串本屋

今日同母親來食飯，當日正值冬至， 入到去暖笠笠環境好舒服， 枱與枱之間好闊落！頭盤同螢光魷魚有驚喜， 螢光魷魚食落去鮮甜張口相當唔錯， 燒牛舌啱啱好唔會韌好冧～安格斯牛肉壽喜燒，暖笠笠味道唔錯， 食完之後超暖心❤️流心炸蝦丸，呢個小食送酒一流， 不過當日冇飲酒， 就咁食覺得芝士太過濃郁膩口三文魚子黃金醬燒元貝， 芝士味好濃， 鍾意芝士嘅會鍾意！最後一定一定要試嘅焦糖燒菠蘿， 本身鍾意食菠蘿， 呢個小菠蘿真係好正， 酸酸甜甜但係唔會過酸！ 外面有焦糖脆皮超鍾意❤️❤️❤️…查看更多

今日試左呢間日食串燒小店，must encore😋- 雜錦鳥冬鍋呢個烏冬鍋份量勁多🤣分別有一個雜錦鍋，再加一大碗烏冬，雜錦有天婦羅蝦、芝士獅子狗、雞肉、粉絲、唔同種類嘅菜etc 壽喜燒湯底好入味👍🏻- 鹽燒封門柳、蒜香封門柳串兩款都燒到勁juicy keep到肉汁，唔會太韌，但個人覺得蒜香配搭埋一大堆蒜茸惹味啲👍🏻- 三文魚籽黃金醬燒元貝無諗過元貝會咁大粒🤣黃金醬食落有啲似沙律醬，燒到表面焦焦地好香口- 炸雞軟骨必食炸雞軟骨！應該加左嘅椒鹽粉但又唔會太厚，同軟骨比例非常好👍🏻而且呢個價錢有呢個份量幾抵食- 燒日本芝士年糕第一次見包住紫菜嘅芝士年糕🤣平時食開住咁年糕包住啲半流心芝士，今次加埋紫菜反而更有口感- 焦糖燒菠蘿食得出係新鮮菠蘿，焦糖脆面，酸酸甜甜好開胃～…查看更多

大廈林立，地鋪有間主打日本料理既餐廳，除左經濟主食，最重要有串燒燒物。掃qr code落單，會update d新菜式，唔鍾意都可以叫侍應落單。平日晚市7點，已有唔少客人，枱與枱之間距離唔會好近，重點係張枱好大，夠位放好多小菜，而且環境舒服。免治雞肉棒三色套餐($68)，大推，因為超級好食。一咬，雞肉汁爆出黎，雞軟骨打碎後仲帶有口感，有細粒軟骨，非常juicy。三種口味中，明太子最濃，而柚子味清爽。三文魚籽黃金醬燒元貝($50)，一客2大隻好抵食而且元貝肉好大粒。芝士千島醬(?)燒過後鹹香味極濃郁，上面仲有魚籽，尼個係心機之作，必叫。芝士燒天火蠔($68)，又係另一個必叫燒物，外層大量半溶芝士，燒蠔超重鮮味，完全唔腥，仲要好飽滿。個芝士醬汁超濃烈，揀燒海鮮一定冇錯。煙肉車尼茄串($26)，電子menu上既新燒物，車尼茄一咬好甜多汁，煙肉燒熱後油脂逼出黎，更脆，估唔到又幾夾。露筍豚肉串($28)，露筍軟身，豚肉燒完帶d焦脆。鹽燒雞中翼($24)，已開邊，方便食。雞翼雞皮香口，肉唔會乾，加檸檬汁更加清爽又唔會膩。炸雞軟骨($24)，估唔到一客都有咁多粒，粒粒都大而脆口，配美乃滋更適合當下酒菜。放耐左食，都一樣脆。野菜天婦羅($68)，炸皮薄，完全唔覺得油淰淰。野菜中，冬菇超香口，炸完都軟身，仲juicy。番薯甜而不膩，提供既天婦羅汁熱騰騰，配搭一齊食感覺唔heavy，又提味添。鰻魚茶漬飯($28)，粒粒鰻魚厚肉，冇骨，數量仲唔少，啖啖都食到。昆布湯底好好飲，熱辣辣，清甜。醃蘿蔔爽口，鍾意可以落埋wasabi。最後食，d飯吸哂d湯，jeng。焦糖燒菠蘿($32)，焦糖燒熔，菠蘿超級甜又多汁，冇渣，一口放入口好滿足。水蜜桃乳酸梳打($38)，中和一下食完咁多燒物。飲品唔會過甜，乳酸味濃郁。前菜($12)，番茄冰震，醃製後酸甜，看似簡單但又用心製作。整體，每碟菜既擺盤都有心思，其中有塊染色蓮藕片，鮮明之餘，口感爽。而且侍應有禮，用心待食客。重點，好低食，又足料。讚。入夜之後，就愈黎愈多人飲酒食下串燒添。…查看更多

