八幡屋涮涮鍋

上星期家人生日，去了這間邊爐放題慶祝😋記得上年和朋友食過，食物質素不錯，款式都有不少，今次就帶埋家人試試～我們叫了最貴的澳洲和牛餐，可以食到澳洲M5和牛、牛肩胛、美國進口牛肉等五款肉類。——————————🔸刺身 壽司🍣刺身有基本的三文魚、甜蝦、帶子等等，整體切得很大塊和新鮮😚其中三文魚肥美，甜蝦夠鮮甜🥰 正！壽司🍣方面，需要出去自行夾，款式不算太多😆朋友拿了三文魚和腐皮壽司，兩款都不過不失~~ 🔹火鍋 (壽喜燒湯)家人不喜歡太濃郁的湯底， 所以叫了壽喜燒湯～但這個湯有點淡，也缺少壽喜燒的甜味，整體有點可惜🙈🔸牛肉落單後，會送上M5和牛和海鮮，和牛賣相真是非常吸引！雪花紋分佈很明顯，油花特別多，煮過後散發著濃郁的牛肉味，肉質亦很鮮嫩，正😭😭另外點了牛肩胛，肉質相對會硬少少，但一樣好有牛味，食完不覺膩😚🔹炸物 熟食炸物和熟食可出去拿，大部份食物剛剛整好☺️仍然是熱辣辣😋😋當中最喜歡是蝦多士，細細一件都幾多蝦肉，食起來很香脆可口，不會油淋淋😍另外有炸餃子、薯角、香芋丸，適合打邊爐前過下口癮😋除了以上食物，碗仔翅也是值得推介的食物之一，裏面有不少是雲耳，冬菇和粉絲，爸爸大讚好食，還食了兩碗🤣最後當然食甜品作總結，甜品有泡芙、brownie、雪條、雪糕等等，一定有款啱你😋…查看更多

相信好多字母粉都知道我哋最鍾意打邊爐，就算一個星期打三四次，都唔會厭！今日嚟到位於旺角瓊華中心嘅八幡屋涮涮鍋，試下佢嗰三小時和牛刺身火鍋海鮮之盛宴，就咁聽個名都覺得好多嘢食！依家經WhatsApp訂位，仲有買一送一優惠，真係好抵！刺身拼盤坐低無耐，就送上精選刺身拼盤，有吞拿魚、三文魚、希靈魚、珍寶帶子、赤海蝦、劍魚腩、甜蝦同鮑片。全部都非常新鮮，珍寶帶子鮮甜，赤海蝦新鮮膠口。食完唔夠，仲可以追加添，有成12款咁多添。澳洲M5和牛今日嘅重點澳洲M5和牛嚟啦！雪花分佈平均，牛味香濃，肉質滑溜，真係好正！牛肩胛除咗澳洲M5和牛，仲有牛肩胛、美國進口牛肉、黑豚肉同豚腩片。我哋覺得牛肩胛都非常高質，牛味同樣香濃！海鮮拼盤除咗M5和牛，店員仲送上海鮮拼盤，共有六款海鮮。兩位送上一人一隻鮑魚，煮四分鐘啱啱好，鮮甜彈牙，好厚肉！扇貝都係超級新鮮，肉質鮮甜。食完唔夠喉，仲有海蝦、廣島蠔、帆立貝、墨魚滑、象拔蚌、海蜆、蟶子、日本魷魚同東風螺，九款海鮮畀你仼點仼食，真係好易回本！天婦羅 + 炸物大家可以用QR Code叫天婦羅同炸物，同樣仼點仼食，即點即炸，新鮮熱辣。自助吧自助吧仲有大量火鍋配料，有蔬菜、麵類、雞肉、各式丸類等。除咗火鍋配料，仲有各款壽司，真係花多眼亂，都唔知食咩好！飲品食物都有咁多選擇，飲品又點會少呢，有十幾款飲品，汽水、清熱飲品、罐裝茶飲都有，總有一款啱你！甜品自助吧有不少甜品選擇，有A姐最愛嘅啫喱。仲有雪糕雪條，真係好滿足！（記住Like同Share畀朋友）…查看更多

