今日去柴灣做野, 做完野就同同事去搵食. 柴灣本身都無咩好食, 我地就過咗去筲箕灣搵食, 搵搵下見到安安燒, 兩人就決定係度食喇.呢間安安燒食物大致同旺角個間差不多, 但舖頭樓底比較高同埋有露天位坐, 最方便係門口可以停車 (當然係泊街), 我同事今日駕車, 泊咗係門口, 我地就坐室外方便睇住架車.聽日放假, 我地就叫咗兩杯Hoegaarden 啤一啤去. 今日叫咗佢地個燒雞泡魚同燒魚翅做頭盤送啤酒, 雞泡魚乾都算幾厚, 而甜甜地夠晒煙韌香口, 而燒魚翅個口感就唔同D, 會乾身少少但就會香D, 兩者作為小食都幾唔錯!野食方面, 今日同朋友都叫咗好多肉, 燒雞翼好Juicy 好入味, 而雞腎, 雞軟骨, 雞腿肉串就燒到好香脆好惹味, 燒海中蝦就好有鮮味, 今日仲叫咗D麻辣野食, 有麻辣水魷同牛骨髓, 佢d麻辣做得幾香, 係川式帶有少少麻個D味道, 而辣度又好啱港人口味唔會過辣, 所以呢兩款都幾好食!…查看更多
