泰國大城船麵

出色泰色奶茶🥤🍝炒鮮蝦金邊粉好味指數：👍🏻👍🏻👍🏻👍🏻金邊粉炒得好均勻，每一條都呈現鮮橙色，影起上嚟好上鏡。配料有大蝦、豆角、芽菜和半碟沙律菜，醬汁調味偏酸，如果喜歡食酸嘢嘅朋友仔就可以試吓啦。🍛泰式炒飯（雞肉）好味指數：👍🏻👍🏻👍🏻👍🏻飯粒炒得夠乾身，配有雞肉、蕃茄和芥蘭粒，令到成碟飯都唔會太過油膩。🐔海南雞好味指數：👍🏻👍🏻👍🏻👍🏻👍🏻 雞肉非常之繳滑，完全唔會鞋口。而且仲會有雞肉嘅鮮味，配上店家自製嘅酸辣汁非常惹味。仲要係去咗骨，識落好方便，啱晒女士們進食。🥥椰青好味指數：👍🏻👍🏻👍🏻👍🏻大大粒，又清甜，非常解渴。🍹泰式奶茶好味指數：👍🏻👍🏻👍🏻👍🏻👍🏻 呢間餐廳嘅泰式奶茶做得非常出色，首先有正宗泰式奶茶應有嘅橙紅色色調，而且飲落又好香嘅泰茶香氣，甜度亦都好足夠。🪑環境適合1-4人入座。以下係餐牌俾大家參考一下：…查看更多

茶記既價錢同環境但泰國餐廳既質素同服務意外地去左一間性價比超高既餐廳喂呀🥰🥰✌🏻開～～心～～仔～～又要大大力推～～～～～🙌🏻▪️Ayutthaya柚子沙律 $68▪️比起柚子碎上我更愛大大舊既柚子🤩食落爽皮啲口感都好啲，魚露及青檸汁撈勻蝦米仔、青瓜絲、花生碎、乾蔥蒜、芫荽，酸酸甜甜，真心好清新但同時又好惹味，堅開胃😆▫️酸辣豬頸肉生菜包 $78▫️豬頸肉從來都係人間美食黎🤤最緊要邊位燶燶地，焦香特別出，油膩就一定有架啦，不過食得就預左，所以包住生菜再配以酸辣既汁醬，清新得黎亦不忘帶到少少刺激惹味，絕對係大大力推🙌🏻♥️▪️炒鮮蝦金邊粉 $68▪️又係食泰菜必食既碳水化合物🤤大大碟，橙橙紅紅好sharp醒，夠鑊氣之餘又炒得乾身唔會好油，而且酸酸咪咪油膩感即刻無咁重！！蝦仁彈牙都算大隻，食完笑蝦蝦🤣🤣🤣🤣✌🏻▫️海南雞飯 $58▫️令立立既海南雞，皮下脂肪都幾厚，一定唔怕凍🤣🤣🤣肉質嫩滑有雞味，無骨可以放心大大啖咬都唔怕，但個人較喜歡有骨可以輪下😝有碗冬瓜湯再配油飯，份量勁足！▪️斑斕椰子湯圓 $58▪️有七成係因為佢而黎！職員放低已經聞到好香，白色既「大海」係超級香既椰漿😳內藏五粒綠色湯圓，煙煙韌韌間滲透陣陣斑斕香，裡面包住粒粒花生餡芝麻等，鹹鹹甜甜好過癮🤤仲有啲椰肉爽爽地食下，甜度對我黎講稍為高左少少，但依然要比滿分😋▫️芒果白糯米飯 $68▫️份量足！芒果兩大片激甜🥰大大舊糯米飯微暖，面頭唔吝嗇嘅椰漿，濕潤左煙韌至偏硬既糯米飯，甜度高左少少，但整體依然非常好味！▪️泰式咖啡▪️用一個公雞碗裝住幾盞鬼😆朋友話好柔滑香濃，甜度剛好，不過佢覺得靚係靚，但飲起上黎唔方便喎🤭▫️泰式青檸茶▫️呢個相對普通啲，就係檸茶咁款😌…查看更多