天氣轉涼緊係要打邊爐，但港女女友堅持食日本野，所以就去咗八幡屋試吓，一次過滿足曬兩個人嘅要求🤫一開頭食得放題都預咗食物質素一般般，點知竟然勁高質！ 首先講嗰湯底先，我就揀咗《骨膠原豬骨湯》湯底。唔單止口感濃郁而且仲勁入味，唔講以為飲緊老火湯😍火鍋配料方面款式多多而且都好食，但無試全部因爲主要想食佢嘅牛肉🐂佢有幾款牛肉，全部肉質都好好👍🏿好嫩口😍女朋友話一定要讚佢嘅M5和牛！真係入口即溶，而且嗰牛味係好好食！必定要試！😋除咗牛好好食之外，佢嘅海鮮都有好多選擇，啱曬唔同人胃口🥳至於日本野，壽司刺身都係中上級數，反而令我驚喜嘅係小食🤍串燒好岀色，完全係料理店嘅水平，香口得嚟唔會乾，肉汁juicy💪🏻最後嘅甜品都無令我地失望，勁多款揀不特止，仲要款款都好好食，就連我依個唔太鐘意食甜品嘅人都食咗勁多🤫最可惜試唔到佢嘅馬卡龍，要下次再嚟食先得🤣順帶一提，喺19:00前離座或者21:00後入座經WhatsApp訂枱仲有買一送一優惠，真係非常掋呀性價比好高 ❤️…查看更多

差不多都有一段時間沒有到八幡屋涮涮鍋， 今天下午心血來潮與媽咪即興去吃。 原來中午做緊優惠， 我點的和牛刺身盛宴原本每位$368＋10％， 現在買一送一， 非常抵吃。 首先一坐低就點我至喜愛的壽喜燒火鍋湯底， 然後店員好快為我們送上一碟M5澳洲和牛、 海鮮和刺身。還可以用q r code落單或自助吧檯任選食物，非常方便。食物種類有肥牛、豚肉、丸類、炸物、串燒、蔬菜、刺身，壽司、熟食，甜品、雪糕和飲品。最令我驚喜的是薄切M5澳洲和牛肉質鮮嫩和 牛肩胛牛味濃厚，喜歡吃牛的一定要試下。 美國黑豚肉鮮味細嫩， 肉類質素很好。 海鮮類最喜歡蜆肉， 鮮甜美味。 串燒類喜歡麻吉燒， 口感煙韌。 最後甜品一定要試下港式奶茶雪糕， 奶茶味濃郁， 超正！整體來說我都幾喜歡八幡屋涮涮鍋， 一次可以滿足兩個願望～打邊爐和刺身， 今次甜品仲比以前進步了不少。…查看更多

朋友興祝生日，想食十下十下。openrice搵到勁平優惠卷，一於試左先講咁既價錢，基本上咩都有得食刺生，串燒，天婦羅，打邊爐有埋海鮮(竟然有大鮑魚，O哂咀)提下甜品先，有近十款之多，最正係有馬卡龍，打邊爐真心少見。真係超哂班…查看更多

周日到旺角，買龍門手套。購物前，先來個午餐。在路邊收到這火鍋店傳單。難得傳單阿Ｅ有笑容！剛好小米又肯接傳單！細看之下，價格合理，所以我倆就到此午餐。　時間尚早，店內客人不多。職員安排我倆於卡位就座，點選鍋底後，小米就衝去看自助吧的燒物炸物和汽水！　　　　由於常常帶小米光顧自助任食系列的餐廳，所以小米己經習慣了自行取食物了！其實自助區現成的熟食都適合大人細路。雪糕，燒三文魚頭，蘿蔔牛腩，炒烏冬，咕嚕肉，天婦羅，燒雞翼，燒粟米，金菇肥牛卷，多春魚，香芋丸，餃子棒，炸饅頭，就連碗仔翅也有供應！ 即是單單選擇最便宜組合HKD 78也十分超值。不過，小米要食火鍋，還擺出＜我要食肉肉＞的模樣：兩眼發光，美目盼兮！　壽喜鍋　　小米喜歡偏甜口味的壽喜鍋，真身：湯底很清，感覺較健康。