Top Blade Steak Lab (新城市廣場一期)

.#foodie #hk #hkfoodie #HTB美食推介【沙田牛牛專門店🐮｜任食黑松露炸薯條】🐨美國390日穀飼prime級平鐵牛扒 $268推薦度：⭐️⭐️⭐⭐牛味好濃郁，配碟上簡單海鹽食就夠晒味... 口感偏實唔係嫩但又唔會韌嘅，而且牛扒煎得好香👍🏻 旁碟用嘅薯蓉，設計得好有心思係隻兔仔黎，食落帶有牛油香、好綿密....️🐨任食薯條 Free推薦度：⭐️⭐️⭐️⭐薯條可以無限添食，咁就唔怕食唔飽😂💦薯條即叫即炸，帶有黑松露香氣，不過偏淡... 要自行加多啲鹽同黑椒食... .️🐨開心果奶蓋紅茶 $45推薦度：⭐️⭐️⭐奶蓋有淡淡開心果味，配埋開心果碎好有口感~ 加埋紅茶飲，就會Fresh番啲，都幾特別！.⌫餐廳有加一服務費-----☼-----☼-----☼-----☼-----☼-----Top Blade Steak Lab📍地址：沙田正街18號新城市廣場一期1樓108號舖🐨推薦度：😋😋😋😋/5💰人均價格：$150-300🪸環境：👾👾👾👾🗣️服務：👍🏻👍🏻👍🏻📸食物打卡度：💡💡🛠️分類：#HTB沙田 #HTB西餐 .#沙田美食 #沙田 #西餐 #牛扒 #薯條 #開心果 #紅茶 #美食推介…查看更多

男朋友同同事食過一次之後一直話要帶我嚟試下，不過成日喺附近嗰陣都好飽食唔落😂今日去沙田醒起有分店，lunch特登食少啲留肚😆好在醒起要book位，8:30去到門口仍然人山人海😱果然非常高人氣～坐低之後staff會問你係咪第一次食，介紹下menu 3款牛有咩分別同埋是日特別版牛、是日餐湯、是日小食。另外仲有無限refill薯條，食完可以掃QR code encore🍟🍟🍟話說我一直以為平鐵牛扒係講緊平價鐵板牛扒🤣🤣🤣原來係Flat Iron譯音，指牛三角肩對上嘅部位，仲係牛肉第二嫩滑部位，今次真係長知識了💡-🥩是日特別版招牌平鐵牛扒 $238是日特別版係3小時低溫慢煮牛，設定左5-7成熟無得自選，staff表示呢款同390日穀飼牛都係肉質比較嫩，牛味較重，如果想牛味重啲會推薦穀飼牛🐮配菜粟米都唔錯，薯條我覺得好普通無乜味試食左一條就收手，主角都係牛扒😝-🥩美國390日穀飼Prime級平鐵牛扒 $268呢款有比較之下果然係牛味重啲，兩款相比牛肉口感實淨啲，比較有咬口，男朋友同我都覺得呢款好食啲😋今次我仲成功挑戰5成熟🤣✌🏻-🍋Iced Dirty Lemon Tea $40男朋友話飲到咸咸地，我就覺得比平時酸🤨都ok嘅有啲特別，不過唔太係我杯茶🤪-總結：兩個人連加一$600，份量唔算多，小貴不過牛扒有質素，歸類間唔時食豪啲系列💸…查看更多

