JK Brother’s

營業中

休息中

大家唔好以為難book就唔book, 我第一次book就book到， 本來諗住一定無位， 好好彩 😍估唔到weekday嚟都有燒蠔同燒蝦食 😃 燒蠔 ~ 燒得好靚， 剛剛好唔會乾咗， 算肥美大舊肉， 唔錯呀！ 廚師不停refill，完全食到夠滿足呀！燒蝦 ~ 💛今晚嘅重點💛 都係不停refill燒得時間剛剛好， 夠熟唔會過火， 又多蝦膏， 隻隻都好新鮮 😁 真係好好味呀！ 我數唔到自己食咗幾多十隻呀！ 😂😂😂刺生 ~ 唔係餐廳重點， 有得食唔差就算喇!醬油蝦 ~ 有驚喜， 用平時食開嘅有頭甜蝦整， 都幾好食， 食咗幾轉 😁醬油鮑魚 ~ 老公好鍾意， 我就怕胃痛唔敢食太多， 都好味!花甲有啲細隻， 大蜆同沙白都大隻， 幾肥美新鮮， 聖子細隻， 無咩味! 我揀咗Miso 湯底， 都幾重味， 所以可能食唔到啲蜆類嘅鮮味! 湯底清啲可能好啲!新鮮蝦 ~ 任夾食得晒先好夾， 真係好多鮮蝦比我夾 😀 雖然都有啲死嘅， 咁咪揀啲生猛嘅食囉! 結論 ~ 超抵食啦！ 啲燒蠔燒蝦生猛蝦都已經抵晒! 仲有甜品根本食唔落，打邊爐嘢完全無食過 😂 仲有啲D, M嘅大品牌雪糕😀有個好後生妹妹（侍應） 有禮貌，

武漢肺炎爆咗以嚟，出去食飯嘅次數都唔太多， 呢排武漢肺炎冇乜出嚟咬人， 緊係出嚟食放題啦~ 呢間jk brothers之前食完之後， 一直都念念不忘， 點解？！ 因為好食又抵食囉佢而家可以上網book位， 同friend約都易d, 我地今次主打食海鮮，d friend話d牛都好好食， 佢地食咗3 盤咁多， 我就主打佢d蝦， 新鮮跳跳紮嘅蝦真係冇得頂， 蝦肉超彈牙，佢d熟食我又係食唔晒， 真係太多款式任你揀， 當然唔少得佢嘅醬油蝦同鮑魚啦， 真係超好食， 不停食呢d都飽晒 我地今次仲發現咗鹹蛋黃流心魚蛋， 食咗幾轉， 超好食佢好食嘅嘢真係數唔晒， 因為真係太多， 仲要貴價雪糕雪條都任食， 啤酒梅酒任飲， 真係冇得輸， d friend都話冇介紹錯，係咁話抵食

一大班人慶祝平安夜，幾日前成功book到JK’s brother 食放題。有鑑於學生平價，之前已經想食，最估唔到假日都有呢個優惠。放題有火鍋，我地七人就選擇咗萬年唔伏嘅壽喜燒同好似好健康嘅蕃茄湯。我地叫咗第二平嘅套餐，包括安格斯牛肉。安格斯牛超重牛味，亦唔肥。厚切令到口感更加正，大大片，每一口都好滿足。肉仲有一般牛肉，呢款就比較肥。豚肉片就正正常常，亦都唔肥。火鍋配料仲有海鮮，真係好生猛，因為前一分鐘我仲係魚缸到夾d大大隻嘅蝦出黎，怕佢地跳出黎，用夾整暈佢，一分鐘後就比我放進火鍋入面。又有得玩又有得食！彈嘅地方係聖子有d沙。一般海鮮呢到都有，仲送每人一隻大閘蟹。第一次食大閘蟹，所以都唔知咩叫好，不過膏少，亦唔係好鮮甜，感覺麻麻。火鍋除左肉同海鮮，就冇咩其他多嘅配料。不過絕對唔洗失望，因為仲可以自製火鍋料。放題包括刺身，有大路嘅三文魚等，亦都有好特別嘅醬油蝦、醬油鮑魚。呢兩個真心推介，回本之選。醬油好入味。有朋友唔點食生嘢所以就焯埋d剌身。各有各食法啦。 唔知點解仲送一客海膽，第一次單食海膽，唔算得上好鮮甜，但唔苦嘅。送嘅冇所謂啦。飲品同甜品都好值得試。飲品方面有坊間比較少見嘅日本烏龍茶

