神山麺屋 (創紀之城五期(apm))

-{Apm魚介沾麵🍜}今次黎到apm到食lunch!黎到依間神山麵屋都幾多人等🤤神山沾汁麵🤤 ($89)係嘅魚介湯 湯嘅鹹香味正常不過要撈下先！麵質普通 會掛湯嘅😄個叉燒有肉汁幾高質🤩蛋有流心但唔夠醬油味👀👖褲評: 7/10成個麵都正常發揮！環境好窄 不過食到最底見到係武藏麵屋😂😂😂性價比: 8/10服務: 7.5/10環境: 8/10🚩 神山麺屋 🚩地址: 觀塘觀塘道418號創紀之城五期(apm)2樓L21B號舖#fuudjai #fuudjai日本菜 #fuudjai拉麵 #fuudjai觀塘…查看更多

一聽見「過江龍」同主打「超掛汁坑紋沾汁麵」就已經吸引左。😍唔洗多諗就入左去~資料搜尋下，神山麺屋同屬麵屋武藏集團，就連湯匙都寫麵屋武藏，上菜餐盤亦十分類近。☺️＊－。－。－。－。－。－。－。－。－。－＊🔘【招牌】神山沾汁麵 $89 相比起一般叉燒，選用豚角煮較為特別。以高溫烤煮，表皮微微焦香。🔥火炙過的半肥瘦豬肉有口感，夠Q彈，略帶膠原感覺。😋湯底用大量豚骨、豚肉、魚介、秘製醬油淆製，其魚介味比較香濃突出，整體好食。麵條有凸凹坑紋，比一般平滑麵條掛湯。👍🏻🔘黑神山沾汁麵 $79黑蒜豚骨湯底味道濃厚，第一啖入口時覺得過鹹，而且湯底油份偏重，比較油膩。🙈如果正常地將麵條沾到湯入面食，油膩感會相對減低少少。🥲有幾片薄切豚肉，肉質嫩滑，但不及豚角煮表現突出。溏心蛋雖然凝固得較多，但依然做到流心效果，不過不失。如果招牌神山與黑神山比較，個人偏好前者。＊－。－。－。－。－。－。－。－。－。－＊…查看更多

六點食晚飯已經有唔少人食緊，獨獨一個人食坐喺吧枱，落單唔洗5分鐘已經送上嚟，懷疑係快餐店，哈哈。服務普通，唔係太差，係正常香港style服務。*神山沾汁麵 $89冷麵+熱湯係基本，但熱湯冇石鍋佐熱所以凍得好快，基本上食第一下麵已經凍晒。湯底非常濃厚，同時有少少油膩，入面有一絲絲風乾豬腿肉，飲落亦都有種鹹香，比豬骨味更香更濃。麵條帶坑紋，非常掛湯，但湯底本身過於濃郁，太掛湯令到成件事太重口味，麵條份量亦唔多。角煮有兩大件，煮得非常入味，醬油香+肉香甜，瘦肉肥肉半半，瘦肉嘅部分有啲乾，連肥肉食用油脂滋潤翻乾嘅部分，不過真心易膩。溏心蛋完全超越左溏心蛋，變咗流心蛋，蛋白全熟但依然滑嫩，蛋黃流心滴汁，而且煮得非常入味，但我都係鍾情於溏心蛋。…查看更多

🍴 神山沾汁麵 ($89) ⭐️⭐️⭐️⭐️ 暖暖地嘅湯汁好濃郁，麵條係比較粗身，咬落煙煙韌韌，加埋d蔥吊下味，麵好掛湯，正！而炭燒到金黃嘅豚肉就有少少肥，但好彩都燒得幾香。 🍴 鹽味炙燒豚肉清湯麵 ($80) ⭐️⭐️⭐️ 比較普通嘅拉麵，麵條夠煙韌，但係豚肉就燒得唔係好香脆，似係打邊爐咁淥熟佢，炙燒味不足。 🍴 神山炸雞 ($42) ⭐️⭐️⭐️⭐️ 炸雞都幾大件，炸得好脆！仲有啲芥末係炸雞上面，令到冇咁單調，配埋拉麵食好味！ .............................. 神山麺屋 地址📍: 觀塘觀塘道418號創紀之城五期(apm)2樓L21B號舖 總評分: 7/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️💫 服務👨🏻‍🍳: ⭐️⭐️⭐️💫 衛生🧹: ⭐️⭐️⭐️💫 抵食💰: ⭐️⭐️⭐️ …查看更多

