更多
2022-04-28
36 瀏覽
- 二人餐 前菜到甜品共10款 極滿足的晚上 - 就快到紀念日嘅我哋趁住開返晚市堂食,立即忍唔住發掘新餐廳,而今次嚟到位於天后嘅「申、居酒屋」,佢哋主打日式串燒及炸串,睇相環境好似幾靚幾有feel。🚗:位置相當方便,係天后地鐵站步行都不過 5分鐘就到,喺foodcourt側邊搭𨋢上,一出𨋢感受係環境比想像中更有情調,星期日去都竟然唔多人﹗﹗﹗靜得嚟又有昏暗嘅燈光同射燈,氛圍都好加分。我哋揀咗懶有儀式感嘅二人餐🤣,價錢 $1080 每人都係 500幾蚊,初時覺得價錢都算中上,不過食到最後飽到覺得性價比算很不錯🤣⭐另外加分係環境幾舒服,都有空間感,幾啱生日飯慶祝或者當周年紀念食,特別鍾意佢人唔係太多,環境唔會太嘈。二人餐【前菜】 唐揚魷魚鬚 新鮮炸起非常香脆,調味比較重啲,個人覺得好啱當佐酒小食【沙侓 】海草沙律 配特調嘅果仁沙律醬,同平時食嘅沙律醬好唔同【燒物】自家製免治雞肉棒 口感豐富,咀嚼嘅時候會食爽口嘅軟骨,沾埋醬汁食好fit~文化牛脷 ⭐小編超推介一開頭都唔知咩叫文化牛脷,嚟到店員有簡單講解其實用咗慢煮方法烹調,加上牛油果醬真係超級超級好食😭😭心底𥚃勇出好耐冇食過咁好食嘅口感同
就快到紀念日嘅我哋趁住開返晚市堂食,立即忍唔住發掘新餐廳,而今次嚟到位於天后嘅「申、居酒屋」,佢哋主打日式串燒及炸串,睇相環境好似幾靚幾有feel。
🚗:位置相當方便,係天后地鐵站步行都不過 5分鐘就到,喺foodcourt側邊搭𨋢上,一出𨋢感受係環境比想像中更有情調,星期日去都竟然唔多人﹗﹗﹗靜得嚟又有昏暗嘅燈光同射燈,氛圍都好加分。
我哋揀咗懶有儀式感嘅二人餐🤣,價錢 $1080 每人都係 500幾蚊,初時覺得價錢都算中上,不過食到最後飽到覺得性價比算很不錯🤣⭐
另外加分係環境幾舒服,都有空間感,幾啱生日飯慶祝或者當周年紀念食,特別鍾意佢人唔係太多,環境唔會太嘈。
二人餐
【前菜】 唐揚魷魚鬚 新鮮炸起非常香脆,調味比較重啲,個人覺得好啱當佐酒小食
【沙侓 】海草沙律 配特調嘅果仁沙律醬,同平時食嘅沙律醬好唔同
【燒物】
自家製免治雞肉棒
口感豐富,咀嚼嘅時候會食爽口嘅軟骨,沾埋醬汁食好fit~
文化牛脷 ⭐小編超推介
一開頭都唔知咩叫文化牛脷,嚟到店員有簡單講解其實用咗慢煮方法烹調,加上牛油果醬真係超級超級好食😭😭心底𥚃勇出好耐冇食過咁好食嘅口感同味道,慢煮牛脷嫩又香,加埋牛油果蓉嘅口感mix埋一齊真係﹗﹗好味到搵唔到形容詞🤣
1 瀏覽
0 讚好
0 留言
5 瀏覽
0 讚好
0 留言
豆腐田樂 上面嗰啲係田樂雞肉醬,甜甜地食落幾好食,配埋豆腐好夾﹗
2 瀏覽
0 讚好
0 留言
原條喜之次鹽燒
上枱嘅時候真係內心嘩咗出嚟,鹽燒到金黃色,睇落燒到好乾身,點知一夾開入面啲魚肉係好滑,整得啱啱好,而且都好香~
8 瀏覽
0 讚好
0 留言
【炸物】
西班牙黑豚串
新鮮炸起熱辣辣,黑豚肉油脂超香濃,咬落外脆內軟,點埋特製醬汁,帶酸酸味甜甜嘅味道中和返油脂感,啖啖都好好味。
【飯 】
穴子飯
嚟到先醒起穴子係饅魚~佢原來來用咗炸嘅方法製作穴子,好有驚喜😍第一次食,而且非常鬆脆,完全唔過炸粉有over,穴子味道甜甜地,覺得如果鰻魚汁多返少少喺飯會更開心,整體都好好味,食埋仲超飽~
1 瀏覽
0 讚好
0 留言
湯
蜆味噌汁
大大隻蜆,非常鮮甜,味噌都唔會太咸,非常暖胃~
甜品
紅豆雪糕、雲呢拿雪糕
最後食甜品就真係大滿足💓雲呢拿香草味較濃,紅豆味反而味道比較清甜。
---------------------------
評分 - 二人餐
味道:🌕🌕🌕🌕🌗
環境:🌕🌕🌕🌕🌗
性價比:🌕🌕🌕🌕🌗
張貼