宇鮨日料 (已結業)

對比鬧市日式料理餐廳，價格相對平民，午市顧客唔算多，唔覺意包咗場。裝修偏向新淨同日系，可以選擇坐窗邊望街景。除咗飯、烏冬之外，亦可以單點壽司同小食。炙燒海鮮丼($62)賣相不錯，配菜有玉子燒、酸薑、青瓜，海鮮有三文魚、吞拿魚、蟹籽，份量十足😋跟餐配味噌湯，清清地。推介：❤️❤️❤️❤️🤍價錢：❤️❤️❤️❤️🤍味道：❤️❤️❤️❤️🤍賣相：❤️❤️❤️❤️🤍吉列蝦蠔烏冬($54)吉列蝦同蠔口感鬆脆、食落多汁唔會太乾，鍾意食炸物可以一試。推介：❤️❤️❤️❤️🤍價錢：❤️❤️❤️❤️🤍味道：❤️❤️❤️🤍🤍賣相：❤️❤️❤️🤍🤍

發掘吓社區隱世美食真係太令人興奮喇，興奮在冇中伏之餘仲好有驚喜，冇諗過石籬都會有咁高質嘅日本料理呢間餐廳其貌不揚，似係做開街坊生意但估唔到池魚刺身嘅擺盤可以靚成咁，尖沙咀嗰啲都未必有咁靚，仲要極其鮮甜，肉質一流，配上醋、蔥粒、辣蘿蔔蓉同薑蓉都好正想食赤崎蠔好快售罄，好彩仲有赤穗蠔，size雖然冇咁大，但鮮香creamy，混埋海帶、青檸汁、醋汁等真係不得了秋冬最好食蟹，嗌個蟹膏蟹肉壽司迎接冬季，爆肉好足料燒鰈魚邊油香滿溢，食完真係把口朗過油咁，香到唔想飲茶炙燒海鮮丼有好多種魚生，仲要粒粒都好大粒，燒得勁香噴噴，啖啖都係味蕾上嘅新衝擊三文魚都有三種玩法，生食、燒熟同魚皮位，啖啖都香口價錢仲好街坊，仲有碗暖暖嘅蜆煮味噌湯附上𠻹薯餅有芝士流心，唔係間間有，呢間大大嚿，啖啖都有芝香，外脆內綿，正過芝士年糕大胃未食過咁好食嘅螢光魷魚，唔會得個鹹字，好清甜，會上癮，係漆黑中嘅螢火魷魚鮟鱇魚肝好厚身，有啲口感，唔會腥仲好有香味，食落非常滿足，不過如果有酒飲就仲正