桻之燒

因為係openrice入選之店，所以就同男朋友來朝聖，星期二晚七點半來已接近full哂。先來一條鹽燒石蚌，🐟表面佈滿粗鹽，魚鱗沒有擦走，所以燒完，魚肉仍充滿肉汁，質感細嫩，而且極道鮮美！超班嘅燒魚！磯燒雞泡魚干，基本上係必點之佐酒小食，魚干燒得十分香口但又不會太乾和太’銀’，燒汁入味不需要沾沙律醬， 調味已經足夠好吃。手打鮮墨魚棒中間穿了香茅，鮮墨魚滑有粟米口感十足，而且香茅入味，創新得來好好吃！鹽燒先雞皮有別於其他食店的燒雞皮，完全沒有多餘油脂，每塊都超香脆可口， 問店員才知道原來是老闆會印走所有油，才串起雞皮去燒，十分認真！令雞皮原本的味道完全呈現出來！燒雞中翼調味和雞皮一樣，不過肉汁就多好多而且燒得剛剛好！香燒脆皮豆腐，有燒乾腐皮的口感，一層層日本油揚豆腐質感，雖然烤乾但味道十足！芝士焗雙花，芝士極多極多，濃郁奶香，不過我喜歡西蘭花多個椰菜花🥦！必選蔬菜類難得有間燒烤店每一道餸都用心新製作，而且美味可口！店員服務態度一百分💯，一定要再返來！…查看更多

由細到大都係港島人，所以筲箕灣都係常去嘅地方，每當諗唔到食咩，就會去東大街行轉，行行吓見到間居酒屋，於是同朋友決定會一會佢。由於時間尚早，我哋唔駛等位，後來愈嚟愈多人，要喺門口等位。磯燒雞泡魚干 - 好厚身，就咁食已經好香好鮮味，點埋沙律醬食就更惹味。農場新鮮頂鴿皇 - 乳鴿滷得好入味，甜甜哋，而且肉質嫩滑，又 juicy，好味! 法式鮮蟹肉虎蝦烤多士 - 先食一啖無蝦嘅蟹肉多士，食到蟹肉沙律醬汁濃味，之後就一次過食晒蝦同蟹肉多士，配埋爽脆嘅多士，唔錯。蒲燒鰻魚飯團 - 鰻魚燒得乾身，甜甜哋，好香口。汁燒鮮蠔鮮飯團 - 蠔肉肥厚多汁，夾埋燒過嘅飯團同紫菜食，好正! 香燒黑豚六花腩 - 充滿豬肉香味，肉味香濃，簡單以鹽同黑椒調味，帶出鮮味之餘，亦中和咗油膩感。芝士焗雙花 - 芝士重奶香，面頭焗到焦焦哋，好香，雙花係西蘭花同椰菜花，焗前已出水，夠淋身。清酒煮日本沙白 - 清酒味好濃，沙白肥厚多肉，清清哋就最能食到海鮮原味。食飯期間見到店員同不少熟客傾計，回頭率應該幾高，難怪坐低無耐就滿庭啦!…查看更多

有朋友就住係東區，而且都幾耐冇見所以就下佢就黎到東區搵野食啦咁就黎左呢間既日式居酒屋，雖然我地係冇飲到酒哈哈不過日式居酒屋既環境幾舒服，可以係度傾下計咁呢個係個menu都有推薦既鹽燒鮮雞皮 ($28)雞皮好似好肥膩既野黎咁，其實燒過既雞皮真係好香口燒既方法將油都逼晒出黎，少左份油膩感燒完既雞皮係十分之脆，好容易就可以咬開而面頭都落左些少鹽去調味，成個感覺更加好磯燒雞泡魚干 ($68)聞說雞泡魚既料理係好難整，所以都係第一次食呢個雞泡魚干整燒到好似牛肉干咁~切得唔係好厚，所以唔會太難咬開，因為雞泡魚D肉實所以先咁整?呢D燒既野係特別香口，令人不停咁食~鍾意既可以沾埋隔離既沙律醬~清酒日本沙白煮 ($98)蜆、花甲、沙白、蚌呢幾樣野我真係唔太識分XD不過食落去只要冇沙就得，而呢度都做到配上清酒去煮加多一份甜味落去~仲有少少既蔬菜係湯度招牌汁燒鮮蠔飯團 ($68)呢個同樣都係menu有推薦而且係寫住no.1既~咁緊係要試下啦佢有3塊紫菜係度，咁岩我地都有3個人，所以岩岩好可以一人一塊咁包住個飯黎食 (雖然唔知係咪要咁食XD)個飯團係好深色，落左好多鰻魚汁咁，而飯團既外層係硬硬地 應該係因為燒過~蠔同埋個飯團出奇地夾，不過就鹹左少少咁最後就係甜品啦 係燒湯圓呢度主打係燒既料理，連甜品都唔例外~湯圓好有咬口，加上燒過更加香口而且都好夾整體既甜味…查看更多

