小火焰韓式咖啡廳 (觀點中心) (已結業)

自從有個friend帶我過嚟食呢間之後就好想試佢其他嘢🤪今次就係臨我生日前一日去食佢哋居然話因為我外帶嘅蛋糕細可以唔收切餅費😂仲要好到用朱古力畫了happy birthday比我😆雖然畫得麻麻地😂而環境方面整體都坐得比較舒服🤤❤️推介指數: 7.5/10 😎會再回訪嗎: ✔️ （勝在食物種類夠多可以慢慢品嘗🤤）等候時間：～20 mins (週末晚上時間）—————————————————————😍牛肉水冷麵 $78 (8.2/10) ✨最推介✨一講到冷麵就係可以消暑🤩好嘅係佢嘅份量夠多擺左咁耐先食都夠凍而且麵都夠爽口充滿了湯汁😆牛肉就不過不失啦重點係佢加了沙津醬(?)落去啲湯汁不過都偏少嘅同埋令到個湯汁更酸甜🙈😍蜂蜜提子脆米炸雞 (半份) $98 (7.5/10)半份其實都夠幾個人share😋炸雞也挺脆的可惜的係我唔係好食到提子味只係有啲提子乾做配料而言而且因為蜂蜜太多搞到好甜😢😍芝士海鮮煎餅 $68 (7/10)對這個有點失望🥲嫌佢海鮮有啲少泡菜得幾舊而且煎餅偏簿轉眼間幾個人分就食完了😢好嘅係佢挺脆嘅🤔😍熔岩芝士炸雞麵包 $158 (8/10)熔岩芝士係個麵包入面好新奇賣相同份量真係相當不錯的🥳炸雞配上熔岩芝士嘅配搭真係好正炸雞一樣都係夠脆熔岩芝士夠熱但未至於係拉絲食完炸雞之後分開啲麵包黎食麵包夠大夠熱夠香夠淋🤩需要大讚👍還配上些沙拉菜和薯片嘅friend🤓整體用這個價錢食咁嘅嘢個人覺得可以再平啲😢😍藍柑白桃梳打 跟餐加$28 (7/10)個人覺得呢杯嘢勝在可以打卡😂的確佢幾得意有個玻璃樽倒轉但我好驚會打爛佢🤥味道似比普通更甜嘅梳打唔能夠清楚知道係藍柑白桃梳打🤯另外還叫了啤酒苦苦地啦～看來我真係唔係好適合飲酒😣小編其實之前食過佢哋嘅糯米糍3.6牛乳雪花冰令我深刻難忘🤤不過今次冇食而且唔見左張相🥲總結而言以上我食嘅嘢真係麻麻地🤨未至於去到好有驚喜同好高性價比不過勝在佢食物種類多同埋我鍾意佢啲沙冰🙈會再回訪試其他嘢😆—————————————————————💯小編分數表6️⃣以下：不合格😣7️⃣：整體普通8️⃣：值得一試🤪9️⃣：必試🥳🔟：呢種程度應該不能挑剔吧～…查看更多