小米還取一粒雞蛋，表示想打蛋用作沾火鍋料之用。　　　　吉列魚手指　小米在熟食區取得一碟吉列魚手指，竟然直接沾上蛋漿，再放在鍋內焯一下。蛋漿凝固了，變為滑蛋魚柳。假如這裡提供粟米粒粒，又會變成Show Me Your Love 的朋友。刺身拼盤　刺身一盤份量也很足夠了！　牡丹蝦，帶子，甘蝦，三文魚等等，款式真多。火鍋用的海鮮拼盤　　　魷魚，蝦，扇貝，鮑魚，田螺。小米指著魷魚圈，表示要食烏冬呢！　　還有不同的火鍋料，款式雖然不多，都集中在大路的食材！南瓜　鮮菇　粟米　油麥菜　　　　個人喜歡食牛肉時加配南瓜。而鮮菇大大件，十分吸引。　自助區有三款青菜，當中油麥菜的纖維最強硬。為了幫助消化，特別夾取大量油麥菜。　這几款食物放在鍋裡，都會浮在水面，可以慢煮，還有其他用途～烚肉。　　任點肉類有美國肥牛和美國黑豚片。　　由於自己久久没有嚐過豬肉，所以覺得豬肉比肥牛更美味。　特地調校至細火，把薄薄的豬肉浸熟，可保持豬肉嫩滑。浮在湯面的南瓜鮮菇粟米，現在就大派用場了。　然後再來几碟油麥菜，有助排毒，達至飲食均衡。完成美味的火鍋後，要向運動佔出發了！　去廸廸龍買龍門手套！…查看更多

同朋友尼左食好多好多達摩擺設！！！我最鐘意架啦而且光線都好足，5似之前果d放題黑麻麻。湯底係朋友揀既，似壽喜燒，食食下店員都好主動幫手加湯，而且係加原湯，5係是但加水or加白湯，所以個湯底一直都keep得好濃味每人可以揀一個前菜送既，我地揀左生蠔，海膽刺身同雞泡魚干。生蠔堅好食，鮮味同口感超正，可以無得係menu再安哥，5係我一定喪食。海膽刺身都絕非渣流灘，新鮮而且5腥，份量一份尼講都算好好。雞泡魚干送酒都ok既，不過不失。食左壽司都5錯，不過魚生就失色左d，特別係吞拿魚起筋既，不過任食有尼個質素算ok啦魚生豬腩片肉香5肥，推薦並其他火鍋配料都 ok租品就基本上你估係咩味就係，無咩特別，不過勝在選擇多，仲有雪糕雪條。飲品都5錯，有凍有熱，凍既選擇好多，熱就2款茶包，or熱水下次都會再約人尼食，希望水準保持就好了。重點一提，就係地面比較滑，真係5好急步行。…查看更多

最近經常係Facebook睇到八幡屋涮涮鍋既廣告(見到新推出左海鮮拼盤)，睇到我都心思思又想去食。我們選了最便宜的套餐 $208/90分鐘 特選美國牛肉，分別有三種肉：特選美國牛肉、美國進口牛肉和美國豚肩肉，然後每人加多$50就有生蠔同海鮮拼盤。海鮮拼盤分別有新鮮帶子、大蝦刺身及生蠔。蝦刺身係必食之選，每隻都成隻手掌甘長，重點是很新鮮很甜。而生蠔都值得一試！之前在八幡屋放題都食過這個生蠔刺身，估唔到呢度都有。個汁係秘制的，酸酸甜甜令人好開胃。海鮮火鍋配料分別有蜆、帶子、海中蝦、廣島蠔、鯛魚片。鯛魚片好鮮甜好滑，擺入湯底30秒就食得。快、靚、正！朋友推薦我們一定要試壽喜燒湯底，二人一鍋。第一次食壽喜燒湯底，味道好特別，令牛肉、蔬菜都充滿甜味，連醬汁都不用沾。牛肉質素一如既往的好，每一塊都切得又薄又整齊。