Cafe 2 Oyster n Grill

餐廳：Cafe 2 Oyster n Grill地點：西環西營盤菜式：西餐、生蠔餐牌：生蠔、湯、沙律、Side Dishes、前菜、意粉意大利飯、比薩、烤海鮮、海鮮、牛扒、豬、甜品等。先黎半打生蠔開開胃。愛爾蘭石蠔 Irish Rock $29 另加一愛爾蘭石蠔比較Mineral，味道非常鹹香，好有海水味。法國聖馬田生蠔 St Martin $29 另加一法國聖馬田生蠔較為creamy，入口滑溜，好食。西班牙銀堡生蠔Castillo $39 另加一呢個西班牙銀堡生蠔最正，好肥美，入口滑溜有口感，正！Barton & Guestier Sparkling Blanc de Blanc (France) Champagne Style $48 另加一呢杯酒d泡泡好靚，望住泡泡上升好療癒。飲落好易入口，好飲wor。檸汁醃八爪魚 $148 另加一慢煮八爪魚多片加有檸檬汁，口感一流，有咬口又唔會太硬。下底係撈有莎莎醬，歐芹，甜黑醋同滑溜牛油果既沙律，好開胃。慢煮和牛薄片伴香醋汁 $158 另加一大大隻碟舖滿薄薄嫩口和牛薄片，面頭加滿鹹香芝士片同新鮮火箭菜，加有香甜黑醋，帶黎多重口感，味道又鹹又甜，好美味。炭燒海鮮拼盤 $398 另加一炭燒海鮮拼盤好大盤用木板上枱，大大隻連殼連頭有膏大蝦，一大條脆皮嫩肉魚柳，仲有三隻嫩口鮮美厚肉加拿大帶子，下底有好多有嚼勁八爪魚片同爽口啖啖肉螺肉，伴有新鮮沙律菜。醬汁有泰式醬汁，少少辣好惹味，仲有一件檸檬角。總括而言，海鮮非常新鮮，所有海鮮都食得出鮮味，推介。炭燒美國安格斯西冷扒 $298 另加一炭燒美國安格斯西冷扒足有12安士，超大件，連少少筋，有咬口，叫左medium rare，中間帶少少粉紅色，都好嫩口，牛味好濃。伴有蘑菇燒汁，真係有蘑菇粒，唔太鹹。伴有兩大件番茄同翠玉瓜，仲有熱辣辣炸起粗身薯條。芒果沙冰 $65 另加一芒果沙冰大大杯，面頭仲加上忌廉，飲落係滑溜天然芒果味，唔太甜。朱古力心太軟伴雲呢拿雪糕 $88 另加一大大件脆皮流心朱古力蛋糕灑上少少糖霜，配一大球雲呢拿雪糕同一條朱古力蛋捲，仲有一粒新鮮士多啤梨同三粒藍莓。暖暖地既流心朱古力蛋糕配冰凍融緊既雲呢拿雪糕簡直係絕配，仲有朱古力曲奇碎加添口感，呢度將呢道甜品整得好好。鐵板朱古力布朗尼伴雲呢拿雪糕 $78 另加一我第一次食呢款熱辣辣鐵板上既朱古力布朗尼，服務員係你面前倒朱古力醬，嗰個色香味簡直令你視覺聽覺同味覺都大大滿足。首先聞到好香朱古力味，然後入口係熱辣辣布朗尼配融緊既雲呢拿雪糕加流緊既朱古力醬，仲有鐵板上既朱古力曲奇碎，口感味覺同比各有千秋。意大利芝士餅配雪糕及水果裝飾 $68 另加一好大件意大利芝士餅，口感輕盈滑溜唔太膩，酒味同朱古力唔太濃，忌廉感好強。我第一次配雲呢拿雪糕食，原來都好好食，好夾。伴有朱古力味蛋捲一條，一粒新鮮士多啤梨同三粒藍莓。加有少少草莓醬添少少新鮮感。今餐食物質素好高，由生蠔到前菜主菜甜品都好正，份量大份。外籍服務員係西人，服務態度非常好。餐廳裝修好有歐洲氣氛，播放輕鬆音樂。…查看更多

