風車

前排行經大圍積存街，發現呢度有間睇落環境同野食都幾唔錯的西餐廳，價錢亦合理，於是搵左日同朋友黎試下晚餐選擇唔少，不過鑒於二人套餐望落實在係太吸引，而且對選擇困難症人士絕對友好，於是直接揀左二人套餐($398)🥗前菜-意式田園沙律配煙熏鴨胸鴨胸有5大件，而且油醋醬令沙律食落酸酸地，夠曬開胃🍵餐湯(南瓜湯+龍蝦湯)餐湯每日都唔同，今日餐廳係南瓜湯，不過因為見佢menu上面個龍蝦湯睇落幾吸引下，於是+$25轉左其中一碗做龍蝦湯南瓜湯飲得出有南瓜蓉，南瓜味道好香好濃，而且因為加左南瓜蓉的關係，飲落好綿👍🏻不過我最中意的都係個龍蝦湯，一上枱已經聞到好香龍蝦味，飲落更加係完全feel到佢個真材實料，龍蝦味勁足🤤🤤🥘紐西蘭肉眼扒配焦糖菠蘿肉眼扒好大塊，兩個女仔一人一半已經半飽，而且醃得足夠入味，唔需要加其他調味料都已經好好食🤤焦糖菠蘿因為燒過的關係，甜度很足夠伴碟配菜都食得出誠意十足，薯菜上枱的時候明顯係岩岩新鮮炸起，熱辣辣的很脆~肉眼扒我地要左八成熟，不過專業食肉獸朋友表示有少少overcook，應該變左9成熟，但我就食唔出啦😹只係覺得好好食🥘波士頓龍蝦配意大利粉聽聞呢度嘅龍蝦意粉係招牌菜，本身已經好期待下，然後一上枱更加係非常吸睛，大大隻龍蝦放左係最頂，龍蝦肉分量都唔少意粉係龍蝦汁意粉，本身呢個配搭就已經比較少見，龍蝦汁味道十分香濃，而且龍蝦汁偏稠令d龍蝦汁可以沾上每條意粉，配料仲有切粒的杏鮑菇同蘑菇~意粉係偏有咬口的軟硬度，岩曬我口味，呢個意粉絕對係滿分💯☕熱水果茶之前飲過唔少水果茶，但冇一間夠呢間的水果茶好飲🤤水果茶係用青蘋果做果茶底，酸酸甜甜味道好香好濃，完全唔會有太淡冇味的問題👍🏻同埋值得一讚的係，除左前菜係冷盤之外，佢所有熱菜上枱時候都係熱辣辣出緊煙的，證明佢真係即order即做，絕對係加分位！誠意十足！👍🏻另外一提的是，餐廳環境很漂亮，中央有盞水晶吊燈，墻上的裝飾偏向西式風格，而且晚餐時段燈光會偏暗，朋友說很有情調~…查看更多

大圍真是一個好地方❣️每到晚上都有很多餐廳在營業,還有很多不同種類食肆選擇很不錯😆原本和朋友一起找個吃東西談心的地方,見到網上評論不錯就試試🤭環境有情調很舒適💫選擇了二人套餐價錢不貴很抵食👍意式田園沙律配煙燻鴨胸🌟鴨胸肉質嫩滑加入黑醋酸酸甜甜很開胃！龍蝦湯🌟味道很濃郁鮮甜加入滿滿龍蝦肉口感豐富很好味😋紐西蘭肉眼扒配焦糖菠蘿🌟牛扒七成熟很岩好,牛味濃郁肉質鮮嫩多汁加菠蘿一起吃可減少油膩感,很有驚喜的味道推介👍波士頓龍蝦意大利粉🌟龍蝦新鮮大隻肉質爽口彈牙加上濃郁芝士真是絕配很邪惡😍,意粉軟硬適中食落較為乾身。是日甜品椰汁蛋糕🌟椰子味香濃甜度適中令我一口接一口好味道😋水果茶🌟…查看更多