星期天差不多下午茶時間到來進餐，店裏還有不少客人，幸餐桌之間有足夠距離，吃得安心。😇餐單厚，代表食物種類繁多，很多韓式菜都做了變化，🤔花了點心思才點定1個前菜、2樣主食。不收加一，食物價錢着實不貴，且質素及份量滿意，難怪有這麼多客人🥰。個人推薦用筷子夾不起的煎餅😆及吃入口煙韌的冷麵。-#韓式煎雜菜蝦餅 $68上桌時還在冒煙🔥，肯定即叫即製👍🏻。顏色搭配燦爛，除了紅蘿蔔絲🥕、椰菜絲，竟然下了羽衣甘藍🤩，各菜份量均勻，全部一起吃時已全然無蔬菜特有青味。煎餅上四隻新鮮大蝦🦐及一團泡菜，此泡菜較獨立前菜爽口。 煎餅皮較薄而料多，麵粉撈得好，吃起來香😋。雖邊皮有點脆，實際吃起來少黏、少軟，整體味道剛好，非重口味之作，混了泡菜吃依然不會覺得很鹹☺️。因料多，煎餅還置於鐵網上，想切成經典薄餅形有難度，夾起更是挑戰，於是直接宣告挑戰失敗，捲起當夾餅吃，哈哈!😂-#牛肉水冷麵 $78麵量🍜極多，女生宜叫少麵! 😊韓式蕎麥麵吃起來較日式有嚼勁，但不是嚼到累那種，偏爽口，較似蒟蒻麵，但比蒟蒻麵有味道。蘿蔔湯底可趁上桌時馬上喝一口，較能喝到清甜😌，因牛肉上有芥末醬，撈勻整碗麵就會令湯濁，喝起來也會愈來愈鹹。碗裏除紅蘿蔔絲及青瓜，還有微甜的爽梨條，頗貼近在韓國吃到的冷麵。🥩牛肉先燒/烤再放麵上，所以會有焦香，部分肉件帶筋，但肉不老韌，且真有肉味。個人唯一挑剔的是有點多的芥末沙律醬🙂，着實不用額外醬料也能吃到冷麵和牛肉的美味。-#三色前菜 $28當中海帶薄軟不失爽口，個人最喜歡; 🧐此碟泡菜則似乎發酵過度，有股酒糟味，身偏軟，煎餅上的泡菜相比更好吃。-…查看更多

小火焰韓式咖啡餐廳主打韓國fusion菜，有多款大熱既菜式同甜品，例如溶岩芝士炸雞麵包、大韓年糕吐司、鮮果冰棒水冷麵、雪花冰等，結合韓式風味之餘，仲加左港式元素，迎合本地食客需要，店舖內裝上多部電視，可以一邊食住韓國菜，一邊欣賞K-POP🥰－－－－－－1. 溶岩芝士炸雞麵包 $148 7.5/10餐廳最受歡迎就是溶岩芝士炸雞麵包，農夫包內滿滿熱溶Parmesan芝士和Mozzarella芝士，真係有拉絲效果🤤芝士味道較輕身，反而忌廉味較重，唔會太濃稠，不過如果芝士再熱一點會較好，因為好快就變凍了🙈炸雞雖然皮厚了一點，但食落都幾滋味，唔會太膩，旁邊墨西哥脆片都好好食2. 牛肉水冷麵 $78 7.5/10夏天食就最好不過，冷麵加左冰塊，食落更清涼解熱☺️冷麵質感爽口彈牙，煙煙韌韌，湯底冰涼得來帶點酸甜，加埋青瓜絲、蘿蔔絲一齊食，更清新同清爽，牛肉已經切好一條條，牛味重帶點嚼勁3. 芝士海鮮菜餅 $68 6/10海鮮菜餅有泡菜、八爪魚、蝦等，份量唔算多，兩個人就剛好，煎餅煙韌帶有黏的口感，同平時食開有點出入4. 酥脆芝士蘑菇雞翼 $52 6.5/10一客有四隻，雞翼好飽滿，釀左芝士和蘑菇，味道較淡，如果加埋明太子仲好味😋…查看更多

🍽菜式：韓國菜🏡裝潢：茶餐廳式、卡位式💰價錢：$100-150/人😋味道：🌟🌟🌟🌟(4/5)📸打卡：🌟🌟🌟🌟(4.5/5).🧀熔岩芝士炸雞麵包$148 (8/10)一整舊芝士🧀食完唔方唔濟😵芝士好香濃 而且唔會好稀 絕對輕鬆做到拉芝！仲有幾款芝士撈埋好夠味😋不過隔離嘅薯片就好似擺咗一陣 唔夠碎卜卜😣勝在有芝士醬啲味都唔差！炸雞嘅皮稍為較厚 有少少影響口感 好彩雞肉夠滑夠嫩🍗但係芝士配炸雞係一個不敗嘅combination!😆又濃又熱辣辣嘅芝士配上香口炸雞冇得輸🤤Anyway食完所有芝士之後 仲可以食埋舊麵包🥯不過個人覺得佢個皮好硬而入面又比芝士浸到林晒🥴同埋食完芝士同炸雞之後已經夠飽haha.🍜牛肉水冷麵$78 (7/10)同傳統嘅水冷麵有啲分別 佢有自己嘅醬調味 變咗個'湯'唔會好似傳統咁主要得酸酸甜甜🤔反而係個醬嘅味較突出 另外牛肉份量幾多🐮爭啲食唔晒！不過肉質少少韌 個麵都唔差 夠煙韌🤤但最大問題係個麵唔夠冰凍🥶出面好多都會加冰🧊但呢到完全唔凍 好形響食水冷面嘅感覺🥺.🍠紫薯沙冰$46 (9/10)紫薯味好夠 濃得嚟唔會好甜😋沙冰都夠綿 少少冰粒令口感更豐富 但真係好滿好大杯😵 再加上4粒小蕃薯真係好足料 一個人飲真係飽飽地 同埋如果飲得唔夠快就會融左啲冰漏出嚟😢…查看更多