相信唔少人都認識「Top Blade Steak Lab」呢間專食平鐵牛扒嘅專門店餐廳，我由佢喺何文田開第一間店就已經開始幫襯。不經不覺喺幾年之間，佢仲托展至銅鑼灣同沙田，好犀利👍。我同朋友平日晚上去新城市廣場食飯，佢話未食過Top Blade，所以就帶佢嚟食吓。估唔到成八點半鐘都仲要等位😅，但好彩店員們好有活力，做嘢快手，等咗十分鐘左右就入得。另外，佢哋對菜式內容非常熟悉，態度專業，抵讚。餐牌多年來都無乜點變，而且好似仲無加價添😍。主菜選擇得五款，貴精不貴多，包括三款牛扒、豬鞍同漢堡包，價錢由$150至$268不等，另外仲包薯條任食。我認為呢度絕對稱得上係性價比高之選！美國390日穀飼Prime級平鐵牛扒($268)，店員向我哋介紹Flat Iron即係翼板肉🥩，佢係成隻牛第二嫩滑嘅部位，僅次於牛柳。呢款美國390日Prime級牛扒質素稍勝其他品種，牛味較為濃郁🐮，因此用簡單嘅調味都已經好好食。醬汁係青胡椒忌廉汁，味道唔會太搶，唔錯。牛扒建議生熟度為三成或五成，我哋要咗五成熟，廚師控制火候得宜🔥，你會見到肉身呈嫩粉紅色，肉質亦如期望中細嫩。呢款牛扒伴旁仲有薯蓉添🥔。是日特別版招牌平鐵牛扒($238)，是日款式係洋蔥四重奏🧄，幾款洋蔥併埋一齊幾乎搶咗牛扒主角嘅風頭。牛扒本身感覺同美國Prime嗰件差唔多，不過就多咗其他調味，食到尾底部有啲油，但影響不大。洋蔥有四款，包括🍷紅色一粒粒嘅紅酒沙茶洋蔥粒、牛扒面嘅炸蔥頭、墊牛扒底嘅炒焦糖洋蔥同埋生洋蔥火箭菜🌿。我認為幾款各有特色，醃製過嘅就僻走咗洋蔥浸辛辣味，甜甜的，令人印象深刻。兩款牛扒比較之下，我鍾意呢款多啲。牛扒以外，🍟薯條亦係餐廳嘅招牌菜，而且係任食All You Can Eat，咁仲唔快啲Give Me Fries‼️，哈哈。薯條即叫即炸，有別於之前係一籃籃咁拎出嚟問人要唔要，所以今次食每一條都覺得外脆內軟，好正。同時，佢仲散發住一浸松露香。我同朋友最終總共食咗五兜😆。飲品方面🍹，我哋嗌咗Dirty Lemonade檸檬特飲($45)同埋Handcrafted Virgin Mojito無酒莫he圖($48)。前者充滿自家特式，唔係普通青檸梳打🍋，可能因為落咗迷迭香糖漿Rosemary Syrup令佢變得特別，定或者依個係鹹檸味？後者就係有預期中嘅清新味道，都OK吖🌱。總括嚟講，呢間扒房多年來都咁好味😋，平鐵牛扒保持高水準，而且價錢貼地，未食過嘅真係要嚟試吓。餐廳除咗食物方面，環境、衛生同服務等均令人滿意，推介🌟！…查看更多

遲遲未跟好兄弟慶祝生日，有點愧疚。知道他喜愛吃牛扒，便帶他到這間少數主打Flat Iron的扒房。Flat Iron這個部位絕對罕有，一隻牛大約只有約5公斤。除去筋位後，會變得嫩滑無比，再經21天濕式熟成(Wet-Aged)處理，肉質維持柔嫩之餘，更多了份牛味。美國390日穀飼PRIME級平鐵牛扒 - $268穀飼牛本身油花較多，PRIME級更是美國牛扒中的頂級，油花分佈均勻得如大理石，牛味好濃郁。雖然店員推薦三成熟才能品嚐出最佳口感，但個人還是怕生，選擇了五成熟。牛扒表面煎得有點焦香，切開中間非常粉嫩，入口柔軟無比。薯蓉好綿密，帶點牛油香，還有粒會爆汁的車厘茄。香草平鐵牛扒 - $150每份足八安士切成五片，五成熟肉身也好粉嫩，充滿牛脂香，簡單的海鹽和香草調味已經好突顯本來的味道。想濃郁一點的話，可以試夾著旁邊的烤焗蒜頭花，裡面的蒜頭金黄軟糯，又軟又甜。任食薯條法式薯條主打幼身，即叫即炸，特別酥脆爽口，連皮即炸薯仔味更出。薯條本身已經有白松露鹽調味，有濃郁香醇的松露香，基本上不必再以茄汁調味。Dirty Lemonade - $45Grilled fresh lemon, rosemary syrup, sparkling以焦糖烤香的檸檬特別酸酸甜甜，再加上rosemary syrup有點獨有的迷迭香，氣泡水基底好爽口。Handcrafted Virgin Mojito - $48無酒精的Mojito有點薄荷和檸檬味。題外話，正確讀音為「莫-HE-圖」。…查看更多

