悅來酒店咖啡室

先食凍海鮮，只有四款，得海蝦係味道以ok較有鮮味嘅一款，蝦肉幾爽口。而冷盤嘅吞拿魚同煙三文魚都值得一試嘅，另外有款煙三文魚係分開一碟一份咁上，喺燒牛肉嗰邊攞跟住去到刺身，本身味道唔錯，但師傅真係切得好hea，癡埋一舊又切到一pat咁完全冇一片片刺身嘅感覺。主菜有燒牛肉，蝦同蟹腳飯係ok嘅，其他真係唔掂，個貝殼粉直頭未煮熟，其他都冇特別。呢道d侍應著便服唔太分別倒佢地，問d師傅係咩食物又唔太理咁，服務方面真心麻麻。最後到甜品，出面拎嘅得焦糖布丁(好快比人拎曬)同麵包布丁ok，甜品可以主攻movenpick雪粉，共有6款，最鐘意tiramisu同焦糖味😍。另外有空氣pancake即整即食，但每次出爐得7份，唔想排咁耐隊就要7點幾嗰round攞啦。pancake係ok嘅，再加雪糕一齊食就perfect!最後埋單3有幾一個，真心唔係好值，試一次就夠了。…查看更多

今日和朋友往悅來酒店食自助餐慶祝聖誕。酒店好有聖誕氣氛, 有聖誕屋等佈置, 酒店食物豐富刺身有三文魚和甜蝦, 食落新鮮鮮甜, 入口熔化；熟食有芝士焗蠔, 芝士味濃, 蠔食落鮮甜味美；炸魷魚圈食落彈牙, 佐酒一流；炸蝦天婦羅蝦炸得香脆彈牙, 粉漿乾身好惹味；烤火雞雞肉鮮嫩, 皮脆肉滑, 啖啖肉；煙火腿食落鹹度適中, 切得薄薄食落惹味；肉眼扒肉味香濃；海南雞雞肉肉質鮮嫩, 食落不油膩；今次酒店的主題推介是煲仔飯, 我當然要試下,煲仔飯飯味香濃, 有濃香飯焦, 材料有炸蠔和南瓜天婦羅, 好有特色, 答好少見天婦羅配煲仔飯,炸蠔食落好胞, 入口鮮甜；南瓜天婦羅食落好腍, 入口美味, 好足料的煲仔飯；酒店面檔有油麥菜,墨魚丸, 蟹柳和牛丸, 湯底可選擇蕃茄朱骨, 雲吞湯和叻沙湯底, 我選了叻沙湯底配油面, 叻沙味香濃,椰香味香滑, 辣度適中；油麥菜新鮮爽口；墨魚丸爽口彈牙；蟹柳味道爽口；牛丸肉質鮮甜, 油面爽口, 整碗叻沙好足料, 好美味；京燒比目魚燒得香口惹味, 魚肉質鮮甜；芥蘭食落新鮮爽口；蒸魚魚肉鮮甜味美, 入口即熔；甜品有意大利芝士餅,lemon 芝士餅、jelly, 朱古力噴泉、豆腐花和movepick雪糕。意大利芝士餅味道入口即熔, 甜度適中；lemon 芝士餅有陣陣lemon味, 餅底香脆；jelly甜度適中；朱古力噴泉食落好香而不膩, 配上棉花糖食落美味香甜；豆腐花有豆花香, 食落香滑可口；movepick朱古力雪糕, 味道香濃。飲品方面有可樂和橙汁選擇(個人認為如有凍奶茶和凍咖啡更佳)。酒店食物款式多, 食物美味, 價錢合理, 好味聖誕buffet…查看更多

2010年7月17日 荃灣 ( 悅來酒店咖啡室 - 1)因為朋友有半價優惠，所以拉隊來到悅來酒店咖啡室，來次自助聚餐了...。冷盤區，有三文魚、翡翠螺、雜肉腸、凍蝦及青口等，還有幾款什錦壽司。熱盤區，咖哩牛腩、四季豆、豬腩肉、蓮藕豬手及清蒸海魚等等。甜品區，蛋糕西餅都有幾款，蛋糕就好普通，最有興趣的還是那兩個雪糕櫃，內裡放滿Dreyers 雪糕及雪條任食 ，十幾人之中，吃雪糕最多者，我竟然勝出，今天...小朋友亦要甘拜下風了...哈...哈...今天，這裡全埸爆滿，食物補充也足夠，食物質素ok的，最懷念的...當然是雪糕啦...埋單半價，每人約科100塊，抵...抵...抵啦...雪糕已翻本了...哈...哈.......…查看更多