電話訂座, 入座計90分鐘 , 提供埋口罩 , 2人卡位都闊落 , 老公要水冷麵...我總覺得"水煮"咁解以為好辣 , 店員話係用冰同水浸住麵 , 唔辣既...我原本想食茄子泡菜炒粉絲 , 但係驚好辣所以要野菜炒粉絲 , 落單後我見跟餐特飲啱心水 , 店員話我地叫既係單點品, 飲品係要照原價 , 我口渴叫杯凍檸茶, 我超鍾意食紫菜卷 , 見係炸....但照食....好脆口呢.....而我亦超鍾意食煎餃子 , 仲係韮菜添 , 不過食落唔覺韮菜多 , 呢刻老公見到原來有個小食拼盤 , 除左無炸紫菜卷...不過都啱食 , 咁下次再幫襯就叫小食拼盤啦 !…查看更多

牛肉水冷麵呢間小火焰韓國餐廳，在官塘都好像幾出名同多人來食，在朋友的IG見過，好像非常吸引，今次行開來呢區，一於就試下LO~餐牌好多相，而且好多款式，由石鍋飯、炸雞到水冷麵都有，而且樣樣都好吸引咁......上次在朋友的IG見到就係呢個芝士包包......今次一定要食先得~!哇哇哇，來LA~~~上枱的一刻真的非常震撼~~~~~有聞名不如見面的感覺呢~好香芝士味，果然同個名一樣，叫芝士溶岩呢~~~炸雞有6件，全部好脆卜卜，而且個粉的厚度剛剛好呢~!!!超爆正。個麵包吸收左香濃又滑的芝士，真係好好好好好食~~~~~2個人SHARE，真係好飽呀~我們另外又叫左一個牛肉水冷麵，呢個夏天食真係最好，麵好爽而且湯底有少少酸梅醒胃既味，非常好食。牛肉份量都多，而且燒得香，配埋溫泉蛋，真係不得了。整體餐廳食物質素好高~!唔怪次我地食到7PM左右，就開始好多人來了，仲要等位添~!!!!!果然係名店呢~…查看更多