呢間餐廳知道左好耐，不過一直都未有機會去試，咁岩喺沙田搵食咩，朋友喺商場飲指南見到就即刻選定😋😋餐廳只賣平鐵牛扒，即係牛肩部位，相對少運動到既地方，所以肉質都比較嫩，不過間中會食到少少筋位，不過都好幼，唔難切走👌🏼🎈是日特別版招牌平鐵牛扒 $238是日精選呢樣野就真係要睇緣份，而我今次好有緣份同3小時慢煮平鐵牛扒相遇🥰點菜既時候職員有好貼心提醒我地個扒係大約5-7成熟👍🏻雖然係5-7成熟，不過因為低溫慢煮既關係，所以塊扒特別嫩滑，淡淡粉紅色又唔會有血水👍🏻👍🏻另外伴碟既牛油烤粟米、露筍同粟米蓉都好好味😋😋絕對係一次美好的相遇🥰🥰🎈美國390日穀飼Prime級平鐵牛扒 $268餐廳最貴既扒都係$268，當然要叫黎試試😋😋叫左3成熟，生熟程度處理得岩岩好，兩邊亦都煎烤得好香，簡單配碟上既海鹽已經好好味👍🏻👍🏻🎈 無限添加薯條 $0係我最鍾意既幼薯條，新鮮熱辣炸起，真係食唔停口。仲提供埋QR code自己想點幾多都得🤣🎈Dirty檸檬特飲 $45🎈無酒Mojito $48兩款飲品都好fresh，好岩配熱辣辣既薯條😝…查看更多

今晚即興想去鋸扒，但又吾想食得太貴，誤打誤撞之下，竟然去左間水準高得來，仲要價格吾貴嘅牛扒專門店<Top Blade Steak Lab>，呢道仲要有無限量嘅炸薯條供應，真喺啱曬我哋呢啲為食鬼啊！！～餐廳就在新城市廣場，坐扶手電梯落到地下1樓，再轉左就會見到。門口招牌有隻牛頭，一眼就可以認到。平日晚上8點左右，餐廳都幾多客人，不過好好彩，吾洗等好耐已經可以安排入座。餐廳環境都算坐得舒服，而且有酒精消毒液同口罩紙袋供應，夠曬衛生。餐牌就係一張過，供應牛扒類、豬按扒，同埋Burger，絕對係貴精不貴多。另外亦有沙律、湯、小食同甜品供應，當然仲有重點之一，任食薯條啦！！餐廳服務員會先介紹一下餐牌上面嘅食物，都幾細心。另外，餐廳可以用QR code落單，都幾方便。先來每人一客任食薯條，全部新鮮即炸，入口夠曬香脆，而且枱上有黑椒同茄汁供應，加上調味更加好食。<Iced Dirty Lemonade $45>自家調製嘅Dirty Lemonade檸檬特飲，帶點兒柑桔蜂蜜同埋有少少檸檬味，入口微甜。<Mojito $48>無酒精雞尾酒用上新鮮青檸及香葉，帶有微微的薄荷香味，非常清新。<美國390日榖飼Prime級平鐵牛扒 $268>主角美國390日穀飼Prime級平鐵牛扒出場，是厚厚的兩塊牛扒，餐廳建議用上三成熟來煎烤，熟度同味道都調配得剛剛好，外面有微微焦香，裏面嘅肉汁能夠完全鎖住，牛肉味夠濃，由於牛扒嘅油脂分佈得非常平均，所以咬落去非常嫩滑，而且好腍，非常juicy，簡簡單單咁配上碟上面嘅鹽嚟一齊食，已經非常好味。另外值得一讚嘅係，碟上面配上嘅薯蓉非常幼滑，仲有淡淡牛油香味，非常好食啊！！<西班牙栗飼豬鞍扒 $160>除了牛扒，我們都叫了一個豬鞍扒嚟share。豬鞍扒嘅份量好多，而且好大塊，雖然佢好厚肉，但係一啲都唔韌。豬按扒嘅肉質感覺非常實在，但係佢入面都充滿了油脂感，咬落去充滿肉汁，而且仲一啲都吾會覺得乾同鞋，水準非常之高。整體來講，餐廳供應嘅牛扒同豬鞍扒質素都好高，價格亦非常合理，而且仲有任叫任食薯條供應，值得推薦吖！！～…查看更多

