泰亭 (已結業)

去左朗豪坊行街見肚餓就搵左間未食過既餐廳試下。見呢間野冇咩人就決定試下。叫左二人套餐 貪佢咩都有。侍應姐姐應係泰國人吧 都好有禮拜而食物方面 個人覺得全個套餐最好食係個椰汁糕！

 星期四晚8:30pm, 行完街係商場內見有泰國菜, 原來朋友試過ok, 就介紹我試試.見人流唔多, 有點擔心, 好彩都好味, 只係部份既分量細左d.無骨鳳爪沙律, 酸辣度都重, 而且越食越辣. 呢個分量都夠, 有6-7件.炸蝦餅, 4件都大件厚身, 食落彈牙爽口, 配甜酸醬好正.椰汁青咖哩牛, 椰汁好香好濃, 有4片肉, 配料有泰國茄子同長豆, 香料等等.呢款唔辣, 青咖哩係好易入口既, 送飯/點包一流. 只係肉既分量再多點就好.蒜香法包, 滿滿牛油, 脆卜卜又香蒜味, 就甘食都已經好正.點咖哩可以吸哂d 味仲吸引.沙爹 (豬, 雞) , 燒得唔乾好易咬, 豬同雞都軟淋. 但分量超級少.個沙爹醬好惹味, 好香 花生味.芒果沙冰, 夠哂冰涼, 不過芒果味淡d, 而且唔甜冇咩味.

好耐冇同舊同學食飯喇，因為一來大家出嚟做野之後真係忙咗好多，二來，大家都有各自新嘅朋友圈子嘛~~XDXD因為今次幫朋友買咗嘢，好順理成章一定要出嚟見吓面喇~朋友話唔想食太HEAVY嘅嘢，我諗咗好耐，咩叫唔HEAVY呢……XDXD最後，因為我要去朗豪坊買嘢，佢就話，要如去戲院門口嗰間泰國嘢食基本上佢之前叫泰蘭花嗰時我都未食過，只係食過佢MEGA BOX嗰間，感覺唔錯，所以都好期待試吓呢間~酸辣豬頸肉沙律 - 其實我個人一向都唔係好鍾意食有酸味嘅嘢，但係偏偏唔知點解，泰國嘅酸辣又好岩我胃口，尤其呢個豬頸肉沙律，酸味啱啱好，唔會太重手，辣味亦唔會過辣，亦都有好多汁，配料係青瓜絲，唔會吸太多汁，如果對唔係太食得辣嘅人嚟講，都係可以接受程度嘅豬肉濕炒河 - 呢個簡直出奇地咁好食，我起初完全唔期待呢味河粉，因為濕炒河多數除左濕之外，都係濕，味道唔會太突出，但係……呢間個濕炒做得唔錯，雖然都係濕，不過就唔會因為濕過頭而令到啲汁味道淡咗，同埋都有好多菜係入面，有西蘭花、椰菜、紅蘿蔔、重有芥蘭，而河粉佢亦都唔係一般好幼嗰啲，而係粗幼不一嘅河粉，呢個我好鍾意~~鹹魚炒珍珠椰菜苗 - 呢個個汁都係好啱我口味