Mini Friday (The Wave)

營業中

休息中

見近期疫情緩和，需然未完全安全，又開返晚市，已經忍唔住要出街食返餐，噤啱見呢間做優惠，話姓名入面有某幾個英文字可免費或8折，見有優惠d野食又啱食，就一於選呢間試吓好唔好食先上到去見餐廳環境和氣氛幾好，好適合慢慢傾計和食嘢坐低一陣就有待應送上一兜餐前小食，墨西哥脆片配千島醬睇完餐牌最後選左個晚餐法式紅酒燴牛肋條，另外有前菜，餐湯和飲品。田園沙律：蔬菜幾新鮮爽脆，食完胃口大開法式紅酒燴牛肋條：賣相唔太吸引，份量足夠，味道可以，但可惜係牛肋條唔太腍，要用好大牙力先可解決，有一兩舊刀叉都切唔入唯一係配菜可中和個囗腔鹹味，薯蓉好好味好 creamy 已呢個價錢，食物份量足夠，但味道就好壞參半

男友帶我來食，六點半見好多位以為無咩生意啦。嘩，一到７點幾已經滿座。環境微暗，非常有情調，最適合與情人來。野食都有選擇的，叫套餐比較化算，而味道都相當滿意。薄脆脆卜卜口感加埋千島醬非常美味。田園沙律 (跟餐)沙律菜新鮮，加了荔枝味爆珠，帶來清香味道。菠菜忌廉湯 (跟餐)出街好少會飲到，質感濃稠，味道濃郁，無菠菜的澀味，幾好飲。DIY PASTA $168(包埋沙律、餐湯、餐飲) 溫泉蛋芝士忌廉天使麵配大啡菇Diy 形式醬汁和麵條自由配搭非常彈性，食完都覺得自己配搭好食。芝士忌廉汁味道濃郁，天使麵份量相當多，溫泉蛋水汪汪的，撈汁後好creamy，非常美味。大啡菇切片口感軟彈，簡單又好味，如果加埋煙肉碎就prefect了。炭燒美國頂級牛扒配黑松露燒汁 (包埋沙律、餐湯、餐飲) $328牛扒7成熟肉眼扒部位，肉質軟腍多汁，表面燒得好香，配黑松露燒汁好食。紅莓芝士蛋糕 (跟餐+$1)蛋糕細件一啖就KO了，味道都ok。朱古力熱飲(跟餐+$10)檸檬茶凍飲(跟餐)兩杯味道正常~

預祝一下爸爸節👨Mini Friday 扒房西餐廳🍽主打多國西餐，自家首創多款菜式😻有創意同時衝擊視覺與味蕾😋餐廳以歌德式設計，地方寬敞裝潢精緻像置身於外國一樣咁享受😚係一間性價比極高的高質西餐廳💕 未點菜已先來一碟《墨西哥脆片》😋脆片厚身脆口，沾上酸甜千島醬，開胃醒神。 Set dinner 有田園沙律🥗 餐湯🥣 餐飲🍹 加一蚊仲有甜品🍰 抵呀😍 🥣《 菠菜 忌廉湯》飲落好重 菠菜 味，忌廉湯幼滑。 🥗《爆珠沙律》可愛爆珠，配上嫩綠蔬菜，爽甜青瓜仔，新鮮車厘茄，切開一小口， 方便進食做法貼心。 🐂《皇牌威靈頓牛柳 》威靈頓牛柳係首本之作，酥皮烤得堅挺金黃，外層乾爽，牛油香氣濃盛🤤🤤切開酥皮牛柳中間呈粉紅色，非常嫩滑有彈性。牛味香濃，一試難忘😋 下中層有黑松露磨菇🍄吃得到濃郁菇菌。配上紅酒醬汁🍷紅葱及牛仔肉汁，非常惹味。 加上清香嘅蘑菇蓉🍄及香滑鴨肝，最後淋上加入左馬德拉酒及松露嘅肉汁，濃香惹味，吃多幾塊也不覺膩😋 🐷《香烤美式BBQ豬肋骨 》烤焗 均勻， 燒烤醬香甜 ， 肉質嫩滑好juice , 配埋雜菜露筍🥒同薯蓉🥔太滿足啦 🍫🍰《朱古力慕絲蛋糕》精緻小蛋糕，口感凍冰冰，喜歡它