而家周圍都咁多菌🦠出街食飯最驚就係污糟😣呢間餐廳每一張枱都會放咗一支消毒噴霧‼️飯前飯後都可以噴一噴🤤幾衛生✨不過強烈唔建議大家喺呢度切蛋糕🎂唔知係咪因為嗰段時間係轉場時間～我地比咗切餅費 但係零服務🧐連碟都冇比隻～比$50佢 淨係幫我地將個蛋糕放咗落隻碟度🤔-熔岩芝士炸雞麵包🧀 $148麵包睇落好脆 但係食落好淋身同埋煙韌🤣面頭有層焗到金黃色焦焦地嘅芝士😚下面就係海量嘅半融cheese 拉絲效果一流🤤不過芝士味就唔可以話好濃 偏奶香🍼似cream cheese多啲🧐啲炸雞好脆 炸粉好薄身✨估唔到肉質都幾嫩滑多汁😋將啲雞肉浸落啲芝士到一齊食真係好正😍食完啲雞仲可以食埋個農夫包同埋隔離啲墨西哥脆片👍🏻-韓式甜辣年糕炸雞🍗 $168 (全份）佢menu有好多野都有一隻🌶️ 但係完全冇辣味嘅🙈呢款有三隻 雖然係甜甜地 但係都真係幾辣下🧐呢度嘅年糕好得意係比較幼身嘅～不過我就鍾意正常嗰啲多啲🤣炸雞大約有八舊左右 每一舊都好大舊‼️但係因為佢有好大塊雞皮同埋雞骨 所以其實都唔太多肉😟呢款都炸得好脆 不過肉質就冇上面嗰款咁嫩滑😣值得一讚係呢度好貼心會提供手套 比人用黎食雞🧤-韓式蟹籽卷蛋🍳 $78呢個卷蛋味道相當豐富🥰個蛋係好似玉子燒咁甜甜地 上面仲有好多蟹籽、沙律醬同埋甜辣醬😝最特別係佢卷蛋入面加咗啲飯 所以食落口感好得意😎不過我就嫌佢太多醬好濃味～因為其實舊卷蛋好細舊 蓋過晒蛋嘅味🙈-牛肉水冷麵(蘿蔔味湯底)💧 $78全部嘢食都比較油膩 嗌番個水冷麵最好不過🤤個冷麵質感好爽口彈牙✨冷麵仲配左好多青瓜絲、蘿蔔絲同埋香梨🍐個湯底個味麵調得好好 唔會好鹹好濃味😝食落好清甜 好清新🥰佢啲牛肉係切好左一條條 牛味比我預期中濃好多‼️啲肉仲好滑 一啲都唔韌唔鞋🤩呢個都幾推介💓-拉絲芝士BB豬肋骨伴泡菜炒飯🐷$88除咗芝士之外🧀個豬肋骨仲加咗BBQsauce 所以食落甜甜地🍯個豬肋骨比較少肉 骨同地肉都好難切開 🧐但係肉質都幾淋 唔會太肥 😛不過同上面一樣 個芝士係偏奶味🍼因為嗰日都幾多人去食 所以個炒飯淨係淺嘗咗兩啖🙈但係都食到有幾多泡菜🤤個飯唔會炒得好油 酸酸辣辣咁都幾惹味‼️-泡菜肥牛炒粉絲🐮 $78個粉絲炒得好香 口感幾煙韌同好滑嘟嘟🤤除咗肥牛同泡菜之外 佢仲有蔬菜一齊炒😚呢個都淨係試左兩啖 覺得佢炒得幾油下🤫不過啲肥牛好滑💓但係就相對冇上面嗰款牛肉嘅牛味咁濃🙈-仲帶咗兩杯嘢飲✨-藍柑白桃梳打🍹 $34呢杯梳打個味好fresh✨桃味好濃🍑藍柑就似lemonade嘅味🍋又有白桃嘅甜味 又有酸酸地嘅檸檬味👍🏻可以解膩😛-紫薯沙冰 🍠 $46呢個沙冰真係好驚喜 勁香濃嘅紫薯味 又唔會話係死甜味💜成杯冰堆到實一實 勁滿成坐山咁🤤飲極都仲有🤣仲加左啲cream同埋四粒甜薯仔😋好豐富‼️不過要間唔中食下啲冰 如果唔係就會融晒🙈呢個好推介💓…查看更多

好少寫食評，但呢間真係好味我一個人叫咗個牛肉水冷麵同半份甜辣炸雞牛肉係燒牛肉 有六片 入面淺粉紅 加埋上面少少沙律醬好稔好好味碗麵好大碗份量好夠 有雪梨 青瓜 蘿蔔絲 個湯酸酸地 醋味好正炸雞半份有四舊 雞搥 雞翼都有 好味 我唔食得辣都追住食 (對我嚟講好辣) 新鮮炸起 一咬開啲油同汁會標出嚟 好夠嫩 正餐廳座落一個商業大廈嘅大堂 都有好多枱坐到五十人左右 我見兩個人嚟要同人搭四人枱 少少逼不過梳化櫈坐得幾舒服 嘢食嚟得好快 十分鐘左右就到 如果餐廳可以播啲kpop歌就更好vibes~…查看更多