基本上擺落個湯底二十秒左右就食得，每塊肉都好香好嫩滑。呢度既牛肉質素真係好好，同外面普通打邊爐既肉真係無得比！火鍋醬汁配料也不少，有各式各樣的丸類，新鮮蔬菜，粉、麵、烏冬等。特別推薦大家吃烏冬，又滑又彈牙！蘿蔔片切得好大小一致，好快入味。燒物方面:我推介大家食呢隻燒雞翼，雞皮燒得又脆又香，而且雞翼預先調味好，好入味！我一個人都食左四隻。另外，呢度既甜品一定要試！唔好以為涮涮鍋既甜品無乜特別，其實呢度既甜品係由酒店大廚主理，大家一定要食。總括嚟講，我覺得餐廳在各方面都做得好好，食物質素無論在刺身、火鍋還是燒物，都有一定的水準！而我最欣賞店員的服務態度積極，收碟快而且唔會黑面。 …查看更多

這幾天也許是這個冬天最後幾天會很冷的日子，這種天氣令人特別想要去吃火鍋暖暖身體。想起早前到瓊華其他餐廳吃飯時，在電梯留意到的日式任食火鍋店，就決定跟男朋友在這個冷冷的白色情人節到這家餐廳暖一暖身，也暖一暖心。.我們準時7:30pm來到~.一坐下就開始點餐！看到至尊海鮮盛宴有刺身及海鮮火鍋配料，而且只需加$50就可以任食，我倆二話不說就選了它，再選了特選美國牛肉的任食火鍋套餐。.湯底方面，因為可以選鴛鴦火鍋底，所以我們一人選一種不用爭，選了骨膠原豬骨湯及蕃茄濃湯。湯底不是鮮熬的，但味道都不過不失。.等著湯煲的時候就出去拿調味料~調味料的選擇有很多，包括了蒜、蔥、辣椒等，也有我最喜歡的芝麻醬，更有提供七味粉，果然是一間日式火鍋店！.先送上的是刺身，珍寶帶子新鮮大隻，赤蝦刺身鮮甜肥美大隻及彈牙，我們前後encore了很多次，而三款當中唯獨生蠔吃下去有點失色，感覺有點腥。.而再來的是海鮮火鍋配料，包括的種類都有很多，分別有蜆、帶子貝、海中蝦、廣島蠔及鯛魚片。海中蝦用竹籤串著，所以可以放在鍋邊煮，熟透就拿著竹籤直接吃，不用用手吃，不錯。廣島蠔亦同樣略嫌有點腥，而幾款當中，個人比較喜歡鯛魚片及蜆，既嫩滑又鮮甜，不停的encore它們。.然後當然是肉類的時間，牛肉是特選美國牛肉，肉質不肥膩但同時又不「鞋」口，很嫩滑。而豬肉是美國豚肩肉，廚師刀功了得，切得夠薄，所以即使是豬肉，亦只要涮一會兒就已經熟透，吃下去一點也不韌！.吃了一陣子，當然要到外面挑食物。但我們兩個不自覺點了很多刺身、海鮮、牛肉及豬肉，忘記了外面還有很多選擇，令我們的胃沒有很多空間去吃外面的食物，失策了  .有一個是燒物、天婦羅的區域，可以看著廚師即場烤串燒及炸天婦羅。但因為吃太多肉，不想再吃煎炸的就沒有拿。.除了燒物、天婦羅外，也有刺身提供，但因已經吃了很多至尊海鮮盛宴的刺身，就沒有吃放題區的刺身。.因為已經吃了很多肉類海鮮，所以其實我倆出去主要取的是菇類、蔬菜及丸子類。每一種都有很多款，已吃到挺飽的我們在這個時候的選擇困難症就更嚴重。.到最後我們隨意挑了4-5種菇，而丸類就選了比較日式的丸，包括了紅麴花枝丸、麻吉燒、忌廉芝士丸及一看樣子就覺得很「卡娃依」的小熊丸。