朋友住鰂魚涌，今日放工搵佢食飯，佢就帶咗我來呢間餐廳食串燒。餐廳地理位置非常方便，地鐵站出行5分鐘左右就到達。環境不算十分寬敞，但坐得舒服。見到食評不少人點二人套餐，我哋兩個都跟住叫。第一道菜係一口生蠔，混上番茄醬令生蠔更鮮味。個人十分喜愛呢道雞泡魚干，非常香口，不但煙煙韌韌，而且愈嚼愈香。蝦多士好香脆，蝦肉肥美，混上酸酸甜甜的醬汁以及蟹肉令人印象深刻。沙白清甜可口非常肥美，而且鮮味十足，朋友讚不絕口。花雕味欠奉，但雞翼燒得唔錯。牛小排配上番茄及蔥令到整體感覺冇咁油膩，牛味濃郁，未至於入口即溶，但都幾好食。燒蘆筍吸引之處係外層香燒，但內裏依然有水份唔會太乾呢個意大利飯絕對係今晚嘅亮點，大啡菇水份十足，黑松露味濃郁，意大利飯硬度恰到好處，非常好食。大話七幾好飲，但下次飲會叫少冰，因為飲飲下越嚟越淡。埋單$514，價錢合理。…查看更多

去到東大街食飯，揸車去唔怕冇位泊，有個時租停車場平日都係$15個鐘，都化算喎。見到間小店以日式串燒為主既桻之燒，雖然座位唔算好多，8:00入坐，好在唔洗等，剛好有位。可以先唔看餐牌，齋看牆上掛著的幾十款木牌，已知點咩食，見到每枱必叫乳鴿，我平時最愛醉雞，所以期待佢著名既太白鮮農場醉頂級乳鴿$158，都算大隻，唔只一開四咁少。店員一放下已聞到好大陣酒香味，滲晒入乳鴿，好香醇味道，肉質較實肉，唔會太淋。 再叫了海鮮, 蒜香燒原隻象拔蚌＄88兩隻一碟, 好多汁，蒜蓉香味夠濃，仲有叫了甲羅燒，滿滿蟹肉撈埋青瓜絲蟹籽，唔會太咸味。叫了二人套餐$468，有齊我地心儀菜色，先來前菜"一口蠔", 新鮮生蠔，加入蕃茄碎一齊食，好鮮味，個shooter 杯夠別緻。第二味係超大片既磯燒雞泡魚干，面層焦香，濃郁既蜜汁漿口，咬下厚片有口感，香甜。 選了清酒日本沙白, 外形好似蜆咁，好大隻，有成十幾隻。湯汁有陣陣酒香，清甜浸住蜆肉啖啖都係蜆汁。再來既係汁燒雞脾菇, 一串三塊，唔會燒濃，醬汁味帶出菇味。同時間上既係美國安格斯牛小排串, 最愛燒牛肉粒，仲要係Angus beef ,好香牛味，唔會好油膩，串埋車厘茄同大蒜燒。串燒當然唔少得雞翼，跟餐再散叫共四隻，有花雕醉香雞翼同鹽燒, 醉雞翼較甜蜜、鹽燒雞翼個雞皮較脆，帶出雞肉香味。蝦多士平時試得多，第一次食蟹多士, 用鬆脆法包托底, 面層係蟹肉撈入沙律醬，再面洒上蟹籽，精美小食，像party finger food , 好似未夠飽，套餐仲有一大碟飯，好震撼，一大個黑松露燒大啡菇意大利飯, 啡菇好像一塊扒咁大，黑松露味香噴噴, 意大利飯淋身，啱晒香港人口味，唔硬，食埋剛好。最後叫飲品，巨蜂乳酸梳打同菠蘿乳酸梳打，不過因係溝糖精，較甜。每人約$250 ，食到幾樣海鮮，勝在新鮮。…查看更多

平時愛到東大街食魚蛋粉或大熱豬扒麵食, 但經過時成日都想試吓周圍的餐廳, 今次選了桻之燒, 雖然小店格局, 但簡單裝潢, 牆上貼滿清酒招紙份外有日本風格, 店員介紹牆上掛著幾十款都係日式燒食推介的木牌，我主要看橙色字木牌, 熱賣嘛, 先叫了馳名的太白鮮農場醉頂級乳鴿$158，切件上, 雖然四人食, 一細件都夠食,  再叫了海鮮, 蒜香燒原隻象拔蚌＄88兩隻, 煙韌鮮甜，叫了4隻。還有肉包露荀卷，清新，選的二人套餐$468先來的是前菜"一口蠔", 小酒杯賣相的骰, 用了蕃茄碎撈埋一齊食，蠔大隻肥美，磯燒雞泡魚干夠晒鮮甜,  多汁, 燒香帶焦香味,清酒日本沙白, 超大隻, 厚肉, 好似湯包住, 一大碗湯, 連湯都可以飲埋, 蜆汁爆出, 蔬菜類叫了汁燒雞脾菇, 大大件可以切開四人分;  肉類, 選了美國安格斯牛小排串, 有牛油香, 淋身, 還夾了大蔥燒香, 跟餐叫了花雕醉香雞翼, 雖然唔算重酒香味, 反而帶出蜜糖甜味, 當然唔夠喉, 咁少串燒,再散叫了鹽燒雞翼, 煎香脆口, 法式蟹多士, 鬆化, 蟹肉撈了沙律醬一齊食, 黑松露燒大啡菇意大利飯, 上枱已香噴噴, 超香濃, 啡菇唔會好乾身, 而且好大份量, 再叫了個甲羅燒$88/隻, 叫了兩個, 蟹肉蟹膏撈埋青瓜絲同蟹籽, 再散叫了一個飯食, 正呀!飲品叫了巨鋒乳酸提子味既梳打, 同柑桔話梅熱飲, …查看更多