丼瀛

擺盤打咭一流的「丼瀛」今晚同化妝partner係觀塘做完野，大家心有靈犀都想食日本野，所以上去左一直都想試既「丼瀛」，我地5點9左右到，門口已經有不少客人等梗開門做晚市，咁證明應該係幾好食先有人等啦，餐廳個場幾大，環境幾好，坐得舒服，staff好細心介紹menu，餐廳仲有期間限定，溫泉蛋松葉蟹肉野菜沙津 $40：呢個溫泉蛋松葉蟹肉沙律非常香蛋香味，蟹肉算幾多，而且特制既既醋汁撈埋個沙律，令成個沙津層次好特別，軟殼蟹野菜米紙卷 $78：軟殼蟹每件野菜米紙卷都分配得好平衡，而且軟殼解人口脆卜卜，日本魚皮蝦餃 $38：呢個魚皮蝦餃幾特別，內面魚皮口感煙韌，但咬落係脆口，趁熱食最好食，煙肉蠔串 $48︰煙肉面燒得乾乾地，蠔肉程半生熟狀態，入口咬蓉有少少蠔汁出黎，十分好食，燒羊肋串 $24︰中意食羊既朋友一定要試，因為夠騷味，咬落唔韌口，碎蔥吞拿魚腩海膽卷(4件) $78︰腩蓉口感柔滑無渣，配埋海膽能夠提升鮮味，而且海膽都好新鮮，築地壽司杯 $188︰呢個杯幾抵食，有6杯，由唔同既配搭以成，當中包括三文魚腩、帆立貝、赤蝦、芥末八爪魚、蔥吞拿魚腩配海膽、蟹肉蟹膏、帶子，每樣刺身都好新鮮，鮮甜，賣相絕對吸引，打卡一流，整體我覺得算唔錯，而且呢個價錢絕對食得飽，同有質素！…查看更多

臨別依依，要搵間充滿香港情嘅餐廳食飯，朋友鍾情日本菜，最後決定揀呢度。💕未食已經被環境四周攝住了眼，連豬、連儂牆盡在不言中嘅回憶，聽住喜歡嘅音樂進食，胃口大增。點了茶碗蒸、蟹肉卷、壽司杯、炸蠔、芝麻雞翼、仲有炸豆腐。6樣嘢食，兩個人份量，應該夠食，唔夠先再加。每道菜上枱，侍應都會禮貌兼用心咁介紹菜名，呢份發自內心嘅殷勤，真係會令用餐感覺更愉快！🍥茶碗蒸($38/碗)：滑捋捋，鹹淡度適中。🦪吉列廣島蠔($48)：蠔唔會太大隻，炸漿亦唔厚，每人食兩隻都唔會覺得太滯、太油膩。🍣碎三文魚松葉蟹肉卷($68)：每粒都四四方方，剛好一口食晒，口腔充滿三文魚油脂香，蟹肉嘅甜。🍗芝麻雞翼($48)：炸得金黃，但仍保持到肉汁，入口香脆美味。🥢木魚花炸豆腐($58)：侍應話可以點汁食，又或直接將醬汁淋上豆腐伴混食。前者食法仍保留到木魚香脆口感，但豆腐未必能沾上醬汁；而後者將醬汁伴混食，起初擔心會太濃味，但事實又唔會喎，只不過真係會稍微減低了脆口度。🍱最後當然要講埋超靚嘅壽司杯啦。“築地壽司杯”($188)，刺身包括三文魚、,碎葱吞拿魚蓉、帆立貝、蟹肉蟹膏、黃金魷魚、甜蝦。壽司杯極吸晴，完全配合到相機食先。最美味係帶子，食得到嘅鮮甜。三文魚就肥美，食到魚油香。蟹膏蟹肉都鮮味，個人喜歡將飯倒在碟上，與蟹膏蟹肉伴混，真係好好食。 所有食物完全清碟，在這餐廳的氛圍下用餐，食到的不只食物嘅味道，還有人情味、以及香港情懷。…查看更多

