茶茶台式料理 (已結業)

四個人，一人一鍋叫左臭臭鍋，麻麻牛肉鍋、沙茶牛肉鍋同蕃茄豚肉鍋... 個個鍋湯底都唔錯，特別鍾意蕃茄鍋湯底，好清甜。配料份量足夠，可惜臭臭鍋豆腐唔夠臭至於燒物先係精髓，燒腩片、燒牛👅、燒大腸同燒🍆簡直無敵拼盤就柚子雞翼最好食。但係飲品就負哂分。。。水果茶最正常，芝士莓莓同芝士奶蓋烏龍好麻麻，最扣分嘅係爆🍋四季春(微糖）好啖口，得茶味總括食物質素唔錯，最弊係員工，好多都💭💭💭...落單有少少激氣

今日約左人係油麻地拎野~搞掂之後就同老公係條街搵食，見到呢間台式料理個logo幾得意，門口貼哂menu，覺得都幾岩食於是就入去試試~入到黎見到好多檯都叫鍋食，咁我地就叫左一個鍋、一個飯再加d串燒喇~沙茶牛肉鍋好多配料滿滿一鍋送上檯!有鵪鶉蛋、牛肉、牛丸、炸薯仔、金菇、豆腐等等~本身入面既食材已經熟左，然後係湯底度一路滾一路令食材索d湯底既味~因為食材係熟既關係，等食既時間就少左好多，岩哂心急的我~湯底好香沙茶味，愈滾得耐個湯底愈濃，我地d菜留番最後食~吸盡湯底既精華~超入味!另外仲有d醬料俾大家選擇，仲可以落蒜蓉同吃~更加香!鹽酥雞扒滷肉飯鹽酥雞扒係台灣出名既炸物~食台灣野梗要試下佢啦!呢間餐廳整既鹽酥雞扒都幾大塊，炸到金黃色但唔會令人覺得有油膩感，咬落去好酥脆，雞肉未至於嫩滑但就一d都唔鞋口，切開一件件容易食~而滷肉亦滷得入味，唔會過咸，配飯食一流!燒物我地叫左燒菇、燒牛舌、串燒雞肉、串燒羊肉、炸大腸串、串燒金菇煙肉卷~冬菇同牛舌用左蒜蓉一齊燒，一上到檯係超級香，所有串燒都落左孜然粉同少少辣粉去燒，所以全部都好夠味好香，好快就食完一串又一串~爭d唔記得講鹽酥雞扒滷肉飯係跟餐~而加20

半年前食過一次，之後都一直心思思想再食，但係search極都搵唔到，原來餐廳改左名，咁就約朋友食多次。餐廳改名後多左串燒系列，我地就每款都試下。羊肉串較普通，最好食莫過於牛舌，好厚好大塊，而且唔難咬。每人揀左一個鍋，分別有藥膳豚/牛鍋，巴蜀烤魚鍋同咖哩奶蓋鍋。友人嘅bb辣烤魚鍋好辣！至於每鍋嘅配料都好豐富，慢慢食唔經唔覺就食哂，超級飽。打邊爐仲有得配芝士茶實在太好，我地叫左芝芝莓莓同芝士綠妍/紅玉，質素真係唔錯，有粒粒草莓肉，真材實料！