豚道樂 (百合苑商場) (已結業)

唔記得幾時bookmark咗這店, 經過附近就來試下 食物 : 持上魚介豚骨拉麵 $106, 特上原味豚骨拉麵 $94 ~ 湯底味道唔錯幾濃, 食完唔會口乾, 义燒好大塊好淋, 麵質幾好唔會過淋, 大大碗一定夠食 飲品 : 店內有冰水供應 環境 : 店內是日式拉麵裝修, 舒服乾淨 服務 : 職員有禮貌 價錢 : HK$200 (無加一服務費)…查看更多

呢間良心日本拉麵店，店內左邊有U字型吧枱，方便一人食用，右邊有2張二人枱和門口的唯一一張四人枱。四人枱剛好空著，我哋就坐低咗啦。*望住點餐紙諗食咩好，會發現本身每款拉麵無溏心蛋，一定要另加HK$15/隻。但同樣加HK$15轉特上，就可以多一片豬腩肉，2片紫菜和半隻溏心蛋，有誰會咁傻豬只加一隻蛋呢？另一個驚喜係，而家平日午市加錢轉特上，仲有前菜和汽水送，呢$15好抵俾喎！🐟🍜 魚介豚骨拉麵 (HK$88 +HK$15 轉特上)．這個係平日限定款，週末係食唔到㗎！．豚骨湯底加入鰹魚片熬製，濃魚香、鮮甜美味😋．拉麵煮得剛好，硬身啲啲嘅Q彈口感，正👍🏻．慢煮叉燒，軟腍美味，對比波板糖咁大片的炙燒腩肉，香脆面，肉和油脂分布平均，好好味😋．片紫菜超大塊，大過我塊面😮，脆卜卜的．最正留在最後，溏心蛋，嫩滑蛋白，流心啫喱狀的蛋黃🍖 前菜：蜜汁腩叉燒粒．煎炒過的腩叉燒粒，香脆不覺油膩，之後我估連同蜜汁一齊炆到入味，令人食到唔停口呀！…查看更多

《魚介豚骨拉麵🐟🐷💛》 +$13轉特上湯底嘅豬骨味超級濃郁，反而魚介味略嫌唔夠突出，小編對味精都幾敏感，呢個湯飲完一啲都唔口渴，真材實料。豚肉叉燒有兩種，圓形係豬腩肉，長條型係豬肩肉，豬腩肉雖然肥，但係有炙燒過，去除咗過多嘅肥膩感。豬肩肉較瘦，同樣有炙燒過，口感較脆。兩款肉都好大塊，甘香可口嘅油脂加埋濃濃嘅豚骨湯真係一絕！加$13就有得食晒兩款，仲有半隻溏心蛋，超抵，推薦轉特上！(不過小編食完真係超級超級飽～因為樣樣都好滯🙈）《泡系豚骨擔擔麵🌶🍖💛》小編嘅友人雖然點左特辛，但佢覺得唔係好辣，反而芝麻味好濃郁，沖淡左啲辣味。呢個啱晒鍾意食辣又鍾意食肉嘅朋友，唔使額外加錢，就有四大塊叉燒，都真係幾飽，佢呢碗叉燒好似冇我嗰碗咁肥，加上辣辣地， 相對冇咁膩。《日式煎餃子🥟💛》以日式煎餃子來講都幾大隻，外皮夠趣夠薄，餡料飽滿多汁肉嫩，不錯！…查看更多

今日又想食拉麵，男朋友話試下呢間，都係黃埔入少少位置，入內都多人，但仍有位置可坐唔洗等位。湯底選擇都有好幾種，可能太多種類，感覺因此湯底感覺都無咩誠意😅黎到有一大片紫菜，上面既芽菜太多同生，所以無食到，魚介豚骨湯底都屬於濃味，不過魚介味唔出，感覺好似蟹味多d😂😂拉麵我選擇左直麵（硬），硬係做到既，麵質不過不失。煎餃外表唔錯，不過食落唔脆，內餡豐富，但黎到其實已經唔熱，覺得可以做得更好。蒜蜜叉燒就唔錯，都燒得香，蜜糖味配搭又幾清甜，肉質還好。男友叫既芥末拉麵就無試喇，皆因我唔食wasabi，佢就話ok 既幾得意，但表示下次應該會食第二種湯底😂…查看更多