當中帶有驚喜的是麻吉燒，外面是丸子，內裏的年糕煙煙韌韌~ 而小熊丸雖然外表可愛，但吃下去其實跟一般丸類沒太大分別。.吃飽飽後就開始甜品的區域，有提供蛋糕、泡芙、啫喱、水果跟朱古力噴泉，不過吃完火鍋都總是想吃雪糕來降降溫，所以即使雪糕及雪條的款式不是最吸引的某幾個牌子，我都只選牛奶冰。可以吃到很久牛奶冰，充滿童年回憶！.整體來說，在火鍋店吃到新鮮的刺身、燒物、天婦羅實屬難得，亦是我第一次吃火鍋時會吃到這樣的配搭。本來對於任食火鍋都不會抱有很大期望，沒想到這次隨意找到的日式任食火鍋店會帶來驚喜，跟他在這地方過了一個暖笠笠的白色情人節。…查看更多

今日同男朋友食飯，揀了瓊華的八幡屋，因為又想食得好一點，又想坐得舒服點。結果是沒有讓我們失望，食物、服務、環境，都很滿意，很讚的一餐晚飯!!!店內環境很光猛，位置也寬敞而且有間隔，唔使食野望到其他人或俾人望。男朋友5點半放工，6點我地已經來到，因為太早只有1,2檯客人，但之後愈來愈多。位置舒適，整潔。我地揀左$298嚴選黑毛和牛套餐，好快就上左黑毛和牛&美國豚肩肉。自己可以出去拎火鍋配料，仲有啲串燒，壽司，天婦羅可以即叫即整，而且仲有比得上酒店的西式甜品。自助區域很整齊，清潔，因為我們就坐在旁聽，看到客人走來走去。坐這裡好處是拿食物方便，壞處是有人在旁邊走來走去有點煩(如果睇女仔的話應該是好處)。升級叫海鮮同刺身都只係各位加$50，真係好抵!刺身份量十足，而且好新鮮，赤蝦有6隻，仲有生蠔，正呀!!!湯底揀左豬骨湯同壽喜燒，壽喜燒甜甜的。之後加湯都係根據我地本身的湯而加，唔會乜都加清湯。總共有3碟黑毛和牛同一碟美國豚肩肉，件件都肥瘦均勻，入口即溶。海鮮配料有: 海蝦,帶子,蜆,廣島蠔,鯛魚片 , 我本身好鍾意食蝦，有咁多蝦真係好開心。自助區:有菇類、菜、丸類，麵等等，材料都是上等，不過食得唔多，因為食完刺身、海鮮、牛肉豬肉都已經好飽，仲要留肚食甜品呢!!!天婦羅即叫即炸，粉漿不厚，好食!!爐端燒也是即燒，香口而不會太乾。甜品區很豐富，有雪糕，有布丁、有CAKE等等，每件細細的，讓人可以每款都可以試到。八幡屋涮涮鍋除了火鍋材料靚外，其他刺身，天婦羅，爐端燒等都係質素很好，絕對比得上酒店!!!一定要再返黎食!!…查看更多

娘子想吃和牛涮涮鍋，但又想在屋企附近吃。Step攪盡腦汁在Openrice search後，發現了一間在旺角瓊華中心新開的和牛涮涮屋 – 八幡屋涮涮鍋，90分鐘任食涮涮鍋放題!! 『放題』兩字非常吸引，Step即打去訂位。幸好Step訂了位，到達後和娘子也等了15分鐘，現場坐無虛席。入座後，Step選擇了『嚴選黑毛和牛($298)』，還選了『至尊海鮮盛宴』(每位$50)。落Order後，Step發現了除了招牌的涮涮鍋外，還有幾個驚喜，令你一次過滿足5個願望…(願望1) 涮涮鍋湯底(4.5♥/5♥)湯底到了，娘子選了骨膠原豬骨湯底，說要襯機補補；而Step則選了宮崎味噌湯，貪其簡單可以帶出食材的原味。