極尚大喜屋 (加連威老道) (已結業)

食放題識揀一定揀大喜屋/大瀛喜系列，好味又抵食！食放題梗係刺身開始先啦！全部剌身都好新鮮，蝦嘅種類都幾多，甜蝦好鮮甜係日本餐廳食牛舌不嬲都唔平，所以牛舌係放題係必食！非常有水準！燒菠蘿一啲都唔乾身，好juicy燒雞泡魚乾好好食！encore咗3次！好適合送啤酒食燒翠玉瓜好香牛油味得嚟又唔會奪走翠玉瓜本身嘅鮮甜，一流！野飲種類都唔少，有熱有凍，非常細心貪得意叫咗個時令水果，係幾粒提子😂甜品方面都好多選擇，其中 Haggen Dazs係必嗌！可惜每人只准食一杯，其他甜品好似韓國雪條，自家制甜品就無限任食😂大喜屋無論剌身 熟食 甜品 飲品都照顧周到，久唔久真係要食返轉一解思念日本野食之愁…查看更多

而家放題越開越多，開得快都執得快，因為質素真係十分參差想食有保證既放題我既首選一定係大喜屋，價錢同出面差唔多，但野食一定好食先大喜屋都分左幾間，我會將佢地分為3級，大喜屋(LV 1)，極尚大喜屋(LV 2)同埋殿。大喜屋(LV 3) 至於佢地有咩唔同，就係高一級就會有多Ｄ高級食材提供，當然價錢會相對較貴啦，其實大喜屋(LV 1)已經好高質好耐冇食過放題，今次揀左極尚大喜屋，因為都只係貴過普通果間小小BOOK 左17:30，呢個時段$288加一，有85折, 折完大概$270/人左右,  抵唔抵食就見仁見智, 但我個人覺得係抵既5點3左右過到去已經排哂長龍, 比返個訂枱編號職員就會幫你登記然後比張紙仔你入座我地3個人加1個2歲小朋友, BOOK位果陣都有提及可能因為咁樣職員安排左一張卡位比我地, 實在太好了坐低左首先要叫既就緊係刺身啦，相對我上次食極尚大喜屋今次好似多左松葉蟹腳，以下呢盤刺身仲有三文魚，油甘魚，池魚，帶子，帆立貝，象拔蚌，赤貝，甜蝦，赤海蝦，希靈魚，北寄貝松葉蟹腳: 好瘦，D肉冇乜味，試完味就冇再叫過其他刺身都好新鮮，甜蝦同赤海蝦相比，赤海蝦會甜少少同鮮味少少，有頭既甜蝦個人覺得冇乜味食放題就點可以太多壽司呢，要留返個肚食其他野架嘛但係壽司個人覺得有2款可以叫，就係中拖羅壽司同海膽軍艦拖羅未算係好靚既部位，但係食落去都有少少入口即溶既感覺，試完之後都有encore海膽都新鮮，唔會有苦味，放題黎講佢比既海膽份量一d都唔小架啦食多幾件要翻本根本冇難度蒲燒鰻魚又係可以encore既，冇骨，但如果燒得乾身少少個面微微脆就perfect啦羊鞍既羊味唔算太出, 同埋一定要襯熱食, 凍左就唔好食啦牛舌又係我另一encore既食品，爽口，牛味好香炸物我叫左三款，芝麻雞翼，炸鮮奶同埋炸榴蓮芝麻雞翼個皮脆卜卜，微辣，唔會炸到乾哂炸鮮奶個味道我覺得OK，但粉槳太厚，影響到味道炸榴蓮係榴蓮愛好者唔可以錯過，佢既榴蓮味都好香，食既時候小心辣到個咀，因為個心都幾熱除左以上食物仲有叫其他野食，包括天婦羅，燒菠蘿，辣魚鍋味道都唔錯既以於甜品方面，有蛋糕（任叫），雪條（任叫），雪糕(限每人一杯)我地冇叫到蛋糕, 叫左雪條, 有三種味, 朱古力, 牛奶同蜜瓜, 唔錯架呢三款雪條雪糕就係Haagen Dazs同Movenpick，有幾款唔同既口味揀以佢既食材黎計我覺得係抵食既，當然平日黎再會平Ｄ想食平Ｄ就平日過黎食啦，但記得一定要ＢＯＯＫ位因為WALK IN好大機會都係冇位…查看更多