疫情期間多咗買外賣返屋企食，今日都係唔想煮飯，就買咗兩份set返屋企同屋企人食☺️外賣自取嘅價錢幾平，唔使$50都有一份晚餐食，好抵食😍等候期間發現店面嘅設計都好有日式感覺，好懷念可以飛日本的日子🤤神山沾汁麵~餐廳嘅主打，果然冇令我失望，首先賣相係同圖片一模一樣咁靚🤩豚肉啱啱燒起，仍然滲透出陣陣燒烤香氣，帶有少量脂肪，兩大塊都是厚切的😍咬落富油香，肉質厚實，食落無渣，啖啖肉汁好juicy😍沾麵底採用帶有坑紋的麵條，令麵條更加掛湯，識落質感亦十分煙韌，帶有陣陣的小麥香氣😋沾麵湯底十分濃郁，味道會比普通拉麵湯底更為濃烈，客人可以自己控制麵條的掛湯程度，味道不錯😝仲有半熟糖心蛋，荀等等嘅配菜，真係超級滿足嘅一餐🤤牛肉鯖魚日式四格便當🍱~為食既我成日都想食多啲唔同嘅餸，呢個便當$58有齊晒我想食嘅日式牛肉同埋鯖魚，仲有啲日式配菜，幾抵食😍鯖魚啱啱烤起，熱辣辣鎖住肉汁，外皮仍然帶有少脆的感覺，啖啖肉無骨，送飯一流🤩牛肉亦煮得啱啱好，吸收晒牛肉汁精華，配搭洋蔥一齊食有少少甜的感覺，食食吓不知不覺走食晒成碗飯☺️配菜係涼拌芽菜，爽脆的感覺配搭清涼的口感幾新鮮~武藏煎餃子🥟~好驚喜拎到返屋企嘅時候外皮仍然保持香脆，一啖咬落去發現餃子皮夠薄，內裏塞滿了豬肉餡料，肉質幾嫩滑，有肉汁，同餃子汁一齊食係絕配☺️武藏炸雞🍗~炸雞啱啱新鮮炸起，熱辣辣，外皮少少脆卜卜的感覺，肉質厚實嫩滑，頗為juicy的口感，一口size點埋沙律醬一齊食好方便🤤加埋兩杯汽水係一頓完美的晚餐😍…查看更多

之前行街經過想試下呢間，點知見到排超長龍，所以只好揀第二間今日早左黎行街，見到有位就入去試吓神山沾汁麵 $89呢個真系必試👍🏻厚燒豚肉配上秘製醬汁，外脆內 juicy,口感一啲都唔韌，配埋坑紋麵條，點上湯汁一齊食，真係好滋味番茄豚肉片拉麵 $85番茄湯唔系好酸那種，味道剛剛好，除左有新鮮番茄➕薄滑嘅豚肉片外，仲有薯蓉同糖心蛋，好滿足😌唐揚豆池魚 $45個炸粉夠薄，魚肉唔會炸到好乾，食落好香口，魚肚位置有少許幼骨神山炸雞（配芥末沙律醬） $42炸雞冇雪味，外面層皮好脆，點上芥末沙律醬就更加惹味雜果特飲 $15Fruit punch 有埋雜果，唔會太甜蘋果椰果特飲 $15鍾意飲甜啲嘅朋友可以揀蘋果汁，唔會酸，配上椰果幾有咬口…查看更多

高質沾麵💜沾麵嚟講 呢個價錢唔算貴神山沾汁麵麵條幾硬身湯底好濃稠本身我食得重口味 佢地嘅汁對我嚟講啱啱好🤣豚肉好厚好大舊好軟熟 表面少少脆 整體嚟講好香口 好juicy🤤溏心蛋超流心😋係一間可以回購嘅沾麵舖💜🤑 神山沾汁麵 $89…查看更多

臨時約左個好耐冇見面嘅朋友食晚飯，喺唔知食乜好嘅情況下揀左呢間餐廳，之前朋友食過幾次話沾麵幾好，不過帶我嚟食呢次就一般，食物質素比以前差左。神山沾汁麵 $89- 沾汁好一般，冇鹹味，感覺廚師冇落鹽，食沾麵連個湯都做唔好令我好失望。我地決定自己加調味料，狂落七味粉，個沾汁先有翻少少味道掛落拉麵度。拉麵口感幾彈牙，燒肉好香炭燒味道，黐住肥膏嘅肉好淋好滑，不過有啲部份就好鞋，肉質非常乾。我最中意半熟玉子，醃得好入味，蛋黃質感好幼滑濃郁。…查看更多

窩夫與蝦子餅在神山麵屋開業不久時光顧過一次，但印象麻麻，日前多給它一次機會，結果改觀了。窩夫點了神山沾汁麵($89)，其實窩夫一向很少吃沾麵，因為怕湯頭很鹹，但這碗用豚骨、豚肉及魚介等材料熬製超過12小時的湯頭不會太鹹。較粗身的坑紋麵可以掛更多湯，吃得更加滋味。兩件厚燒豚肉稍嫌烤得太深色，幸好沒有影響它的肉質，肥瘦相間的腩肉燒過後沒有油膩的感覺，驚喜之作。蝦子餅點了限量的鰹魚豚骨湯拉麵($78)，在豚骨湯加入大量日本鰹魚乾以慢火熬製超過7小時，再加入秘製魚油提鮮，難怪鰹魚味極濃，值得一試。還點了神山手做餃子($38)，餃子皮很薄，餡料份量足，隻隻都脹卜卜。…查看更多

