十和田總本店

營業中

休息中

朋友起英國返嚟，話想食刺身壽司經過篩選之後搵咗呢間見佢晚市選擇多：刺身拼盤、壽司、手卷、湯烏冬、壽喜燒、刺身丼、日式定食都有可惜朋友唔太肚餓🤣只係點咗刺身同茶碗蒸而我就叫咗個刺身丼本身亦有二人餐▶️ 火炙魚生飯 ($138)係秋季限定款式✨原來一碗已經有八款刺身！本身掙扎咗好耐要北海道帆立貝松葉蟹丼 (價錢有啲貴)定雜錦丼呢個就可以滿足到我啦😌有吞拿魚、三文魚、魷魚、帶子、赤海蝦、油甘魚、鰈魚邊、鯖魚、三文魚籽！大部份經過炙燒，食落唔會太生刺身厚切，全部食落肥美比較出色係炙燒吞拿魚、三文魚、帶子💗入口好嫩鯖魚調味好香，味道突出油甘魚比想像中好食，冇一般食落嗰啲咁韌第一次試鰈魚邊，比較油膩，個人麻麻哋魷魚滑潺潺，都唔係我杯茶🙈赤海蝦刺身一般般🦐蟹膏食落有啲腥鍾意呢度啲壽司飯事先用醋酒調過味，唔係白雪雪嘅👍🏻口感仲好好，比較粗身混合埋啲爆魚油三文魚籽好正-整體刺身質感唔錯，唔韌不過美中不足係欠缺鮮甜味道，同埋嫌佢唔夠炙燒，冇咩煙燻香味😗環境OK，星期五晚都多人，限時1小時服務可以，上菜快手多數晚市一個足料刺身丼飯都要～$250，呢個加埋一$150🥰算唔錯

🍣呢間係尖沙咀嘅日本餐廳由開業至今都成日有人排隊 今次終於去試下係咪真係咁正 當晚同樣係滿座🥢火炙魚生飯$138餐牌寫係秋季限定 雖然唔知點解 魚生超足料 種類好多 有三文魚，左口魚，帶子， 吞拿魚，牡丹蝦，穴子，三文魚籽。三文魚同吞拿魚都好厚切 肥美 ，刺身經火炙後油脂味更香👍🥢鰻魚飯 $98鰻魚飯性價比真係好高 鰻魚好厚肉 而且好大條 上到枱面先捌開盒蓋令鰻魚飯保持到夠熱鰻魚食落唔會太膩 配鰻魚飯同鰻魚汁食 好正😋🐤炸雞件 $38炸雞炸得好香脆 入面雞肉保持到嫩滑juicy 一口一件🥚茶碗蒸 $28蛋好滑 配料都好齊 有嗚門卷 蟹柳 菇 雞肉 不過如果再熱d更好🇯🇵餐枱上仲有我最愛嘅抹茶粉沖茶 濃淡可以自己決定🇯🇵整體食物質素都出色 而且性價比都高 下次黎試埋壽司先

呢間餐廳食過幾次，每次去都好多人。平日夜晚7:30去到都幾乎滿座，可以揀吧枱食或者普通枱。呢度係用電話落單，幾方便。平成卷 ($148)有海膽，吞拿魚蓉，三文籽，樣樣都係我中意嫁。壽司飯唔係用白飯，而用咗赤醋調味，所以上枱已經賣相一流。海膽同吞拿魚蓉先慢慢溶入口，中間小青瓜又帶點爽脆，成個平成卷層次豐富。👑火炙左口魚邊丼 ($138) 唔知有冇人同我一樣都中意食左口魚，左口魚邊火炙過後好滑，油脂爆晒出黎，去親日本餐廳有左口魚我都會嗌。呢個丼飯至少有5-6塊左口魚邊，全部都充滿油香，配埋赤醋飯一流。係一邊既海膽亦好鮮甜，仲要份量都唔係少，呢個丼性價比高又好食！火炙魚生飯 ($138)呢個係秋季限定，希望佢keep住有喇，因為呢個飯都好好食。每款刺身都大大件，火炙吞拿魚又大件又肥美，仲有大蝦，星鰻，帶子等，樣樣都大大件，成個飯可以食咁多款刺身，仲要樣樣都鮮甜有油香，呢個飯都好推薦。

尖沙咀人氣壽司店 十和田主打壽司、刺身、丼飯 食物選擇唔少最有特色既莫過於琥珀色既赤醋飯 酸度柔和 容易接受 餐廳座位較為迫夾 一張二人枱就未必擺得晒啲野食▪️火炙魚生飯 (秋季限定) $138魚生種類豐富 有三文魚腩 吞拿魚 左口魚 魷魚 鰻魚 帶子 牡丹蝦 三文魚籽經火炙既魚生 油脂被迫岀 入口帶微微焦香同油香 特別鍾意火炙左口魚 肥美油脂感豐富 帶一點入口即融鰻魚軟嫩偏薄 但勝在燒得好香口三文魚肥美厚切 但食落就有少少腥▪️吞拿魚三味壽司 $108赤身 中拖羅 大拖羅 每一款都好厚身赤身柔軟 中拖羅中規中矩有筋大拖羅油分豐富 啖啖魚油甘香 帶點入口即融 肥仔至愛 不過都係有啲筋▪️吉列炸蝦卷 $78吉列炸蝦外皮脆身 唔會太厚 加上爽口青瓜同魚籽 口感都幾豐富

好似好出名，餐廳都有唔少人排隊。book左枱就唔使排枱面冇餐牌，係憑掃描QR code下單。1.蟹膏沙律一上碟真係嚇親。係咪癡左線，成碟都係蟹肉同埋蟹膏！蟹肉食極都有，份量足料到離譜。菜式應該叫做蟹肉蟹膏生菜吧。蟹肉也算鮮，蟹膏也香。然而成碟食就會覺得越食越鹹，建議3-4人食會好d。2.火炙魚生飯餐牌寫係季節限定有好多魚生，份量照樣好有保證。大部份魚都係燒至半生熟，例如三文魚、吞拿魚、蝦、魷魚、帶子等。三文魚同吞拿魚出奇鮮美好驚喜。三文魚子同出面食嘅味道有d唔同，感覺本身的魚腥味較淡，但多了種鮮味。鰻魚薄身好易入口。個別的魚有更強火炙味，又絕對唔會燒焦，恰到好處。飯主要帶甜味及微酸，非常開胃。飯量之多足夠兩女士吃有餘。3.三色丼三色丼分別有蟹肉蟹膏、海膽、吞拿魚蓉。海膽也算鮮味，配飯一流。而海膽飯面有一些紅色砂糖，中和海膽鹹味，呢一下反而係精髓。蟹肉比起之前沙律的蟹肉明顯更鮮。吞拿魚蓉味道亦好好，而且飯面夾著一塊紫菜襯托單一嘅吞拿魚味令味道變得更豐富。但比較可惜係幾樣野都比較膩，加上叫左蟹膏沙律，膩上加膩。呢d同餐廳冇關。整體食物質素及份量都絕對係中上，勝價比高。然而不足嘅係兩個飲上菜