呢間日式食店好低調 屹立係商廈既深處🙆🏼‍♂️🙆🏼‍♀️環境同設計上唔花巧 簡簡單單做咗啲小佈置可以話係有少少深藏不露既感覺 肯花心思既一間食店😉係選擇上同款式上都幾齊全 可以留意下佢既推介項目👨🏼‍🍳海鮮刺身都係日本空運過黎✈️遇到有岩食既真係可以試下👍🏼➷❐ 築地壽司杯簡單啲講 其實佢同一舊舊既壽司一樣 只係轉個方式上🍣而呢個設計都成為咗佢其中一個賣點😆入面有三文魚 海膽 甜蝦 蔥吞拿魚腩 黃金魷魚 松葉蟹肉😲一set有6款 而呢個set入面既配搭都比較大眾化魚生都係新鮮 唔係頭頭尾尾切出黎既野🤤同壽司飯既比例都正常 唔會飯多料少👍🏼➷❐ 冷製溫室蕃茄豆腐沙律配胡麻醬清清地揀咗一個沙律 蕃茄比想像中甜🍅無咩草腥味豆腐似係日本豆腐 因為佢好滑溜 輕輕帶出豆乳香😶‍🌫️➷❐ 明太子炒翠肉瓜店員話佢係新出嫁 我仲要係咁好彩第一個食😬明太子既菜式成日食 翠肉瓜都係成日食但呢個組合我就未試過 出奇地有驚喜 係好惹味😋相比起就咁燒個翠肉瓜係更加出色👍🏼翠肉瓜切絲 令到明太子更加容易融入 呢個會食唔停🫢➷❐ 特上浦燒原條鰻魚飯膽粗粗貪過癮叫咗呢個原條鰻魚飯🍱上枱見到手擘咁長 好在佢飯唔係好多 唔係就做咗大晒鬼🫢熱辣辣既鰻魚真係好香 我覺得佢就點都唔腥既所以唔多講😂鰻魚汁可以再多返少少就更加好送飯🤤➷有時真係唔可以錯過呢啲望落唔起眼既食店高手在民間 內裡既質素勝過一切👍🏼➷🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼9️⃣🌟…查看更多

🥚🥚🐷精選壽司杯迷你丼✨性價比：6/10🍳食物：6/10🌏環境：7/10🕺🏻服務：7/10💰是次消費：$ 236 + 10%#蛋蛋豬 🏝地點分類: #蛋蛋豬在觀塘🍰食物分類: #蛋蛋豬吃日本菜————————小店位於距離觀塘站不遠位置，主打多元化日式料理，除了基本爆餡丼飯之外，刺身炸物壽司都一應俱全，有時港式有時又帶點fusion效果。香芒三文魚米紙卷 ($68)Fusion菜式，越南的米紙卷 併日式刺身，三文魚肉嫰滑，芒果鮮甜。金菇牛肉卷 ($28)正常發揮，咬起來金菇爽爽脆；牛肉汁多，混合連同底下的生菜再吃。牛油果軟殼蟹卷 (4件) ($68)軟殼蟹保持脆身，飯卷表面佈滿牛油果和蟹籽粒，清新組合。築地壽司杯 ($188) – 打卡必備招牌菜，以六款魚或肉併一杯米飯組成，感覺就似一個個迷你丼霸氣一字排開，賣相吸精。六杯分別是 – 甜蝦、三文魚、蔥吞拿魚腩、松葉蟹肉蟹、海膽、黃金魷魚。打卡必備菜式，水準一般，刺身無腥味；另外有款特上築地壽司杯，材料更加矜貴。溫泉蛋松葉蟹肉野菜沙律 ($40)蟹肉量幾多，亦多蟹籽多粟米。甘粟紫薯餅 (1件) ($32)外皮炸得酥脆，紫薯餡填得滿滿的，薯味幾香，而且混入粟子粒增加口感。吉列廣島蠔 (4隻) ($48) – 推薦*性價比高的一道小食，廣島蠔大大隻，咬下去經過脆皮就到軟軟的蠔肉，本來我怕蠔有腥味，但這道小食的蠔味幾吸引。這間是相對地道港式的日本料理店，追求正宗日本菜就不太適合，但想一試fusion創意料理就可以一試。丼瀛 J-City🚦觀塘駿業街56號中海日升中心1樓B號舖(觀塘站 B2 出口, 步行約6分鐘)🕰營業時間：11:30 – 15:45 / 18:00 – 22:00 (星期日休息)…查看更多