這間餐廳🦪生蠔成日做特價，所以好抵食💰餐牌價錢係正價，折扣後真係抵食Spain Pearl & Fine De Clai 都係$19Lambert & St. Martin 係$29Gillardeau $39🤩喜歡食蠔就唔好錯過喇😋🍵黑松露蘑菇湯配法包$68這個法包唔知點解唔脆😅，湯味道一般啦🍄炒雜菇$78比較用太多牛油炒，太油膩唔係好啱我🥪青口配脆脆麵包粒$188脆脆麵包好味，忌廉味重，青口大大隻🧄🍾蒜香紫蘇白酒煮海蜆$128好香酒味🐷乳豬$298 推介：勁好味、嫩滑、唔鹹👍🏻😋分量雖小但少吃多滋味😆…查看更多

住在隔離街咁多個月，好想試但一直未有機會試嘅餐廳。因為佢有我最鍾意嘅生蠔優惠。早前$18一隻精選蠔，可惜享受唔到！而家做緊$19 /$29一隻，都一樣食得好開心🥳今晚係朋友仔嘅生日，我哋前後叫咗5款生蠔：1. shimonoseki日本蠔，例牌肥美又甜個人喜歡日本蠔，所以十分滿意2. South Africa南非蠔通常十分creamy，如果喜歡creamy就要試啦，不過就唔好expect會好重海水味3.Carlingford法國蠔，聽聞係一直既皇牌，所以就試佢啦係典型既主打海水味，佢甜得來有點兒似淡淡的鐵秀味㗎，餘韻勁呀4. Alexsander係今晚最有驚喜嘅一款呀🥰🥰🥰🥰🥰侍應姐姐話到咗幾個星期試緊反應我就最鍾意佢鮮甜無比相對之下係無咁重海水味，但夠架喇！5. Fine de claire是晚最重海水的一款😋咸爆！喜歡海水味絕對就係揀佢喇！😋😋😋😋😋😋Alexsander!!今晚的主菜我哋食乳豬燒得好好味，好薄又脆，油脂濃濃的入口甘香好唔捨得食完呀！燒海螺都十分有驚喜呀！好有燶燶香香既味道，但海螺既鮮味亦同時保留到口感軟硬適中，wonderful!!!!…查看更多

Happy Friday同閨蜜去了西環吃飯，就是為了食生蠔。😛有個Special Offer 都幾抵，買一送一之餘仲有飲品任飲$68一位。😎生蠔選擇頗多，我們選了三款，新鮮而且味道不錯。😌周打蠔肉湯第一次飲蠔肉湯，有生蠔嘅鮮味，但又有點點蠔豉那種鮮味，很特別。👍🏻紐西蘭青口配紫蘇葉忌廉汁好大碟，青口都幾大隻，忌廉醬汁香濃，紫蘇葉帶點清新嘅感覺，又不會太滯。😋黑松露大蘑菇手卷粉配巴馬臣芝士好多大蘑菇，黑松露味道頗濃，手卷粉質感很好，不過真係好大碟，最啱大胃王。😜Broccoli with onion and bacon洋蔥、煙肉同西蘭花嘅味都幾夾，而且西蘭花夠軟林，雖然簡單嘅煮法同材料，但都幾好食。👍🏻原本想試埋甜品，但已經好飽，真係無能為力，唯有下次再試。😂…查看更多

上次去開西環晚餐，經過見到這間食店，有生蠔食已經吸引了我，是晚約愛食生蠔的友人晚餐。這裡地方都算大，枱與枱之間都寬敞，氣氛柔和，適合三五知己歡聚。食物種類很多，我們最後決定點 "Dinner Set for 2"。"Dinner Set for 2" 都有兩款選擇，我們當然選有生蠔的套餐啦。有3款生蠔，每款2隻，味道由淡至濃，鮮甜好味 蟹肉南瓜忌廉湯，濃濃的南瓜湯配上蟹肉 仲有 "cafe2 Platter"，材料很豐富，Ham 沒有太多肥膏，樣樣配搭得好好，好味！肉醬螺殼粉，螺殼粉好大粒 肉醬好入味 番茄羅勒水牛芝士薄餅，好大份，兩人食到飽！我最愛食朱古力熔岩，有雪糕，有nuts，好好味 最後，仲有餐飲！非常滿足的一餐 ^_^…查看更多