朋友住在大埔 跟她食飯只好找個中間點 所以就找了一間在大圍 開飯頗多好評的西餐廳點了個二人套餐 $369 包頭盤 湯 主菜 甜品 飲品 感覺划算意式田園沙律配煙燻鴨胸🥬沙律菜新鮮爽口 毫無澀味 配上酸酸的醬汁頗開胃 🍖鴨胸不會過鹹 味道剛好栗米湯 龍蝦湯 +$15🦞有龍蝦肉在湯中 很足料 若然湯更稠 會更喜歡紐西蘭肉眼扒配焦糖菠蘿🥩肉眼扒切開是粉嫩的紅色 生熟調較得剛好 入口不韌 🍍菠蘿面有一片薄薄的焦糖 酸酸甜甜的菠蘿 解肉的膩 🥔伴碟的薯角外脆內軟 🥦更有西蘭花椰菜花 感覺很健康波士頓龍蝦配意大利粉🦞龍蝦佈滿芝士 質地結實 🍝意大利粉炒得乾身 很香 調味剛好不會過鹹 🍄菇 蘆筍 令口感更豐富是日甜品是芒果芝士蛋糕 細細件 正常質素 適合吃飽又想過口癮的朋友飲品有水果茶 吃飽很解膩餐廳環境暗暗的有氣氛 很適合情侶朋友 店員的服務態度也很好 性價比中上…查看更多

慶祝生日飯，由於地點都要在沙田區或附近，沙田新城市人又多，食店都差不多試晒冇乜嘢特別，而大圍比較少去揾食，所以就選了大圍《風車》。我們一行二人，分別叫了兩個自選晚餐：頭盤有西班牙式脆香釀薯棒（味道ok,夠脆口）、意式辣肉腸炒大蝦（小小辣，蝦都夠爽口，味道ok);套餐包一個西式餐湯（味道OK）；主菜分別叫：紐西蘭肉眼扒配焦糖菠蘿 - 肉眼扒夠諗、味道較淡，菠蘿好夠甜👍🏻）；波士頓龍蝦意大粉 - 龍蝦只有半隻，意粉味道都OK，口感適中不會太諗）；甜品方面套餐包一件Tiramisu 蛋糕仔（味道一般）。整體而言：合理價錢，環境適合傾計（由於係晚飯時間而這餐廳係一間酒吧，所以傾計都比較方便又唔會太嘈）…查看更多

收工約左老友食個飯，大圍站一出直行到油站轉右，街口已經望到風車塊招牌，相當易搵。唔洗等位，一坐低就送上頭盤番茄脆包，我用叉吉落去就斷開，真係好脆，食落似酥，番茄新鮮好醒胃。白酒煮蜆好足料，蜆肉都算飽滿唔會太細粒，無沙唔腥，個汁係白酒加cream，酒香同cream濃度剛好，蒜茸包烘得香脆，唔係翻叮整到林晒，同個汁好夾，食晒d料我仲忍唔住飲左幾淡汁。辣肉腸好香但唔會太辣，蝦有四隻幾爽口，配埋薯片炒埋一碟，都幾飽肚。乳豬皮脆肉嫩，一啖咬落去就有兩種口感，豬肉本身無乜調味，可以點乳豬醬或者彩椒汁，乳豬醬同平時中式乳豬無異，而彩椒汁我係第一次試，一放入口隻味好熟，有d似熱浪，岩我！紐西蘭肉眼扒好大塊，叫左五成熟，表面有焦香，切開望落合格，食落無乜筋淡淡肉，落少少鹽同黑椒已經唔錯。焦糖菠蘿好甜，可以當佢甜品咁食。…查看更多

今晚約左朋友食飯，但都好一段時間冇食西餐，於是就決定入黎開餐，睇左下MENU有咩食先咁就同朋友決定叫 白酒煮蜆配蒜茸飽($89)，意式辣肉腸炒大蝦($79)，西班牙脆皮乳豬配彩椒汁($199)同紐西蘭肉眼扒配焦糖菠蘿($179)喺等食既期間，職員先拎左碟前菜碎蕃茄麵包脆條畀我食地，食落酸酸甜甜，的確係先開左個胃，等接住落黎既食物白酒煮蜆配蒜茸飽，佢D蜆處理得好，食落冇沙，而個汁係白酒加埋忌廉，味道夠濃厚但唔會太膩，而蒜蓉飽夠脆身，點埋個汁黎食好好食意式辣肉腸炒大蝦，D辣肉腸辣得黎又幾惹味，但唔會太辣，係食落少少油左少少。而D蝦食落都幾彈牙，另外佢仲有D沙律菜同薯仔喺到，咁就唔會食落太濃烈，有D菜清一清D味西班牙脆皮乳豬配彩椒汁，乳豬皮夠晒脆，正呢樣真係好緊要，因為如果個皮係淋晒，食落除左口感差之外，亦都拖累到個味道。而佢個肉質煮得夠淋夠入味，點埋佢個彩椒汁黎食，簡直一流紐西蘭肉眼扒配焦糖菠蘿，我地點左5成熟，佢塊焦糖燒得有少少焦香得黎又夠脆，加上塊菠蘿夠JUICY，食落甜甜地幾特別。而塊肉眼扒夠大塊，即使2個人SHARE黎食都好夠食佢食落冇乜筋，5成熟啱啱好，唔會太硬太鞋，味道唔錯佢2碟MAIN D 脆薯同伴碟菜都好多下，所以絕對唔駛擔心食完唔夠飽，如果同女仔食反而驚會唔會飽得濟另外佢枱面有調味料：喜馬拉雅山岩鹽同黑椒，喺食肉眼扒時落左少少調下味都唔錯埋單加一$601，味道質素唔錯，但價錢方面如果可以平多DD就好喇題話外: 食完白酒煮蜆配蒜茸飽後，D蜆殼放左隻碟到，職員見到都好快好主動咁換過隻新碟，值得一讚…查看更多

