新泰東南亞餐廳 (興旺閣)

本身諗住試第二間泰國嘢點知冇開，過嚟買蛋撻見到對面有間泰國嘢就打算試吓#肉碎生菜包 $88呢個生菜包辣辣地所以相對嚟講都比較惹味，而佢嘅辣係食第一啖唔覺，食食吓就開始滲出嚟，到後尾直頭嚟料🤣🤣🤣搞到要係咁飲水#燒豬頸肉 $98豬頸肉係呢三樣嘢入面最好食嗰樣，本身豬頸肉都有少少調味，加埋個醬汁真係冇得頂，又帶有少少甜甜地，令人忍唔住一舊接一舊#泰式蝦炒金邊粉 $118呢一個粉真係最唔推薦，首先食落個味道剩係得個甜味，其餘咩味都冇，就算吱咗青檸汁都補救唔到，啲粉好似煮得太耐，有啲過腍甚至爛爛地咁搞唔掂，真係唔會再嗌呢樣…查看更多

#mochicouple_hk灣仔搵食團鄰近灣仔站🚇嘅泰式餐廳🇹🇭，餐廳連地下有3層，餐廳環境都沖滿泰式風格。坐位闊落，無論少至1-2，多人到一圍圓枱都有位，而且環境乾淨，員工服務態度好好，不時同我哋加水，主食差唔多食完又會問甜品係咪可以上👍🏼👍🏼1️⃣ 飛天通菜($98)都幾大碟, 好足鑊氣😎以簡單的調味料如蒜蓉、魚露和辣椒來烹調😊 通菜嘅口感好爽口而且鮮嫩，唔會炒得過熟，加埋調咗味嘅汁一齊炒，帶有微微的辛辣和鹹味，又唔會好油😛 好味指數：🍡🍡🍡🍡2️⃣ 燒豬頸肉($98)一碟有好多件豬頸肉，外皮加咗香茅絲一齊燒，色澤金黃、外皮酥脆香口😋 而內裡肉質鮮嫩多汁🤩 經過燒完嘅豬頸肉，充滿油香，每一啖都可以食到肉的香氣和微微的煙燻味，搭配特製的醬料，少少酸，好有層次💓好味指數：🍡🍡🍡🍡3️⃣泰式蝦炒金邊粉($118)🤍 賣相超級靚，用雞蛋整成一個網，包住金邊粉😍金邊粉炒得啱啱好，口感滑順，有啲彈牙。加上吸收了濃郁的調味料，酸酸地少少辣，好過癮😚有3隻大蝦，好彈牙爽口，而且份量都幾多😆好味指數：🍡🍡🍡🍡🍡4️⃣芒果雪糕配糯米飯（$68)🤍上枱用椰青裝住,好可愛😇香甜的芒果雪糕滑順細膩，好有芒果味，似係自家用芒果汁整成。糯米香甜軟糯，而且仲要熱熱地，加埋雪糕一齊食，我好似冰火交融咁😍 配上帶一點點鹹味的香濃椰漿同香甜嘅芒果粒，值得一試！好味指數：🍡🍡🍡🍡🍡…查看更多

今日去灣仔做完嘢，臨時搵個朋友去食飯。 知道佢係一個識食之人， 帶咗我去間食東南亞菜嘅餐廳食好野！喺門口見到，店舖設計都幾有特色， 真係好似去咗旅行咁。 入到去見到座無虛席幾驚冇位好在佢地地方都大，店員安排咗樓上一樓坐位俾我哋。原來呢間係由泰籍廚師處理。職員服務態度都好好， 推介咗啲特色嘅嘢畀我哋。一打開個menu 睇啲食物相，就畀泰式生蝦深深吸引住😍！ 依家都唔係好多餐廳有泰式生蝦食。🌟泰式生蝦 $118生蝦新鮮爽口， 隻隻蝦都係大隻肥嘟嘟嘅！點埋佢哋個醬汁一齊食好好味！🌟香芒軟殼蟹米紙卷 $98個米紙皮好滑又唔會好韌咬唔到個d感覺， 個軟殼蟹都好脆口。🌟燒豬頸肉$98個豬頸肉燒到脆邊香口。🌟巴東牛展另配印度酥餅$118＋$42呢個巴東牛展個汁好正，牛展炆得好淋。 我哋仲點咗印度酥餅， 點落啲汁到一齊食真係超好食！其實啲甜品都好吸引， 因為我哋點得太多肉嘅關係, 已經好full下次嚟一定要試下啲甜品! …查看更多