今次又來到西環開餐～ 大家都知而家銅鑼灣都淪陷咁滯㗎啦， 早前又有SOGO thankfuk week...... 我哋幾個人又唔想咁迫所以決定搭多幾個站去咗西環食飯！ 其實西環而家多左好多又新又靚嘅西餐廳！ （可能係我而家先發現到XD） 都好適合情侶又或者朋友聚會～～ 講緊既係CAFE2，我都係經朋友推介來食的！ 一入到來就覺得好有情調好舒服！ 坐低未睇MENU就比呢個promotion吸引左！ ＄88任飲紅白酒！！！！！ 再加生蠔都係＋＄18咋！！！！ 唔好講笑，即時來一ROUND先～～～ 平時去食西餐，開一支紅白酒其實都唔平， 講緊係二百幾蚊一支HOUSE WINE，或者五十幾一杯， 依家每人加少少錢就可以有得任飲真係好開心！ 生蠔比想像仲要大隻同肥美！！ 佢叫PACIFIC GEM， 海水味就比較淡，唔會好濃好重味， 最吸引人嘅地方就係佢夠大隻！夠CREAMY！ 個人好喜歡～～ 食左一ROUND生蠔再點野食XDXDXD 食完冷盤生蠔之後當然點返D熱食～ 蟹肉南瓜湯 - $65 黑松露牛肝菌雜菌湯 - $62 呢度既西湯好足料，味道濃郁！ 如果同情侶兩個人來，可以選不同款再SHARE～ 先試蟹肉南瓜湯，好鮮甜美味！ 之後再飲黑松露牛肝菌雜菌湯，非常濃既黑松露味，正，仲配埋蒜蓉多士～ 炭燒海鮮拼盤 - $298 四人食飯可以點大份既海鮮拼盤！ 拼盤有虎蝦、大帆立貝、翡翠螺、大魷魚， 炭燒可保留海鮮既鮮甜同彈滑！ 也多了份粗獷的口感～不錯不錯！ 炭燒美國安格斯斧頭扒 (40-45oz)- $798來到CAFE2，一定要點最出名嘅斧頭扒！呢份有成40OZ！！！非常大份呀～～我地選了五成熟，入面好粉嫩粉嫩，JUICY 到呢～牛味好重，愛牛人士一定要來食！餐廳仲會先比你影相之後再切件，唔使自己切餐死，好貼心～～～點少少mustard已經夠味！ 芝士五重奏薄餅 - $198來多份PIZZA，我地已經飽飽地了！芝士控表示這PIZZA值得叫！芝士質素高！好在夠薄脆，不然就會過於膩了！甜點時間！！！！ 法式焦糖燉蛋 - $58 朱古力熔岩伴雲呢拿雪糕 - $58(Small) 心太軟呢個無得輸！！！ 甜蜜菠蘿薄餅伴雲呢拿雪糕 - $68 呢個出便好少見到，點來試試， 又幾岩夏天食，菠蘿夠清新，配雪糕一流～～ 食完呢餐又要減肥喇！！！！！！！…查看更多

