鮨 央泰

.尖沙咀·東京星級過江龍職人江戶前Omakase.鮨 央泰·Sushi Hisayoshi📍尖沙咀廣東道3-27號海港城港威大廈地下G111號舖.➰今日到訪的「鮨 央泰」位於尖沙咀海港城中心地段，位置一流，秉承至東京銀座一星米芝蓮「銀座いわ」的手藝，承存壽司大師岩央泰職人匠心的宗旨，嚴選日本時令魚獲食材空運到港，保證新鮮。.餐廳裝潢以木系為主調，燈光柔和，以木系壽司吧枱貫穿整個餐室，每個位置均可欣賞到師傅的手藝。晚餐供應Omakase為主，以江戶前壽司的獨特風味為食客帶來最佳體驗。.➰ 皇·Sumeragi  💲1880/1.❀  先付け - 三点 ✥軟煮八爪魚 ⭐️4.4/5⭐️ ✥北海道毛蟹  ⭐️4.3/5⭐️ ✥香魚甘露煮 ⭐️4.2/5⭐️先付部分已經非常有驚喜，師傅首先展示餐廳的招牌名物，將北海道八爪魚呈現於我們眼前，非常震撼，經過蒸煮4小時後，醬汁已充分浸入八爪魚之中，入口軟嫩多汁，非常出色。另外還有北海道毛蟹及香魚甘露煮，前者佐以柚子酸汁啫喱，令毛蟹的鮮味更為昇華，後者將魚骨煮至軟化，入口層次豐富。.❀  さしみ - 二点   ✥ 九州深海池魚·象拔蚌 ⭐️4.3/5⭐️ ✥ 燒平貝 ⭐️4.3/5⭐️刺身部分有來自九州的深海池魚及象拔蚌，深海池魚肉質細膩濃郁，象拔蚌鮮甜爽彈，兩者都非常出色 ; 師傅將平貝燒至表面稍稍焦身，保持內裹肉質鮮嫩，兩種口感令層次更為提昇。.❀ 燒物 ✥ 燒鷹鯧魚 ⭐️4.3/5⭐️鷹鯧魚選料上乘，並無養殖，經灸燒處理過後令魚味更為香濃，突出豐富魚油，入口肉質結實 ，搭配蘿蔔唐辛子，更為順滑入口。.❀ 握壽司 - 八貫 ✥ 左口魚 ⭐️4.3/5⭐️將裙邊炙燒處理迫出濃香魚油，入口滿足滋味。 ✥ 秋刀魚 ⭐️4.4/5⭐️正是秋刀魚豐收的季節，肥美肉鮮，味道濃郁豐厚。 ✥ 北海道北寄貝⭐️4.3/5⭐️北海道北寄貝選料優質不在話下，經灸燒處墜更散發出海洋咸鮮調味，出色。 ✥ 春子鯛 ⭐️4.2/5⭐️清淡雅致，細膩柔和。 ✥ 長崎縣赤鯥 ⭐️4.3/5⭐️赤鯥味道濃郁，口感爽彈中帶出魚油魚香。 ✥ 鹿兒島車海老 ⭐️4.4/5⭐️車海老色澤鮮紅亮麗，品質上乘，入口爽彈愉悅。 ✥ 燒拖羅 ⭐️4.4/5⭐️將肥美的拖羅炙燒處理，魚油魚香滋味倍增，入口幸福感滿滿。 ✥ 穴子 ⭐️4.3/5⭐️細嫩柔軟，入口稍為咀嚼已然吞嚥回味。 ✥ 海膽 ⭐️4.4/5⭐️重頭戲主角選用北海道馬糞海膽，鮮甜濃郁回味，配搭爽彈紫菜一同入口，層次感一流。.❀ 玉子燒 ⭐️4.3/5⭐️師傅親自烹煮，蝦肉、魚肉、蛋調配而成，不含麵粉，口感輕盈鬆彈，一試難忘.❀ 椀物 ⭐️4.2/5⭐️❀ 甜品 ⭐️4.3/5⭐️最後奉上碗物及甜品作結，時令蜜瓜非常清甜。.➰總結餐廳以江戶前Omakase作主打，師傅功架十足，對每道菜色掌握純熟無比，令每位客人都體現到師傅日積月累對江戶前壽司的職人匠心，菜單亦會隨會四季不同而變更，推薦與親朋好友到訪這個令人難忘的江戶前壽司之旅。…查看更多