為慶祝朋友升職，朋友推介大圍 風車，所以訂左枱好好甘慶祝下。我地都掛住傾計，都唔知食咩好，店員好貼心，推薦2人餐，岩曬我地尼d無所謂。 而且個2人晚餐，齊曬西餐既菜式，價錢又好合理，講下有咩食先：頭盤-「意式田園沙律配煙燻鴨胸」估唔到有好多片煙燻鴨胸，2個人食岩岩好，唔洗爭。沙律菜好多，而且酸度剛好，好開胃。湯-「紅湯」唔好以為係普通紅湯，飲落係有蕃茄蓉。「龍蝦湯」本身怕龍蝦湯會有腥腥地既味，但係飲完無覺得腥，而且發現個湯有龍蝦肉。如果愛濃湯既，建議飲龍蝦湯，因為味道偏濃。主菜-「紐西蘭肉眼扒配焦糖菠蘿」塊菠蘿好大塊，本身唔太鐘意食菠蘿，怕太酸，結果朋友話好好食好甜，粗粗地試左，真係好甜，而且菠蘿表面加埋焦糖燒過，所以食落表面係脆脆既。肉眼扒我地叫左7成熟，熟度剛好，而且大小剛好，配埋個燒汁，成件事好完滿。「波士頓龍蝦意大利粉」嘩嘩！係原隻開邊龍蝦，仲要用芝士焗嫁，好邪惡啊，但好好味，肉質彈牙。意粉係炒意，食落唔覺膩，配埋芝士龍蝦岩岩好。甜品-「朱古力蛋糕」份量剛剛好，本身怕好甜好膩，甜度岩岩好，而且中間有慕斯，中和番，整體唔錯。…查看更多