之前一直都知呢間餐廳有唔少好評，見價錢都合理就決定試試。我係經openrice book位，正價餐牌會有88折，但就唔包括套餐。點餐前已經有提供到小食，墨西哥脆片點千島醬都幾好食。Dinner set: 香烤澳洲羊架配薄荷燒汁 $238隨餐會有田園沙律、餐湯及飲品。餐湯係紅菜頭忌廉湯，味道好濃郁。而沙律個組合上就有啲奇怪，會有埋平時台式飲品會飲到嘅爆爆珠。而個羊架係絕對有驚喜，本人係好怕臊味，但今次個味道係完全可以接受到，可能係因為薄荷燒汁蓋過咗羊嘅臊味，而且啲肉都好嫩。飲品就揀咗熱情蘋果蘇打，飲落去係勁甜，真係會覺得自己係飲緊糖水，要再另外叫多杯冰溝淡返個味。明太子忌廉帶子手捲粉 $148手捲粉其實就係長通粉，而呢個粉嘅好處就係可以捲住好多汁，食落唔會覺得乾。帶子即大粒又彈牙，手捲粉面都有魚子作為點綴。水牛城雞翼 $78雞翼表面炸到脆脆地，裡面都依然保留到啲肉汁。而且個汁酸酸辣辣，非常惹味。整體來講，呢間餐廳都好推薦大家去食，食物質素都幾好，成個環境同氣氛都令人覺得好舒服。

那天晚上來到觀塘一座重建大廈的樓上餐廳，餐廳的面積頗大，間隔寬敞，在疫情期間當然是好的環境。場內有幾把通常是放於戶外的米白色大傘，自然會成為打卡的熱點。服務員也不少，很快就可以回應客人。我們三人點了三份晚餐，計有法式紅酒燴羊膝 ($198) 、煙鴨胸鮮蕃茄汁扁意粉加龍蝦 ($206) 及黑松露忌廉花膠燴美國雞扒 ($168)，三份晚餐都各配是日餐湯、田園沙律及餐飲，相當豐富。一開始來的是附送的脆脆粟米片跟千島醬，聽講是可以添食的，不過其他食品都陸續上來，所以我們都沒有再要。是日餐湯是忌廉椰菜花湯，濃稠適中，椰菜花味濃郁，不過味道較為淡。有著多款沙律菜、青瓜及粟米粒的田園沙律，份量也不少。其中一份主菜的法式紅酒燴羊膝，羊膝很大件，而且燉得很腍，可以輕易地從主骨中分出來，要三人分享也沒有難度。紅酒汁味道也相當好，伴碟的薯蓉帶著紅酒汁也即時變得十分美味。另一份主菜的煙鴨胸鮮蕃茄汁扁意粉加龍蝦，扁意粉軟硬合適，煙鴨胸都有很多片，鮮蕃茄汁的味道也不錯，遺憾的是$48加的半隻龍蝦就不覺得有甚麼鮮味。黑松露忌廉花膠燴美國雞扒的份量很足夠，味道也不錯，花膠煮得很腍，薯蓉蘸著黑松露忌廉醬汁來食味道都很好

今日同個fd慶祝特別嘅相識週年紀念，揀咗呢間餐廳食~ 一入去原來同雞煲一齊， 右邊雞煲，左邊西餐。 雞煲嗰邊竟然有live band 好好笑~ 佢今晚d歌都好啱我地聽，仲有唱榮光，真係好黃.我地兩個女仔都唔係好肚餓， 所以唔叫set dinner, 我地叫小食， 沙律同叫甜品就啱啱好. 我叫咗個溫泉蛋菠菜大啡菇，d味好夾， 好好味。個維尼雞翼真係要大贊 真係好好味， 其實係柚子蜜糖雞翼， 真係好好味， 濃濃嘅柚子， 正！！！ 我地仲叫咗個田園沙律， 但係有d後悔， 因為大啡菇同雞翼都有沙律on a side, 都係田園沙律咁嘅樣， 早知揀過第二款沙律啦。。。。 不過我地都係食晒之後叫甜品， 叫咗個心太軟同菠蘿sorbet, 個菠蘿真係好開心， 原個菠蘿仔上， 好靚又好好味！ 甜品作結就大滿足！！呢餐book枱仲有88折， 抵呀