今天因為工作需要要到沙田工作，而且工作到有點晚了，所以就找在沙田上班的朋友一起吃個飯，就選近地鐵站的商場來解決了，走了一圈看到這間有任食薯條的，就趕緊進來吃了！是日特別被招牌平鐵牛扒（每日限定）（２３８元）這個很特別的，店員介紹說一共有４款不同的洋蔥，但吃起來感覺是有５款，分別是炸洋蔥圈，醃洋蔥，煮洋蔥，炸洋蔥和洋蔥，配合上牛扒能吃出不同的口味，吃起來不會太單調，挺有特色的。而牛扒方面，叫了五成熟，來點有一點點過熟，但吃起來還是挺不錯的，牛味會比較濃烈，有點嚼勁的。美國３９０日穀飼ＰＲＩＭＥ級平鐵牛扒（２６８元）這個比上一個會高級一點，牛扒吃起來會更加嫩滑和多汁，帶點油香，但牛味會比較少，所以以看你的個人口味！配料給了岩鹽和有點酸的醬汁，兩款配合起牛扒都挺不錯，特別是酸的那個，非常解膩。而跟配的薯蓉也非常綿滑，挺不錯！任食薯條（０元）今天的我們不知道是幸運好還是倒楣，幼薯條竟然賣光了，但我們拿到最後一份，之後轉為了波浪薯條，但調味都一樣是加了白松露鹽，所以吃起來會有點香味，有點像芝士的感覺，不過兩款口感有點不一樣，幼薯條吃起來會比較香脆，波浪薯條會軟一點，各有各好！dirty 檸檬特飲（４５元）這杯挺意外的，味道挺特別，檸檬醬加其他，再加了梳打水，吃起來酸甜中帶一點點的苦澀味，應該是檸檬皮的效果，味道會比較濃烈的！無酒mojito（４８元）這杯就非常清爽了，有薄荷，青檸，梳打水的配合，而且是無酒精，不怕喝醉！…查看更多