3人行今次試下依間拉麵先～中午時間都冇咩人～唔洗等位鋪仔細細幾有日本風味～有大約十幾個座位～不過D櫈好硬唔太舒適豬肉小食份量好入味但略甜～有少許黑椒粒吊味～偏重味配拉麵食好D特上魚介豚骨拉麵加$13有豬肉小食、紫菜2片、溏心蛋半隻～拉麵有芽菜、蔥花、筍片～魚介湯好野味～比豬骨濃湯好味～拉麵份量適中～軟硬剛好黑蒜油拉麵味賣相吸引～有:芽菜、蔥花、芝麻、炸蒜蓉～雖然豬骨濃湯夠濃稠～可惜蒜味過濃完全蓋住豬骨湯味依個味道同價格唔太值…查看更多

很難得於平日和另一半一同放假，便襯著人流不多，與他到處走走，今天便來到黃埔行逛，現在的黃埔可以乘港鐵到達，很方便呢！吃拉麵像是不錯的選擇，便到豚道樂用餐因為我們是在平日午膳時間惠顧特上拉麵，因此還送了飲品和小吃，性價比還挺好的最後我點了特上原味豚骨拉麵 (幼面)，而另一半則點了特上魚介豚骨拉麵(曲麵)先上菜的是小吃，每人一少份蒜蜜叉燒粒，挺香口及甜甜的，很開胃特上原味豚骨拉麵 (幼面)，湯底有很濃的豬骨味，但不會過份油膩。幼面很快會淋身，因此如個人而言喜歡硬身的麵的話，會建議選擇曲麵。溏心蛋也做到日式溏心蛋應有的水準特上魚介豚骨拉麵(曲麵)，魚介湯很好吃，而且有很喜歡吃的筍，很想搶這碗來吃…查看更多

與友人再到訪黃埔九號水產，今次的搵食對象仍是日本料理，不過是另一間拉麵店。拉麵店的裝潢是日本feel，門口有紅燈籠，不過可能因為店員不多的關係，沒有人敲鼓及用日本語叫歡迎。店內播著柔和的歌曲，氣氛不錯。可能是我們到達的時候時間尚早，所以客人不多，但在我們之後亦有日本客人進來。餐牌上主要是幾款日式拉麵，其他的還有炸物，而拉麵亦分普通的及配料多一些的特上拉麵，而餐牌上亦列明有甚麼配料，圖文並荗，特別在於有季節限定、五六日限定及平日限定，意思都很容易明白，所以在網頁中見別人吃的也未必可以隨時試到。點菜單會是每人一張，是否轉特上、直麵或曲麵、硬度、加蔥與否、要不要辣，及追加配料都有得選擇，一目了然。我們起初不知道，原來背面還可以揀其他的食品及飲品。我們就要了季節限定的黑松露醬油豚骨拉麵($108)加厚切筍($8)，平日限定的特上魚介豚骨拉麵($98)加厚切筍($8)及木耳($5)，炸物的炸物盛盒($68)及炸軟殼蟹($45)，還有日式煎餃子($30)及信州白提子梳打($23)。信州白提子梳打都頗為清香，亦不太甜。特上魚介豚骨拉麵加厚切筍及木耳，湯麵內有豬肩肉、豬腩肉，紫菜及半隻溏心蛋，還有一些厚切筍、洋蔥絲及蔥花。魚湯味濃郁，豬肩肉及豬腩肉也很腍滑。溏心蛋做到流心的效果，而且味道吸引。厚切筍相當入味及爽脆，所以加多一碟也沒問題。木耳爽脆之餘，味道稍嫌淡了些，但5元的份量也不少。黑松露醬油豚骨拉麵加厚切筍除了有豬肩肉、豬腩肉、紫菜及半隻溏心蛋外，還有半熟的帆立貝、洋蔥絲及菜苗，而黑松露醬有成匙之多，清香撲鼻，湯底用豬骨熬上幾個小時，非常之濃稠起膠，亦帶有黑松露醬的味道，實在令人一試難忘。近來也吃了很多次的炸軟殼蟹，看看每家有甚麼不同，這裡的配有蛋黃醬及沙律菜，但略嫌粉漿炸得有點硬，不夠軟熟。炸物盛盒有兩隻天婦羅蝦、兩隻炸蠔，少了炸金菇，但炸芝士就多一粒，有3 粒，下面放了些火箭菜等沙律菜及另有蛋黃醬。天婦羅蝦有鮮味，粉漿不厚。炸蠔也很鬆脆，炸芝士外脆內軟，芝士有點熔，可以拉絲。日式煎餃子不會煎得太乾及硬，伴以餃子醋，雖然有5 隻之多，幸好有我壓陣，終可順利完成。這一餐平均消費每人$197。…查看更多