草莓梳打白桃梳打清爽的梳打飲品　把炎熱的夏天降溫漂亮的漸層色　女生們肯定很喜歡攪拌後　果醬和梳打混合後也不會太甜　剛剛好的水果飲品三文魚蟹籽炒飯炒飯的熱度很夠　把米飯拌開　裡面還飄熱氣有三文魚　蟹籽拌炒蛋飯每粒米飯都粒粒分明　都沾滿蛋液裡面有木魚碎和玉米配合口感上更豐富　甜鹹相交的互襯是很日式的炒飯　花之戀原切三文魚包裹著蟹籽壽司每口嚐到海鮮的鮮甜味　層次也會增添兩種不同口感的海鮮併起來三文魚軟嫩有嚼口　蟹籽就小小顆的能讓口感都比較特別　互相襯托下整體不會很突兀築地壽司杯以特別的方法呈現壽司的擺放　在杯子裡把米飯放在底部海鮮都佈在上面好像在吃布丁那樣　海鮮都很新鮮　牡丹蝦大而甜海膽　三文魚　蟹肉等等高山菜豚肉味噌湯清湯類的味噌湯底　裡頭加了少許蔬菜能夠識湯底更鮮甜因為烹調時間沒有很長　所以豚肉還保持鮮嫩豚肉本身肥瘦相宜　膩感不會太強蔬菜也讓湯頭和肉更帶出鮮甜味有點像日式家庭湯焗蠔鮮蠔上面佈滿芝士奶醬去焗烤表面已烤到焦香　蠔已經吸收醬汁…查看更多

每次lunch 食飯都會經過呢間，未入到門口已經見到滿滿嘅文書,仲有招牌大大隻寫住5201314(明ga人就會知) 因為lunch真係好多人，所以決定今日放工來食dinner !!個餐牌好多款日本菜式，有刺身飯，有炸物，有熟食，選擇都好多✔️🍣築地壽司杯$188因為見到好多人都點呢個，佢亦都寫喺呢度嘅特色菜式👍🏻一來就覺得好靚，用酒杯仔既形式載壽司，然後一杯杯排列得好靚 😍每杯都唔同口味，一共有六款壽司 ，分別係三文魚、海膽、魷魚、魚腩蓉、甜蝦等等每一個杯都堆得超滿，份量超級多！本人最鍾意就係三文魚，同埋肥美另外海膽亦都份量超多👍🏻👍🏻👍🏻只係個杯有啲窄身，可能食嘅時候要倒返出嚟✔️🍣明太子醬燒玉子 $26賣相超級吸引，香口得來又有甜味，玉子滑嘟嘟 蛋香中帶明太子獨特的味道味道匹配✔️🍣海膽熔岩 $48初初以為係堆到好滿嘅海膽，又絕對覺得個價錢太平，心諗到底係咩嚟呢😂原來係包有海膽醬嘅墨魚丸，仲要係炸唔過，所以食落去，鮮甜嘅熟海膽喺魚中爆出嚟，好似座火山熔岩爆出黎👍🏻👍🏻呢個菜式真係出面好少見，意外地有驚喜👍🏻✔️🍣軟殼蟹野菜米紙卷$78用米紙包住軟殼蟹，沙律菜，口感和味道都很清新。本身軟殼蟹比較熱氣，用米紙加沙律菜包住，令到成個口感都更加清新👍🏻👍🏻👍🏻✔️炒雜菜$68最後，當然要食返少少菜，呢個炒雜菜都無令人失望，份量多，又唔會overcooked 👍🏻總括來講，一定要來支持香港人，佢每件用料都好好,又大份，又新鮮又抵食其實都真係好難搵咁抵食嘅日本菜餐廳👍🏻👍🏻👍🏻🤟🏻…查看更多