📍新泰東南亞餐廳 𝑺𝒖𝒏 𝑻𝒉𝒂𝒊 𝑹𝒆𝒔𝒕𝒂𝒖𝒓𝒂𝒏𝒕🧭灣仔大王東街21-23號興旺閣地下至2樓人均消費: HKD419灣仔好多泰國菜，點知好多星期日都唔開😂最終揀咗#新泰東南亞餐廳 @sunthaihk ，真心驚喜！🆗燒西冷牛扒 𝑮𝒓𝒊𝒍𝒍𝒆𝒅 𝑺𝒊𝒓𝒍𝒐𝒊𝒏 𝑺𝒕𝒆𝒂𝒌 $118粉嫩色嘅肉，肉香，可惜外面有少少柴，如果無咁乾就正⭐️泰式生蝦 𝑭𝒓𝒆𝒔𝒉 𝑺𝒉𝒓𝒊𝒎𝒑 𝒊𝒏 𝑭𝒊𝒔𝒉 𝑺𝒂𝒖𝒄𝒆 $98爽口，連蒜片辣椒蘸汁正💯巴東牛展 𝑩𝒆𝒆𝒇 𝑺𝒉𝒂𝒏𝒌 𝒘𝒊𝒕𝒉 𝑹𝒆𝒏𝒅𝒂𝒓𝒂 $88真心估唔到，第一次係香港食到咁好味嘅巴東！佢用牛展煮，咬落去超淋超嫩，仲要勁香！必食⭐️串燒沙嗲 𝑺𝒂𝒕𝒂𝒚 $88$88有六寸沙嗲，豬牛雞各2寸，唔貴！三款都好嘅爽口，沙嗲都幾惹味，如果一個沙嗲喺邊燒邊塗仲正⭐️拼盤 𝑪𝒐𝒎𝒃𝒊𝒏𝒂𝒕𝒊𝒐𝒏 𝑺𝒆𝒕 $218有蝦餅，魚餅，春卷同肉碎生菜包！個人比較喜歡蝦餅同春卷，魚餅就無咁爽但幾香！肉碎如果辣啲仲正🆗燒豬頸肉 𝑮𝒓𝒊𝒍𝒍 𝑷𝒐𝒓𝒌 𝑵𝒆𝒄𝒉 𝑺𝒆𝒓𝒗𝒆 $78其實幾香，不過佢切成一條條，食落唔夠爽口⭐️鹽焗烏頭 𝑺𝒂𝒍𝒕 𝑩𝒖𝒓𝒏 𝑴𝒖𝒍𝒍𝒆𝒕 $128清香鹽味嘅烏頭，啖啖肉鹹鹹地，仲食到魚香！💯咖哩炒蟹 𝑺𝒕𝒊𝒓-𝒇𝒓𝒊𝒆𝒅 𝑪𝒓𝒂𝒃 𝒘𝒊𝒕𝒉 𝒀𝒆𝒍𝒍𝒐𝒘 𝑪𝒖𝒓𝒓𝒚 $588$588食到咁大隻蟹，真係好平！裏面好多肉好鮮甜，個咖喱醬都好好味，蘸薄餅一流！必食💯印度酥餅 𝑹𝒐𝒕𝒊 𝑰𝒏𝒅𝒐𝒏𝒆𝒔𝒊𝒂𝒏 𝑺𝒕𝒚𝒍𝒆 $32未有咖喱蟹已經食咗一盤，咖喱蟹到咗食多兩盤😂 佢同薄餅唔一樣，佢係好似牛角包咁好鬆化，超得！💯椰青沙冰 𝒀𝒐𝒖𝒏𝒈 𝑪𝒐𝒄𝒐𝒏𝒖𝒕 𝑺𝒎𝒐𝒐𝒕𝒉𝒊𝒆𝒔 $58沙冰好滑，仲有好Fresh嘅椰青香！裏面仲有好多椰子肉添！⭐️芒果沙冰 𝑭𝒓𝒆𝒔𝒉 𝑴𝒂𝒏𝒈𝒐 𝑺𝒎𝒐𝒐𝒕𝒉𝒊𝒆𝒔 $38都唔錯，好香濃嘅芒果香⭐️芒果糯米飯 𝑴𝒂𝒏𝒈𝒐 𝒘𝒊𝒕𝒉 𝑻𝒆𝒏𝒅𝒆𝒓 𝑺𝒕𝒊𝒄𝒌𝒚 𝑹𝒊𝒄𝒆 & 𝑪𝒐𝒄𝒐𝒏𝒖𝒕 𝑴𝒊𝒍𝒌 $68泰國菜當然要試吓芒果糯米飯，個飯好軟綿綿，椰汁勁香，可以一試🆗椰汁西米糕 𝑺𝒘𝒆𝒆𝒕 𝑺𝒂𝒈𝒐 𝑭𝒍𝒐𝒖𝒓 𝑻𝒐𝒑𝒑𝒆𝒅 𝒘𝒊𝒕𝒉 𝑪𝒐𝒄𝒐𝒏𝒖𝒕 𝑴𝒊𝒍𝒌 $55細個最喜歡嘅椰汁西米糕，帶咗始終食唔返細個嘅味道大部份食物大家都非常滿意，咖喱蟹同巴東牛居真係超得，人均$400左右捧住個肚走，滿載而歸！#MFJ灣仔 #MFJ泰國菜 #mfoodjournal #foodie #hkfoodie #foodblog #hkfoodblog #thaicuisine #thaifood #wanchaifood #相機食先 #灣仔美食 #泰國菜…查看更多