👨🏻‍🍳鮨 央泰 (尖沙咀)📍尖沙咀廣東道3-27號海港城港威大廈地下G111號舖 「終於食到極級既江户前廚師發辦！！」 好多年前已經聽聞過「江户前」，以前凈系掛住食，同覺得好好味🙈大個開始會想了解下🙈原來「江户前」系日本古時保存食材既方法：用醋、鹽醃製海鮮，或者以醬汁煮製。以前無雪櫃，魚肉易變壞，所以古人用吾同既方法為魚肉做熟成，延長保存期。而朋友亦有提及「熟成拖羅」系此店特色🫶🏻 今次朋友D介紹，系尖沙咀海港城，成日經過都留意吾到🙈平日晚上都易滿席，需要提前預約🫶🏻 —お任せOMAKASE：<皇> Menu SUMERAGI すめらぎ $1780 先付け （先付）• 三点水雲醋忌廉芝士蟹肉卷里芋 さしみ （刺身）• 二点深海池魚 配紫蘇花北海道帆立貝 配海藻鹽、柚子皮、青檸汁北海道軟煮水八爪魚配芥末及柚子胡椒 焼物（燒物）稻草煙燻bb吞拿魚配茗荷及薑蔥蓉大好き🥹🫶🏻比一般藍鰭吞拿魚稀有既幼魚，肌肉無咁結實，油脂亦都相對豐富，極致滋味‼️ 握り寿司 • 八貫金目鯛/小肌/北寄貝配海藻鹽/赤身（熟成十日）/中拖（與赤身為同一條青森大間藍鰭吞拿魚）/車海老/喜知次/北海道馬糞海膽 酒盜太刀魚 配酸汁蘿蔔用鰹魚既內臟醃太刀魚，然後等風乾。好香口，食完齒頰會有餘香🤤 玉子焼き江戶前玉子燒不同於普通玉子燒🙈以雞蛋、蝦肉、白身魚肉、鰹魚高湯，取替傳統麵粉，食起上黎會少D飽腹感，無咁濟🤤 椀物大和蜆煮赤味噌湯 デザート(甜品)靜岡蜜瓜—廚師發辦，除左可以食到當造最新鮮既食材，仲可以了解每道料理背後既由來同煮法。 慢用、慢談，生活中寫意的一刻。 今晚可以品嚐江户前料理，欣賞到壽司匠人既手藝，無論視覺、味覺都大飽滿足🫶🏻 #鮨央泰 #江户前料理 #omakase #江户前廚師發辦 #arigato_尖沙咀 #玉子燒 #江户前玉子燒 #熟成拖羅 #北海道軟煮水八爪魚 #bb呑拿魚 #吞拿魚幼魚 #酒盜太刀魚 #hkfood #香港美食 #尖沙咀美食 #廚師發辦 #omakasehk #thankyouhugo …查看更多

