糖品

營業中

休息中

🍍筲箕灣東大街出名多野食係人都知，但西式甜品店就唔多，依間「糖品」已經喺東大街屹立左好多年，🤗最有誠意嘅地方係雪糕用上Mövenpick/比利時Glacio 雪糕，雖然細細球，但成本貴都明嘅😏-🥭芒果法式杏仁酥 $58睇個賣相已經好吸引，由🥭超甜芒果粒、暖暖地嘅一口杏仁酥、三四粒芒果雪葩凍餅加埋一球自選雪糕組成，杏仁酥入口鬆化冇負擔🌬但食到最尾雪葩凍餅都幾膩🤰🏻，同行嘅朋友叫輕量嘢會比較好，好似焦糖燉蛋或者疏乎厘😏-去過幾次食過抹茶窩夫、火焰雪山、焦糖燉蛋同埋朱古力冰露都唔錯，🍵抺茶窩夫當然唔夠夏雪好食，但而街坊店嚟講都算唔錯，而🔥🗻火焰雪山怕酒精味嘅朋友就唔好試啦，食落會有啲苦苦地嘅酒味，但影相打卡個唔錯嘅📸

來到筲箕灣同朋友吹水食糖水，朋友提議在東大街的糖品食糖水，星期五的晚上都要在門外大約等了10分鐘先入到店內～芒果腸粉，每條腸粉都好粗，在腸粉的表面倒上了芒果汁，腸粉的皮是用了椰汁拉成，皮有甜甜的椰汁味，而且皮薄好滑，芒果好甜其食落去啖啖肉，好值得一點～火焰雪山，唔多甜品店有火焰雪山叫，而且這店用的雪糕是Movenpick 同 Glacio 較貴價的雪糕，所以都想試試質素又得唔得，大約等了15分鐘左右的製作時間，因店員送上枱時倒上酒然後點火，期待的一刻終於出現了，著火的雪山好靚呀，當然要影下相同欣賞下～食落去表面因被火燒過，所以有點兒苦苦地，不過苦味都可以接受，食到好濃味的酒味，雪糕就揀Movenpick的雲呢嗱，都是最愛這款味道，不過雪糕份量如果多返少少會更好，雪山表面的蛋白有錦錦的口感，整體都幾好～

都食過幾次，樓面比較細，次次都要等今次食飯預祝生日，叫咗個火焰雪山當生日蛋糕，幾大個，點火嗰下有啲驚，隔離枱都好奇影相。味道正常，一個人都食得哂比較鐘意個南糖瓜雪耳糖水，養顏夠正氣，上得都幾快

個晚一行六人去食完打邊邊，之後見時間尚早，繼續再係東大街再搵過食。結果我哋求其搵間甜品屋來試下，行行比我哋搵到「糖品」呢間甜品屋，而且又即刻有位安排入座，你哋知啦係東大街啲鋪頭都好細間，坐位有限，仲要係我哋都有成6個人，坐嘅位都舒服，一啲都唔迫，環境又唔錯，真的好好彩!食甜品呢家嘢會真係令人開心又興奮，見到MENU上嘅圖，咩到想食，最亮點位係呢間鋪用嘅雪糕係MOVENPICK, WOW 超吸引!!!大家諗咗一陣，最後我哋就叫咗1個火焰雪山、3個朱古力冰露、1個朱古力心太軟配朱古力雪糕，同1個綠茶心太軟配士多啤利雪糕。首先講下個「火焰雪山」先，當然大家食過都知係會點火，玩下花臣，都幾特別下。不過一提如果叫呢款甜品，考慮下自己係好食得之人先好一人去食火焰雪山，如果唔咪最好係2個人先好食一個，原因係會越食越膩。而我當然揀咗我至愛嘅「綠茶心太軟配士多啤利雪糕」，WOW……真的好好味，好濃嘅綠茶留心，又唔甜，又好熱再加上冰凍士多啤利雪糕，甜甜地加一點酸酸地嘅感覺，簡直係絕配。講真，呢間甜品屋賣相好正，最重要係好好味，而且服務都OK，真係值得推介!!!