食放題都係想試多幾款野，最重要係任飲任食，啱曬大胃王另一半，而我就會貴精不貴多🤭。大喜屋呢個放題品牌都幾岀名，聽朋友講要預早訂位再早d去排隊先可以確保你成功入座🤨 一個平日嘅晚上，我就提早訂左8點半呢輪黎試一試佢！🤙🏻兩大本食物簿，有刺身、多種創作壽司、燒物、炸物、鍋物、天婦羅、甜品等，款式非常多！眼花撩亂👀刺身款式必食帶子、赤貝、象拔蚌☺️回本必食！計我話食刺身就最緊要係新鮮，Re-order咗兩轉都依然保持水準👏🏻凍冰冰又點小得要叫d燒物暖下胃呢🤗 我自己就最中意食牛舌同蒲燒鰻魚串，原來我地兩個人不知不覺一共嗌咗6串先收口😎鰻魚夠厚身，火喉控制做得唔錯，加埋醬汁食十分滋味！牛舌唔會好靭，以放題餐廳黎講，味道同口感都係合格有突🧸熱食方面，蒜蓉蘆筍炒珊瑚蚌好有驚喜，蘆筍幾嫩，淡淡嘅牛油蒜香加上爽口嘅珊瑚蚌，味道意外地比坊間中菜館惹味🤫烤羊架係每次放題必食之選！都幾大隻，不過等得比較耐，慢工出細貨係值得一試嘅！除咗普通飲品之外，佢地仲有梅酒同清酒任飲，前菜沙律亦都多樣化，夠曬爽皮係甜品方面，竟然每人有一款Haagen-Dazz或Movenpick雪糕食物款式夠多、價錢夠親民，大部份食物都熱辣辣上枱，夠晒香口。另一樣野要比個Like！兩個人坐得唔會太逼，因為咁啱坐到張3人枱😈唯一要改善嘅係，個到冷氣都幾大，所以見到好多人都著曬大䄛震住食😂…查看更多

今次係第四次同朋友來食，因為佢價錢好合理，所以好抵食但係一定個日唔好食野因爲朋友生日所以餐廳好貼心送左呢個甜品來。呢個好岩影相 你地見到時都食得除左隻碟😂😂 但味道說一般般 都係貪好睇來影相 燒玉子燒，其實幾好食既。不過因為佢落左好芝士，所以食一個都夠曬啦，仲要食其他😂所以千萬唔好叫咁多燒牛舌，真係好好食，因為佢燒得唔會太老，所以咬落去岩岩好完全可以追加刺身方面說叫左蝦，其實我好少食蝦，因為蒸既蝦好易老，呢個都係朋友叫到先試下，非常鮮甜。又係追加之一。好爽口…查看更多

放題是長輩們的最愛，每次安排家族飯局，日本放題總是呼聲最高。而大喜屋系列，正是芸芸放題中的大熱之選。嘗過大喜屋、極尙大喜屋、樂天大喜屋，各有它的特色，至於選吃哪一間便要視乎環境、種類、或是價格的考量，但普遍來説仍是質素的保証。這天跟家人吃放題去，選的是極尚大喜屋，價格稍高但選擇豐富，環境也較其他分店舒適一點。雖然如此，仍是略顯擠迫，這是日式放題的普遍問題，反正注重環境的客人，該不會介意多付一點光顧酒店自助餐的。訂的是首輪放題時段，此輪的客人需要在街道上排隊入座，每次路過總是蔚為奇觀，也是店方「造勢」的一種策略吧！店方貼心地為客人派發飲品，入座帶位快速而流暢。