豬骨湯底中間有一件圓型Jelly，原來就是秘制骨膠原精華，Step喝過湯真的有一點黏口，而湯味濃郁；而味噌湯味道則略咸，但裡面放了大蒜和麵根等材料在裡面。Overall湯底用料足，絕無偷工減料!! 正!!升級海鮮盛宴(4.5♥/5♥)升級海鮮盛宴，包括了： 升級新鮮刺身 - 珍寶帶子刺身、赤蝦刺身&生蠔。 海鮮火鍋配料 – 蜆、帶子貝、海中蝦、廣島蝦&鯛魚片。Step當中最愛的就是升級刺身，無論是帶子、赤蝦或生蠔，件件啖啖肉，鮮味不錯，特別是生蠔，出奇地鮮甜口感有點creamy，有驚喜!! 而海鮮火鍋配料亦新鮮足料，50元的升級，Step推薦!!牛肉豬肉(4.5♥/5♥)我們選的『嚴選黑毛和牛』，和牛和黑毛豬肉切得較為薄身，薄身其實也有一個好處，因為任食的關係，只需要用熱湯滾幾下，和牛已經可以食!! 雖然並不是『特級霜降和牛』，但和牛脂肪紋理分佈平均，入口肉質依然鬆軟不『鞋』，口感甚佳；而Step更愛黑毛豬，原因黑毛豬的肉香比和牛更甚，而且帶點煙韌口感，更令Step愛不惜手!! 好在是任食任order，否則，這個質素的和牛黑毛豬，不知要多少錢才可以食個飽!!火鍋配料(4.5♥/5♥)火鍋配料可以說是一應俱全，只是丸類已經有多達十數款之多，很多丸Step還是第一次食，感覺非常新鮮!! 還有不同的蔬菜、餃子、菇類等等，任君選擇；如果還未足夠的話，還有即食麵、烏冬、白飯。當中Step覺得有驚喜的配料有：i. 造型cutie的幸運小熊魚餅，這個造型是一個Q版小熊頭 ^^ii. 麻吉燒，外型像燒餅，咬入口時有芝士漿爆出來iii. 日式咖哩包，魚肉的表皮包著日式咖哩配料，咬入口時有咖哩爆出來，但咖哩帶點甜味，不辣的!!!iv. 炸過的海鮮墨魚球，再加上裡面有粒粒墨魚肉，香口彈牙，正!!(願望2) 海鮮刺身/壽司(3.5♥/5♥)壽司和刺身選擇不算多，但主要基本魚類海鮮都有(當然不能夠和正宗壽司店相比啦啦!!)。而Step則點了三文魚壽司&刺身，大蝦刺身，墨魚刺身，還有一些卷物壽司，魚生新鮮，鮮味尚算不錯，值得一試!!(願望3) 即炸天婦羅(4♥/5♥)天婦羅主要以蔬菜為主，還有冬菇和大蝦。而Step最愛就是冬菇和大蝦天婦羅，冬菇大件厚肉，而且水份足，入口外脆內軟，好正；而大蝦天婦羅雖然表皮炸粉有點厚，但無礙蝦肉炸得在熟與不熟之間，口感一流!!##最令Step驚喜的是炸天婦羅的油，非常清澈，沒有一點濁的感覺。就算不是主力的菜式，八幡屋都照樣做得一絲不苟!! 讚!!(願望4) 即燒串燒(4♥/5♥)最令Step驚喜的就是有串燒食，仲要是師傅在你面前即燒的。當中Step最就是雞翼串燒和五花腩串燒。師傅先將雞翼剪開一半燒，方便進食，再加了一點焦鹽突出雞翼的肉香，正!! 而五花腩串的豬肉真是名乎其實的五花腩，肉和脂肪層次分明，入口口感一流，肉質鬆化肉味濃郁，必食啊!!(願望5) 甜品cake /朱古力噴泉 /乳酪機(4.5♥/5♥)這裡的甜品種類之多，令Step大開眼界，除了最傳統的Cake、慕絲杯、Jelly杯外，還有朱古力噴泉和乳酪選擇!!