立体派拉麵 (威靈頓街)

最近大愛拉麵，當係思念下想番鄉下既心。 去開中環 聽聞依間幾有名 就決定黎試下。 位置上都幾為偏僻😂 真係好易行過左睇唔到 因為佢門口係正條巷仔， 真係行左2次先見到間店😂店身有啲好令既塗鴉， 不過如果你烈日當空下既lunch hour， 真係有啲曬黎排隊等Lunch hour時間黎排 排左大概半個鐘左右就入得 內裡環境唔算細 由於係門口睇左下menu 一坐低已經叫得。 今次叫左醬油濃湯（$88） 加 特級白湯（$118） 另加餃子同唐揚雞。 野食好快到， 慶幸依間拉麵店唔會淨係得蝦湯做湯底份量其實絕對唔細 特別係特級白湯拉麵 個碗真係好大 。 湯底方面 係好濃，飲到燶郁既雞湯味，唔會好肥膩好油 。 另外既醬油濃湯， 湯底帶有醬油香味， 但又唔會好咸 麵身岩岩好 唔會太林 果然係日本拉麵冠軍師傅開辦…Read More

中西區嘅拉麵店選擇唔夠尖沙咀多但好在呢度有高質嘅立体派坐陣😋作為係中環人都有選擇唔使一定要過海食拉麵.🌟特級白湯拉麵(大) ($118)呢個拉麵絕對係餐廳嘅招牌菜!👍🏻經典嘅白湯味道濃郁得黎又唔膩而且味道溫和 相信大部份人都會啱食當然仲有3大塊叉燒 嫩滑又有油香 仲有隻溫泉蛋拉麵唔只個碗大 份量亦都夠晒多 .🌟特式辣味濃厚白湯拉麵 ($88)呢個拉麵啱晒鐘意食辣嘅朋友🌶️見到落左勁多七味粉 撥開d蔥仲見到有一個球形嘅肉碎拉麵嘅掛湯力十足 同埋有愈食愈辣嘅感覺而且店員見到我著淺色衫仲好細心咁俾左圍裙我咁就唔怕湯汁彈左上衫😌.🌟自家制餃子 ($48)餃子皮夠薄 而且餡料份量適中又好味🥟如果煎得脆身d就更好呢個餃子汁亦都有特別調製 有好豐富嘅味道.🌟波子汽水 ($28)食拉麵(尤其係辣味拉麵)如果有飲品就更開心我地點左充滿日式風情嘅波子汽水🥤店員會幫手開埋 唔怕彈到成身都係.之前我都有食過呢度嘅拉麵 次次黎到都唔會失望 保持到一貫嘅水準🤓今次仲睇見個menu依家有新口味芫荽拉麵鐘意芫荽嘅朋友不坊一試🤪…Read More

前幾日約咗個朋友去試呢一間評分幾高嘅拉麵店。食完好想推介一下，個麵同個湯都超正！真係有來自日本正宗原味道。呢間拉麵店出面係好特別嘅藝術壁畫牆，其實影得都幾靚，不過條樓梯有啲窄，想影到靚相就要有啲技巧。我叫咗個特級白湯拉麵（大）$118個碗好大賣相好靚🍜，豚肉超大塊，個湯好濃好好味😋食拉麵個湯真係好緊要，呢個湯完全係滿分💯濃郁得來又唔會太油膩。碗麵上面仲有隻流心蛋👍🏻👍🏻鍾意食流心蛋嘅朋友就有口福。個麵都爽口彈牙。個麵嘅份量對我來講其實多咗少少，如果想試多幾個味道其實可以同朋友share。九味醬油拉麵$88我朋友就叫咗呢一個。我冇叫呢個係因為我怕醬油味會好鹹，但係呢一個我試過d味都唔會好鹹，味道都唔錯！最重要一定要推介佢個肥豬肉，超夠份量，而且入口即溶，秘製醬汁個味道入晒去個豚肉度😝。我覺得呢個價錢有日本原味道質素超抵👍🏻👍🏻如果大家掛住日本嘅正宗原味道，好推介大家嚟呢度食，止下癮！總評分😺：8.5/10.0…Read More