甫一坐下，便忙着剔選喜愛的食物，已不止一次光顧大喜屋，除了大熱的必食項目外，新品也是必試的一環。但在此以前，刺身拼盤必不可少。刺身方面，貝類如象拔蚌、螺片、帶子質素最佳，可以追加。三文魚、油甘魚表現平穏，可以一試。比較遜色的是甜蝦，甚不新鮮，不點為妙。壽司從來不是放題主打，平心而論放題最忌吃飽，除非賣相或食材特别，壽司還是淺嘗即可。這兒的創作壽司賣相吸引，配搭甚有創意，無論賣相及味道都比一般壽司為高。不過海膽屬極尚獨有的主打，小小的鹽水海膽算是鮮味，海膽迷之選。炸物還是一樣的精彩，芝麻雞翼脆身香囗，五香粉夾雜顆顆芝麻，惹味非常，屬必食之選；新品貓山王味道傳神，榴槤迷必試。炸北海道鮮奶清香滑溜，也很不錯。一品料理方面，普遍都水準不俗，當中以蒜片牛肉味道最佳，值得追加。咖哩炒蟹汁醬惹味，只是蟹肉偏少，淺嚐就好。燒物則是中規中矩，除燒牛舌和燒蝦以外，其他燒物如雞翼、羊架味道只屬一般而已。極尚的賣點是供應哈根達斯雪糕，只限一人一杯，不過時有特別口味雪糕可選，不可不試。甜品當中以榛子口味的馬卡龍味道不錯，也有芒果糯米糍、焦糖布丁等選擇，放題而言算是有點誠意。整體而言，極尚大喜屋的賣點在於食材方面，無論是質素或賣相方面會比同系放題為高，是值得回頭，再回頭的日式放題。…查看更多

為左食到極尚早左一星期就book位其實先前都黎過極尚食但係覺得大喜屋好食又平過極尚所以前幾次都係食大喜屋依家食悶左大喜屋又番番黎食極尚~~首先講下剌身先啦~叫左2轉(^ω^)3文魚新鮮但咬落有根。。。其他都好新鮮!燒物必讚燒帆立貝!好食過大喜屋個芝士焗蠔好有口感呀😍😍😍😍我都不停咁encore左呢個要襯熱食先正!炸物雖然無影到出黎但芝士年糕食左咁耐都係咁鍾意食。完全唔覺食悶~最鍾意後面燒汁(^ω^)另外佢個炸香芋丸同牛奶脆都唔差可以一試😏我仲食左個新出的海鮮薄餅!可以試唔差。唔係伏野😏但佢個番茄凍湯就有d奇怪啦鐘意食新野ge人都可以體驗一下ge😂😂😂😂最後梗係壽司啦飯好似有d鬆~其餘都唔差!正正正!真係好佩服大喜屋集團做咁耐質素都冇咩點變~都係咁好食😍😍😍食左大喜屋對比起其他放題都有小小遜色😂😂😂😂😂…查看更多

有朋自遠方來，招待來自上海的朋友，選址不可失禮。曾有一段日子港滬兩邊走，上海可是另一個美食之都。無論是本幫菜、或是中、西、意、法、日菜，都不乏水準之作。我倆深知上海美食水準之高，因此在食方面費煞思量，生怕會令這位好友失望。   既是有小朋友的飯局，日式放題最合適的了。美食眾多，總有稱心合意的，也不用刻意遷就小孩口味。嚐過不少日式放題，大喜屋的質素最為穩定，也是有口皆碑的。這次，決定試試大喜屋的進階版本 - 極尚大喜屋。只需多付數十元，便可嚐到較名貴的食材如海膽、燒帆立貝，也有創作壽司供應，甜品的款式更多，而且還Haagen-Dazs雪糕呢!(每人只限一杯)訂位方面，由於極尚價格較高，訂位也較容易，訂不到大喜屋時可試訂極尚碰碰運氣吧!       上海友人甫一到埗，便已見識到此放題的厲害。