身為前觀塘友，初開張時試過Dinner，覺得唔錯，之後介紹埋朋友丶同事嚟，間中都會嚟食吓，次次都係叫set，今次專程為咗個威靈頓牛柳而嚟 😋皇牌威靈頓牛柳Beef Wellington $298脆脆鬆化酥皮外層，中層有黑椒磨菇，內層係熟度啱啱好嘅牛柳，肉色粉嫩，肉質富彈性，果然無失望！餐前小食芝士醬脆片自選意粉餐 DIY Pasta Set $158跟餐有沙律丶餐湯丶飲品黑松露忌廉汁煙鴨胸意式燴飯Smoked Duck Breast Risotto with Black Truffle and Cream Sauce 黑松露忌廉汁好香丶好濃，米飯硬度適中，最特別係每啖risotto有煙鴨胸味，唔係平時嗰啲分開處理，煙鴨胸只係放飯面甜品 Dessert (跟餐+$1)望落去好似Tiramisu，但食落係朱古力味嘅，層次分明，面層係朱古力粉配蛋白定奶凍？中間2層都係Mousse質感丶最底係蛋糕。

呢晚同老公約左去開源道既駱駝漆outlet買波鞋 , 所以預先網上訂座食呢間 , 買完鞋時間啱啱好上去 , 間餐廳燈光昏暗 ,  近門口位有幾張較高身既枱 , D櫈都係高身既 , 應該係純粹飲酒坐既位 , 入面就梳化櫈 , 好好坐, 係好啱拍拖撐枱腳 , 坐位好舒適 , 落單時店員提醒跟餐加$2有蛋糕 , 我地先叫正餐 , 個前菜沙律D菜好爽口 , 配個魚露好開胃,  食到尾聲先叫埋蛋糕....呢個飯後甜品唔錯啦 !

和朋友慶祝生日，揀左依間環境寬敞情調唔錯的餐廳，美食多選擇會有驚喜的，食客唔多私人空間十足，可以慢慢傾，撐枱腳一流。薄脆 free埋位點完餐後即來薄脆小食，口感脆卜卜唔油膩亦唔重口味，醮左美味的千島醬，好食到唔停口。水牛城雞翼 $78六隻沾滿醬汁的雞翼列陣出場，雞翼size大隻，味道酸酸辣辣惹味非常，連續食三件係有點膩的，食下沙律菜又唔錯，中和下口味又可再戰。皇牌威靈頓牛柳 $298外層金黃鬆脆的酥皮看起相當大份，包住充滿肉汁的牛柳和口感彈牙的蘑菇，牛柳軟身醮左醬汁相當美味，係貴左點一餐半餐還可以。龍蝦大啡菇鮮蕃茄汁扁意粉(套餐) $207酸酸甜甜的鮮蕃茄汁底配扁意粉最夾，扁意粉軟硬度適中，撈埋彈牙的大啡菇碎口感全面，龍蝦大隻蝦肉略少，整體味道唔錯。田園沙律 (跟餐)聰明地加了荔枝味爆珠，令平凡的沙律菜加添新意，帶來清香口味。南瓜忌廉湯 (跟餐)南瓜湯底色澤亮麗，口感幼滑，味道濃郁，啖啖滋味。紅莓芝士蛋糕 (跟餐)細細件芝士蛋糕食到兩啖，味道甜甜地，為這頓大餐畫下完美的句號。

