魚塘鴨子

營業中

休息中

餐廳安排我們坐二樓,窗口位，環境好清靜，光猛，整潔。第一道菜，必試片皮鴨，略嫌份量少了一點，味道 不是驚為天人，不過不失，有吃過更好吃的，但這個人亦唔差。配菜份量唔夠，醬汁好味。小籠包好食，皮薄餡靚多汁。叉燒蟹殼皇即係叉燒包，瘦叉燒好味，但食唔到蟹味，叫呢個名有D唔明。北京醬肉煎餅，冇乜特別，肉偏鹹。服務唔錯，整體感覺舒服良好，茶位貴咗少少，即使叫飲品也照收茶錢，叫咗香片和紅棗水，紅棗水好飲。

Element 對於我嚟講係一個陌生地方，真係好日都唔嚟一次，嚟完谷住度氣返屋企 😭😭😭話說同朋友慶生，咁其中一位要喺國內坐高鐵返嚟，咁就去咪揀去圓方囉，一向食完飯靚媽會車我另一位朋友返新界東，但嗰晚靚媽另有約，攪到我兩失預算，又無做定功課點走，就聽靚媽講揾架 W3 坐，我哋用咗 20 分鐘揾到個站，遙遙望住佢駛走😤 跟住流淚眼望流淚眼。 。 。無理由再等 20 分鐘，朋友決定坐東涌線去荔景轉車，我就去揾其他巴士。後來發現應該搭屯門線去紅磡轉東鐵。 。 。終於用咗個半鐘有多先返到屋企 🤦‍♀️🤦‍♀️呻完啲傻瓜嘢，講返間餐廳 😍😍 限於地點，主角就揀咗呢間食上海菜。我哋坐底咗，朋友話好食評好壞參半，咁既然改唔切地方，就勇於一試啦。其他人未嚟就叫個醉雞食住先，其實好香酒味，但食落似豬肉多過似雞，感覺唔差。人齊再點食物，大家都唔係好肚餓，就叫點心啦，小籠包同餃子每款兩客，小籠包裏面都有湯汁，上檯夠熱，但同蒸餃子一樣，個皮雖然有唔同顏色，但我哋都食唔出有乜分別 😅片皮鴨反而有啲驚喜，特別係皮與皮之間仲有一片紙分隔開，唔會痴埋一齊。炒豆苗平平凡凡無乜特別，平衡一吓其他飽濟嘅菜就好好。最後上個素鵝我

假期上班，還要來到平日很少到的ICC，中場休息還不知道吃什麼，幸好有老細請食飯。這次就來到位於商場頂層露天廣場的餐廳，今天天氣跟環境配合，真是一絕。在西式酒吧裝潢餐廳，吃著百分百中菜，可謂中西合璧。整頓飯我們也是用刀叉吃著，沒有遇見筷子。先來紅油抄手，盛載的器皿看得出是焗盤，味道跟平常吃的沒兩樣。三色蒸餃子，紅綠白三色(蝦肉，鴨肉，豬肉)，吃的時候點些醋，這樣會生色不小水煮魚，本來不太吃辣的我，也試了幾片，內裡還有長片狀咼筍，香辣味濃，十分開胃香辣牛肉脆片，以發光盤上碟，照出片片透亮，外觀不錯，就是比較辣，不太喜歡。片皮鴨，只是肉片比較老，皮脆，加上漿汁配料包在又薄又滑的薄餅一同食用，美味最後是甜品高力豆沙，炸後未有吸走多餘油份，比較油膩，身旁的龍鬚卻變成主角，一絲絲色彩，入口有點脆脆，確實意想不到

Elements終於有新餐廳，呢間西式裝修中式菜相當不錯！當日試左招牌片皮鴨，皮薄鴨味好香，根據經理介紹個鴨由北京大董師傅傳授，所以真心好味！美中不足係要等一小時先有得食，因為枱枱都有叫🙈！總體而言，個dining experience 很不錯，值得一試！