東歐餐廳

以前試過一家俄羅斯餐廳說實話...真的不太合適...現在已經結業了...不過這家做烏克蘭菜的餐廳就真的很不錯!烏克蘭正宗羅宋湯顏色比平時飲既紅得多應該係紅菜頭既顏色而唔係蕃茄好香好好味，尤其要讚入面既牛肉粒！好有牛肉味又夠唸～鳥克蘭香煎薯餅四小件，略慊佢少左DD薯絲好幼身，唔會一咬就散個面煎得香脆，絕對係一個出色既煎薯餅！配埋個酸忌廉食仲可以減少肥膩感～點都要試！招牌芝士焗牛脷盅無想像中咁重芝士，反而係白汁勁牛脷好滑，加上蘑菇，同面果塊唔油膩又鬆化既酥皮一口放入口感覺就好似食雞批咁白汁，肉，酥皮好夾好夾～烏克蘭燒豬腿一眼望落去仲膽心佢好“鞋”點知食到入口又係出奇地滑～加埋佢MIX既香料同醬汁，好味！配菜既椰菜溝蕃茄亦係驚喜！好特別既配菜～烏克蘭焗手制豬肉腸三條無頭無尾既腸都係份量略少，得三條，四個人分都怪怪地！好新鮮既豬肉，真真正正既豬肉腸因為你會真正明白自己食緊豬肉，而唔係腸對食慣碎到無可再碎既豬肉造腸既人而言可能會覺得呢個唔似腸但我就好中意～有腸香亦有肉香～俄式香草燒春雞相比之下呢味就比較普通春雞唔算認真入味，不過食皮果邊都好香好味～肉質上亦比較嚡D春雞理應可以再滑一D！汁料係同豬肉腸一樣，用一份另上既汁呢個雞主要係食汁同奄料，雞本身真係失分！食飽老細再請入冰室飲vodka可惜冰室已經唔多夠凍～有好多古靈精怪既vodka有berry味，有胡椒味～各色其色～我試左胡椒味，都幾過穩幾好味架喎！…查看更多

6月5日, 菲菲比比129週月快樂! 又到咗食大餐嘅時間~ 今次揀嘅係位於中環soho充滿俄羅斯特色嘅東歐菜館Ivan the Kozak! 因為之前食過, 對餐廳充滿俄國風情嘅環境印象好深刻, 早前見到佢推出$138包頭盤、湯、主菜、甜品嘅團體餐, 就二話不說買咗喇! 是夜平日餐廳只有一、兩枱客, 基本上全間餐廳任我地坐, 我地就揀咗個比較闊落又有d裝飾嘅四人枱坐低~::: 烏克蘭正宗羅宋湯 ::: 未去過烏克蘭, 唔知正宗嘅羅宋湯應該係點, 但呢個羅宋湯同平時飲開嘅絕對唔同~ 湯中嘅蔬菜全部都切成幼絲, 茄味唔算突出, 肉味亦較淡, 整體味道較酸, 但無一般羅宋湯咁多油. 因為之後嘅頭盤同主菜都係啖啖肉加濃重醬汁… 呢個湯清清地當係開胃菜確係唔錯~::: 俄國煙肉馬豆湯 :::呢個湯個味道會同羅宋湯有個大對比, 味道比較甜d, 亦都因為加咗煙肉, 所以亦有一陣鹹味~ 一路飲會有d肉呀, 豆茸咁, 都有口感, 唔錯~::: 招牌芝士焗牛脷+ 俄國焗蘑菇 + 三文魚子醬 ::: 團購餐包每人一客三文魚子醬, 另外再自選兩款頭盤, 我就揀咗招牌芝士焗牛脷+ 俄國焗蘑菇. 三文魚子醬以crepe包裹, 伴以少許蔥粒碎蛋沙律同食. 味道其實同平時食日本野嘅三文魚子差唔多, 都係鹹鹹腥腥, 不過配埋沙律同crepe食又幾得意.芝士焗牛脷係一pat野咁, 賣相十分求其… 但味道其實不錯~ 牛脷雖然牛味不足, 但質地夠軟腍, 配上濃香芝士好惹味!俄國焗蘑菇其實都係一pat忌廉蘑菇, 配多士同食~ creamy蘑菇加脆口多士口感同味道都好夾~ 好味!::: 豬腩肉冷盤 + 烏克蘭香煎薯餅 + 三文魚子醬 ::: 豬腩肉冷盤有三片薄切肉, 由於係薄片加上係凍食, 基本上豬味已經係無乜, 好在亦食唔出腩肉嘅肥膩感. 