喺中環威靈頓街，有一個一比一的人像，捧住碗特大拉麵，引起了大家的好奇心！小巷內有間拉麵店，裝修頗有藝術感！內裡也有一些抽象掛畫，風格統一，不錯的啊！COEDO Shikkoku $58入口極為順滑的黑啤，味道甘香可口，很適合男士的！烏龍茶 $28有一點點鹽味的烏龍茶！鰹魚凍湯浸菠菜 $28菠菜有鰹魚湯的加持後，變得極為鮮甜，爽嫩無渣，正！名古屋風雞翼 $38雞皮香脆，內裡爆汁，正宗皮脆肉嫩無得輸！而且店員主動放低埋膠手套，方便食客，抵讚！特級白湯拉麵（大） $118超～～～～～～～～大碗的白湯拉麵，仲有勁多片卷腩叉燒！卷腩叉燒軟腍可口，感覺是用慢煮的方法處理過的，最後才加上黑椒碎來調味增香！麵身爽口有彈性，跟湯底很配啊！黃金味噌拉麵 $138每日限量的拉麵，啲配料多到睇唔到啲麵！除咗面層見到的腐皮、辣肉醬、叉燒、大蔥等配料外，下層還有餣漬過的芽菜和娃娃菜，配料超豐富，整體味道香而不辣，頗惹味的！…Read More

無驚無險又到食晏時間！天下著毛毛雨，正煩著去邊度搵食，突然想起之前友人說起立体派的拉麵好食，於是向同事們提出，一行四人立即出發，因為怕會排長龍呢😆！正因爲落著毛毛雨，造就著我哋只需等候15分鐘已經可以入座！在等候入座期間，店員已預先比張點菜紙我哋以節省落單時間，對於我哋呢啲趕時間嘅上班族，確是貼心👍🏼！坐低無耐，店員即奉上熱辣辣嘅拉麵，好肚餓呀！先來的係我叫嘅特級白湯拉麵，先嘗一嘗白湯，味道鮮美，鹹淡適中，再來一口拉麵，混合筍、白蔥，確能帶出麵質恰到好處，而筍同白蔥都夠鮮嫩，無渣的！好味！再咬一啖叉燒，口感剛好！對女士來講，小的特級白湯拉麵份量剛好😃！之後就到男同事叫嘅特級濃湯拉麵（大）嘞！嘩！有三塊叉燒，真的很飽肚呢🤪！男同事吃到肚滿腸肥呢😆😆！一場嚟到，當然會叫埋至愛嘅餃子啦！松林餃子味道唔錯，外皮少少脆，內裏菜同肉嘅比例剛好😃！食完之後，外面嘅雨停咗！埋單走人！😆…Read More

由兩位日本拉麵大神林隆臣和松村貴大所創辦的立体派在香港開業一段時間，但人氣依然強勁，大排長龍，相信一眾的拉麵迷和我一樣，想一嚐傳說中的創意拉麵。店外牆壁上繪畫多幅壁畫，當中更有兩位立体派的創辦人肖像，而這些壁畫均出自於藝術家Sergei Rozhnow之手，未吃拉麵前可以跟壁畫合照打卡消磨時間。立体派店內奉行簡約風格，以木材為主調，感覺自然輕鬆。看看拉麵的餐牌，一共有六款拉麵可選，當中兩款廚師推介甚為吸引，均由兩位創辦人創作而成。海體醬油湯拉麵映入眼簾的是琥珀色的湯頭，淡淡的醬油香撲鼻而來，第一口湯先嚐到微微鮮鹹，不一會口腔又有一番醬油的甘甜，湯底味道無窮變化，不少得九種特級醬油彼此互相融合的功勞。至於麵條亦是一大特色，口感極為煙韌彈牙，比一般拉麵更具嚼感，原來拉麵都是立体派自家製造，整碗拉麵製作真的一絲不苟，別具心思，令人驚喜連連。拉麵配料方面，有筍，京蔥及汁煮厚切叉燒。原條的汁煮厚切叉燒極有厚度，光是份量已引人注目，叉燒經醬油慢煮後醬香徹底滲透當中，非常入味。肥瘦相間的叉燒軟腍不膩，入口即化，口齒留香。傳統關西風關東煮湯底零味精，全是天然的鮮美，獅子狗煮得恰到好處，彈性十足，蒟蒻更是爽彈無比。雞蛋和蘿蔔吸飽湯汁，清甜味美，這就是簡單的日式美食。唐揚脆炸雞蠻大塊，外層炸得金黃酥脆，有股特別的香氣，而內裡雞肉滑嫩極致，肉汁豐盈，在口腔流竄不絕，擠上檸檬汁的脆炸雞倍添可口滋味。特級白湯拉麵有別於常見的豚骨湯底拉麵，使用鮮雞燉煮出濃郁的雞湯，如同牛奶般的雪白湯底，令人食指大動。湯頭蘊含著雞肉熬出的濃郁鮮味，不會膩味，而浸潤在雞湯裡的拉麵很有彈勁。另外拉麵附上三片的低溫慢煮叉燒粉中帶白，足見它的細嫩，肉味濃重，脂香無窮。…Read More