今日嚟到柯士甸附近，試一下這間日本居酒屋。地點比較偏僻，但好處是比較靜，而且看到網上推介這間性價比高，味道似乎也不錯，所以來試一下。前菜 HKD 12 - 去了皮的蕃茄，加了點醋，十分開胃。❤️雜錦天婦羅 HKD 98 - 賣相十分漂亮，而且份量也比想像中多，有三隻大蝦，另外蔬菜有四款不同種類。大蝦十分爽口，略嫌炸物比想像中多油，但也夠鬆脆。❤️三文魚燒飯團 HKD 26 - 十分有份量的飯團，外皮燒過十分香口，略嫌有一點黐牙，但也算好吃！❤️燒元貝(兩隻）HKD 50 - 這個賣相也加分，大大隻元貝，配上蒜頭和蒜蓉。❤️焦糖燒菠蘿 HKD 28 - 超級有驚喜！這是十分推介的一款！首先賣相十分漂亮，味道也超級出色！菠蘿外層有一層焦糖，夠香甜，入邊也很多汁👍👍👍❤️日本甜番薯仔 HKD 18 - 日本番薯很好吃，正常發揮。❤️吉列炸生蠔三件 HKD 36 - 外層炸得很出色，夠鬆化，不過生蠔比想像中細件。❤️蘆筍豚肉串 HKD 28 - 正常發揮。❤️鹽燒美國安格斯肥牛串 HKD28 - 這款略油，但牛味很重，有油脂香。❤️麻醬撈烏冬 HKD38 - 也是很出色的一款，有驚喜，應該是稻庭烏冬，很煙靭，配上麻醬、蟹籽和各種配料，味道很有層次，很夾👍👍👍總括來說，這間小店服務好，食物性價比很高，味道不錯，環境比較靜，雖然地點偏僻但去尖沙咀也很方便，推介！…查看更多

好耐冇去渡船街食飯，今晚揀咗呢間食日式串燒嘅小店試吓。座位唔算好多，但環境都舒服。🍡🍡由於太耐冇食串燒，我哋狂風掃落葉咁點咗一堆野食。小店係即叫即燒，上菜速度都算幾快，每隔一陣就上一兩款食物。overall食物質素好好，特別推介以下幾款：🍍🍍焦糖燒菠蘿 （$28）- 微微燒焦，菠蘿好鮮甜juicy，必食推介👍🏼🐟🐟汁燒日本鰻魚串（$34）- 肉質厚身無骨，燒得好香口🦐🦐燒老虎蝦 （$34）- 配上蒜蓉好香口，蝦肉質爽口，好味🐂🐂鹽燒封門柳（$26）- 肉質鮮嫩，充滿牛味👅👅鹽燒牛舌心（$38）- 牛舌厚身切，質感爽嫩，好入味，必食推介👍🏼🍙🍙明太子飯飯團 （$26）- 燒焦嘅飯團面，配上明太子餡，有淡淡的鹹香味。小店嘅價錢比一般串燒店平宜，食物質素唔錯，服務質素好，絕對係食串燒嘅一個好選擇。…查看更多

