食得。油香、肉味，皆出色。韭菜餃豬肉、韭菜比例剛剛好。大大粒，韭菜味非常濃郁。魚皮餃唔會淥到甩皮甩骨，包得紮實。餃皮煙韌有彈性。老友鬼鬼將蝦膠釀入油炸鬼再炸。再放入湯淥十秒，完美 !西洋菜當造竹蔗水微甜，飲得出沒有另外加糖。清熱下火。…查看更多

打邊爐喇又🤗 今次去尖沙咀好冇😆黎到食牛牛出名嘅禾牛薈火煱館叫咗個招牌禾牛薈湯底 ($198)由不同嘅牛部份：牛筋牛膀牛肚大腸炮製而成湯底充滿濃濃嘅牛味 齒頰留香之後叫咗碟花甲 ($88) 鮮味盡出特級手切肥牛 ($208) 肉味頗濃淥兩下 咬一啖 肉汁飛濺🤗而自家製餃子 ($88) 餡料豐富 值得一試👍🏻當然唔少得我推薦嘅老友鬼鬼 ($68)新鮮炸出來的油炸鬼加埋蝦滑 冇得輸呀💕_________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂…查看更多

一大班朋友約出黎食飯，當然要齊齊拾下拾下啦金馬倫道一直都多好嘢食，今次朋友係呢度訂左枱，大家黎試一試佢朋友黎開呢度，所以就佢發板一黎就上個色彩繽紛既刺身拼盤泰色生蝦，海膽，三文魚，帶子，鱆紅，甜蝦應有盡有每款刺身都夠冰凍，夠新鮮加拿大海膽超大塊有成隻飯匙咁大片，加片青瓜可以增加爽脆既口感，亦可以中和海水咸味刺身當然唔夠食，再黎多盤法國生蠔每隻平均都算飽滿，海水味適中，爽身脆肉無鐵鏽味，只需加兩滴檸檬汁就已經好好食煲底出場啦～朋友揀左“寒天翅瓜滑雞鍋”又雞又魚翅，心諗應該好重味，即刻整碗頭啖湯但盛出黎既時候，一啲都唔濃，仲有啲清飲落雞味唔算好重，反而有種滾湯既感覺打邊爐點會無牛肉呢~一碟招牌手切本地肥牛已經打動一班牛魔王😂😂😂均勻既雪花紋，鮮明既顏色，準確既刀功，為成碟牛肉增添唔小分數輕輕一焯，大概十秒左右，就已經夠熟滑嫩既肉質同香味一個人都已經可以食哂一碟用人手去做既墨魚丸未夠特別，加埋墨汁先夠原汁原味爽口彈牙之餘，仲有好重既墨魚香味有手打墨魚丸，梗係會有手打蝦滑成球蝦滑透露淡淡既粉紅色，仲有少少蝦肉黏著蝦味鮮甜，滑不溜口打邊爐成日都係咩脆鯇片、脆鯇腩呢到夠特別，淨係要魚鮫下半部既魚三角呢個部位接近腩位，油香豐富活動較少令肉質幼嫩仲有“老友鬼鬼”，原來係蝦膠釀油炸鬼釀完先炸熟再上碟，有兩種食法一種係即食脆卜卜既油炸鬼加上彈牙既蝦滑，猶如一種小食另一種食法係食之前烚一陣，令炸到已經乾身既油炸鬼再次吸收湯汁一咬落去，飽滿湯汁之餘仍有少少脆口不過要小心燙口由於過多款式，不能盡數分享美味…查看更多

翅瓜雞湯秋風起，又係時候打下邊爐啦～呢間係我其中一間最愛既火鍋店做飲食最緊要放個心落去做，呢間火鍋完全做到左～呢個湯好濃雞味，賣相又好仲記得當年老細推介呢個鍋底，話可以先飲湯，飲完加返清湯落先再打邊爐我由當年愛上至今！ 三色餃呢味三色餃又係特式創意野﹣ 鮮蝦雲吞，皮薄餡靚～誠意十足啦～﹣ 韮菜餃，呢個今次有少少失色，韮菜味有D不足，之前食好D﹣ 意式餃，咩叫意式餃呢？？我叫佢做肉醬餃，因為入面既餡就好似肉醬咁～真係肉醬意粉果D肉醬呀！係咪好特別呢！唔好以為九唔搭八呀，佢同餃子都幾夾幾啱傾架！ 老友鬼鬼呢個又係心思野！將油炸鬼加D蝦膠再返炸一下～就好似煎釀三寶咁，但變左用油炸鬼同蝦膠取代！諗下都知好味啦！ 新鮮炸出黎，即刻脆卜卜放口又得～當炸魚皮咁放湯過一過又得！ 得左！！ 手切本地肥牛出面好多地方都話自己手切肥手幾靚幾靚，但硬係會發現有D切得好核突...或者好韌咁，但呢度真係比到信心我！大多數佢都係比脊肉，肉味重，口感適中，有少少脂肪，包無筋！唯一美中不足咪係細碟左D囉...成兩舊水一陣就清晒！ 川辣牛肚呢個好似新野黎，叫左個試下唔洗放湯，麻辣味香～我自己好中意食牛肚，所以覺得呢個好正！！ 由左至右 （響鈴，生菜，廣島蠔，芋絲）﹣響鈴，一般都係新鮮炸（但我試過一次唔係），無油益味，又夠薄身同多層～正！﹣生菜，咪生菜囉。。。。﹣廣島蠔，蠔上有少少啡色，係雪得太耐先會咁，唔知係少人叫定佢入得太多貨...但唔影響食味既！ 日本蠔當然遠比美國桶蠔好味啦！ 我自己屋企都常備一包急凍廣島蠔，你地話好唔好食啦？？…查看更多