行黃埔經常都到商場或街舖用膳，今次轉下形式去了新開不久的九號水產，裡面除了食店還有小型日式超市。我們行下行下發現一間豚道樂日本拉麵店，看到店舖門面很吸引，所以就入去品嚐下拉麵啦！拉麵店裝修充滿日本格調佈置，感覺舒適寫意。內裡以長枱為主，可以看到師傅烹製日式拉麵 ; 亦有單邊一排二人枱，喜歡較清靜的就適合不過了。餐牌裡有幾款拉麵選擇，特上海老湯拉麵、特上原味豬骨拉麵、特上黑蒜油拉麵、特上魚介豚骨拉麵等，除了拉麵另有多款小食及特色飲品，名式其式。拉麵配料選擇也多，每個價錢項目不同，有多種選擇配搭。特上魚介豚骨拉麵    $98有魚和豬骨熬煮的湯底，濃濃豬骨香，味道鮮甜，配以豬肩肉、豬腩肉、紫菜和唐心蛋，豬肉嫩滑，軟淋不韌，一咬便化開，肉質鬆軟多汁，而麵條我選的是曲狀，嫩滑彈牙，椰菜和木耳很爽口，很美味！ 特上原味豚骨拉麵    $85散發著濃濃豬骨香，曲麵和湯同樣好味又鮮甜，材料同樣是豬肩肉、豬腩肉、紫菜和唐心蛋，軟軟的豚肉，肉質鮮嫩，吃完沒有油膩感，再加上唐心蛋，流流蛋汁，口感更豐富，品嚐不同層次的味道，好吃呀 😋炸物盛盒     $68盛盒有3種炸物，天婦羅蝦、炸蠔、炸芝士，3款都外脆內嫩，炸粉不會太厚，配備沙律醬和檸檬作調味，香脆可口。日式餃子     $30菜肉餃子皮薄香軟，內裡雖然不是很多肉汁，加上醋汁一齊吃，一點都不油膩。牛肉薯餅     $18   內裡包著濃濃牛肉，香香脆脆，很惹味，口感不太膩。日式炸雞串     $18炸得香脆的大大粒炸雞，肉質爽口鮮美，很滋味！信州白提子梳打     $23香濃白提子味，有氣的，味道甜甜酸酸，冰冰涼涼，爽口解膩。山梨桃梳打    $23香濃桃味，清清甜甜，有氣的梳打果味氣水，不錯。靜岡抹茶可樂    $20有抹茶味的可樂，味道很特別，少少抹茶香，但又帶有可樂味，新嘗試，讚！無糖可樂    $12不甜不膩的氣水，冰爽解渴。…查看更多

我一向都好鐘意食日本野，特別係拉麵，唔知點解拉麵好似好股神祕力量咁，每隔幾日就想食返碗黃埔個九號水產都開左一輪，一直以黎聽到嘅評價都係話啲餐廳好貴，所以之前都無去過。直到今日去黃埔睇戲，就順便行去九號水產觀摩下一入到去，就有間拉麵店係我眼前喇，環境仲好吸引添，係門口望過價錢👌不算貴，就迫不及待入去試lu~我揀左魚介豚骨拉麵🍜，同正宗日本拉麵店一樣，佢係有得俾你揀麵嘅軟硬程度、要唔要蔥等等，最值得一提嘅，係佢嘅拉麵有兩款俾你揀，分別係曲面同埋直面拉麵湯底偏向杰身，所以掛湯效果非常好，味道濃郁，直身麵相對幼身，色、香、味俱全，以$85來說，質素真得很不錯而我朋友就選擇咗原味湯底配曲麵，原來曲面就係我哋喺香港平時食開嘅黃色嗰種，原味湯底十分清甜，同樣是掛湯的啊小食種類都頗多，而且價錢相宜，所以我地都叫左幾款試下，第一樣係日式餃子🥟，皮脆肉嫩第二樣係紫菜墨魚咀，份量都幾多㗎，好似食極都仲有咁，最啱一路傾計再配啤酒🍻最後我哋仲帶咗軟殼蟹，估唔到蟹膏味濃，脆漿厚薄剛好，襯熱食，正啊食咁多煎炸野，又點可以無野飲啊，呢度有好日本feel嘅玻璃樽汽水，我當然要飲桃味喇，佢唔會好甜，有淡淡的桃味，清香解渴，而我朋友就揀咗袖子味，我試左啖，一樣唔會太甜，好飲原來9號水產，都唔一定得貴野，好似呢間豚道樂咁，價錢合理，選擇多，值得一試啊…查看更多