沒有想過，這裡的一口cake是由前半島酒店名師主理，八幡屋果然很落本，小弟和娘子就算很飽都忍不住繼續血戰，非常好食，特別是朱古力cake和士多啤利cake，是Step和娘子最愛。而另一個必食的甜品就是雙色Jelly杯，雖然用料沒有特別，但就是很好味，Step不知不覺又食了3杯了；而朱古力噴泉還有生果和棉花糖供顧客食用，正正正!!開心的時間的過得特別快，90分鐘的時間剎那間就過去了，結帳每人要大約390元。Step和娘子都感到無比滿足，試問… 這裡竟可以一次過滿足5個願望，與其叫涮涮鍋放題，倒不如叫日式放題可能更甜切 。Step和娘子下次一定要再來血拼過先得!! …查看更多

元旦日同一大班朋友晏晝飲完茶完後，轉移夜晚到旺角食牛肉放題其實旺角放題餐廳好多選擇，我問朋友點解推薦八幡，佢話款式多，牛肉海鮮任叫而且唔貴，以上三項理由真係吸引，所以我地一行八人就決定夜晚食呢間啦，話說朋友講完我晏晝都特登只係食到七成飽，留點空間到夜晚嘛！我地大約七點鐘去到，現場已見座無虛席，幸好我地有訂枱，好快安排好座位。我地坐底之後，店員給我們餐牌，牛肉放題，當然選最好的牛肉啦，我們點了$298選擇黑毛和牛套餐，有澳洲和牛，美國特選牛肉，美國豚肩肉，而湯底是骨膠原豬骨湯底，過了几分鐘後，湯底來了，我們飲了几啖，好清香豬骨味，淡淡地好正宗！然後簿切牛肉一盆盆上台了，只見每碟肉肉色光澤透白，鮮肉與脂肪相間，很快我們一堆堆的放進火鍋裡，全部厚薄一致，放火鍋几秒就食得，配合我係醬料混好的醬料，十分厚烈牛香，可以以放題價錢食到這樣質素的牛肉，抵！然後，海鮮拼盤來到，我們不禁嘩了一聲，有鮮嫩生蠔，帶子刺身及超大隻甜蝦刺身，生蠔大大粒放在充滿醬油的羹上，吸引了醬油鮮甜，而帶子滑溜厚切，口感很實在，而甜蝦亦絕不欺場，手指般的粗度，很爽口。另外，提一提，全間餐廳屬於半buffet 形式，除了本身的牛肉和海鮮拼盤要下單外，其餘都可以在自助區自己選擇火鍋配料，選擇亦都非常之多，有大量蔬菜，什菰類選擇，又有朱古力噴泉，是日我地除左拿了大量不同蔬菜外，大家亦不停encore 牛肉同海鮮，非常抵食。另外，可以見到有燒烤區和壽司區域，有烤肉串，烤翠玉瓜，天婦羅等等，壽司選擇亦有得多，三文魚，甜蝦，又有三文魚等等，由於前日燒烤食得太燥，有點喉嚨痛，唯有眼白白見到十分吸引燒物都吃不到，但朋友説烤得很香口，希望下次有機會再試試吧，而壽司亦都很鮮味。我地見大家都食得差不多，就去主攻甜品，我就食左泡芙，質素唔錯，好濃郁忌廉，其餘朋友食左啫喱同朱古力cake，全部細細件夠精緻，又可以食到多d 唔同口味。順帶一提， 餐廳飲品選擇亦都好多，有傳統凍飲又有無糖烏龍茶，完全照顧到大眾口味。這個假期都算精彩，每日都是食食食，但的確很享受，始終平日工作太忙碌，未能有好多時間好好享受美食，就趁這些大時大節食多點吧！…查看更多