常常在大圍覓食的我今次和女朋友二人來這家風車試試西餐 風車這名字給人很 Chill 的感覺 加上大圍近美林一帶其實算是鮮為外人知道的區域﹐人流自然不多加上我比較早到 7時正就來到餐廳﹐位置都很寬敞店內裝潢氣氛很好﹐給人很舒服的感覺桌面出較簡單﹐就兩樽調味料 - 原粒黑椒+喜馬拉雅山岩鹽 還有就是餐牌﹐餐牌封面設計增添了時代感﹐不錯不錯而我就點了個 $338 的二人餐﹐另加$15 要了龍蝦湯先來前菜 - 蕃茄多士跟一般有點不一樣﹐這裡的是用法包外皮盛著蕃茄粒法包皮烘得很乾很脆入口仍然沒有被上面醬料和橄欖油沾濕軟化而蕃茄醬部份不會太濃味﹐能和法包味道互相揮映味道也很持久 ﹐ 確是有點驚艷到了再來是兩個凱撒沙律必須要讚揚的是份量很足！外面的都是一口能吃完的 "迷你" 沙律風車的沙律有1-2個飯碗的菜份量生菜很新鮮﹐加上芝士和脆煙肉　 芝士味很香濃 　但不會覺得膩﹐因為生菜很 Juicy﹐避免了芝士膩膩的感覺西班牙菜豈能沒有扁豆湯因個人沒有很偏好扁豆湯一開始入口沒有很濃味但原來是會上癮的豆味在口腔一層疊一層一口一口喝會越來越好味平常不太會欣賞的我也覺得很好喝另外就是要另外 $15 的龍蝦湯這個跟扁豆湯上菜時間是相隔數分鐘我覺得這是刻意安排的因為這個的調味相對扁豆湯咸味一點先上這個就會影響到品嚐扁豆湯的感覺這個龍蝦味很重﹐很濃郁感覺很足料的感覺　龍蝦愛好者必試主菜來了—紐西蘭肉眼排配焦糖菠蘿肉眼排我點了五成熟肉眼排選材肥瘦適中肉汁很多很Juicy調味也很好﹐能做到襯托又不搶味的效果焦糖菠蘿具"中和"作用菠蘿本來就很香﹐一切開就嗅到香香的菠蘿味加上焦糖更好吃﹐厚度適中 另外也要特意一提薯角很好吃﹐是新鮮製作的﹐會辣到嘴的那種 還有伴碟的西蘭花和椰菜花是用蒜炒過﹐也是溫熱的是我對餐廳的一大加分位﹐很太認真了再來是波士頓龍蝦意大利麵擺碟很好﹐一個平底鍋樣子的器具﹐很吸睛龍蝦開一半加上芝士熔至半溶而龍蝦肉很厚﹐屬 "啖啖肉" 那種肉質有彈性﹐也多汁 半溶芝士對芝士迷也沒話說整個龍蝦就是很好吃﹐屬較濃味因為意粉部份沒有濃味醬汁﹐味相對較淡龍蝦和意粉味道一濃一淡﹐我很喜歡這味道搭配而意粉很不是真的很淡﹐因為龍蝦汁流到下面的意粉去令吃到一半時會吃到龍蝦味﹐是另一味道的龍蝦﹐超欣賞 這道第二主菜的味道算是讓味蕾稍微休息一下﹐為了接下來甜品鋪排。朱古力慕絲蛋糕 x2雖然賣相沒有很浮誇很優美﹐但吃下去就知道朱古力沒有偷工減料﹐不是自助餐那些普通又單調朱古力又是真的吃到點層次﹐甜苦可可味都能很到點很是驚喜 餐茶我們叫了熱荔枝茶先來讚讚熱飲杯是木星的花紋﹐捧在手上很是優美就捧著半個木星在喝茶一樣荔枝茶很特別﹐除了滿滿荔枝味外﹐竟然有點 Milky 的感覺有點奇特﹐喝下去感覺很是舒服另外是凍蘋果茶雖然是用糖漿調製﹐但完全不"化學"感覺真的很像新鮮蘋果一樣 而且還很香濃﹐有點像喝蘋果汁對免費餐飲來說性價比很高！埋單 $388這一頓是充滿驚喜的一餐﹐沒有像其他一樣有一種虎頭蛇尾的感覺而是每道菜都吃到製作者的設計心思﹐安排和廚藝整個Set都為我味蕾帶來各方面滿足我認為是性價比很高的一頓飯 …查看更多

同朋友去大圍搵食見，到呢間幾靚嘅Cafe就入去試下。人唔多,坐得好舒服~ 係個傾計嘅好地方。（Background music 揀得好好）我哋叫咗一個二人餐,之後加咗一個dinner set. 四個分夠食～啲嘢食仲超高水準添！有龍蝦湯同忌廉湯。我就試咗龍蝦湯～ 好creamy, 好濃。呢個係二人餐包嘅包嘅沙津同埋餐包。taste better than it looks! dinner set嘅黑松露蒜蓉包高質！啲吞拿魚醬好新鮮，蒜蓉包好脆！龍蝦意粉入邊有埋龍蝦意粉入邊有埋雜菌同豆～ 上碟嘅時候隻講已經好細心咁起咗肉！👍🏻🤩 本身個牛扒好多汁好好味, 但最放棄嘅事個燒菠蘿！又甜又多汁! Must try dish! 燒豬啲肉好嫩！唔太鹹！平時唔鍾意食燒豬頸都覺得好味！最後嘅紫薯蛋糕上面有好多紫薯粒！啲cream又唔你又唔太甜！ 咁晒心水！食物咁高質呢個價錢好合理！唔係講笑！ 一定會返嚟再食過！Ps 食食吓仲有一台客慶祝生日，個餐廳即刻播生日歌！ 好warm ah!…查看更多

上次約了朋友在大圍吃lunch, 途經＂風車＂門口，被它的大餐牌內特色菜式吸引著。 它的價錢唔貴又多款式，所以今晚約朋友一齊去＂風車＂尋覓美食。 餐廳招牌光猛，遠處也看得見。 近門囗放置了一個玻璃酒櫃，餐廳天花也掛了一大盞水晶吊燈，讓人好像置身於5星級酒店餐廳一樣。 餐廳播放著柔柔音樂，牆上掛上大電視，坐位寛闊又舒適，在這環境中令人可以完全放鬆。先送上一份番茄茸脆法式麵包條，薄脆麵包抹上番茄茸，天然番茄果酸可清新味蕾。凱薩沙律(羅馬生菜夠新鮮，碎煙肉香脆)粟米湯(淡了一些，粟米味唔夠濃)法式龍蝦湯(龍蝦味濃，好飲)波士頓龍蝦意粉(龍蝦多膏又美味，令意粉也吸收了它鮮味)紐西蘭肉眼扒配焦糖菠蘿(煎到剛5成熟，外層焦香肉質嫩滑。 伴碟薯條炸到表層極香脆，再配上焦糖菠蘿，超美味。)熱情果芝士蛋糕(餐後一杯香濃熱茶，再配上酸甜熱情果芝士蛋糕，完美又美味一餐）…查看更多