今日同友人約左係觀塘食野，今日突然想食炸雞所以就OpenRice搵左呢一間餐廳。一入到去餐廳唔算話好多人唔使等位，佢仲擺咗啲嗒靠friend係門面覺得幾得意。咁佢就會有啲二人餐四人餐叫嘅應該就抵啲，不過我就睇中左佢個熔岩芝士炸雞麵包，二人餐就冇呢一款炸雞食所以我就冇叫到餐全部散嗌，之後我再叫咗個牛肉水冷麵同埋一個八爪魚，再加個甜品糯米糍3.6牛乳雪花冰。因為個Menu上邊寫要等20分鐘所以我都一開始叫埋先咁之後店員見到我哋食得差唔多就會幫我地上。呢個炸雞真係幾正，炸的幾脆之後配埋個芝士真係Perfect，個芝士仲要都幾有拉絲效果。然後配埋嗰個墨西哥脆片加埋啲芝士醬真係好好味。之後嚟咗個八爪魚，不過因為我怕辣所以叫咗佢個泡菜分開上。分量都幾多下，都幾抵，我覺得不過不失可以試一試。然後再嚟咗個牛肉水冷麵，佢都幾大碗下，我覺得都唔錯，不過個麵硬左少少，好少少難咬。最後嚟到我最期待嘅甜品糯米糍3.6牛乳雪花冰，因為我好鍾意食糯米糍同埋朱古力，佢係有晒我最鍾意嘅嘢😆佢係牛奶冰再加啲朱古力粉再加一舊朱古力雪糕同埋三舊朱古力糯米糍。我覺得係個牛乳沙冰做得好滑，配個朱古力粉好夾，好好味。…查看更多

辛苦左成個星期，禮拜六臨做gym之前梗係搵啲好嘢食啦。咁啱女朋友又想食韓國嘢，咁就搵左呢間之前喺電視都有介紹過嘅炸雞餐廳。不得不讚嘅係個冰梅沙律，完全有意外嘅驚喜，蕃茄沾上酸酸嘅梅子味道，兩者配合得天衣無縫，完全冇違和感，鍾意食酸野嘅我哋，食到停唔到口。睇完個Menu之後，就決定叫個招牌嘅熔岩炸雞。個雞炸得香脆可口之餘，配合佢微酸嘅芝士，好能夠引起人嘅食慾，再加上芝士唔太漏，令人食多幾件都唔會有罪惡咁。喺韓國嗰時食咗個水冷麵，就好掛住，好食嘅水冷麵冰凍得來又清新，好能夠refresh食肥膩野嘅感覺。呢度嘅水冷麵做得都幾出色，尤其是我哋食咗好多炸嘢之後再食佢，感覺食多幾round熱氣嘢都仲得。年糕炸雞亦令人諗起韓國嘅味道，年糕煙煙韌韌口感一流，炸雞係韓式嘅酸辣味道，令人忍唔住食多兩舊。下次約多幾個朋友你就可以食多幾款嘢食啦。…查看更多

夏日炎炎，入到商場都仲係好焗，叫咗個牛肉水冷麵食水冷麵真係好神奇，有湯汁浸住，凍食都咁美味水冷麵嚟到，連個碗都涼浸浸，上面仲有好多冰塊添呀有彈性嘅蕎麥麵底，放上淋有胡麻醬汁嘅燒牛肉，配上青瓜，紅蘿蔔絲，芝麻，蔥花，雞蛋等等......牛肉好軟淋，而且好有韓燒嘅味道，配埋胡麻醬，好有去咗食燒肉嘅感覺最特別嘅係：白色嘅條狀物並唔係醃白蘿蔔，而係甜甜哋嘅雪梨！好驚喜味道都幾夾雖然呢度嘅水冷麵冇韓國嘅辣，口味都偏甜冇咁酸，但係凍冰冰，有芝麻香咁食已經好開胃韓國嘅抹茶latte都係冇咖啡嘅，係濃濃嘅抹茶牛奶上面打起嘅奶泡好快就冇，所以鐘意嘅要快啲飲抹茶味濃又唔會太甜，暖暖哋咁飲好養生個杯入面仲有餐廳嘅名我哋食完主食，叫先店員上甜品，店員拎咗兩個碗仔俾我哋share，仲有啲好得意嘅叉仔同匙羹(好似去做園藝咁三色雪糕班戟有綠茶味，朱古力味同海鹽味3種雪糕然後有幾塊pancake打直咁插係度，碟嘅四周仲有好多甜忌廉，朱古力醬，朱古力碎同杏仁片，口感豐富抹茶同朱古力味道好真實，食落滿有冰感唔會甜，食落係甘香嘅抹茶同dark chocolate味藍色嘅海鹽味都幾特別，淡淡嘅鹹味唔會over咗，亦都唔覺得奇怪三種味道配合上嚟都幾夾一口又一口嘅忌廉好甜蜜，食落好幸福，兩個人share食都唔會膩樓下有大大個廣告牌寫住上一樓就係餐廳，等我認住佢，下次再嚟食先…查看更多