時為第二輪晚市時段，食客竟要在尖沙咀鬧市上排隊，真有夠誇張的!那長長的人龍足有數十多人，大家都無半點怨言，要知道大喜屋一位難求呢!      天氣炎熱的關係，侍應會為等候的食客提供冰凍飲品，很是貼心的服務。為加快入座的安排，侍應會逐一為食客作提前登記，因此入座異常的順暢。       入座了，跟一般放題無異，予人擠迫之感。雖然人流眾多，但侍應很快便安排好座位，不消一會，店內每桌都已擠滿了食客。入座前快速環視店內環境，跟大喜屋相比，極尚大喜屋多了份雅致感，用色也柔和得多。絲絨布面沙發無疑是舒服得多，雖然始終不脫放題食場之感，但感覺確是比大喜屋高端一點。      四人桌的桌面不算大，中間只以透明玻璃間隔開鄰座的食桌，可以「偷窺」鄰桌點選了甚麼美食，但感覺就沒有任何私隱可言。女生總是八卦，忍不住偷看鄰桌在吃些甚麼，總是被老公喝止，對此玻璃真是又愛又恨呢!        食具一應俱全，還有一大本點餐紙，也有日本鼓油、日式芥辣，難得不是獨立包裝的劣質貨色。服務也是值得一讚的，侍應即使多忙碌也保持禮貌，而且大喜屋是少數能保持不會漏單的放題。            既是日式放題，選餐紙自然是多得嚇人。壽司、刺身、手卷、創作壽司、小食、料理、炸物、鍋物、甜品......吃過多次放題，我倆早已見怪不怪了，但這些餐紙可令上海友人大開眼界了。飲品方面除了汽水外，也有樂天果汁、烏龍茶和啤酒供應，個人較喜歡樂天的飲品，特別是檸檬紅茶口味的。   刺身拼盤可是這兒的名物，上桌時已令友人驚嘆不已。新鮮不在話下，魚類刺身厚切得很、海貝類鮮美爽甜、甜蝦完美無瑕。因此每桌食客在首輪總會點很多刺身，務求拼砌出最精美吸睛的擺盤來。      最討我歡心的是魚類刺身，油甘魚淡紅色的肉身表面油亮亮，足見油分甚高，每口都充斥著魚油的香氣，甘甜又肥美。厚切的三文魚雖不是魚腩部位，但表面魚脂均勻，新鮮的關係肉質嫩滑鮮美，放題中的上品。池魚王是少有出現在放題食桌的，實在難得!魚味甘美帶甜，肉質爽脆而不帶腥氣。天然赤身也是罕有的美味，天然赤身即是吞拿(tuna)，我是甚少點選這個的，這種刺身味道有好有差，視乎來貨和價格，但既是極尚大喜屋，便放膽一試吧! 果然入口沒有酸腥之氣，鮮美一般，但入口少渣，以放題來說可以收貨了。上海友人則大讚貝類和甜蝦刺身，有好些還是他們首次吃到的。北海道帶子厚身而富口感，味道鮮甜。赤貝有爽脆的口感，海水味重，而象拔蚌比赤貝口感更爽彈，最得上海友人歡心。天使蝦和甜蝦各有各捧場客，我喜歡甜蝦的鮮甜，蝦頭內的蝦膏十分澎湃。友人喜歡玻璃蝦軟綿而肉厚，上海友人們對這兒的刺身讚不絕口，也就追加了好幾回刺身呢!      大家都太沉醉於刺身的鮮美當中，接下來點選的便是店的另一主打 - 創作壽司了。      不要錯過海膽花之卷、鰻魚芝士卷、三文魚花之戀，除了造型極具美感外，食材的搭配也很完美，用的都是較優質的食材。胃納有限的關係只可以淺嚐，但全都味道不錯，也引得友人用手機拍不停。      