喺東京幾出名嘅神山麵屋 成日都排曬隊 今次見無咩人排就試一試～ 一碗拉麵唔洗一百蚊 算係平價拉麵之選😋 份量略少但加多一個小食就啱啱好-// 神山沾汁麵 //厚厚的炙燒豚角望上去已經好吸引 邪惡的肥肉加上瘦肉雙間🐖 成舊豚角唔會好肥 柔軟得黎味道亦好香 而沾麵麵條亦夠煙韌 沾上濃味嘅湯底 絕對值得一試價錢：💲89 HKD（另加一）-// 黑神山叉燒拉麵🍜 //湯底係黑蒜豬骨湯 味道偏鹹 食完要飲水🙈 但拉麵麵質都係一樣煙韌彈牙 溫泉蛋亦係煮得啱啱好 呢個價錢黎講算幾好唔錯了👍🏻價錢：💲78 HKD （另加一）-// 神山炸雞（配芥末沙律醬) //炸雞外脆內嫩 炸皮唔會好厚 配埋個有wasabi嘅沙律醬好好味😋-價錢：💲42 HKD （另加一）…查看更多

對於這間(神山)慕名多時,今日終於趁著空檔假期來這試試。。。環境有點嘈但無阻我對這間知名店的好奇心,一人入座侍應好自然便帶了我坐上酒吧區、還好可以一面觀察幾位師傅厨藝，等候時間不多大約是五分鐘左右這碗沾麵便以呈上眼前~神山沾汁麵HK$89.來者賣相十分漂亮，那份厚厚的豚角被鐵板烤坑烤焦得很明顯、滿爆邪惡的肥肉雙間豚角肉咬在口中油脂感勁香，亦有微焦香味道、實在很是有滿足口腹之慾~至於沾麵麵條略較為粗條，煙韌而富爽彈沾在濃稠的湯醬內滿足至極~整碗麵亦包括了一隻半熟流心蛋，用筷子微微切開蛋黃已澎湃式湧出雞蛋之外、由於是流心所以吃在口中更感味濃~另外還要上一碟神山手做餃子HK$38.個人就覺得較為失色，不香不脆肉味欠奉、早知如此小食還是要其他好了~整體來說我喜歡《沾麵》勝於煎餃子，下次有機會應該可以試試這裡的湯麵比拼一下高低。☆此店是有加一服務☆…查看更多

昨天晚上，和家人去神山拉麵店吃晚飯，我們叫了一碗神山沾汁麵和白神山叉燒拉麵，第一次這樣吃麵，就是把麵放入汁裏面才放入口吃，味道真的很不錯，兩舊不太肥的燒肉，做得非常入味，又烤得很香。而白神山叉燒拉麵的叉燒也做得好，湯味很濃，雞蛋好滑，值得一試。…查看更多

記得之前有好多人排隊，襯而家唔算多人所以決定去試下lunch都有位，直入唔洗等目測坐唔滿，出面都冇乜人等位一坐低會俾杯熱茶先，侍應服務態度都幾好，落完單好快就有得食個湯唔算咸，啲麵都好彈牙，配埋個汁好好食溏心蛋都仲流心，而舊肉嘅汁甜甜地幾好食，但係有少少難咬，如果冧返啲就好；同埋個荀咸咗啲食到最尾我竟然食得哂個麵，不過舊肉真係有啲難咬都放棄咗，同埋份量都好多！食完好飽呀而價錢就少少貴啦，$89再加一…查看更多

話說同男朋友都好鐘意食沾麵。呢日嚟行apm，未到食飯鐘數，但同男朋友經過呢間拉麵店就口痕想試下。由於只係個下午茶，我地都冇嗌好多嘢食。叫咗神山沾汁麵(加半份麵)同神山湯餃子share嚟食。麵條中規中矩啦，我個人就偏好食硬少少嘅麵。值得一提係個豚肉煮到好淋好綿密！我同男朋友一致認為如果沾麵個湯可以再熱就好啦。餃子方面都係普通， 餡料唔算多。另外，個湯頭同沾麵個個差唔多，不過再鹹少少。冇乜事我下次都係食返沾麵算。…查看更多

日本沾麵過江龍，剛開店時大排長龍，現在晚市時段仍需等位。-神山沾汁麵 $89叉燒有火燒味很香很軟腍，一層肉一層肥膏，怕肥的不能吃肥膏，但也很好吃湯起初是熱的，但只用玻璃碗，很快變冷，個人認為沾麵熱才好吃但此店宣稱沾麵湯不夠熱是他們的特色🤯不解。但湯依然很濃，配上沾麵還是很好吃的😋-黑神山沾麵 叉燒換成普通的叉燒，湯也不夠神山沾麵的濃，也更快變冷，相比之下神山沾麵的確出色很多。-神山湯餃子 🥟 $38煎過的餃子放進拉麵的豚骨湯裡，原來很夾！煎餃仍保留脆脆的外皮，與湯一起吃很好吃🤤…查看更多