今日一行6人到小火焰晚餐，之前都曾經食過，覺得okay，加上佢既菜式通常都好創新，有好多唔同既食物配撘，好多選擇。一共食左5個主食加2個甜品，啲野大大碟，大家都食得好飽首先黎既係呢個豬肉飯，賣相一般，唔算吸引，但原來好好食每塊肉都切得夠薄，而且沾滿醬汁。廚家好有心思咁將碎紫菜鋪落個飯到，即使就咁食飯都好好味，值得一讚！再黎係水冷麵，之前食過呢到既水冷麵，覺得麻麻，但今次再食，覺得好好食。原因係之前店家只考慮外表，只將食物雪做冰，放到麵中，欠缺調味。今次雖然冇咁靚，但勝在有調味，好食呢個柚子蜜糖雞翼炒年糕幾創新，未係岀面食過，味道不錯，不過啲雞翼，有少少甩皮甩骨，賣相差啲。食到有落少少蕃茄，酸酸甜甜，唔錯唔錯。拼盤，有餃子、肥肉、芝士薄餅、豬軟骨、薯條同蘿蔔海帶泡菜。味道正正常常，唔算特別，最特別係薯條隻調味粉，好好味！韓式炸雞，有蜜糖芥末醬同茄汁可以點，啖啖啖肉。芝士雪花冰糯米糍雪花冰呢到57一個雪花冰，大大碗，好扺食芝士嗰個連個雪糕都係芝士味，好好食糯米糍嗰個濃濃朱古力味，糯米糍大大粒，入面係軟滑既cream，好鍾意食，面層既雪花冰刨得較棉密，底層有少少碎冰影響口感，但如果你要求唔高，都可以試下！…查看更多

黎過呢間餐廳好幾次了，無論係lunch time， tea time 定dinner time都黎過，每次既經驗都係滿意既, 食物質素好， 職員友善helpful👍🏻牛肉水冷麵，係呢間餐廳既必食之選。以前係韓國讀書既時候，試過當地既水冷麵之後，就愛上呢個菜式，尤其是在炎炎夏日，一啖冷麵就透心涼。呢間既水冷麵麵質唔錯，唔會太林或太硬，有少少彈口，very good👍🏻個湯底亦好正，甜甜地，酸酸地，咸咸地，好想知係點整出個咁好美既湯。配有青瓜條，紅蘿蔔條，仲有白色既一條條，初初以為係白蘿蔔，原來係雪梨，唔知係咪咁個湯先會甜甜酸酸咁開胃。呢個菜既另一主角：牛肉，超級好味有少少炭燒味，但肉質好林好滑😋餃子都唔錯，餡料有肉(應該係豬肉）有菜，配醬汁食，我覺得配黃色既醬好味d，唔知係咪蛋黃醬，食唔出。而紅色既醬就唔係好match. 呢個飯雖然有兩條辣椒，但唔係好辣，我係唔係好食得辣，都食到，可能有cream 有芝士混合一齊，辣味就溝淡。味道唔錯，但略嫌d飯太林。…查看更多

今日心血來潮想食韓國嘢，OpenRice 下揾到依間fushion菜由於食飯時間尚早，所以未見人流，餐廳位於商業大廈中都幾近apm好跟貼潮流，依排桃子當造，周圍都見到d甜品店crossover peach dessert 見到好多cheese 既嘢食，由於好鐘意食包既關係，今次係揀左熔岩芝士炸雞麵包既應該個芝士會好漏，所以叫左水冷麵相對平時食開既水冷麵，明顯，個麵5夠凍同酸，一般我平時食開的水冷麵有好多冰同有d梨，牛肉就得2塊，味道正常，不過將貨就價，68元嚟講叫5錯芝士炸雞農夫包，好漏。。鍾意芝士嘅人應該好開心，因為佢啲芝士係拉絲芝士，勁重奶味，一路食一路拉絲，玩得好開心，炸雞相對上較為遜色，應該炸左1段時間，已失去肉汁了😅總括而言，想喺觀塘入面食韓國菜，依度價錢收得不算太貴，女孩們可以try try dessert ,因為隔離枱叫佢d 個賣相不錯哦…查看更多

