滿樂中菜 (已結業)

尖沙咀戲曲中心現已為西九龍的地標之一。小編自問對戲曲文化興趣不大，如要親身體驗戲曲中心的設施，看來光顧中心內的餐廳是唯一選擇。是晚造訪的「滿樂中菜」位於戲曲中心一樓，主打各式中菜。餐廳門面設計簡約，配合戲曲中心的整體格調。餐廳內部則採用雅緻的中式設計，牆壁掛上極富中國特色的花卉掛畫，餐椅餐具更以翠綠玉色作主調，多加一份文化氛圍。一行四人前後品評了六餸一湯一飯麵。「燒味雙拼 (蜜汁叉燒及燒腩仔)」是最先送上的菜餚。蜜汁叉燒質感鬆軟，燒腩仔皮脆肉嫩不肥膩，值得推介！「普寧蘿蔔灌漿」外層香口鬆脆，內層的蘿蔔以粗絲蘿蔔製成，口感實在，清甜美味。「韭黃炒鮮魷魚」出品平實。小編喜愛搶味的韭黃多於鮮魷。「杏汁燉白肺湯」屬餐廳的招牌菜，湯汁濃郁厚身，杏汁味道豐足，水準不俗。胡椒菜式一向屬小編所好，這道「鴛鴦胡椒焗中蝦」順理成章成為席間美食之一。在燒熱瓦煲的幫助下，雙色胡椒香氣四溢，並為肉質結實的中蝦掛上一份惹味辛辣感。「紅燒肉碎豆腐煲」所用上的豆腐不算特別細滑，未予驚喜。「瑤柱扒四寶菜」内含多款菜式蔬，包括冬菇、冬瓜、西蘭花、紹菜等等，特別適合眼闊肚窄的朋友。「招牌金瓜炒米粉」以金瓜帶出主體甜味；以菜絲芽菜引出爽口滋味。整體而言，小編對「滿樂中菜」的菜餚評價中上，只是人均消費稍高，影響「抵食」細項評分。…查看更多

朋友們知我鍾意食中菜，其中一個朋友提議去戲曲中心果度食，佢之前食過話唔錯。其實我係第一次聽到戲曲中心哩個名，我Google Map，佐敦站行去最近，行到隧道口我見到對面有一幢外形特別又新淨嘅建築物，唔駛問一定係戲曲中心，諗住落隧道過對面就到，點知我過完隧道出返嚟仍然喺原地...結果我行到去尖沙咀廣東道果邊由中港城行去...足足行咗15-20分鐘😑入到戲曲中心無乜人，之後就直接去滿樂中菜，入到去覺得環境幾闊落，枱與枱之間唔會太近，有返啲私隱，服務員安排我哋坐廂座，自成一角，傾計都唔駛就住就住。😆點菜我就無乜意見，交晒俾食過果個朋友點，首先就飲咗碗杏汁白肺湯，哩碗湯好有驚喜!我未見過咁濃嘅杏汁白肺湯!杏汁味濃，湯嘅質地比平時飲嘅湯杰身，仲有就係個豬肺洗得好乾淨，第一次食豬肺，質地有啲似花膠!🤣胡椒蝦好香，開頭見佢咁多胡椒仲擔心會好辣，但原來唔太辣，只係用嚟吊下味，所以幾香同惹味，蝦亦幾新鮮爽口!平時出邊食啲叉燒燒味多數都係一早整好咗，而且係凍，好少機會食到新鮮整同埋熱辣辣嘅叉燒，所以真係要加分，雖然舊叉燒肥瘦適中，食落唔油膩，其實幾好味，但我平時係食開瘦叉，所以如果再瘦dd會更好。招牌片皮鴨分咗兩個食法，就咁食鴨肉或者包住皮咁食，裝皮個籠會有蒸氣保暖，所以唔駛驚啲皮會凍咗同埋變硬，片皮鴨味道唔錯，不過如果麵粉皮再薄啲就Perfect!跟住仲叫咗一道四寶菜同金瓜炒米粉。最後食埋甜品桃膠桂花糕，幾清甜，白色果層食落有啲似杏仁味。食完見戲曲中心無乜人仲順便打埋卡㖭~🤣🤣🤣…查看更多

聽聞呢度新開，請咗好多大厨幫手 set up，梗係去試吓啦，是晚除了棒場外，我特意來食叉燒同燒鵝，仲有翅。餐單是我提早訂的，餐單如下:蜜汁叉燒燒鵝半隻花膠海皇翅芝士焗龍蝦（伊麵底）黃金蟹蓋 （4隻）瑤柱扒四寶菜紅豆沙生果盆4位吃，飽到打包一半，叉燒唔洗問，陳師傅名技，食過太平洋會嘅就知，燒鵝個皮係脆嘅，連鵝胸都好嫩唔柴，翅很足料，大大條的，份量亦很多，基本上已經飽了一半; 龍蝦很新鮮，熟度啱啱好 ，略嫌伊麵份量較少；黃金蟹蓋啖啖蟹肉，瑤柱扒四寶菜真是分開四類菜，並非炒埋一碟；最後碗紅豆沙真係好正，陳皮味恰當。現在很少中餐館有呢個水準，並非粗製濫造。…查看更多

之前在九龍站看到戲曲中心的外型已經一直很想去參觀，想不到裡面更開了間中菜館，完美地把中國傳統的戲曲及中菜式在這個地方傳頌，吸引了我們這愛試新餐廳的朋友慕名到訪。餐廳的中國風設計，傳統得來帶有現代感，用餐環境寬敝。和味香橙排骨 - 天氣開始轉熱，想吃些酸酸的食物來開胃，這道和味香橙排骨顏色鮮豔自然，橙味的酸香讓人胃口大開，加上橙的纖維幫助消化，營養價值極高。繡球鮮蝦丸 - 蝦丸炸得顏色均勻，金黃色賣相吸引，吃下去的口感Q彈。杏汁燉白肺湯 - 這道杏汁燉白肺湯工序繁複，不但自己難以在家動手熬煮，更不是很多餐廳會提供，所以難得供應絕對是Must-Try！熱騰騰端出來的湯呈乳白色，杏汁味濃厚，豬肺口感爽滑，味道一流之餘還能滋潤養顏。作為餐廳的招牌菜，這道「肉餅蒸蟹圈」一上場已經吸引全枱影相，蟹肉鮮甜蟹膏極多不在話下，下面的肉餅吸盡蟹的鮮味，這個時間最想要碗白飯來配吃！瑤柱扒四寶菜 - 平日多數吃瑤柱扒豆苗，但這個四寶菜有齊娃娃菜、西蘭花、白蘿蔔、冬菇等，可以滿足想吃不同類型蔬菜的朋友。作為中國人最愛有飯氣，這個滿樂蔥蒜牛肉崧煨飯非常濕潤，粒口感外硬內軟，內裡有不少軟腍牛肉粒，味道極度香濃。不過對於年輕一輩來說以這個價錢吃中菜可能偏貴，但若果帶家人來試，相信環境和質素絕對令長輩非常滿意。…查看更多