是日放假一天，決定去觀塘黎個爲食之旅！次站係觀塘既丼瀛。搬舖之後應該第二次黎，仲記得上次試過之後發現搬舖後食物質素更上一層樓，今次黎開呢頭，又黎試試先。餐牌選擇好多，有前菜，沙律，刺身，壽司，主菜，天婦羅等等。今日餐lunch都仲飽緊，今晚想食得清淡d，叫左個沙律，前菜，一份壽司杯同兩份卷物分享。温室番茄豆腐沙律配胡麻 $58 另加一温室番茄豆腐沙律既沙律菜一大兜，仲有車厘茄，粟米粒，上面排左四塊滑豆腐同五塊番茄片，加d爽脆蟹子，非常新鮮健康。胡麻醬一小兜另上，要幾多自己加，正!忌廉蟹肉薯餅 $36 另加一忌廉蟹肉薯餅一客兩件，新鮮熱辣炸起，外脆內滑，入面滿滿忌廉，薯蓉份量適中，食完唔會過飽，雖然蟹肉就唔多覺，但係味道幾好，點唔點沙律醬都食得。築地壽司杯 $188 另加一呢個築地壽司杯呃like正。一條長長壽司架有六杯小小壽司杯加一杯沙律杯。壽司杯有三文魚，海膽，甜蝦，蔥吞拿魚腩，黃金魷魚，松葉蟹肉紫菜卷。三文魚厚切，肥美鮮甜。海膽滑溜，都有好幾小塊，如果更加鮮味會更好，下面墊左少少青瓜絲。甜蝦非常鮮甜，連蝦頭d汁都係。蔥吞拿魚腩超滑，面頭撒上白芝麻粒同香蔥絲。黃金魷魚略鹹，不過魷魚都脆嘅，送飯食ok。紫菜超脆，入面的確有蟹肉。每個細杯都塞滿凍嘅微酸壽司飯，好似食緊超迷你魚生丼。沙律杯上面有wasabi同酸薑片。上菜時服務員仲特別提提紫菜同海膽要食先。叫左兩份卷物一齊上，配wasabi同好多酸薑片，擺盤不俗。碎蔥吞拿魚腩海膽卷 $78 另加一碎蔥吞拿魚腩海膽卷一客四件，飯卷入面係新鮮菜苗，上面放左成座山仔嘅好滑溜碎吞拿魚腩再加creamy海膽同撒上白芝麻粒，海膽質素同築地壽司杯既一樣，呢款卷物有多重味道同口感，都唔錯。忌廉芝士鰻魚卷 $78 另加一忌廉芝士鰻魚卷一客四件。鰻魚彈牙夠味，飯卷入面都係新鮮菜苗，再加上一細舊忌廉芝士，面頭撒上白芝麻粒，無須再點豉油都好好味又唔膩。清新既菜苗同濃味既鰻魚係一個幾好既平衡。我特別鍾意個舊忌廉芝士既滑溜黏牙質感。總括而言，今晚既所有菜式都幾好，刺身卷物全部都幾新鮮，沙律又清新。餐廳地方都幾大，座位正常，裝修光猛，服務快捷。咁嘅裝修就算係觀塘黎講都唔算貴，實有下次。…查看更多

