牡蠣小屋

Bookmark 左呢間小店一段時間，之前亦見到許多人介紹，因為什少過港島區食飯，所以一直都未幫襯；終於尋晚可以一嚐晚餐，朋友們和我都覺得值得推薦😌知道小店的坐位不多，兩日前訂座都竟然訂到夜晚7:00，起初擔心會不會名過其實，所以少左人幫襯🫣 抱著試伏的心態，慶幸喜出望外。個人最推薦明太子玉子燒、月見雞肉棒、泡菜牡蠣鍋、鐵盒燒生蠔。 蠔的size都唔細，味道鮮甜，亦唔會縮水😆整體食物質素不錯，服務也挺好的，服務生都很忙碌，但也有求必應（斟水、影相、跟單、提醒鍋物的火力等等）。最重要是當晚食客不多，沒有限時收檯（本來網上訂座寫用餐時間2小時）大讚👍🏻👍🏻👍🏻 離開時，隔離檯比我地早入座嘅日本人仲繼續叫啤酒同甜品😆我地一行3個女仔食左$1400左右（叫左兩杯飲品）。大家都食得好飽，又可以傾餐飽。價錢話平唔平，又唔算太貴。難得食物有質素，服務又不錯，會推薦一下，亦會再幫襯😁P.S.若果人均消費閒閒地$400 （唔飲野）至$600（叫下酒類飲品）仲要限時，都真係幾趕客🥲 難怪而家香港嘅餐廳晚市咁小人，希望好似牡蠣小屋呢啲小店可以守得住💪🏻…查看更多

雖然牡蠣裡面既鋅並唔能夠完全重振雄風，但的確係一種最好既天然恩物，記住，愛呢樣野唔係淨係靠把口講，係要做出黎，「牡蠣小屋」無論生定熟，食個夠本，今晚夜瀾人靜，乾柴烈火兩個赤裸裸，翻雲覆雨，甜甜蜜蜜？👇🏻📌廚 師 推 介 - ▪️ 鐵 盒 燒 生 蠔 - $240/半打▪️ 拉 克 萊 特 芝 士 - $43/隻▫️ 第一件事一定係嗌個人氣招牌「鐵盒燒生蠔」，以半打日本廣島蠔，用鐵盒直接燒到岩岩好，staff再用「拉克萊特芝士」蓋上當中3隻蠔上面，我覺得無芝士食到蠔肉原汁原味，肉質肥美鮮甜，而加左芝士多左一份鹹香味，兩者我鍾意，再配上佢地做緊promotion既「AJIMU Sparkling wine」，簡直係錦者添花，呢隻wine係100% Chardonnay，入口係最接近香檳級數，首杯試飲價48蚊，勁抵飲，值得一試。▪️ 石 燒 北 海 道 北 寄 貝 - $240▫️ 好野唔好比佢停，再黎就係「石燒北海道北寄貝」，師傅將北寄貝擺係高溫熱石直接燒到半熟，一入口食到果種鮮甜味之餘，口感係極為爽口，咁樣石燒左多左一份燒烤既香味，認真特別。▪️ 自 家 製 紫 蘇 入 鴨 - $118▪️ 和 牛 卡 爾 帕 喬 - $148▫️ 黎左兩道又係必食既招牌小食，呢個「自家製紫蘇入鴨」鴨肉用左紫蘇葉燒成，肉質有咬口，而且紫蘇香味突出，配搭柚子胡椒，份外濃香；另外「和牛卡爾帕喬」面頭用上蔥、夾雜洋蔥、紅酒醋、黑胡椒、岩鹽提鮮，和牛嫩滑無比，簡直係入口即融咁制，好好食！▪️ 牡 蠣 忌 廉 意 粉 - $118▪️ 牡 蠣 餃 子 雞 翼 - $68/隻▫️ 主食方面試左呢個「牡蠣忌廉意粉」，意粉面頭灑左D黑胡椒，香味層次更加豐富，意粉完美掛滿忌廉汁，夠哂creamy，蠔肉亦比足你，絕對唔姑寒；而「牡蠣餃子雞翼」大大隻雞翼包住蠔肉，一啖食落雙重口感，而且即叫即炸，相當脆口，必嗌！…查看更多