老公係網上見到黃埔九號水產嘅豚道樂舉行緊激辣大挑戰，挑戰者只需4分鐘內食完一碗激辣拉麵即可全單免費，而期間最快食完嘅挑戰者更可贏取旅遊禮劵。今晚收工佢興致勃勃咁同我去，打算叫我幫佢打打氣。我地大約7點左右到豚道樂，豚道樂九號水產呢間分店相當新淨，裝修以鮮艷顏色為主，可能因為有激辣大挑戰，全店坐滿食客，我地等位嘅時候老公見識到其他對手嘅實力之後臨時縮沙，因為我地係門口見到有挑戰者2分鐘內已食完全份激辣拉麵，坦白講就算係普通即食麵，老公都食唔到咁快啦。所以我地最後都係乖乖地點返普通拉麵同小食，慢慢品嚐。呢度嘅拉麵款式都幾多，我地原本點左一碗特上魚介豚骨拉麵同特上松葉蟹蕃茄豚骨拉麵Share食，不過可能今晚生意太好，特上松葉蟹蕃茄豚骨拉麵已沽清，我地轉左點特上海老湯拉麵。兩款特上拉麵配料都差唔多，有豬肩肉、豬腩肉、紫菜同溏心蛋，我自己比較喜歡食呢度嘅豬肩肉，軟腍而且唔肥，非常惹味，老公比較就鍾意食豬腩肉，佢仲另加$20點多一份，不過$20呢份豬腩肉有3大塊，都真係幾抵食。特上魚介豚骨拉麵湯底好濃郁，而且唔會太咸，湯底又夠熱，唔需要加老公最愛嘅芝麻都已經非常惹味。特上海老湯拉麵蝦香味好濃，未食都已經聞到濃濃蝦味，湯底口感濃厚，另外溏心蛋都好入味。老公非常鍾意食炸物，佢點左兩款小食分別係炸軟殼蟹同炸蠔，份量都唔少，我試左少少，幾香脆可口。另外我地仲點左兩枝日本入口嘅梳打，埋單都只係$175一位，而且惠顧滿$300仲有獎抽，我地抽中左份薯餅可以下次來食。…查看更多

我同老婆由荃灣搬到而家屋企都已經有2年左右, 以前係荃灣住嘅時候星期六, 日lunch好多時都會幫襯豚道樂, 除左因為佢嘅拉麵好食之外, 裝修企理地方又夠乾淨。不過搬左之後都冇返過荃灣。今日放工都堂哥去黃埔Aeon揀完禮物俾表哥表嫂慶佢地BB出世之後, 堂哥提議去新開嘅九號水產睇下, 經過見到豚道樂係度新開左分店, 反正我地都未開飯, 當然要去試下會唔會有荃灣果間咁好食啦。😋黃埔呢間豚道樂裝修風格同荃灣果間都有少少相似, 不過呢間光線更加充足, 我地7點未到已入座, 當時客人唔多, 不過7點過後客人已經坐滿大半間餐廳。堂哥無辣不歡, 佢揀左特上辛辣味噌拉麵, 仲問店員可唔可以加辣。🙈 我就揀左特上魚介豚骨拉麵豚骨拉麵, 魚介味我超喜歡, 平時魚介沾麵我都經常食。😋特上魚介豚骨拉麵係平日限定, 好彩今日有。特上拉麵配料有豬腩肉, 豬肩肉, 紫菜同溏心蛋, 調味料有我最愛嘅芝麻。😍 我碗特上魚介豚骨拉麵嘅魚介湯底超香濃, 唔會太咸, 好惹味, 我揀左九州系直麵, 麵質軟滑又掛湯。堂哥揀果碗特上辛辣味噌拉麵我試左一啖個湯底, 真係好辣, 味噌味都濃, 佢揀嘅係札幌系曲麵, 麵質應該比細麵更彈牙。堂哥好鍾意食筍, 所以加左$8要多一碟, 另外我地仲點左炸雞, 餃子同加左一份叉燒。韓式蒜蜜叉燒同拉麵嘅叉燒肉質相同, 不過呢個叉燒用左蜜糖調味, 份外香甜。炸雞份量好多, 而且冇骨頭啖啖肉, 肉質鮮嫩多汁, 好惹味。😋餃子有5件, 外皮夠香脆, 餡料多汁, 2個人分好夠食。飲埋日本直送嘅梳打, 我地2個飽到要捧住個肚返屋企。😂餐牌…查看更多