瑞士咖啡室 (已結業)

放工突然想食雞翼就走去瑞士咖啡室😊唔使睇餐牌就叫左個瑞士雞翼撈公仔麵配茶走👍🏻分量岩岩好兩隻雞翼加一碗瑞士汁👍🏻雞翼好淋好濃瑞士汁味，唔太咸好好食👍🏻無得輸。茶餐廳必點～茶走👍🏻👍🏻

天氣熱熱地忽然好想食滷水野，但唔太鐘意燒味鋪個種碟頭飯，於是退而求其之黎左食瑞士雞翼。1點左右黎到門外好多人等緊，一人位等左5分鐘左右就入得，但要坐4人卡位搭台。平日食得瑞士常餐多，今日想試下瑞士雞翼撈公仔麵 ($50)。上台時瑞士汁另上，全數倒入公仔麵後先發覺汁既份量過多，近乎浸住兜麵。幻想中既瑞士汁撈麵應該係濃郁惹味，但原來醬汁偏稀同甜，唔太岩口味，普通既湯麵反而冇咁膩。瑞士雞翼就依然大隻入味又軟滑，下次都係叫返常餐算。