平日經過旺角都會留會下有咩好野食，之前見瓊華中心新開左間日式火鍋放題，而且價錢黎講又未算好貴，正常放題價。依家天氣又凍左，一班老友都想打下邊爐，咁岩我又記得依邊開左間新野，就一於黎涮涮佢～因為新開張既關係，我地8點幾入座，依然有幾張空枱，唔會好似其他放題排半個鐘先食到，今次完全唔洗等！環境地方都幾寬敞，每個都係獨立卡位，主要係四人座位為主完全唔會有同人迫枱既麻煩，不過相信多左人流既話，大家就要等位等好耐喇xd坐低左就先開個爐同揀湯底，我地揀左壽喜燒同蕃茄濃湯，而且唔同級數既和牛套餐就有唔同既價錢，我地就揀左澳洲嚴選黑毛和牛，約$300既火鍋放題，雖比起出面會偏貴但食過就知道係物有所值！四周圍都會有自助區既出現，有得食又可以行黎行去xd（幫助消化haha）揀自己最岩心水既食物，唔怕會漏單同控制到份量，而且款式都幾多，有串燒、刺身、壽司、蔬菜、丸類、甜品、飲品依數個區，每樣野都分得好清楚，圍個場行一圈就已經熟路喇～丸類區域，有好多種類，芝心丸、芝士腸必攞，食幾多攞幾多，大家記得唔好浪費食物蔬菜區，都有幾種菜比你揀，岩晒唔同人口味，我地主要揀生菜冷藏既甜品區，超多款式，岩晒女士既第二個胃，好想咩都試下xd非冷藏甜品區，有沙律同朱古力噴泉，棉花糖加朱古力就係一絕，但大家小心未Shabu Shabu就已經食到飽飽地xddd飲品自取，除左必食既肥牛，豚肉外，其他都係任食任飲拎左幾件三文魚壽司黎試下，味道係意料之外既好！三文魚夠鮮甜，而且佢係用醋飯呢！係放題已經難以食到真正用醋飯整既壽司，但依間主打Shabu Shabu火鍋放題竟然食到用醋飯整既壽司，意外地加分！！而刺身都好有水準，刺身夠凍又新鮮，八爪魚味道亦好鮮甜，抵讚！燒雞翼，微焦外層食落好脆，但成隻雞翼口感都偏乾，燒得唔太入味火鍋要來了～左面係壽喜燒，右面係蕃茄濃湯，壽喜燒味道較濃，食落甜甜地，配上肥牛、烏冬等，帶到陣味出黎，味道簡直一流，而蕃茄濃湯相比起味道會淡一啲，主要係配蔬菜、菇類～丸類任攞就每款都拎啲去試，材料夠晒豐富，味道亦都唔錯，大家食開既丸佢大部份都有呢，而且更有啲未食過既日式丸仔生菜夠晒新鮮，食落亦好爽，八幡屋對選料方面有夠認真嚴選黑毛和牛，即叫即切，完全冇血水，肥瘦均勻，放係火鍋到涮一涮即刻食得，壽喜燒可以更加帶出到佢和牛既味道，甜中帶點牛香，大家都食到唔停口，好想再安可呢！Shabu Shabu令大家都打成一片，又岩番唔同人既口味，濃味淡味都試到，依個設計做到好好，最後當然少不了甜品～甜品款式雖多，但食到最後大家都好飽，所以都係每人一啖，然後就好完美地完成今晚既聚會～整體黎講，八幡屋既涮涮鍋值得一試，同朋友、屋企人都好岩食，因為佢肥牛雖冇得任食但可以加錢嗌多幾碟，而且仲分級數，可以全部都試晒！我覺得壽司、刺身係特別出色，而其他天婦羅果啲都未一一去試過，回頭率好大，選擇多又有質素，而且佢午市都幾抵食，$138/位就食到我以上既野喇～足足平左一半有多呢！…查看更多