入到餐廳有個好吸眼既大吊燈，超華麗，格調非常適合情侶，同朋友飲酒，播住情歌，chill。叫左2人套餐($338)，有前菜，沙律，2款主菜，甜品，餐飲。前菜係蕃茄包，長形一片，面頭鋪住酸甜蕃茄粒，麵包卜卜脆，好新奇，第1次食，既唔油膩，而且好開胃。凱撒沙律既煙肉炸都變脆，紅卜卜，唔係焦黑，同菜一齊食，chopchop聲，連麵包都係脆既，唔係平時食開個款烘多士，佢係將白麵包撕成細舊。餐湯分別係蕃茄湯，龍蝦湯(加$15)。蕃茄湯有好多蕃茄蓉，聞落好香，整個湯好濃郁，而且夠熱，唔係罐頭feel個款。而龍蝦湯就有幾件龍蝦肉係入面，啖啖都充滿龍蝦味，好稠唔稀。紐西蘭肉眼扒五成熟，肉汁仍然鎖住，唔韌之餘，油香味逼出，令肉味更突出。焦糖菠蘿雖然係點綴，但不比肉眼扒遜色，被火燒一燒既糖令菠蘿更甜。而薯角脆口，切得厚厚一條，有口感。波士頓龍蝦意粉用簡單配料蘑菇，露荀，洋蔥一齊炒，配有龍蝦汁烹煮，食落口同飲龍蝦湯一樣，充滿海鮮味。龍蝦內有大量蝦膏，而肉質係滑，加埋鹹鹹地既焗芝士一齊食，好夾。意粉硬度適中，唔會過"林"。今日既精選甜品係鳥結糖甜品，上層係鳥結糖味道，配以杏仁，下層係香橙，先係甜味，再加杏仁炒香味，後為酸甜橙味，分開2層食既話，味道就要㗳真d先食得出。但2層一齊食，味道就即該食得出。餐飲揀左果茶，當日係青蘋果茶，可選熱或凍，唔甜，所以健康又養生。食物份量個人覺得多，食完之後好飽，質素高之外，重要既係氣氛好好。而自選套餐既有肉類，又有魚，岩哂唔同口味既人。…查看更多

最近世界盃開波，想感受熱鬧氣氛就揀左間bar一路食飯一路睇波，因為比較早到，初時冇乜人流，之後就越來越多人入嚟一齊睇我同朋友叫左個二人餐，有齊一般西餐嘅沙律🥗、西湯、兩款主菜、甜品同飲品除左呢個二人餐，其實仲有其他晚餐或單點嘅美食，而且仲有好多款酒俾你揀一開始有兩塊麵包做前菜，雖然細細片，但配上蕃茄蓉同橄欖油，好開胃，而且麵包好脆跟住就到凱撒沙律🥗同南瓜🎃湯，味道正常，份量都算多，個人認為南瓜湯可以再濃味一點主菜出場喇，第一款係波士頓龍蝦意粉，有半隻煮得幾香嘅龍蝦，而且意粉配料包括露筍、洋蔥及蘑菇，味道配搭得唔錯，如果意粉可以加上少少香辣口味，相信會更惹味另一款主菜就係紐西蘭肉眼扒配焦糖菠蘿🍍，塊牛扒好似大過我塊面，食落有牛味，唔會好un，再加上一片焦糖菠蘿，酸酸甜甜好醒胃，可以減低食肉類嘅肥膩感覺，而且仲配上一堆薯角同雜菜，可以話係均衡飲食，食完夠晒滿足飲品我點左杯熱桃茶，我喜歡佢唔會太甜朋友就加錢叫左杯Peach Cosmo, 佢話味道似紅莓加酒最後就到甜品，雖然兩款甜品都細細舊，但可以一次過試到忌廉泡芙同朱古力蛋糕，朱古力味道濃郁，為今餐劃上美味嘅句號餐廳嘅服務幾好，員工有禮貌，一班人睇波最緊要有氣氛，希望呢間有心嘅小店能夠繼續做多好多個世界盃啦！…查看更多