過幾個月會去東京旅行 都有提前做定research😋見到呢間銀座本店係米芝蓮嘅餐廳竟然喺我成日行嘅海港城有門市 唔係唔試試啊嘛！香港店嘅師傅都好架勢 係壽司大師Hisayoshi Iwa經營嘅 所以食物質素絕對有保證～通常一入餐廳第一件事都係睇餐牌等食 但呢度真係會令你想細心周圍望望👀一入到門口就有日本食江戶前壽司feel裝修精緻高級 周圍佈置嘅色系都好柔和好舒服跟住就到食物啦 會按順序逐樣講～先付三點🌽粟米豆腐及枝豆豆腐 🥢水雲菜🐟香魚 香魚用高壓方式熬煮 軟稔到可以就咁食唔使吐刺刺身二點🐚真鯛配木魚湯啫喱 石垣貝石垣貝真係好鮮味 配搭柚子皮又帶啲小清新 🫚炙燒鰹魚醬油漬 醬油漬鰹魚配薑蔥蓉好鍾意佢同一塊魚做咗兩種完全唔一樣嘅style前者因為炙燒過所以魚肉會結實少少 而且魚油味會更突出後者就多啲薑蓉嘅味道真名鏗西京燒因為腸胃差平時都比較少食魚生 都係到靚餐廳先敢食🤭握り寿司-八貫🥢馬糞海膽北海道馬糞海膽濃郁甘甜 一啖入口真係超級大滿足！！🦑白魷魚切嘅厚薄度啱啱好 口感爽滑清甜唔會好難咬🦐車海老蝦肉鮮橙色而且肉質超級彈牙🐟赤鯥🍣清森赤身🍣大拖羅🥚醬燒穴子🐠希靈魚🍳江户前玉子燒呢款師傅display嗰時我趕唔切影啊😭😭可以睇睇其他foodies影嘅相原件未切嗰時佢真係好似古早味蛋糕🤪因為喺蛋漿裏面混入咗海蝦 白身魚 同埋鰹魚高湯所以食落除咗蛋香仲有濃濃嘅海鮮鮮味甜品🍑日本桃配梅酒啫喱好似係我第一次食加入酒嘅啫喱淡淡哋都幾易入口重點係隔離兩件桃超級甜👅------------------------------下面就到追加items啦～🦀毛蟹-北海道毛蟹配土佐酢啫喱首先講講我心目中嘅top1一向好鍾意食蟹 呢款係幫你將毛蟹拆哂殼拆哂衣直接一啖就可以放入口😋滿滿嘅蟹肉鮮味配搭下面清新帶微微酸味嘅土佐酢啫喱一啲海鮮腥臭味都無🍉鮟鱇魚肝-鮟鱇魚肝 西瓜奈良漬鮟鱇魚肝濃郁嘅海鮮味係會停留喺口腔一段時間師傅介紹特別配搭咗經過醃製5年嘅西瓜奈良漬醃令你食完可以即時清清口腔再食下一道菜👌🏻🐚鮑-北海道蝦夷鮑魚配鮑魚肝醬鮑魚同樣處理得好乾淨 會比平時食到嘅細隻少少但肉質更緊實彈牙鹹味同滑滑嘅甜味平衡得恰到好處…查看更多

由日本東京米芝蓮一星餐廳「銀座いわ」創辦人岩央泰及其弟子金子司主理的過江龍鮨店「鮨 央泰」，選址在尖沙咀的海港城落戶，開業已有一段時間。主打最正宗、最優質的老日本風格江戶前壽司美食。江戶前風格是指師傅保留了日本傳統的壽司做法，於食材上不會添加太多調味或花巧性點綴，簡樸直接地帶出本味。.餐廳裝修秉承日本人一絲不苟的傳統，落足心思。地方闊落光猛，希望能為食客帶來愉快的氣氛。用餐區的吧檯位選用了高質、由日本直運到港的原條大檜木，用料相當矜貴。餐廳表示日常會以牛奶、米糠等熱敷，為餐檯作保養。.今日有幸得到主廚金子先生親自招待，不諳日語的我們全程得到職員翻譯，所以不用擔心溝通問題。職員告訴我們，金子先生的工作經驗非常豐富，來港前有在澳門、泰國、西雅圖等地工作，希望能助食客們了解日本傳統的飲食文化。.