…查看更多
📌貓妹就最多貨㗎啦，揀咗西環呢間《Chill & Grill》，仲唔夠chill？
📌裝潢嘅風格古典得來又好有幾有型㗎喎，有優雅嘅沙發位。🛋📌有多張多人嘅方形枱，霎眼睇，成間餐廳應該可以容納到100人以上，真係好大，好寬敞感覺好舒服。😌📌大路的西餐沙律、前菜、小食有。
📌主食的烤焗肉類、魚類、海鮮類都有。📌飯食的意粉、拉麵、意大利飯實有。📌竟然仲有鞦韆打卡位，岩小朋友玩之餘，當然唔少得班港女去影相啦。
黑松露薯條，$58📌豬妹戒食咗澱粉質咁耐，今日當然要大吃大喝。薯條當然係佢嘅至愛。
薯條係粗身長條既，一兜有好多條，炸得好脆口，薯仔肉唔多，最正就係跟上嘅黑松露醬，陣陣黑松露味係口腔到縈繞不散，就係黑松露嘅吸引之處。
牛油果鮮蝦配乳酪水耕菜沙律，$128📌熊妹係牛油果控，牛油果做沙律又清宜又健康。
原隻牛油果切片完再放喺中間，真係好吸精，仲有牛油果入邊係有禾稈冚珍珠，就係有一堆乳酪撈鮮蝦仔係入面，牛油果熟到超好，淋淋地有帶點淡淡嘅牛油果香味，超正的沙律組合，側邊仲有好多水耕菜做拌菜，感覺超級清腸胃。
美國封門柳，$278📌貓妹好鍾意食牛扒，豬妹同熊妹都估到佢想食呢個封門柳啦！
喜歡五成熟，中間紅紅地，淋淋地，無血水，煎到外皮脆脆地，仲有跟上的牛肉燒烤汁，不過唔點汁先更食到牛肉的鮮味。
黑椒燒茄子，$88📌豬妹點名話想試吓呢個燒茄子，熊妹開頭以為係普通燒烤茄子，真係好驚喜。
首先有一大堆新鮮沙律菜拌碟， 估唔到其貌不揚嘅茄子味道係超級棒，首先茄子嘅有啲係燒烤形式，有陣陣嘅燒烤味道，茄子肉燒得非常熟透，而醬汁非常濃郁，超級濃烈嘅黑椒汁味，同本身冇咩味道嘅茄子一齊食就非常之夾，因為係黑椒汁，所以變成味道辣辣地，好惹味，又可以食返啲沙律菜再中和返味道，呢款菜式絕對值得推介。📌無論裝潢，食物，環境，都非常有味道嘅一間餐廳。地方大，講嘢都冇咁避忌；坐得舒服，燈光通明，仲要富有古色古香特色嘅佈置風格；食材又新鮮，菜式種類又唔少仲夠特別，絕對係同三五知己嚟食西餐嘅好地方。
…查看更多