上星期日和家人相約到泰國風情餐廳- 新泰東南亞餐廳短聚。除了因為爸爸愛吃泰國菜外，家中的大嫂也表示之前跟朋友也吃過，很是推薦。於是我們一行8人就出發去灣仔分店用餐用餐時間一個半小時，上菜速度超快，整頓飯都不停忙著吃個不停。店員態度友善，不時為我們收捨空碟。.那先分享一下點了什麼：燒豬頸肉（$78），串燒（$88），麵包焗咖哩軟殻蟹（$208），泰式青咖哩（$88），印度酥餅（$32），越式燒春雞釀香茅黃飯（$188），馬拉盞通菜（$75），青檸蒸魚（$168），泰式蝦炒金邊粉（$108），椰青沙冰（$58x4）。.1️⃣燒豬頸肉（$78）豬頸肉，即是豬面頰附近，由於脂肪比例較高，所以口感特別軟滑爽彈，是泰國菜館必點的菜單之一。新泰東南亞餐廳的豬頸肉肉質雖不至格外細緻，未算肥美滑溜來形容，唯油脂均勻分布，不顯柴澀或過於油膩。2️⃣串燒（$88）通常人多的飯局，都適合點一碟串燒併盤。我們先把肉類從竹籤中抽取出來，以便大家分享。印象較深刻的是雞肉串，鮮嫩多汁，濃香惹味！配搭泰式醬汁，吃得津津有味。3️⃣麵包焗咖哩軟殻蟹（$208）巨型磚頭麵包的造型就是賣相吸引，尤其是被挖空的中央，還盛著椰香撲鼻的濃咖哩和萬眾期待的軟殻蟹，讓人食指大動。沾滿香濃咖哩汁的軟綿農夫包，伴著炸至脆口的軟殻蟹，果然是招牌菜，十分推薦。4️⃣泰式青咖哩（$88），印度酥餅（$32）對於吃辣級數只有bb辣水平的我而言，青咖哩達中辣程度，就是吃完馬上想飲沙冰的感覺。不過其他能吃辣的家庭成員就紛紛表示還可以更辣！另外酥餅也很好吃，有衝動想不沾青咖哩醬，單吃酥餅，哈哈。5️⃣越式燒春雞釀香茅黃飯（$188）同是招牌菜的原隻燒春雞釀香茅黃薑飯，很合家人們的胃口，讚好不絕。不過我個人並不愛吃燒春雞物和其醬汁，所以僅作淺嚐。6️⃣馬拉盞通菜（$75）馬拉盞通菜就是惹味又解油膩。在吃完串燒、咖喱等重味食物後，總愛吃一客蔬菜。我好像未曾在餐館吃過難吃的馬拉盞通菜呢。7️⃣青檸蒸魚（$168）魚肉嫩滑，帶有酸辣的青檸香味，十分開胃。愛吃辣的家人甚至直接把湯底喝掉，一邊大讚滋味，一邊說著懷念泰國旅行的時光。8️⃣泰式蝦炒金邊粉（$108）跟長輩吃飯，通常都會來一碟澱粉質主菜。用蛋網包着整個金邊粉，單是賣相，已經比很多快餐店來得吸引。炒至乾身的金邊粉，質感Q彈，甜中帶酸、讓人一口接一口。9️⃣椰青沙冰（$98）原個椰青肉打成沙冰, 先用匙羹吃一口面層冰涼的椰香沙冰，再用飲管吸入面清甜的椰青水，很爽快！…查看更多

