更多
2019-09-21
555 瀏覽
中秋節嘅晚上黎到尖沙咀食飯,睇中咗呢間Cheese Factory。去到門口都未到18:00 已經有好多人係門口排隊等位,睇見大家都排隊,我都去排埋一份。點知原來只要你係兩個人,可以接受「用餐限時2小時」的話,可以即時入場!(傻傻的我,排咗10分鐘先知,哈哈)一入場都發現間餐廳幾大,入面有好多位,仲有唔少卡位。成間餐廳用咗黃光,營造咗一種好舒適、放鬆嘅感覺。一坐低就有一份厚厚嘅menu,有成21頁,中英對照,都幾花多眼亂傢,樣樣都睇見好好食咁。今次揀咗一份小食、一個主菜、一件蛋糕:炸魚薯條 Fish and Chips $178, 雞肉蒜香檸檬忌廉意大利幼麵 Pasta Lemon Gar Sauce $188, 鮮香蕉忌廉芝士蛋糕$80 落order個陣可以叫埋餐包,同outback一樣都係可以refill嘅,就可以係等主菜期間食下餐包。Cheesecake Factory 呢款餐包就有齊黑糖同原味兩款,配有一小塊牛油,用黎塗麵包。個人認為黑糖麵包比較好食,兩款都比較硬身,上枱時只有略略切開,所以食個陣要自行再用餐刀切開,一切就成碟都係麵包碎⋯⋯或者用手撕開會比較好⋯⋯上菜速度都算快
去到門口都未到18:00 已經有好多人係門口排隊等位,睇見大家都排隊,我都去排埋一份。
點知原來只要你係兩個人,可以接受「用餐限時2小時」的話,可以即時入場!
(傻傻的我,排咗10分鐘先知,哈哈)
一入場都發現間餐廳幾大,入面有好多位,仲有唔少卡位。
成間餐廳用咗黃光,營造咗一種好舒適、放鬆嘅感覺。
一坐低就有一份厚厚嘅menu,有成21頁,中英對照,都幾花多眼亂傢,樣樣都睇見好好食咁。
今次揀咗一份小食、一個主菜、一件蛋糕:炸魚薯條 Fish and Chips $178, 雞肉蒜香檸檬忌廉意大利幼麵 Pasta Lemon Gar Sauce $188, 鮮香蕉忌廉芝士蛋糕$80
落order個陣可以叫埋餐包,同outback一樣都係可以refill嘅,就可以係等主菜期間食下餐包。
Cheesecake Factory 呢款餐包就有齊黑糖同原味兩款,配有一小塊牛油,用黎塗麵包。
個人認為黑糖麵包比較好食,兩款都比較硬身,上枱時只有略略切開,所以食個陣要自行再用餐刀切開,一切就成碟都係麵包碎⋯⋯
或者用手撕開會比較好⋯⋯
上菜速度都算快,大概20分鐘之內都上齊小食用意粉,全部都新鮮熱辣
用大大個碟裝起,十分之大份
$178
13 瀏覽
0 讚好
0 留言
炸魚薯條 $178:
一共有5大塊魚塊,底下係一大堆新鮮炸起嘅薯條,每一條都鬆脆得黎唔太乾身,有沙律醬同蕃茄醬,仲配有一小碟沙律解一解膩。
不過大家食個魚塊陣要小心,我就食到有一件係有一條魚骨,其他都無事嘅。
$188
14 瀏覽
1 讚好
0 留言
主菜:雞肉蒜香檸檬忌廉意大利粉 $188
呢碟意粉嘅味道好新奇,同平時食開嘅意粉味道好唔同,加咗檸檬忌廉,令成碟意粉都係酸酸地、好開胃、好清新,亦都唔會過於乾身/太濕。
配有好多雞肉,可以每食一啖都做到有意粉同雞肉一齊嘅口感。
食完主菜同小食,其實已經好飽,但一場黎到 Cheesecake Factory,就點都想食埋佢地嘅cheesecake
$80
16 瀏覽
0 讚好
0 留言
呢款香蕉蛋糕,面頭有好幼滑嘅巴伐利亞式忌廉,餅底唔會太硬身,夾埋鮮香蕉片一齊食,甜而不膩,係呢一餐完美嘅句號。
-
有加一服務費
-
張貼