今次黎到觀塘區搵嘢食，呢篇食評集合左兩次嘅用餐記錄，因為短時間來左兩次，希望比到多啲資料同埋嘢食嘅分享比大家！地理位置方面，呢間餐廳係APM附近嘅觀點中心，上電梯上一層就搵到呢間韓式餐廳，佢哋自成一角，成層就只得佢一間餐廳。餐廳範圍以外，佢哋亦都將一啲梳化櫈放咗喺餐廳出面，可以坐到更加多嘅客人。係㩒完飛之後，我哋就喺外面排隊等候埋位，前面大概8至10個人左右等候緊，但係約15分鐘就可以入得去。先講一講第一次點過嘅野食：熔岩芝士炸雞麵包 $128先講一講個雞，個人覺得比起韓國嘅炸雞仲要好味，脆脆嘅外層，包住裏面嫩滑嘅雞肉，而且咬落去之後，外面嘅油份亦都淺出嚟，口感同埋味道都一流！炸雞可以選擇點麵包裏面嘅芝士嚟食，芝士唔會太傑，淡淡嘅芝士香，配合雞肉來食更加好味！但建議起碼有四個人先至好叫呢個黎食，因為佢係超濟既，飽肚程度五粒星滿分有八粒星，但都算幾好味，個包既外層仲香脆，裏面嘅麵包亦都唔會好硬，多人黎可以試一試佢，挑戰一下食唔食得晒。溫泉蛋肉醬黑雨拌飯＄58佢會俾埋一甖韓式辣醬你，連埋肉碎加埋上面嘅溫泉蛋撈埋一齊，令到下邊嘅飯都更加富有口感，亦更香更滑！＄58有咁大嘅份量，質素亦都非常唔錯，推薦你地叫呢一個！莫之圖青瓜沙冰＄42好清新嘅一個沙冰，雖然佢話係青瓜，但係我覺得比較似蘆薈嘅味道，食完其他咸野之後，飲呢個都幾享受！草莓迷醉雪花冰＄68呢個雪花冰都幾足料，見到上面全部都係士多啤梨，大致上都唔酸嘅，冰亦都磨得好碎，中間亦都加左一層一層嘅士多啤梨醬，甜甜嘅感覺一路keep住去到最尾。接住落嚟係第二次嘅用餐體驗：拉絲芝士BB豬肋骨拌泡菜炒飯＄88又係一個飽肚之選，豬肋骨整得好林，好容易咬得開，另外將泡菜撈勻啲芝士同埋紫菜，小小辣嘅惹味，紫菜香亦都令食慾大增！牛肉水冷麵＄68呢個失色左少少，可能因為本身食唔慣佢個種酸味，酸就酸唔得晒，但係個面係幾彈牙幾煙韌嘅，而且個牛原來係韓燒個種嘅味道，幾特別，但係可惜一大碗入邊只係得四細塊。黑森林朱古力奶油年糕吐司＄48其實呢個都幾飽肚，因為麵包中間嗰層係夾住年糕嘅，如果正餐食得唔係好飽，甜品食呢個其實都幾夠數，吐司係整得幾脆既，面層嘅朱古力粉加埋朱古力粒加埋起嚟，成個口感亦都非常之好，味道亦都好豐富！Oreo沙冰＄42同上面沙冰嘅水準差唔多， 都好好！幾香朱古力味，建議快啲食左上面個Oreo同埋個朱古力卷，唔係嘅話就會浸到林晒。每次平均一個人都係100幾十蚊，但係都食到好多野，加上個份量都唔少嘅，而且成個環境都幾舒服，可以同埋自己嘅另一半喂試一試，相信對方都會喜歡！…查看更多