魷味 (已結業)

眾所周知去葵廣一定要掃街...呢間小店係角落位置，成日都好多人幫襯。今次試咗佢地嘅玉子燒同炸壽司，兩樣都有驚喜！ 第一眼就見到呢個芝士煙肉玉子燒（$28），二話不說即刻order！雖然當時客人多，舖頭得兩個員工手忙腳亂，都係等咗十分鐘都無就有嘢食✌🏼作為芝士狂魔嘅我見到呢個芝士玉子燒可以拉絲拉到半個人咁高簡直係想尖叫😍😍😍除咗芝士份量比得好大方之外，入面嘅煙肉同粟米亦係好足料，味道同台灣夜市嘅玉子燒有得比！另外佢嘅炸壽司（$22）亦好吸引，金黃色嘅賣相令我諗都無諗就叫咗🤷🏻‍♀️雖然壽司飯有少少痴牙，但味道真係唔錯😆😆腸仔做餡嘅炸壽司同沙律醬簡直係絕配！下次嚟葵廣掃街又多一個必食嘅item😩😩究竟幾時先減到肥

開頭一聽呢間個名真系以為系專整魷既食物lol，原來系有玉子燒、大阪燒、車輪餅、西多士、炸壽司。幾中意食玉子燒既我見到有明太子味，緊系即刻去試，玉子燒本身已有粟米、蟹籽、芝士，一個玉子燒有齊咁多料都淨系$28幾抵玩。開頭食落去覺得都ok既，但蛋香味真系吾濃， 好似只系普通炒蛋加啲沙律醬，我吾系好認為可以稱等上系「玉子燒」，入面系有明太子但系亦加左啲薯仔系入面，仲要辣辣地，我吾明點解無啦啦會有薯仔仲要系辣的？其實我本身系中意食薯仔但真心覺得同明太子吾match，比較抵讚既只有做到拉絲效果既芝士。友人就叫左一份炸壽司，呢個反而就吾錯，感覺上吾會炸完之後得炸粉，仍然保留壽司既感覺，啲飯會鬆鬆地咁，而吾系成舊野，不過又系吾明點解無啦啦要加沙律醬系度？食完兩款野食之後得出一個結論就系店舖中意加啲吾系好match既野落去，其實加之前應該問下客人意見先⋯⋯既系對客人既一種尊重，亦系對店舖既一種尊重。

葵芳行街搵食第2站 – 芝士玉子燒 + 炸壽司！其實呢個位置前身係賣手卷，記憶仲都係好早已經存在，但我諗太多人一齊賣手卷，呢個位置又唔太突出，所以都執左LU!轉左做呢間~~其實呢間最出名好似係巨型日式大阪燒，但我同友人都冇咩興趣~所以ORDER左芝士玉子燒+ 炸壽司芝士玉子燒芝士玉子燒 - 期待左好耐!內涵本身已經有粟米, 蟹子同芝士，仲可以揀多一款 (分別有蟹柳,煙肉,火腿,白磨菇,龍蝦沙律)，我地就揀左龍蝦沙律。 好不錯! 芝士真係可以拉到絲，而玉子都好嫩滑，不是那種好實的玉子~另外，仲叫左個炸壽司又係有2款可以揀，就係蟹柳同埋芝士腸我地就揀左蟹柳！由於係即叫即整，所以超新鮮熱辣辣！炸壽司上加了 '支鹽'係面，非常野味！不過小心辣咀呀XD