本人評未收取任何利益或試食活動, 完全良心發放今次浩楠推介這間CP值極高的火鍋放題，位於尖沙咀彌敦道山林道頭的 JK brothers 火鍋放題。午市任飲任食火鍋，仲有多款日韓美食可以點，由12:00食到3:00都係幾十元至一百元。最岩好似浩楠咁同三五知己，一邊傾下計，一邊享受美食。今日有點肚餓，唸住出佐敦食自助餐，去佐敦薈食韓燒點知無位，一路向尖沙咀方向行，發現左JK brothers 火鍋放題，見到68元，仲唔限時，就走左上樓睇下係咪真係咁抵。午餐有單碟$68 和 $98 任食牛 12:00食到3:00很夠時間，價錢都很抵。如果唔係食牛怪，我會建議單碟，可以多品嚐其他日韓美食。有很多款湯底選擇，有辣有唔辣。有凱撒沙律，和日式前菜，外面食個沙律都要幾十元啦。多款日韓美食，用Apps 落單牛肉方面過得去啦，幾十元唔通有 A5和牛咩。飲品方面唔算多，汽水得百事一歀，不過都有其他不錯的飲品，我推介椰子水，很清甜。甜品雪糕都有很多選擇，雪糕是韓式雪糕，蜜瓜味超好食。員工服務很好,十分主動。感覺非常好。

日式放題食得多，韓式放題食過未？我真係未，上網見到呢間放題店唔止食平時食開既日式放題，仲有韓國野食，當中最特別係有生八爪魚食！記得對上一次食已經係好多年前係韓國，估唔到香港都有得食，拉埋另一半去。環境都算大，座位之間唔算太逼，仲有個位見到生八爪魚！收費時間：17:00-18:30    $228/位 +10%時間：18:45-20:45    $268/位 +10%時間：21:00-23:00　  $248/位 +10%自選時段(120分鐘)   $268/位 +10%掃QR Code點餐，環保好多自助區自助區主要係飲品同甜品，雖然飲品櫃得一個，但係有好多放題未見過既款式，以韓國飲料為主，例如我最愛既米漿！仲有果汁類，都有茶飲。至於甜品有成三個大凍櫃，仲有一個放自家製甜品，去到文章最尾先講甜品。 刺身開波緊係食刺身先，話明係韓式放題，最特別就係有韓式生八爪魚刺身！叫一份就係一小隻，不過可惜我果隻上枱已經奄奄一息，唔郁，識食一定要加麻油食，好有咬口。仲有一款好特別既係醬油蝦，生蝦用甜醬油醃製過，好加上凍凍地既口感，好開胃，我好鐘意呢款醬油蝦。之後就係正路既日式放題會有既刺身款式，例如三文

韓式原來都可以做放題，呢間放題店加入埋韓式食物，整個日韓放題，坊間真係好少放題店係以日韓做主打，本身自己又中意食韓國野，就一於黎試下。餐廳環境位於商廈，都唔算難搵，不過商廈門口有啲細，好易Miss左，餐廳牆內有繽紛既畫做裝飾。​收費價錢主要係$228-$268不等，分三個時段17:00-18:30 / 18:45-20:45/ 21:00-23:00，亦都可以自選任何兩小時，多啲人黎食亦有優惠。食物選擇掃QRCODE落單，有刺身、手握壽司、火灸壽司、手卷、軍艦、黑松露壽司、新鮮沙律、前菜、炸物、天婦羅、串燒、爐端燒、一品料理、飯麵類、鍋物、火鍋配料、清酒／梅酒，仲有出面既自助飲品及甜品區。自助區飲品、甜品自己拎，甜品既種類比飲品多好多，雖然係咁，但因為有好多款比較特別既韓式飲品，都覺得可以回本，至於甜品亦係有好多韓國牌子供應。清酒/梅酒任飲！點餐後就會送一小瓶上枱，唔會嗆喉，唔錯。新鮮沙律、前菜叫左份鴨胸蘆薈沙律，正正常常，前菜嗌左泡菜、手拍青瓜，食膩左可以食下沙律/前菜消下膩。刺身留肚食其他野，所以刺身唔係食左好多款，但一場黎到就一定要試生八爪魚，皆因真係唔係到到都食到，即叫即劏，上