除了創作壽司外，海膽軍艦是絕不可以錯過的。海膽成本太高，一般不會出現在放題暢吃名單當中。既然極尚是隨便任吃，就可不用客氣了，鄰桌可是點了十數件而面不改容呢!供應的海膽絕不失禮，雖是個兒較小的鹽水海膽，可是新鮮得紋理清晰可見的。入口有海膽獨有的甜香，軍艦造得小小的，不會太飽肚，多點幾件也不會內疚!火炙壽司看似平凡，但味道其實相當不錯，微微的焦香為壽司帶來另一種風味呢。手卷雖是飽肚之物，但蔥拖羅手卷卻是不可錯過，蔥拖羅軟綿鮮美的口感，一定要試!        吃了不少刺物身壽司，雖已半飽，但怒食的鬥志依然在燃燒，我們要向其他料理進發了!燒物方面，當然是向友人推介燒牛舌、燒海蝦、燒雞翼吧!雖是大路選擇，但這兒的燒物一向不俗，火候拿捏準繩，不會過熟失卻食材的原味。特愛這兒的燒牛舌，只以海鹽、黑椒輕醃，美味在於厚身的牛舌被鎖住肉汁，入口彈牙而滿有牛香。燒雞翼只以鹽燒，雞皮香脆，肉嫩有汁。燒海蝦新鮮之餘肉質爽彈，大大隻啖啖肉，總是美味之選。        炸物也有不少必食之選，向友人推介了炸芝士年糕，金黃的外皮微脆又帶點煙靱，內裏的半溶芝士黏黏膩膩，友人大讚十分香口惹味。那芝麻雞翼以五香粉香炸，香惹得來脆感十足，也是不可錯過的。相對而言，烤豬肋骨、蒜片牛柳粒一類料理就被比下去了，雖然味道不差，但也不算出色，寧可預留胃納嘗嘗較有特色的美食吧!      不過，也不是所有配角都不值一試的，像這瑤柱海鮮粥便備受友人擁戴了，雖不是靚瑤柱，但以小柱貝作料，有淡淡的海貝鮮香，甜甜的粥底也算綿滑，分吃了一小碗後便被友人一家吃光了。       至於小孩的口味又如何? 他似乎很喜歡溫泉蛋和燒菠蘿，也許在內地安全的蛋實不多見，更何況是可半熟食用的蛋呢?完熟而甜美的燒菠蘿在內地也不易找到，怪不得孩子吃得津津有味吧。        美食的選擇委實太多，不可能一一吃遍，最後發現竟差點漏掉了燒帆立貝!以野菜粒、沙律醬香焗而成的，碩大的帆立貝充滿烤海貝的香氣，肥美又鮮香，配合惹味醬汁，實在令人欲罷不能!        美食當前，可是胃納有限，友人已棄筷投降了，這時侍應識趣地遞來壓軸點餐紙 - Haagen-Dazs雪糕!     限點一杯的關係，一定要精挑細選!結果被我發現限定口味 - 皇家奶茶。      這口味當時市面仍未推出呢，竟可在放題搶閘先嚐，so lucky!這皇家奶茶茶香特別濃郁，雪糕一如既往的綿滑，吃完這杯超有驚喜的雪糕，才正式宣告投降。(離開後才想起，友人一直嚷着要點甜品，最後竟忘了點呢......)      一行四人，人均只是二百多，這實在讓友人開了眼界，就價錢和質素而言，大喜屋是完勝了。及後即使再嚐酒店自助餐、地道街頭美食，始終不如今天這一頓。也難怪這些年來大喜屋會成為本地日式放題之首了，它的異彩，確實是無店能及呢!…查看更多