餐廳位於佐敦位置，放工由柯士甸站慢慢行過泥，都好容易搵到餐廳裝潢使用日式風格，店鋪空間唔算大，但枱與枱之間都有空間距離，唔會同隔離枱好貼近，可以同三五知己傾計都唔怕隔離枱聽到或者太大聲。老闆親自負責樓面、十分親切招呼客人，係到未開始食飯已經好舒服。選擇好食咩只需影QR Code落單，十分方便。老闆親切介紹依家做緊優惠：啤酒買一送一。落完單之後，老闆熱情地為我地送上蕃茄做前菜，蕃茄配上柚子汁，小小酸味真係幾開胃。老闆好醒目咁問我地需唔需要先送上一杯啤酒，留返第二杯之後上，串物都好快陸續送上。加分位係，燒物上碟時大部份都會包括沙津菜，除左影相時會靚好多之外，重點係可以食多啲菜，其他串燒店一定冇菜。睇得出老闆真係好用心經營。會再幫襯一定係因為老闆好人，用心經營，親切招待，重點係食物高質但價錢唔貴！多多支持小店！＜必食推介>焦糖燒菠蘿$28依個焦糖燒菠蘿勁好食，食完一個再叫多一個食！推介大家一定要試下，之前係其他餐廳食既焦糖燒菠蘿都會有一大塊焦糖係面頭包住個菠蘿，食到痴晒牙，但依到既焦糖係少量但好足夠，食落碎焦糖位份係脆卜卜架！菠蘿粒粒都厚肉勁甜勁juicy，真係食到停唔到口，要再叫多一份！一試難忘呀！擺盤上菜都切到好靚。＜必食推介>安格斯肥牛湯烏冬$78一大碗熱辣辣既湯烏冬配上安格斯肥牛，肥牛切到好薄，每塊都半生熟，唔會全熟先上菜，湯烏冬湯底都算清味道唔會過濃。烏冬好分量好多，再配埋串物食真係食唔晒啲烏冬。＜必食推介>炸墨魚咀$36 ＆ 吉列炸生蠔(2件)$36同樣都係炸物，可以一齊上碟， 炸物新鮮炸起，呈金黃色唔會炸到燶左，炸粉唔厚，炸到脆卜卜但墨魚咀同生蠔依然好juicy同好有咬口。分量多，2個人share食岩岩好。燒茄子串$18茄子大大塊，有２塊成一串，擦上燒烤汁再加上木魚，茄子燒到爽口唔會過分淋晒。厚燒牛舌$48名副其實既＂厚＂燒，一碟有5塊，每件都切到好厚，牛舌肉質軟淋入晒味。露荀豚肉串$28露荀好爽脆，食落有燒烤香味，豚肉好透薄。日本雞腎$28 & 日本雞心$24雞腎有咬口，size都算大粒，唔似得出面食既淨係七味粉📍串本屋🔎油麻地渡船角文蔚街5號文苑樓地下A號舖…查看更多

工作後喺附近見到一間新開嘅日式串燒🙆‍♀️於是同朋友一齊食晚飯!總括而言價錢不貴而且食物高質素👍店員親切有禮,今次係我地好滿意嘅一餐!餐前小食🌟鹽燒牛舌芯🌟牛味濃郁口感爽脆多汁!日本雞腎🌟十分爽口有嚼勁加埋檸檬就別有一番風味!免治雞肉棒配明太子醬🌟明太子味道鹹鹹甜甜燒得好出色推介👍雞肉棒裏面有軟骨口感好豐富!燒元貝🌟元貝鮮甜大隻加埋蒜蓉味道絕配😋炸墨魚咀🌟炸到金黃酥脆令人一口接一口好惹味😋燒茄子串🌟味道不錯,加左木魚絲令到味道更好!安格斯肥牛湯烏冬🌟牛肉油脂分泌旺盛味道濃郁,烏冬軟硬適中有咬口不錯!明太子燒飯糰🌟外皮烤到焦香好有特色,一上枱已經香味撲鼻大家記得趁熱食🙆‍♀️焦糖燒菠蘿🌟每次去燒烤店我一定會叫嘅燒菠蘿😍味道酸酸甜甜又多汁可以解油膩感好好味😋…查看更多