➰ᴏᴍᴀᴋᴀꜱᴇ ʜɪꜱᴀʏᴏꜱʜɪ 央泰➰ 💲2680✿ 前菜 五點✿ 刺身 三點✿ 燒物✿ 季節性食材料理✿ 壽司 八貫✿ 卷物✿ 玉子燒✿ 湯✿ 季節性水果.—-✿ 真鯛白子白子配上燒汁醋和日本大蔥。忌廉感重，質感肥美柔滑。.✿ 鰤魚✿ 鳥貝北海道的「天上鰤」魚刺身，油脂豐富。配上豉油及芥末，香氣風味濃郁；鳥貝則清新爽口，可配青檸、亦可紫蘇花、醬油一起享用。.✿ 北海道毛蟹✿ 北海道鹽水海膽賣相精緻的毛蟹加鹽水海膽杯，爆量的蟹肉相當鮮甜。.✿ 子持魷魚子持魷魚是季節性食材，一般只在三到五月期間出現。雌性魷魚肚內有大量魷魚籽。師傅將魷魚觸鬚釀於魷魚肚內再慢煮。魷魚籽口感黏糯，配搭鮮芥末及柚子胡椒享用，柚子胡椒味道較強滿刺激。.✿ 紅酒慢煮鮟鱇魚肝整個的鮟鱇魚肝，加以紅酒釀製，以約六十多度滾的湯來慢煮。面配搭了一點奈良西瓜漬物。奈良著名以瓜、果作漬。這款漬物是用了初生的西瓜配製，味道較濃重，伴著鮟鱇魚肝及一點芥末一起享用，效果最佳。.✿ 螢光魷魚天婦羅魷魚天婦羅配以菜之花碎，加上自家的高湯作芡汁。.✿ 蝦夷鮑魚北海道蝦夷鮑魚，加上鮑魚肝醬來伴壽司飯。蝦夷鮑魚滿彈牙，加上濃郁的鮑魚肝醬，是邪惡的美味。.✿ 金鯛立鱗燒燒物是金鯛立鱗燒。師傅保留金鯛上的魚鱗，以滾油一片片的將魚鱗加熱。魚鱗受熱後造成捲起的效果，魚肉滑嫩魚鱗口感香脆。.手握壽司包括：✿ 真鯛 - 鮮度十足，肉質一流；✿ 剝皮魚 - 加了點魚肝於中間；✿ 針魚 - 屬於銀身魚，中間加了紫蘇及薑蓉平衝味道；✿ 宮城縣鹽釜 中拖羅 - 鹽釜是日本知名的鮪魚產地。中拖羅做了兩星期的熟成，外層色質帶暗啞，是熟成的效果；✿ 宮城縣鹽釜 大拖羅 - 同樣是做了兩星期的熟成。赤身魚需要經過熟成處理的原因主要是想等脂肪轉化為優質的胺基酸，使魚的味道更突出，肉質更軟腍；✿ 赤鯥魚 - 屬深海魚、脂肪較豐富魚種。主廚金子先生先輕炙魚的表皮，使皮下脂肪融化後更香口；✿ 鮮北寄貝 - 北寄貝表層經過輕炙，再加上一點海藻鹽，帶出層次鮮味；✿ 鹿兒島車海老 - 鹿兒島的大蝦壽司，鮮橙黃色的車海老，肉質鮮甜爽脆；✿ 北海道赤海膽 - 色質如黃金般的橙黃。味道鮮甜，口感豐富。對比鹽水海膽，少了海鹽的鹹香感，味道更柔滑；✿ 汁煮海鰻 - 最後的是海鰻壽司，海鰻的味道相對較清淡軟熟。配上以海鰻主骨，再加上醬油調製的醬汁，鮮甜度高。.✿ 捲物吞拿魚蓉捲物 - 加上黃蘿蔔粒及紫蘇，增加口感。.✿ 玉子燒這款玉子燒以一整板切件，是傳統江戶時期的玉子燒版本。玉子蛋漿內加入了蝦、帶子及白身魚等海鮮調味。熱時有豐富的蛋香味，放涼後滲出了淡淡的海鮮味道。.✿ 大蜆清湯.✿ 靜岡縣皇冠蜜瓜時令的頂級皇冠蜜瓜，甜度爆錶。.…查看更多