晚上6:00一行10人到尖沙咀極尚食第一輪的放題, 時間為6:00-8:30pm 成人口$278+10%。 menu分2本organizer形式送上, 提供多種類選擇, 壽司, sashimi, 天婦羅, 烏冬, 沙律, 串燒, 甜品及飲品。本人本來對日式放題沒有好感, 今次或多或少會有改觀。首先，sashimi的分量及賣相絕對會令你嘩一聲, 很興奮。一共order了3round, 這是第一round而且所有食物很快到齊, 沒有任何漏單情況出現, 員工服務態度也不錯, 值得一讚。由於吃得太開心, 所以也忘了拍照其他食物。總的來說, 以每人$300價錢, 吃足多過2小時是物超所值, 但不要對食物抱有高的期望，說真的, 每款sashimi是沒有任何應有的鮮味, 是淡的, 醬油也頗鹹。但以食物的賣相及與朋友的聚一聚來說, 算是不錯的選擇。如要數當日最好味的食物, 應該是烏冬吧! 煙un有口感!…查看更多

某天路經新開沒多久的極尚大喜屋，八卦的我一如既往地被吸引到店外的餐牌去，發現這家大喜屋的食品種類較大多市面的放題日本餐館當次要高一級，如海膽、帆立貝等較貴的食材都有供應，於是馬上擇下日子，誓要試試「極尚」版是否名符其實。飲品共有多款選擇，包括放題少有的韓國Hite啤酒、忌廉溝鮮奶、芒果汁等，不愛甜飲的啊嬤如我最後選了道地烏龍茶。第一回點的刺身包括三文魚、油甘魚、帆立貝、甜蝦、象拔蚌、北寄貝和赤貝，各款刺身都十分新鮮，魚油豐香，小妹依舊大愛大喜屋特肥美的甜蝦和油甘魚，象拔蚌脆滑，北寄貝大件得很，口感像早前於Monster Sushi 吃到那當天由日本空運到港的爽甜，帆立貝更是超水準之作，厚切且超甜美濕潤，而第一回漏單的赤貝也很不錯，若能切厚一點口感該會更理想。經已半飽時享用刺身自然手腳慢，碎冰也開始慢慢準溶化，那時候店員提醒碎冰溶化後生魚片容易有菌，建議我們另點一份並收走現有的刺身，相當貼心。壽司共有傳統、自家創作、火炙、軍艦等多個系列選擇，小妹嚐了穴子（則鰻）和海膽軍艦，鰻魚非蒲燒的，但表面也加上少量鰻魚汁，薄切的魚塊口感鬆散，與壽司飯的比例不平均，是略遜的一環；海膽軍艦體型較正常的細小，海膽條紋清晰，味道鮮甜，就差紫菜不脆了。亞拉斯加蟹肉蟹籽沙拉其實很一般，蟹肉啖味偏乾，蟹籽又不夠多，還是Monster Sushi的好；黑松露帶子沙拉則滿驚喜的，帆立貝刺身依然嫩滑甜美，配優香的黑松露油讓層次提昇，太好吃了！燒物共嚐了鹽燒雞翼、燒牛舌、燒海蝦和多春魚，鹽燒雞翼肉嫩，燒牛舌爽脆多汁且肉味濃，是一灌大喜屋的水準；燒海蝦蝦肉彈牙，味道甜美，而個人不太好的多春魚也不算乾身。天婦羅是較出色的一環，炸漿很薄，大火炸起一點也不油膩，海老天婦羅爽甜，小妹至愛的南瓜粉嫩軟綿，冬菇也是滿驚喜的，炸粉乾身香脆，內裡的原隻鮮冬菇卻是十分爆汁且菇味極濃，氣勢不輸海老呢。首次嚐大喜屋的其一名物—芝士年糕，外層炸得香脆再內裡卻是軟糯無比，中央的軟芝士滑溜但芝味偏弱一點，我想如芝士更濃郁的話或會變得很膩漏，可能小妹起初已對這carbs量爆燈的小吃興趣不大，故要它硬食「芝味太弱」的罪名來解釋個人偏吃不足，委屈了。