去新城市就食野其實都係睇完張商場優惠券先見到有top blade steak lab呢間餐廳原來新城市廣場唔只得一間黃店呢間top blade steak其實一早就係我個list入面再加上肉dee介紹得幾吸引只專注做一種部位既肉果個部份就叫做flat iron應該都唔會差得去邊掛之前去英國都食過一間叫做flat iron既連續店果間算係又平又好食都幾出名雖然我就聽完都唔知flat iron其實係邊個部位不過對呢間野專賣flat iron就真係有期待既top balde Steak一共有三間何文田總店銅鑼灣同沙田分店呢間就位於新城市廣場地下係近巴士站果一邊洗手間格離都有少量座位可以book檯其餘都係for walk in既十一點半果時黎到入面就大把位之後行完博物館再番黎已經一點鐘都full左八九成但都仲可以唔洗等入得到可能價錢要差唔多兩舊水起跳對比新城市其他舖頭明顯係少人d既呢間黃店同之前食果間mimila一樣都算唔大間座位都幾迫要同格離share一張四人檯中間隔左塊膠板如果有book檯既好似可以坐得寬落D有提供口罩紙袋餐牌主菜其實得五款其中三款係flat iron一款豬鞍同埋一款burger侍應會問有無黎過然後介紹餐牌感覺係比普通餐廳專業少少既都有講頭兩款係用同一種牛所以就揀左最貴prime果款另外睇過肉dee段片都想試下美國熊本赤牛但侍應話得節日先會有供應另外女朋友唔食牛所以揀左豬其他睇落都唔吸引就無叫到另外紹完餐牌會即刻幫你落人數份量既薯條呢度既薯條係任食既食完可以再落單用個qr code落就得一開始黎既係兩份薯條呢份淋淋地後尾再叫左一份果份就比較脆同熱先黎既係豬鞍好大份仲要兩大舊睇落好吸引但食落就好麻麻無乜調味不特止仲好大舊膏好膩呢pet野真係食一舊都嫌多另外係美國農業部出口prime級別既flat iron今次叫左佢地推薦既medium rare餐牌話係牛隻第二嫩既flat iron同想像中既畫面有d出入因為之前係英國食既係鋸好晒一塊塊呢件就比較厚身但都係比較韌一樣無乜味稱唔上好食呢間黃店都on list左一段時間真係有期待架講真係失望既因為豬同牛都唔好食唔知如果去番何文田會唔會唔同d埋單連加一471減番上次果張優惠卷就371平均唔洗兩舊水一位以鋸扒黎講係唔貴既不過就無得到任何滿足味道普普通通而家新城市廣場對我黎講好似變左劣食天堂咁唔係好敢再黎食野唯一係服務以商場店黎講算唔錯不過都有個別侍應係例外既…查看更多

早兩年係英國食過Flat Iron 就念念不忘，而香港主打Flat Iron既Top Blade Steak Lab係近年開業，最近有機會食喇！佢官網有得訂位，非常方便，訂好位唔洗等就入得～店員知我地第一次黎，都有詳細介紹每一款牛扒、小食、飲品，務求令我地揀到心水既食物。店內空間好寬敞，係疫情下唔洗坐陌生人隔籬，亦都有提供消毒酒精同口罩袋，令我地可以食得安心又衛生我地各自點左一份牛扒及飲品後，店員好快已經為我地送上薯條聞起黎香噴噴仲有豐富松露味，非常吸引！口感好香脆，熱辣辣食就最好不過！另外仲可以按自己喜好加茄汁同胡椒，當晚我地refill左兩次薯條，因為實在太好味了！飲品方面我地傾向推薦Dirty檸檬特飲($45)，感覺幾清新，又唔會太甜～食薯條食到咁上下，我地點既香草平鐵牛扒($150)同美國390日穀飼Prime級平鐵牛扒($268)已經送上。只需要加$50, 就可以為香草平鐵牛扒增量50%，感覺好抵！但由於我地兩個女仔都唔大食，又想食多Ｄ薯條，今次都係點返正常份量。店員推介Medium 熟成度，牛扒果然係好嫩滑！點少少海鹽同蒜粒混合食，就將味道提升到另一個層次～比起香草平鐵牛扒，美國390日穀飼Prime級平鐵牛扒就更加軟腍同多汁。店員推介要食Medium rare，本身仲擔心會太生同腥，到食落口就發現肉既質感係幾嫩滑肉汁亦都幾豐富～完全冇我地所擔心既煩惱。要論抵食，香草平鐵牛扒($150)一定係不二之選，增量50% (+$50)同refill 薯條，就更加滿足～！唔能夠外遊都可以食到令我地好滿意既Flat Iron，絕對心滿意足！…查看更多