店內有非常日式的座位 彷彿回到日本！彩虹魚生飯非常豐富有海膽 蟹籽 蠔 三文魚籽 呑拿魚蓉 其他刺身 山芋蓉 昆布絲用像牛奶樽的玻璃瓶呈上 好可愛！吃的時候吧玻璃瓶內容物倒在飯上成了刺身丼特大吉列蠔炸得酥脆顆顆飽滿鮮甜多汁又是每次到日式餐廳必點的玉子燒滑嫩的蛋卷 加上明太子和芝士就是無敵的組合加上有濃濃蠔味又creamy的意粉4個人都吃得飽飽的…查看更多

今次其實係第二次黎食，因為上一次黎食時，覺得個水準一般般，所以比多次機會 希望試得出佢真正既水準。一黎到座左冇幾耐 日本人侍應姨姨就介紹3款唔同size既生蠔。因為係時價，唔同日子唔同價錢，細size$48，中size$108，大size$18x。上次食大size時覺得有種澀澀地既味道，唔係太鐘意，所以今次叫左細size黎食。今次細size生蠔一食落去好鮮甜，口感滑順,食到蠔既creamy既質感食蠔真係好睇運氣，好似大size以為會好食，冇諗過其實細size更好食第二道菜係 牡蠣豬肉串燒，味道都一般般，同出面食既味道一樣。佢最特別既係佢右下角既味噌，辣辣地有d 柚子味，但混合埋一齊食同個串燒又唔係特別夾🤔第三道菜係 特大吉列蠔，本人同男朋友推薦。吉列蠔炸完 理應會系炸既過程流失部份水份而縮水，但佢炸完重大隻過佢最大size既生蠔，而$68有2隻，大size生蠔要$18x，我地當然叫左4隻黎慢慢食。一咬落去d蠔汁流晒出黎，雖然今次佢炸得厚左少少，但蠔都係好大好好食第四道菜係 Kagura彩虹魚生飯，係今餐最失望既主食，只適合用黎打卡。比張相大家睇左先。第一層係魚生，第二層係山芋泥，第三層係海藻莖。佢唔係一般滑潺潺，係超絕頂級滑潺潺！！！我平時每日食開納豆，有時癲得黎鐘意 納豆+山芋泥+秋葵+日本生雞蛋 一齊撈飯食 我自己本人都頂得順🤪。但佢係成個餐有90%都係滑潺潺，而好難將d飯同餸撈混一齊，就算撈勻左，視覺上會似嘔吐物，而口感都叫人唔知點食好🥲食完時，我見隔離枱都有點黎食，情況都係一樣，唔知點落口😂。唔鍾意呢種口感絕對唔好叫！！你100%會後悔的，呢個價錢可以系出面食到更好既魚生飯lo！最後一道菜 係牡蠣忌廉意粉佢係一碟一般般既意粉。唔會話意粉都有蠔味果種，只係意粉忌廉好creamy，唔推薦，叫其他日本菜式會好d🤔總括而言，水準唔穩定，品質就一般般🤔。生蠔喱樣就好睇你當日既運氣好唔好，個人推介叫細中size。最推薦你地叫吉列蠔，因為真係幾好食😋，雖然今次炸皮就厚左d。另外魚生飯就係只適合用來打卡，味道就真係難食。以味道為主要既食客，強烈唔建議你地點，會超級後悔另外題外話，當日無論係日本人或香港人侍應都超好服務態度，我比5星星😊。但唯獨Bar枱其中一個師傅態度黑晒面，真係有d黑人問號。成個豉油樽飛埋黎 只係講左一句「sor」抹左張枱一下，之後咩都唔理繼續黑面😦，心諗 你咁唔想做野 就返去廚房做，唔好系bar枱影響食客心情🙃。反而係另外一個師傅見到，再同我地講唔好意思，再叫侍應黎抹返好張枱。服務態度真係好影響食客下次會唔會再光臨，你咁既態度，真係趕客走。…查看更多