星期五放工同朋友喺銅鑼灣食晚飯，大家食咩都無所謂，志在坐低傾吓計。我哋行經謝斐道，並留意到「泰國大城船麵」呢間餐廳🇹🇭，皆因有唔少人排隊，而且佢門口所張貼嘅二人餐內容好似好抵食咁😍。餐廳好旺場，要等位先入得，不過店員安排妥當，並主動同客人落單先，所以入座冇耐就已經有嘢食👍。店員們服務態度好好，適切提供協助，面帶笑容。呢度環境正常啦，光猛乾淨嘅。精選二人套餐承惠$298👯‍♀️，總共有四款菜式，我認為份量適中，不過主食得一樣，如果兩個男仔食就可能要加多樣嘢。我建議餐廳可考慮加入船麵，等客人嗌套餐都能試到招牌菜嘛🍜。碎肉生菜包(單點價$68)，其實我自身對呢樣前菜無乜興趣，但跟餐就一試無妨。🐷碎肉可揀豬肉或雞肉，並可選辣或唔辣，雖然叫咗辣，但辣度輕鬆，老少咸宜。碎肉加咗青檸汁，味道清新🍋，而且仲混入種籽粒粒(藜麥?)，口感微脆。泰式古法煲仔翅(單點價$128)，佢同海南雞二選一，好難揀🙈，最終見近期天氣轉涼，所以就揀食暖笠笠嘅煲仔翅。煲仔翅相當足料，包括有🐟魚翅、蟹肉、花膠、金華火腿、雞絲同冬菇等，每啖食落都覺得好豐富，而且鹹香十足。炒鮮蝦金邊粉(單點價$88)，金邊粉大大碟🥢，味道偏清淡，並非泰菜既有嘅重口味，如果味道稍為酸啲會更佳。炒粉配有四隻鮮蝦🦐，同時亦有椰菜絲、花生同蔥等作伴。麵條本身處理得唔錯，無整到碎濕濕或漿成一餅嘢。炸蝦餅(單點價$88)，蝦餅係預期中嘅好食。每件都大大嚿，夠厚身，食落爽口彈牙🍤。即使佢係油炸，但亦未覺油膩，唯一挑剔嘅係單點價錢略貴。飲品方面🍹，我哋嗌咗凍泰式奶茶($28)以及珍多冰($28)，兩杯都OK，只係開頭飲覺得偏甜少少，但食咗嘢再飲就變得啱啱好，得咗！總括嚟講，餐廳喺銅鑼灣區稱得上係性價比高⚡️，縱使食物味道未必用驚艷嚟形容，但亦絕對令人滿意。如果套餐唔啱食，其實散叫亦可，選擇更具彈性😜。…查看更多

二人餐$298泰式古法煲仔翅 「集腋成裘」大概就係呢個煲仔翅嘅意思。將冬菇、魚唇、金華火腿、金菇等等材料平均咁融合喺一個煲入面，真係太好食啦唔會過濃變鹹，而係啖啖都食到食材精華，不過可能部份食材(魚唇?)未浸發得透，有啲位咬唔到.碎肉生菜包（雞肉）酸酸辣辣的雞肉碎，一個字，「開胃」～想讚佢嘅生菜，呢度選用西生菜，本身菜葉都成個兜型咁，好容易包住雞肉餡～.炒鮮蝦金邊粉大份夾得食，入邊仲有四五隻大嘅蝦，肉質食落幾結實，金邊粉炒得算乾身，之前食過出面好多都過濕架.芒果白糯米飯喺糖水鋪/街市泰式小食鋪頭食到嗰啲芒果糯米飯嘅糯米通常係凍食，而呢間餐廳嘅糯米飯係暖笠笠架，食落另有一番風味😇溫度將椰汁嘅甜度自然咁提升，芒果size中規中矩啦.泰式奶茶(熱) $26呢度係用碗裝奶茶，上檯見到奶茶bulu bulu起泡， 似係即叫即滾咁🤩飲落偏淡味，「甜」係泰式奶茶一大特色，但呢碗完全同個甜字扯唔上關係，反而奶味行先，突顯唔到甜甜的茶味🥲.椰青🧉 $38有個疑問就係點解喺泰國飲嘅嘢青係唔清甜但係喺香港飲嘅反而係幾清甜好飲的，真係諗唔通唔明🙁唔多講椰青真係好好飲，食得泰國餐廳一定要叫😙.…查看更多