2018.05.16 😊【石屎森林裡的浪漫紅磚屋】食在西環提及西環 就會聯想到近年文青界大熱的泳棚過往因交通問題不常去直至近年港鐵開通後方便多了🚇不少打卡必到的景點、美食都陸逐發現小妹就連婚照其中一個景點亦選擇在著名的西環竹棚拍攝上週跟數位新交的朋友來到一間浪漫的餐廳共進晚餐置身於被紅磚牆包圍的餐廳 有如在外國城堡裡🏰當然不少得拍下照片"呃like"生蠔頭盤先來點生蠔熱身吧餐廳的蠔真的不容小看 差不多有我的手掌大手掌蠔不單肥美 口感嫩滑 肉汁鮮甜🤭是個不錯的開始廚房拼盆這個華麗的菜名 跟料理不謀而合當中不單只用材豐富: 煙三文魚、班馬臣火腿、芝士、秋葵、沙律菜等而且構圖豐富 口味新鮮清新🥗不論肉食還是草食一族也樂意一試四式薄餅在此真的要一讚小店的貼心相信有不少貪心的吃貨都會愛上這道料理小店在同一個薄餅裡集合了四種口味:皇后薄餅、意式辣肉腸薄餅、煙三文魚薄餅、24個月西班牙火腿薄餅🍕大愛煙三文魚薄餅不單薄餅底烤得香脆 三文魚亦毫不吝嗇炭燒美國安格斯肉眼扒肉食動物當然最期待安格斯🐄一出場心裡不禁輕叫了一下厚大的一整塊 就快能把小妹的臉都蓋著啦不可不題雖然牛扒厚在火候控制上不錯 肉質粉嫩 不會老老的雪糕新地完美的約會甜品是必須的看著餐廳的王牌 就連大叔都有少女心😏雪糕新地一出場 補捉全場目光甜品層次分明: 脆米 啫喱 Oreo Brownie棉花糖 多色雪糕 威化手指脆筒不論小孩 還是大人都爭相跟它拍照Cafe 2 Oyster n Grill 💌西環皇后大道西371號地下Mon-Sun: 1130-1430, 1800-2230…查看更多

今次搵食搵到黎港島西，經朋友介紹黎到位於西環皇后大道西既西餐廳，食佢地出名既斧頭扒。一黎到我就問店員有咩推介，佢地都樂意介紹食物，經佢地介紹後，原來做緊 FREE FLOW - $88 任飲啤酒或紅白酒再加送兩隻生蠔既推廣優惠。生蠔款式選擇都算多。黎到既生蠔都厚肉大隻，生蠔海水味濃，新鮮爽口。餐廳提供既紅白酒款式。自己鍾意白酒多啲，呢度白酒又易入口，非常岩我口味。飲酒再點多個小食，炸有機甜栗米 $68 - 即炸既栗米粒超脆口，再加上醬料一流，呢個真係要趁熱食。(回味中…)之後我地點既野食都慢慢上枱，先黎餐湯，餐廳每晚有兩款湯俾客人選擇。我就點咗黑松露牛肝菌雜菌湯 $62 - 黑松露加埋雜菌真係絕配，湯好杰身，打得好幼滑，每啖都有濃濃松露香。 飲完湯就到沙律，今次叫咗軟殼蟹金柚沙律 $98 - 嘩! 隻軟殼蟹仲熱架喎~ 同埋食落就知岩岩炸起，配埋金柚沙律，柚子肉又多又大舊，酸酸甜甜好開胃喔。芝士五重奏薄餅 $198 - 聽個名都知好食，喜歡食芝士既朋友真係要點黎試下，即焗即食，芝士味濃，餅底夠脆，無得挑剔啦。跟住上枱既就係全晚焦點炭燒澳洲斧頭扒 $698 - 應該大約有40oz，好大塊，好香炭燒既味道，我地影完相就叫店員幫我地切好一件件，佢地又排得好整齊，完全不失霸氣，牛扒本身已經醃製過，可加少量海鹽一同進食，肉味更出。法國鵝肝意大利飯 $178 - 店員話鵝肝係選用法國Rougie既，見到大大塊鵝肝鋪喺飯上面，我地都忍唔住即刻放入口，外脆內軟，香味難以抵擋。最後黎到今晚尾聲，點少得甜品，餐廳有多款甜品供應，有心太軟，焦糖燉蛋等等，我係朱古力控就一定係揀心太軟啦。心太軟好大件，一切開朱古力醬就已經湧出黎，但又唔會太甜，我非常喜歡。…查看更多