日本好多縣市都有養殖生蠔，其中以廣島蠔及厚岸蠔最為人所認識，但其實日本其他地區的生蠔質素也不遑多讓。以宮城縣為例，雖然仙台市並不屬於沿海市鎮，但附近的松島市卻有很多蠔田；由於離仙台市不遠，因利乘便，仙台市內就有很多食蠔的專門餐廳，甚至唔同檔次的鮨店也會以生蠔壽司作招徠。疫情關係，已超過一年半未去過日本，當地的美食遙不可及⋯⋯ 最近上網睇飲食專欄，驚見銅鑼灣開了一間新餐廳，以食日本蠔為主題，馬上訂座。電梯門一打開，就見到「Kagura」(牡蠣小屋) 的招牌。曾經光顧過這幢大廈其他樓層的餐廳，由於每層面積唔大，有幾間餐廳不設前台，電梯門對出就已經係用餐區範圍。「牡蠣小屋」也沒有例外。勝在設計了一個開放式廚房兼用餐吧枱，兼展示了幾盤生蠔，感覺有點似日本當地魚市場；加上環境光鮮高級，很配合這種沒有前台的餐廳設計，比起其他西餐廳或中餐廳來得自然，絲毫不覺突冗。講到明用蠔做主打，餐廳每日會因應季節，從日本直接進口不同品種的時令生蠔，是日就有北海道真蠔、三重縣岩蠔及兵庫縣生蠔。除了生蠔，今晚還有北海道活帆立貝及活粒貝（即香港人叫的響螺）。如此品種豐富的貴價活日本貝類，香港的其他高級日本料理也未必能經常見到，餐廳老闆似乎有啲辦法。除了吸睛的活貝海產吧兼用餐吧枱，餐廳還有傳統二人木餐枱、及3組四人位榻榻米矮枱 ⋯⋯ 小編最喜歡後者。雖然係星期一，但係非常多人光顧，只能訂了晚上8:00。榻榻米已滿席，退而求其次坐吧枱；但也有好處，可以欣賞廚師炮製活海鮮的過程。餐廳與區內另一間小編十分喜愛的小店「JunG39」係同一個老闆，難怪此店同樣有不少日本人光顧 ⋯⋯ 這一要點也是質素保證，出品應該做到真正日本地道口味。店內不少侍應也能操流利日語，方便同客人溝通。室內設計簡樸，將傳統日本居酒屋及時尚風格融匯，並沒有不調和之感；尤其是寶藍色的吧枱矮几及小餐碟，型格時尚，突破傳統居酒屋的日式餐具框框。先叫兩杯飲品。餐廳風格類似日本當地的漁師料理居酒屋，燒灼梳打、吟釀 / 清酒、啤酒當然不能缺少。揀了 Kagura lemon soda ($48) 及三陸の牡蠣啤酒 ($88)。Kagura lemon soda 酸酸地、甜味平衡，加上梳打水，係小女的至愛飲品之一。如果餐廳唔係主打蠔，也不放膽叫一枝三陸の牡蠣；記得幾年前去日本新澙旅行，買了一支かにCola 返嚟香港，擺到而家都未開，做了紀念品！三陸の牡蠣呈淡啡半透明，並非傳統的金黃色啤酒，也非黑啤的深黑色；入口清淡，有少少麥香、帶淡淡蠔味。唔講真係分辨不出加入了蠔汁釀造，只知味道同普通啤酒有唔同。幾特別，值得一試！這種地方限定特色啤酒，即使在日本也要在原產地三陸地區（即係青森、岩手、宮城一帶）才找得到。餐牌簡單，唔計甜品就只有五頁。全部用厚紙皮或水松木襯底。有點小心思、亦顯得有品味。入座後，活帆立貝已沽清；活粒貝要 $580，都幾貴。既然主打生蠔，當然不能錯過，揀了三重縣岩蠔（$148）及兵庫縣蠔（$58）各一隻。日本生蠔味道一般沒有法國生蠔那樣複雜，但勝在鮮味濃郁。兵庫縣爽口，岩蠔就 creamy；最重要兩者同樣蠔味滿瀉！