心血來潮想食青咖喱，估唔到係灣仔站附近就有一間，而且價錢親民之餘、網上亦有唔少好評，當然要去試試佢~推薦度 (5⭐為滿分) 燒豬頸肉 ⭐⭐⭐⭐泰式青咖哩 ⭐⭐⭐印度薄餅 ⭐🐷燒豬頸肉豬頸肉淋得黎帶點爽口，再點埋酸辣汁，酸酸地好fresh好開胃🥰🍲泰式青咖哩味道正正常常，都幾足料PS: 咖喱加左泰式香草，食肉獸表示唔鐘意🫓印度薄餅本身諗住叫黎送咖哩，點知又乾又硬又冇韌性，而且唔索汁，完全享受唔到咖哩🥲🥲🥲如果食咖哩既話建議配飯…查看更多

呢間餐廳一行入去就有一種回歸泰國嘅風味，服務員大多都係泰籍人士同埋都好禮貌。放低餐牌就立刻為我地加水，非常細心佢地都有好多款泰式傳統美食，沙律，燒烤，咖喱，明爐烤魚，全部都有泰式鳳爪沙律去最鐘意食嘅泰式沙律之一，因為佢酸酸辣辣，好醒胃，啲鳳爪又切到一口一件，方便食次餘都唔會食得好狼狽冬蔭功呢個冬藝功唔係好辣，但有陣陣嘅椰香味，質感都好濃厚，蝦味都好足，隻蝦都好爽口燒豬頸肉呢個豬頸肉燒得好脆口，一啲都唔油膩，加埋個醬汁一流紅咖喱烤鴨呢個咖喱烤鴨，用咗果汁去煮成，令到鴨肉非常腍身，亦冇臊味，啖啖肉，蔬菜都吸哂啲咖喱汁，送飯，印度薄餅或者蒜蓉包說出好正啦明爐烤烏頭魚肉肉質鮮嫩，都比較肥美，係加熱嘅途中，慢慢吸收湯汁，加埋佢一個酸辣汁，完全可以將魚嘅鮮味帶哂出嚟泰式炒椰菜仔椰菜仔好甜好嫩，唔係啲老咗嘅菜，口味都好平衡…查看更多

🍽 #新泰東南亞餐廳 #HooLunJeng小編今次介紹泰國餐廳啦～呢日一泰國餐館都係我成日會去食的，未搬之前係近灣仔會展的，依加搬左有三層，估唔到佢生意好左超多，可以坐滿哂人。小編今次推介餐廳食物：燒豬頸肉 $78鐵板蠔仔炒蛋 $98泰式干炒河(雞/牛/豬) $78小編飯堂篇☝🏻燒豬頸肉超級野味，而且有好多片，送飯一流，鐵板蠔仔炒蛋就好香，你會忍唔住一食就食，而泰式干炒河就第一次食，雖然比較油膩，但係都係炒得好香同好味，小編朋友仲問係咪換左大廚，好味左好多，除左以上推介，都建議大家可以試下串燒沙爹、香芒腰果炒雞丁、馬拉盞炒通菜、青咖哩，都值得試一試。…查看更多