珊瑚蚌炒蘆筍顏色繽紛，珊瑚蚌爽脆，蘆筍鮮甜，而蒜片牛肉粒肉味不算突出，但也是惹味香口的，不過吃了那麼多令人驚喜的菜式後，這些小炒的水準未至於令人嘩言。極尚大喜屋的甜點陣容頂盛，芝士餅、macarons，至Creme brûlée都有供應。小妹只衝著雪糕來，本已對放題甜點不抱任何期望，但也淺嚐了友人點的Creme brûlée 和馬卡龍，Creme brûlée 沒有脆焦糖乃是意料中事，然而蛋味濃，口感香滑，甜度適中，也不錯的；Macaron那奇鮮豔的顏色已具驚嚇性，甚高的甜度和結實的質地都像杏仁糕Marzipan，建議大家還是把肚子的空間都留給咸食好了。萬聚期待的海鹽焦糖雪糕是小妹最愛的口味，仍舊幼滑的雪糕為這美妙的放題天畫上了完全的句號。除甜點外，整體的食物水準、服務態度和環境都令人滿意。如果要我推介日式放題店，極尚大喜屋莫屬大概會是不二之選。…查看更多

今天食大餐,期代已久極尚大喜屋.海膽軍艦:新鮮美味,紫菜香脆.意式黑松露帶子沙律:好香好重黑松露味,帶子鮮甜.柚子大蝦沙律:普通.刺身:三文魚油香肥美,帶子鮮味,甜蝦鮮甜美味,赤貝好味唔腥,北寄貝爽口味美,象拔蚌爽口彈牙.第一轉刺身水準好正,之後叫左兩轉完全唔得,味道清淡完全冇鮮味.:(燒牛舌:香口但味淡,一般.北海燒帆立貝:芝味十足,夠野味.:)天婦羅蝦:口感唔錯,蝦彈牙漿粉香脆.燒有機菠蘿:菠蘿香甜味美.鹽燒海蝦:爽口彈牙香脆可口.海膽三色花:一般北海道魚子戀人:魚子好淡味唔鹹香.鵝肝帶子:鵝肝好細,完全食唔到味道.:(黑松露雙色吞拿魚:一般鹽燒雞翼:香口幾脆.芝士年糕:超正,encore左兩次,芝士味濃帶鹹香,好軟熟,表層香脆.海膽赤蝦:冇蝦味太乾.帆立貝:可試,但冇咩特別.皇帝蟹肉蟹子沙律:清香味美,蟹肉鮮味.日式煮牛脷:牛脷好淋夠入味,汁做得出色.辣酒煮花螺:花螺好淋夠入味,辣味適中,夠野味.龍蝦沙律黃金船:龍蝦沙律好味,新鮮味美.燒多春魚:太乾.味道一般.黃咖哩炒蟹:過辣過甜,蟹肉太瘦食唔到肉.:(川燒毛茄:味道可以,幾辣.龍蝦膏甜蝦:龍蝦膏味道唔起眼,味道好淡.明太子魷魚:完全唔係明太子,只係用魚子,唔得.芝麻雞翼:香脆入味.紫心香芋丸:甜美好味.炸魷魚軟骨:太多粉,食唔出味道,都算香脆.燒香草羊鞍:肉淋,味太淡.蒜茸露荀炒珊瑚蚌:露荀香甜爽口,珊瑚蚌香口.鹽燒青花魚:好亁好硬.味道有D腥.蒜片炒牛柳粒:牛粒好淋入味,炒得剛好蒜香味美.牛油炒粟米:意外驚喜,香滑甜美,好香牛油味.有機新鮮生果:點先係有機?西瓜好淡,橙好酸.雪糕:咖啡雪糕,牌子原因幾好味,可惜要配給一人得一杯.甜品:曲奇妙趣芝士蛋糕:香滑芝味濃,唔太肥膩.焦糖朱古力意式蛋糕:香滑味濃,唔太甜.紅豆綠茶蛋糕:一般.蜜糖乳酪蛋糕:帶有酒香,幾特別.法式脆糖布甸:雖然唔脆,但幾香幾滑.味道唔錯.整體:有小小名過大,值唔值就一般,太多壽司類要你食飯都食飽.…查看更多