年尾特別多飯局，朋友中有人是酒徒，Cafe 2有$88任飲紅白酒，啱晒，加上之前已經食過一次，知道味道不俗，就建議朋友在此飯聚。＊＊＊＊＊＊＊＊＊＊＊＊＊＊Cafe 2在香港大學站和西營盤站之間，雖然距離後者近一點，不過建議跟Openrice指示在香港大學站出，因為一出地鐵站一條直路就到，對於非地膽的朋友會較容易。啡色磚牆加上窗邊的小燈泡，甚有節日氣氛。餐廳最近推出$88紅白酒任飲promotion，達星期一至五晚市時段或星期六日全日都可以享用，基本上飲兩杯都已經回本，最啱酒友，加$18還可以有兩隻生蠔，超抵！是晚我沒有飲酒，女士朋友說這白酒酒味不重，都易入口。加$18的兩隻生蠔是隨機的，每次不同，但見生蠔都肥美，海水味重。凱撒沙律伴24個月西班牙火腿($120)凱旋沙律單點是$82，可以加錢加配煙三文魚或西班牙火腿，所以我們就加了$38加配火腿。羅馬生菜上鋪滿芝士片、烘麵包粒和煙肉碎，上面再伴有流心蛋和西班牙火腿。凱撒沙律有足夠的凱撒醬，食之前跟流心蛋拌勻，羅馬生菜夾脆，加上帶鹹香的西班牙火腿，味道一流。周打蠔肉湯($68)蠔肉湯顏色呈土黃色，中間放有一隻蠔肉。蠔湯入口蠔味濃郁，因為用忌廉打所以非常順滑，濃稠適中。黑松露牛肝菌雜菌湯($62)雜菌湯顏色較蠔湯深，奉上時黑松露香味撲鼻而來，因為打得幼細加上有隔渣，所以不會飲到粒粒口感，味道不及蠔湯濃郁，但味道也不差。餐前麵包餐前麵包是蒜蓉多士，烘得香脆之餘蒜香味亦突出。Double Chocolate($60)Double Chocolate是一杯朱古力奶昔，上面放上一球朱古力雪糕，雪糕上還澆上朱古力漿，朱古力控如我一睇到已經心心眼。朱古力奶昔非常幼滑，朱古力味濃郁，正！Orange Sky($60)Orange Sky是一杯香橙沙冰，沙冰打得幼細，不會有啜吸困難的問題，味道酸酸甜甜，非常清新。脆炸甜蕃薯條洋蔥圈配車打芝士($88)洋蔥圈下面以炸蕃薯代替平時常見的炸薯條，洋蔥圈炸漿薄而香脆，蕃薯條略帶甜味，加上半融的車打芝士，味道不錯。炭燒美國安格斯斧頭扒($798)斧頭扒其實是肉眼扒的一種，只是前者特意切成斧頭狀，呎吋要達到一定標準才可稱之為斧頭扒，一般重量在1.1至1.3kg之間，接連的骨頭可以長達30cm，所以一頭牛通常都只可以切出九至十塊斧頭扒。這塊斧頭扒份量十足，有30至35安士，足夠六至八人分吃。侍應會先讓我們拍照，才把斧頭扒切件，我們點了五成熟，所以斧頭扒中間大部份肉質都呈玫紅色，而斧頭扒下面還有脆肉瓜、南瓜和薯仔等配菜。因為斧頭扒是連骨牛扒，而牛骨能在烹調的過程中固定牛扒形狀，令肉汁不易流失，所以肉味更濃肉質亦較軟嫩。肉醬蜆殼粉($128)本身我不特別喜愛蜆殼粉，不過這是巨形蜆殼粉，一粒有一隻雲吞大小，食落比較煙韌彈口，加上肉醬的茄醬連味，味道不俗。甜品拼盤($168)甜品拼盤包括芝士餅、朱古力布朗尼、泡芙和朱古力心太軟，非常大推頭。我試了朱古力布朗尼，軟硬適中朱古力味香濃，朋友則芝士餅又滑又香芝士味，一個甜品拼盤滿足晒幾個人的願望。總結，食物屬中上水平，$88任飲紅白酒堅係抵，斧頭扒和甜品拼盤如果人多其實幾抵食，建議人多一點來更好。…查看更多