奉上德國麵包一片同酸瓜條, 原意應該都係減輕腩肉嘅肥膩感, 但因為本身個肉都唔覺好肥, 麵包又頗乾, 所以兩樣野夾埋又凍又乾, 酸瓜亦無乜作為.烏克蘭香煎薯餅已經唔熱, 仲頗油膩. 薯餅外皮已經淋咗… 咬落亦食唔都一絲絲嘅薯肉, 反而變為一patpat… 薯仔味道係香甜嘅~ 但因為太油, 再撈埋d酸乳酪醬… 感覺就係膩… ::: 俄式焗兔肉 :::印象中無認真食過兔肉, 所以主菜之一就揀咗要一客俄式焗兔肉試下~ 呢碟兔肉都相當之大對頭, 大大件起碼有半隻兔仔嘅份量! 兔肉連骨架原件上碟, 除咗胸位之外又有脾位, 而且可以輕易同骨架分開,肉質都頗嫩滑, 不論賣相以至肉質其實都好似雞肉咁~ 醬汁係由大量蔬菜絲加白醬煮成, 忌廉味中滲出淡淡蔬菜甜味, 同兔肉亦頗夾! 之不過份量實在太多, 加上醬汁又太濃膩… 再食埋d配菜等真係十分十分飽!::: 焗蘋果鴨胸 ::: 記得之前食過焗蘋果鴨胸係原盅上嘅, 十分之有特色, 亦算係呢度嘅招牌菜之一~ 不過今晚呢味蘋果鴨胸就改用碟上, 風味大減, 亦難以分辨邊d係鴨胸邊d係蘋果… 鴨胸切成一件件, 但由於蘋果醬汁味道太濃, 鴨肉味亦被掩蓋不少. 蘋果醬汁甜中帶酸, 蘋果粒亦煮得粉粉腍腍, 唔係唔好食, 不過唔係我地杯茶啫~::: 俄國蘋果肉桂薄餅 ::: 其實食完主菜已經好飽好飽! 好彩呢個蘋果肉桂薄餅都唔算太大件… 整體唔會太甜, 亦唔會好膩~ 唔錯.::: 雪糕 :::雪糕就係普通貨色~ 加d朱古力醬咁囉…::: 捷克啤酒 ::: $55雖然唔係成日飲啤酒, 最主要呢個生啤嘅味道好富麥味, 苦味比較多~::: Peach Beer ::: $40食歐洲菜經常都有d唔同味道嘅果味氣酒飲, 最常見嘅都係apple cider之類嘅野, 今晚就試咗個蜜桃啤酒~ 蜜桃味好香甜, 令酒變得好易入口, 好好飲!餐廳位置係有d隱蔽, 不過因為之前都曾經去過, 所以都唔算難搵, 反而一開頭上錯樓梯行咗去餐廳酒吧嗰層… 而其實餐廳入口係喺地下. 雖然是夜人客唔多, 但其實侍應亦只係得兩三個, 所以服務係比較慢… 其中一個唔係好熟手嘅女仔仲要無落單, 搞到我地等咗成半粒鐘先有得食! 其實服務質素未夠殷勤, 但態度係好嘅~ 期間都有主動問下我地d野啱唔啱食, 亦都好落意幫我地影相! 總括而言, 論環境氣氛呢度係有嘅~ 食物呢, 就可能要食番d正常menu先知係咪夠正宗. 有機會都會再嚟試~ 不過今次個團購餐就只係值個ok啫!…查看更多

約在兩年多前,我已有一個wish list,這wish list排行了本人希望在有生之年能可以一去的餐廳. 當中包括-東歐餐廳 Ivan The Kozak.問心,當年排了東歐餐廳 Ivan The Kozak在我的wish list裏,最主要目的便是餐廳內裏的環境深深吸引著我,因內裏的環境真的有點"少女情懷總是思"的感覺. 每當到了生日月份,朋友總給我選擇餐廳的機會,所以我也不會放過我wish list內裏的餐廳. 在總多餐廳裏,我選擇了東歐餐廳 Ivan The Kozak,和一男一女,計埋我兩女一男來一起進入東歐國家這一個世界.記得來之前,我也有看看openrice的評語,有不少食家也覺得內裏有一個男職員的態度麻麻地,今晚就讓我來証明一下吧!