光顧過Mini Friday好幾次，不過次次都是Semi Lunch Buffet今次是第一次來吃晚飯啊！因為知道有威靈頓牛，所以我就選擇book這家餐廳晚飯丫～～晚飯時段前來會有live music，同時亦比午市多了一陣雞煲味！因另外半邊場地是食雞煲的啊～～必點的是威靈頓牛另外點了兩份DIY Pasta set ($158/set)套餐有沙律﹑是日餐湯﹑主菜及餐飲加$1換是日甜品入座就先送上墨西哥脆片脆片新鮮炸起，好香脆，醮千島醬吃，微酸的食到停不到口～～田園沙律，沙律菜新鮮爽脆醋酸味令人增加食慾加入了一些爆珠幾有趣，但兩位朋友都不太喜歡爆珠的味道丫～食物上桌的速度好快！兩份DIY set跟威靈頓牛好快送上～～第一份是黑松露忌廉汁大啡菇天使麵醬汁夠多夠creamy，松露味超香，再灑上一些芝士片於面層，出手毫不吝嗇！大啡菇的菇菌味亦好香～～天使麵本身幼身，容易煮得糊糊的這份pasta的醬汁雖然creamy，但天使麵的麵質仍控制得不錯，沒有糊成一團！第二份是溫泉蛋芝士忌廉煙肉意大利飯意大利飯同樣creamy，飯的熟度剛剛好～煙肉略略的鹹香，中和了溫泉蛋芝士忌廉醬汁的膩味道都不錯～～！！皇

跟朋友聚會 想找一家餐廳邊吃邊聊看到觀塘The Wave有不少餐廳好評就挑了這家試一下一走進門以為錯地方原來米走雞和Mini Friday都是同一個入口用了Openrice訂座 很快就可以安排入座了Menu有DIY Pasta, Set dinner還有單點的menu我們點了一個Pasta, 2個Set, 1個pizza店員很快就送上免費贈送的脆片脆片加上那些醬好好吃然後是附送的田園沙律，配上芝麻醬滿清新的水牛之士蕃茄Pizza剛上來就被朋友們分去四分一因為剛上菜時那芝士香氣太強了吧 芝士控們忍不住我個人覺得還好 但芝士很多BBQ豬肋骨這個我倒覺得一般 沒有太特別的地方肉眼扒反而忘了拍照那個黑椒松露汁超級好吃配上薯蓉或牛扒也好好吃這個是白汁溫泉蛋雞柳意粉溫泉蛋煮得剛好 拌著意粉來吃 好吃最後甜品上場本來問了waiter 說是芝士蛋糕來到時吃了一下 因為是芒果慕絲蛋糕吧這個甜品還好 不會太甜 還有士多啤梨汁中和一下總括來講還不錯 上菜速度滿快只是偶爾有旁邊火鍋餐廳的味道飄來🤣用了Openrice的主餐牌88折優惠每個人大概150吧 還ok

今日又嚟到官塘嘅工廠區搵食，餐廳入面裝修到好靚。我地平日嚟食，一開始仲以為會冇咩人，點知坐到8點左右就發現就嚟坐滿咁濟。而且果日大約8點開始就有人嚟唱live，所以成個環境都幾chill。佢dinner set嘅選擇都幾多，最特別係佢有個pasta set，可以由意粉、醬汁到配搭都自己配搭，保證一定啱自己口味。我地最後揀咗一個pasre set、燒澳洲牛肉眼扒同一份炸魚薯條。 一坐底餐廳就上咗墨西哥薄脆，佢個醬非常好食，好惹味。炸魚薯條($68)依個小食份量超級多，個魚唔係普通茶餐廳見到嘅魚柳，佢係有連魚皮去炸，味道唔錯。田園沙律+是日餐湯(跟餐)個沙律有好大塊蕃茄，d菜幾新鮮，個醬都好幾食。我果日嘅是日餐湯係忌廉湯，味道唔錯，唔會好稀好水咁。燒澳洲牛肉眼扒配黑松露燒汁($238)我地叫咗7成熟，一上到嚟就睇得出真係燒，而唔係煎嘅。塊牛扒超級大塊，而且都算厚，食落好juice，亦都有牛味，好推介大家試下。薯蓉好滑，味道都唔錯。Pasta set ($138+$20)我地揀咗大啡菇+蕃茄醬+普通意大利粉嘅配搭，仲專登加$20要鮮蜆。我強烈推薦加蜆肉，因為個蜆真係非常之大粒，一上嚟我