今晚隻岩蠔已算大隻，但小編知道日本岩蠔可以更加大隻！鐵盒燒生蠔係必食推介，半打 $220 / 一打 $380。同樣採用日本進口活生蠔，但就選用量產的廣島蠔。炮製方法簡單，最緊要食材新鮮。不鏽鋼鐵盒內放下蒸架，之後放上活廣島蠔，然後注入適量日本清酒；蓋上盒蓋，設定計時器約6分鐘，席前用氣體爐明火蒸蠔！就係呢一味鐵盒清酒蒸蠔，令小編忽然想起仙台的食蠔專門店；烹調方法類似，只是印象中係用瓦煲。「牡蠣小屋」用鐵盒，有點粗獷、但有漁民風味，好有賣點！實在太多客人，侍應們應接不暇，竟然由日藉老闆親自操刀招呼小編一家三口！打開鐵盒，酒香隨着蒸氣散發出來，單是這陣香味已經令人垂涎三尺。笑容可掬的老闆一面用日文介紹菜式、一面開蠔！不用1分鐘已搞掂半打。之後送上四款調味：新鮮檸檬、酸汁、調味青辣椒檸檬汁及調味紅辣椒檸檬汁。拿起蒸蠔，先喝光蠔殻內的蠔汁 ⋯⋯ 鮮味爆燈，充滿蠔味、兼滲着淡淡米酒香氣。剛剛熟透的廣島蠔肉爽甜鮮美，咬下去蠔汁爆出，溢滿口腔！第二隻就加入少許紅辣椒檸檬汁，味道辛辣中有檸檬清香，好味過原裝鬼佬版 Tabasco，不過就稍為蓋過天然蠔味；還是不加任何調味最好食！就算小公主唔食蠔，每人也只分得3隻，唔夠喉！如果唔係已經點了其他美食，一定要追加。特大吉列蠔（$68）也是採用廣島蠔，這個價位當然只是急凍貨，勝在夠大隻，較鐵盒燒生蠔的廣島蠔級數更大。外皮的麵包糠脆漿緊緊包裹着蠔肉，唔會一夾起就分脫，此乃日式吉列的首要條件。脆漿鬆脆，蠔肉爽甜多汁；同時附上他他蛋黃醬及日式吉列豬扒醬，總有一款啱口味。唔食蠔的話，餐廳也有刺身、壽司及串燒以滿足不同客人要求。豬肉 / 雞類一律 $38/串，唔貴。鹽燒雞髀（$38）及雞柳梅（$38）香口惹味，尤其是雞柳梅，燒熟之後加上少許梅醬及紫蘇葉，提升了味道較淡的雞柳梅肉。雞肝（$38）就一定要揀汁燒，帶甜的日式醬汁配上沒有肉汁的雞肝最為適合不過；碰巧整串都是黏口軟糯的黃沙潤，而非質感粉身結實的雞肝，就更加係好食的汁燒雞肝。牛舌（$48）及牛胸腹肉（$48）同樣揀了鹽燒。食材質素其實幾好，牛舌爽口彈牙、牛胸腹肉有咬口兼肉味濃；但烤得唔夠香口、調味亦偏重手，及不上3串雞類串燒好食。10件拼盤壽司（$268）席前即揑。居酒屋竟然也跟足高級鮨店的魚鮮儲存方法，先放在木盒內才放進雪櫃，而並非直接放進雪櫃，以減低魚鮮的流失水份率。雖然唔係鮨店，魚鮮種類也有不少，即使並非什麼特別款式。10件壽司分别是：𩶘、伊佐木、真鯛、左口、魷魚、牡丹蝦、帆立貝、深海池魚、中toro及北海道根室產海膽；件件色澤光鮮，味道鮮甜，好過很多居酒屋出品餐廳推介牡蠣忌廉意粉（$118）同樣出色。濶扁麵軟韌有彈性，配上濃稠忌廉醬汁本來就已經很好味。再加上兩隻鮮甜肥美的廣島蠔，與忌廉醬汁更是絕配。二人分享一碟剛剛好。「牡蠣小屋」一如其名，所有同蠔有關的菜式皆非常出色，每一道皆不容錯過；其他副選出品例如壽司及申燒同樣係水準之上。再加上日藉老闆及一眾侍應一律待客殷勤，配合四周客人的日語交談聲音此起彼落；彷彿身處日本當地居酒屋，值得一再光顧。…查看更多