老婆過來西環接我放工，順便在西環食晚餐，這間Cafe 2 Oyster n Grill 平時我都會經過，見佢幾多人食，今晚決定去試試。餐牌上有Free Flow Drink，任飲紅酒白酒都是$88，另外可選擇加$18再多兩隻生蠔，所以一試。先試了個白酒，有果香味而且很甜，之後再試了個紅酒都很滑，很有果香，但個人比較喜歡白酒的味道。生蠔味道鮮甜有蠔味同時有海水的咸味，質感比較creamy，味道不錯，$18有兩隻真係抵到爛。另外再叫了Normandy，咸味比較重，蠔味比剛才的更濃郁，且鮮甜有海水咸味，當然價錢亦會比較貴。周打蠔肉湯：聞到有很香的蠔味，蠔湯很濃稠，味道有點似蠔鼓味但完全唔腥，蠔肉味道濃郁且鮮甜，幾有特色的一款湯。焗芝士蟹肉扇貝：蟹肉全部拆開釀入蟹蓋，是一款很巧耐性及功夫的菜式，蟹肉鮮甜唔腥，還有扇貝細細粒，成個海鮮拼盤，加埋芝士味道十分濃郁，口感軟綿綿。芝士五重奏薄餅：Pizza表面有大量的芝士，除了主要的mozzarella外，還有水牛等芝士，充滿芝士咸香味及拉絲的感覺，另外還有些辣肉腸在pizza內，pizza餅底很薄且脆，不會太飽滯。法國Rougie鵝肝意大利飯：意大利飯煮得軟硬適中，非常煙韌，而且很creamy，有巴馬芝士的香味。鵝肝表面煎得香脆，裏面帶點粉紅，有濃郁的肝味及豐富的油脂，撈飯食有油份甘香，為意大利飯增添不少風味。法式焦糖燉蛋：表面的焦糖很香脆，燉蛋有香濃的蛋及奶香，非常軟滑，甜味較重，一份已足夠兩個人食。總結：食物質素不俗，價錢合理，主菜多數都是百多元，份量十足，在西環來說很抵食了。…查看更多

今日約了一大班朋友去了位於西環的Cafe 2 Oyster & Grill吃飯，餐廳裏面都幾寬敞，有很多長枱應付團體客人。餐廳正進行優惠，$88任飲紅白酒，另外加$18仲有兩隻生蠔，喜歡食蠔的我及朋友們又怎能錯過呢。先點了任飲再加生蠔，白酒味道不錯，有甜味及好smooth，還有點果香味，配生蠔簡直一流。生蠔味道有海水味，質感比較爽口，咸味很重，加點檸檬汁更添鮮味。Caesar salad with Parma ham沙律表面有很多即即蘑巴馬芝士片，麵包粒及香脆的煙肉碎，沙律菜清新爽脆，配上帶有咸香的Parma ham，沙律清新中帶點咸味，非常開胃。黑松露牛肝菌雜菌湯牛肝菌味道濃郁，湯比較濃稠但攪得很幼滑，配上香蒜多士，香脆鬆軟，非常飽滯。炭燒美國安格斯斧頭扒斧頭扒份量十足，足6-8人享用，表面燒至微焦，但切開裏面還帶粉紅色，約七成熟，肉味濃郁有肉汁，肉質嫩腍且有些許油脂，油份都帶有牛油的甘香。黑松露大蘑菇手捲粉配巴馬臣芝士是一個幾特別的主菜，有別於一般傳統意粉，外貌似竹筍縮少版，中間通心，能盛載著大量的醬汁，配上黑松露蘑菇汁，黑松露香氣四溢，每條手捲粉中間都有黑松露的味道，每啖都充滿著黑松露的味道。甜品拼盤是六人份量，有心太軟、Brownie，芝士蛋糕及泡芙，因為太飽所以只試了少許芝士蛋糕，芝士味道濃郁且很滑，餅底很薄而且不會太硬，配返杯濃茶正好解膩。朋友點了杯Orange Sky，試了一點，飲品十足十沙冰，有淡淡的橙味，味道幾清新中帶點酸甜味。總括而言，食物質素中上，款式甚多而且份量十足，適合一大班人聚會的地方，其中喜歡飲紅白酒的朋友更不能錯過任飲紅白二酒，可以同朋友摸杯底慢慢歎。…查看更多