今日放工早早地同埋同事一齊去試下觀塘既呢間mini friday，之前都聽講過呢間餐廳既質素都唔錯，而且環境都比較有情調。Mini friday位處係觀塘既興業街the wave 3樓，黎開觀塘都會知道，呢一帶係工廈區，有唔少既食肆林立，簡直係放工食飯打卡既聖地。除左今次黎食既mini friday之外，餐廳同層仲有米走雞live 呢間火鍋店，之前食過都唔錯，餐廳既燈光幽暗，非常有酒吧既感覺，順帶一提，餐廳否定時都會有live band show，你都咪話唔有feel。未點餐之前食住餐廳既愛心薄脆，雖然唔洗錢但都好好食，仲暖呼呼既脆片沾上特製既醬汁，簡直係yummy yummy。香烤寶雲酥羊架 配紅酒汁 $228先先點返個晚市套餐，7款唔同既套餐我就揀左香烤寶雲酥羊架，價值228既套餐真心抵食，除左主菜，另外仲配上沙律、餐湯、甜品同埋飲品。特別一提，隨餐奉送既田園沙律唔單止有賣相，裏面仲加左爆珠，配合黑醋汁，又酸又甜，百感交雜，創意滿分。主菜既香烤寶雲酥羊架選左6成熟，羊架肉感細膩，味道帶上一小小羊本身既獨蘇味，肉脂均勻，掛在肉上既羊油脂香而不油膩，配合味道適中既紅酒汁就更加juicy

又到星期五，聽朋友說觀塘的工廈有很多美食，我們訂了位於the wave 一幢大廈內的Mini Friday，大廈裝潢很新蔟，原來於2016才落成的。餐廳環境以暗調為主，座位闊絡舒適，約三五知己聚餐的確是不錯的選擇。首先，每枱都會端上一薄脆小食，非常香脆可口，千島醬汁酸酸的，很是醒胃。開頭忘了影相😂，份量比相中更多的。水牛城雞翼是我的最愛，旦凡餐牌上有它的蹤影，它必定岀現在我的餐桌上。端上的時候熱辣辣，很是吸引，雞翼炸得外脆內嫩，外層被酸酸辣辣的醬汁包圍，令人胃口大開我們左挑右選，點了兩個set dinner。每個set 都跟沙律，餐湯，甜品和飲品。沙律以玻璃瓶盛著，蔬菜新鮮爽脆，配上醒胃沙律醬再加上爆珠，一酸一甜有驚喜。蘑菇湯濃稠度適中，有陣陣蘑菇香味，蘑菇被磨成粉，每呷一口湯，整個口腔都被蘑菇充斥著牛扒可選五成或七成熟，因怕五成熟還是有太多血水，所以就選了七成熟。師傅火候控制得很好，切開肉色嫩紅，沒有過熟，牛扒牛味濃郁，肉質軟腍不嚡口，只是還有少少筋，但不太影響牛扒整體質素。Pasta 醬汁，配料和麵條是可以根據自己喜好配搭的，讚麵條硬度適中，忌廉汁creamy，溫泉蛋晶瑩剔透，兩者

今晚二人行在觀塘Mini Friday食西餐。先來一份墨西哥脆片，為豐富晚餐揭開序幕：我的E餐是燒美國豬鞍扒 配 燒汁  $218田園沙律、黑松露忌廉餐湯、芝士蛋糕、椰林飄香。別緻的田園沙律出場，是用密實的玻璃瓶子盛載著，像要將沙律保護得更要好，呈現在我的眼前，清新的田園沙律也為我帶來健康之選。黑松露配忌廉餐湯，有幼滑口感，味道合宜不偏鹹。燒美國豬鞍扒 配 燒汁 ，豬鞍扒肉質極之腍滑，且非常有肉味，配上燒汁，味道又另有番新層次，伴隨豬鞍扒上碟還有薯蓉、燒蕃茄和茄子，薯蓉滑滑的帶著忌廉的香和滑，十分美味可口。椰林飄香，特飲如其名，贏得滿口椰香，清甜又滋潤。正正方方的芝士蛋糕，帶輕量芝味，蛋糕軟綿可口。朋友的 D餐. 香煎三文魚柳 配 芥末籽忌廉汁  $198分享朋友一些的三文魚柳，外皮煎得金黃香脆，已經非常吸引，入口的三文魚柳甘香仲帶有微微肉汁。田園沙律、黑松露忌廉餐湯、芝士蛋糕、茉莉玫瑰茶。