今日係觀塘放工後，約咗屋企人去行吓街同飯，大家平時都鍾意食日本嘢，於是見到呢間丼瀛好似好正，於是入咗去食😆築地壽司杯 ($188)- 壽司杯魚生款式都好多元化，有三文魚、吞拿魚蓉、魷魚花枝、海膽等等，樣樣都食到好正，啱晒同朋友仔一齊分享丼瀛特選丼 ($188)- 一上枱就超吸睛，好多魚生，件件都好大好厚，而且鮮味十足，食落啖啖都好滿足- 擺盤都好靚，令人食慾大增芝麻雞翼 ($48)- 芝麻雞翼幾有驚喜，外皮炸到香脆，口感好正，好想encore 叫多碟- 肉質都好鮮嫩，肉汁都ok豐富明太子醬燒玉子 ($26)- 明太子醬好香濃，食落甜甜㗎，同玉子一齊食好夾- 玉子香軟，一咬落去就試到佢甜甜嘅香味，好滿足，大人小朋友都好啱食整體嚟講食物幾高質，新鮮美味，環境闊落，衛生情況都好唔錯，食得好開心👍🏻…查看更多

呢間觀塘嘅日本餐廳搬咗去新地方🇯🇵，地方更大，環境更靚，重點係夠黄💛，我同朋友特意放工過嚟食。雖然位於一個唔太起眼嘅位置，但去到已經座無虛席👨‍👩‍👧‍👦。 🍱大蔥黑豚肉 $28 🧈明太子醬玉子燒 $26 🍙天龍卷（四件） $98 🌮碎蔥吞拿魚腩海膽卷（四件） $78 🍨築地壽司杯 $188 🍘忌廉蟹肉薯餅（兩件） $36 呢幾款都好好味，造型都獨具風格，幾啱打卡。我哋覺得玉子燒係最滋味，蛋味香濃。薯餅入面啲蟹肉軟綿綿好正😋。 壽司杯其實都係壽司，不過舊飯用杯裝，份量大啲。一set有厚切三文魚腩、吞拿魚蔥花腩、黃金墨魚、松葉蟹、赤牡丹蝦、海膽，十分豐富😃。 至於天龍卷其實係炸大蝦配赤燒三文魚加魚籽壽司卷🍤，唔好睇佢即係得四件，都幾有份量又惹味。份量啱啱好，總計兩個人都係$499算抵食👌。 牆上貼上文宣，門口仲有即日蘋果日報🍎，而且擺滿好多不同類型嘅文宣擺設，poster同post card，黄得實至名歸。 最正係佢有幾個大電視播着唔同嘅抗爭歌🎼，包括Do You Hear the People Sing以及願榮光歸香港，仲有唔同嘅version，出動埋古箏、大提琴等樂器🎻。 臨走前仲見到有兩缸魚🐠，好多細魚仔，我淨係知有孔雀魚同鬥魚，不過個缸嘅環境同啲魚都冇我養嘅咁靚，嘻嘻🤡。 …查看更多

是日一個人在觀塘尋找美食，突然好想食日本野，就黎呢度啦~呢度就係丼瀛啦入門口探返個熱先一條友食左3樣野第一樣:明太子醬燒玉子 $26蛋味香濃又夠甜~  正呀~燒大頭蝦 $28好鍾意食海鮮, 特別係蝦香甜而且肉又爽~燒得恰到好處!!重點黎啦~呢個築地壽司杯$188真心極力推介~賣相超OK由左至右內先~第一杯係三文魚及魚籽~ 每杯底下都附有壽司飯, 非常足料~三文魚好厚切呀~第 二杯係海膽杯鮮甜唔苦!!!!第三杯係吞拿魚蔥花腩好鐘意用黎撈飯食~第四杯: 黃金墨魚咬落口有爽爽聲好有質感, 墨魚鮮甜~第五杯: 有原隻蟹肉!!!!!!好堅!!!!第六杯: 有甜蝦! 非常鮮甜美味~附有足夠份量wasabi 及薑片~食完超級滿足呢~一定會再幫親!!!…查看更多