講起鋸扒，有間係銅鑼灣好受歡迎嘅flat iron steak一直都好想去試試佢，趁住新年同屋企人去咗沙田行街，咁啱發現原來呢間野係新城市廣場有分店😳 於是就入去try try，睇吓佢係咪真係咁好食🙈嗌扒嘅時候諗住加多份pasta食，點知新年期間就轉咗食蟹餅，加多$10，蟹餅上到黎只得一塊，有啲啲失望😥 不過好彩嘅係佢都尚算幾高身幾厚，食落口雖然有絲絲蟹肉，但整體都比較乾同鞋身，我自己對佢就麻麻地，覺得性價比有啲低，唔係幾推薦🙈由於第一次食，會想試吓佢啲特別野，見到佢呢一個寫住每日限定，於是就嗌咗，但因為店員講得太快，無聽清楚佢係咩部位🙈 份牛嗌咗medium，一上到黎個plating都唔錯，但食落口就真係有啲失望🥴，一黎舊牛好似overcook咗，肉質太韌了，要咬好耐下，二黎個配菜好怪，牛下面墊住一pat好似係日式牛肉飯嘅洋蔥，同個牛完全唔夾，而個炸洋蔥圈都腍腍地，最好食可以話係佢個沙律，overall成個菜式真係好麻麻😢另一份牛我地都同樣嗌咗medium，而佢嘅賣相就靚仔少少，明顯見到裏面係粉紅色嘅，但食落口成舊牛嘅外圍都係overcook咗，幾韌下，而內部嘅肉質就唔錯，都幾腍，而且有肉汁，但好可惜係一啲牛味都無😢 有幾下以為自己食緊呀媽平時煲完湯好腍嘅豬𦟌肉🤧 而佢個薯蓉就還好，都算幾creamy，但牛油味就欠奉，整體好過上一份牛，但都係覺得有失預期😟佢嗌每份扒都免費配咗薯條，而且係無限refill，只能說，成餐最好食應該就係佢個薯條😅，薯條上到黎熱辣辣，食落有鹽味之餘，仲有啲松露香，我估應該係落咗松露鹽，食完一條會想繼續食下一條，但都幾熱氣下，食完即生飛滋最後，我地仲嗌咗杯lemonade，其實飲落就好似係soda water再加咗啲咸柑桔咁，都係好一般，唔覺得特別好飲，一杯嘢飲以$45呢個價錢黎講，絕對可以有更加好嘅選擇🥲總括而言，️呢間扒房都幾令人失望，一心以為Openrice有好多正評應該唔會伏得去邊，點知真係好食有限😢 而且性價比奇低，兩份扒，一個蟹餅，一杯野飲，加埋賣單要差不多$700，呢個價錢食牛扒真心可以有更好嘅選擇🥺 唯一可取嘅係佢環境唔錯，店員服務都好好，但野食質素真係有好大進步空間😥…查看更多

星期六和幾個親友出街，在新城市廣場找地方吃飯，閒逛中找到這間，時間尚早，還沒到十一點半，餐廳裡只有一桌客人。四人限聚令之下，我們四人被安排坐在餐廳角落的梳化卡位，環境舒適闊落。有店員向我們介紹各款主菜特色，這裏的炸薯條是任叫任食，還沒有點菜就讓我們先上一客炸薯條。炸薯條雖然是免費任食，卻一點也不求其，炸得乾身、色澤剛好、外脆內軟、溫度適中，最令我欣賞的是有淡淡的松露味。是日特別版招牌平鐵牛扒是以洋蔥為主題， 四種不同作法的洋蔥伴碟，每一款都很美味，配搭牛扒一絕。五成熟的牛扒弄得剛剛好，切開顏色鮮豔，也不會血水汪汪，質感嫩滑有牛肉鮮味。穀飼 prime 級平鐵牛扒的肉質真的比較優，當然價錢會貴一點點。五成熟的牛扒同樣做得剛剛好，外面香、內面軟滑，肉汁豐富、味道鮮美。對於不喜歡牛扒的人如我，餐牌上也有一款非牛選擇：西班牙栗飼豬鞍扒。豬扒肉質嫩滑、肉汁豐富、味道香濃，伴碟的醃菜也非常美味。主菜之外，我們點了一客蟹餅，雖然體積比較細小，但十分美味，蟹肉的含量非常高，上桌時仍是熱騰騰的，不用點醬汁也很好味。這間店沒有套餐選擇，飲品需要額外在餐牌上點，飲品是一般，價錢略貴。但最大的優點是食品質素高、味道好、擺盤精緻，環境寬敞舒適而優雅，店員服務態度好，值得推薦！…查看更多