表妹轉咗新工後晚晚要開OT，想請佢食餐生日飯都要玩撞日，難得遇上三號風球終於唔洗加班，天未黑仲可以約XO仔去啤一啤佢，咁先有機會去試屋企附近新開間「新泰東南亞餐廳」。佔地三層高嘅新店門外有個大型嘅電子餐牌，路過嘅人都可以慢慢參閱，成功達到宣傳效益。餐店不單面積寬廣，樓底仲非常高，室內冷氣足，空氣夠流通，散座隔得好開，坐滿食客時都唔會覺得嘈雜。全店最好坐就係最入嘅卡位同圓枱。四周牆上掛有不少藝術品，最有特色相信都要數啲不同款式嘅燈飾，其中最盞鬼就係個酒樽牆燈。天口咁熱，埋位當然係要叫野飲啦！飲品餐牌共有七頁之多。表妹講得好有道理，既然食東南亞菜，咁就一於飲清爽嘅泰國生啤「Singha Draught」（$68），襯托返個主題。厚本餐牌則有九頁，中英對照，並附有彩圖，簡單易明。兩口子隨意地點咗幾款香口菜式送酒。溫婉嘅服務生續一呈上食物，速度控制得好好，唔會擺到成枱餸之餘，食飯中途又會問及貴客是否滿意及有何意見，更細心地換碟及斟添酒水，態度友善專業且十分周到。餐桌上除咗有自用餐具之外，仲有個菂骰嘅牙籤座。越南絲網春卷（$68）：以生菜包住條絲網春卷，咬落即嚐到生菜嘅清新爽甜及春卷熱辣軟嫩嘅餡心，如果層絲網可以巧薄少少，效果應可更脆口。燒豬頸肉（$78）：預先切成薄片嘅豬頸肉毫不油膩，每片肥瘦均勻，肉質鬆爽有彈性，輕輕點上香辣秘汁已夠醒神醒胃。蒜茸越南牛油雞翼（$78）：牛油雞翼皮層香脆乾巧，雞肉軟嫩又夠肉汁，連同拌配嘅香蒜及洋蔥食落更可口，送酒一流！馬拉盞通菜（$75）：少辣嘅馬拉盞通菜爽脆鮮嫩、香濃惹味。「新泰東南亞餐廳」環境闊落，簡潔企理，服務生體貼好客，東南亞小食滋味香口，又可以飲到泰國生啤，大家不妨一試！…查看更多

環境5分：新新地潮嘅東南亞餐廳格局，樓面超高。三層樓地方夠大，D裝飾物好有泰國風味，燈光暗，猶如置身泰國本土餐廳，可以畀五分。衛生5分：地方好整齊，Ｄ枱分得好開，空氣好流通，衛生可以畀五分。服務5分：服務員態度好，招呼周到，不停幫你加上同清走D污糟碟，服務滿分。味道4分：1)     杯青檸梳打係有氣嘅Singha梳打水加埋青檸汁，開胃之餘可以食多D嘢。2)     馬拉盞通菜，泰國餐廳必食之選，少少辣，非常開胃。3)     蒜蓉越南牛油雞翼，雞翼炸到非常之透，好脆好入味。4)      青咖哩羊架入面有三大塊羊架，再配多種蔬菜，包括西蘭花，椰菜花，粟米仔，紅蘿蔔條，咖哩汁真係有少少辣，非常惹味，送飯一流，羊架非常大塊，好淋好有羊味。5)     呢個油飯真係好香， 配唔配咖哩汁都非常好食。6)      越南絲網春卷，個汁酸酸味味，配住生菜食，都幾特別。7)      燒豬頸肉一碟有十多塊，非常抵食，燒到好香唔會韌。抵食5分：平均人頭二百幾蚊就食到咁多款式嘅泰國嘢，仲可以加埋嘢飲，非常抵，可以畀五分。…查看更多