來到,有一位外籍女職員招呼我們,安排我們入座,態度有禮,只是欠缺笑容.由於尚有朋友還未到,所以我便order了餐廳唯一一款的生啤-捷克啤酒-$40捷克生啤,真的很少地方提供的生啤,我也不容放過來試試. 第一次品嚐捷克啤酒,味道有點淡,很普通,和一些普通酒吧提供的喜力,嘉士伯差不多,沒有一點特出令我加深印象. 人齊後,便開始揀選美食. 今天,我盡量避免選擇一些只有團購提供的美食,但當中,我不理會團購有還是沒有,我都必要試試不少食家也讚揚的-1)烏克蘭正宗羅宋湯-$54第一碟來的便是烏克蘭正宗羅宋湯.我們三個人一起share兩碗湯. 大家也覺得,湯內裏有點酸,很醒胃.味道很特別,這種獨特暫時在去過的西餐廳品嚐不到的,我們三個也同樣喜歡,希望以下的美食,也同樣令我們喜歡難忘的..2) 俄國什錦沙律-$58在茶餐廳裏,曾吃過傳統的沙律醬罐頭什果沙律或西餐廳的凱撒沙律,今次首次嚐試吃俄國什錦沙律-.感覺也是差不多,沙律內裏有雞肉,薯仔,青豆等,不過它的沙律醬就不同了,沙律醬的酸,夠特別.本來這一個普通沙律,就因為這一個沙律醬令我增加記憶.3)袖珍豬肉餃子-$65在上海小店,很多時也能吃到皮薄的餃子,但這一個餃子的皮,也和我一樣,面皮厚厚的,但相反內裏的豬肉料子便少了點. 所以很快便令我飽肚的感覺.不過,這碟餃子沒添上白色的醬汁真的遜色了點,加上白色酸酸地的醬可以令人醒胃一點,減少了一點飽肚的感覺.這碟餃子能令我有深刻的印象原因,真的要多謝這白色醬汁了.4) 海鮮磨菇卷-$68味道真的很普通.味道真的有點像街邊小食檔或凍肉鋪的磨菇菤.5)俄國炆羊肩-$148今次首次吃到俄國式炆羊肩. 一點也不騷,但反而我吃不出羊的味道. 這種煮法的羊肩,真的有點像蚊牛腩的感覺. 問心,我都是比較喜歡傳統西餐廳烹調羊的方法.6) 東歐地道牛羊炒飯-$108每當去到特色國家的餐廳,總喜歡order這一個國家的飯.如西班牙炒飯,意大利飯等.來到東歐餐廳,也要試試它們的東歐炒飯,來感受一下有什麼獨特特色. 起初當職員把這一碟東歐地道牛羊炒飯,立即令我想起糯米飯的硬. 幸好,飯不硬,也不是軟軟熟熟的.飯像燒的感覺,所以有一點燶燶飯焦的,這種東歐炒飯首次吃到,不坊一試.還記得來之前看了不少食家也批評Ivan老闆態度. 但今天我也看到他和其他食客傾計,每一位食客也笑著和他們傾計,而且更幫幾對情侶找一些餐廳靚角度影相,當中包括我.飯後,他也主動過來和我們傾計. 和他傾計,真的覺得他不是沒有禮貌,不是粗聲粗氣,而是為人爽直口快(和我一樣). 今晚,我和他特別好傾,之後他主動邀請我和朋友免費入到他的雪屋.這雪屋真的很凍呀!我們只穿短袖衣服在這雪房裏,之後Ivan哥倒了兩杯VODKA給我們試,由於我朋友不煙也不酒,所以只有我選擇品嚐. 後來Ivan哥見我一個人飲悶酒,主動說酒是兩個人以上一齊飲才開心,所以最後只有我和IVAN哥亨亨杯乾上. 飲完這杯VODKA ,自然很快暖一些. 正.Ivan The Kozak打洋前,最後只有我這一枱客人,之後我也得到Ivan哥批准可以在餐廳任影相. 他的東歐餐廳真的很靚,很有特色.不知什樣,真的覺得這餐廳很夢幻的感覺,在這餐廳三小時,再一次讓我覺得-少女情懷總是詩的感覺. …查看更多