去咗東歐旅行11日，雞扒、豬扒、鱒魚扒全部鞋sap sap ，無啖好食 。啱啱番到嚟香港，真係要食番好d。少爺👨話要食生蠔，我就想鋸扒，就諗起呢間食肆。因為之前曾經食過，味道好好，於是決定再幫襯。因為留意到有生蠔優惠，$22兩隻即開生蠔(售完即止)，於是老婆一早book定枱，時間係6:30pm，一去到完全唔洗等就可以安排入座，老婆真醒首先梗係order兩打生蠔先啦，呢期係Fine de Claire，雖然味道有少少咸，但係夠晒肥美，於是再追加一打，認真抵食，跟住就輪到main course，上次幚襯食咗40~45oz澳洲斧頭扒，所以今次就order45~50oz美國斧頭扒，medium熟，火候啱啱好，扒面燒得夠香，兼直有少少脆，裡面仲有肉汁，絶對唔係乾真真、鞋sap sap，勁like主食另外再加多碟黑松露大磨菰手捲粉，香噴噴，味道亦唔錯。最後以特惠價食埋甜品朱古力熔岩配雲尼拿雪糕，朱古力熔岩唔係太甜，啱晒我地，難怪係店寶之一。…查看更多

港鐵開通後，去香港大學站方便了很多。今天便來到，嚐一嚐這裡的「酒池肉林」。話說這間Café 2 Oyster有個package都幾抵，$88任飲either House wine或Beer，配兩隻生蠔，加多$20升級做Sparkling wine。毫無懸念，所有朋友都揀了這個，配上時令的蘇格蘭生蠔。生蠔size相當大，隻隻都頗為肥美。配上甜美的Sparkling wine，蠔肉絲嫩鮮甜，口感milky，海水味不算濃。由於任飲關係，我輕而易舉地飲了兩三杯，感覺划算。講完「酒池」，到「肉林」炭燒澳洲斧頭扒（30-35oz）($538)Char-grilled Australian tomahawk(30-35oz)這麼巨型的斧頭扒我還是第一次食，上檯時冒著煙，切開非常之大，皮燒得很香，中間仍鮮嫩。很久沒有感受到這種脂肪在口中融化的邪惡感覺。滿足又飽肚，這斧頭扒趁熱食是最好，而且宜一大班人share，否則飽到上心口。四式薄餅（芝士5重奏、意式辣肉腸、西班牙火腿、煙三文魚）( $178) Cafe2 Four Flavour Pizza(5 Assorted Cheese,Pepperoni, Spanish Ham, Smoked Salmon)非常不客氣了搶了最受歡迎的芝士5重奏，餅底鬆脆，芝士拔絲的感覺非常好。第二件揀了煙三文魚，三文魚捲成一朵花，其實餅面也有芝士，兩件的感覺其實差不多。脆炸芝心鮮蝦春卷($98)Deep Fried Spring Roll with Shrimp and Cheese春卷配上泰式青檸汁的感覺很奇特，有朋友覺得並不太match，但我覺得還不錯，中間的芝士味道較淡，蝦亦屬於味淡食物，與其配沙律醬，還不如青檸汁來得青新。黑松露大蘑菇手捲粉配巴馬臣芝士( $138)Strozzapreti with Black Truffle, Portobello and Parmesan Cheese手捲粉這樣野我還是第一次食，感覺它的彈性比一般的意粉要好，而且由於粗幼頭尾不一，冇咁單調，沾醬又多，所以口感很好。黑松露香味濃郁，醬汁打得比較幼滑，這菜式我相當滿意。總結$88 package任飲其實相當划算，而且店裡用的酒並不差。目測店裡很多人坐上好幾個鐘(留意關門時間10:30)。非常適合2個人把酒談心或者一班人吹水活動。食完轉頭已向人推介。…查看更多