三田製麵所 (金朝陽中心二期 - Midtown)

已經想試沾麵好耐終於俾我試到基本上佢沾麵款得辣/唔辣我叫咗個 濃香豬骨魚介沾麵 ($78)雖然有set lunch 如果再加錢叫小食就送汽水否則價錢一樣個人覺得唔抵亦唔飲汽水所以散叫算上菜快 5分鐘唔洗就有賣相唔錯勁細心 服務員問洗唔洗要圍裙 怕你沾沾下啲麵 彈曬啲汁落件衫到先講配料半熟蛋好食 蛋黃流心得黎’傑傑’地👍🏻叉燒算大片 不過得一片 都有啲肥肉 不過就係依個比例令個叉燒淋啲至於沾麵本身 雖然貌似拉麵 但係食落硬身好多 已經唔同 而且彈牙好多啱曬我口味😋到湯底 因為沾麵本身冇味 (唔似拉麵本身浸起湯) 湯底較濃味同鹹 但係唔怕 因為點幾多湯係你自己調較另外佢較’傑’ 咁先可以痴住啲麵一齊放入口食到湯底嘅真正味道重點係湯上面有塊紫菜 紫菜上有啲肉鬆碎不要睇少佢 幾好味😝-冇令我失望嘅沾麵不過如果你原本唔鍾意硬麵/食好似未煮熟嘅麵可能會唔啱食另外要讚係員工服務好主動走黎問洗唔洗加湯👍🏻又有禮貌~$80一個麵貴咗少少 因為餸較少 但係係好食嘅…查看更多

真的好好吃欸🤩！比周月超出一百倍的水準！完全沒有要挑剔的地方，連蘆筍也非常新鮮爽口、不臭呢！特別要讚他家的麵條，真的是超！煙！韌！叉燒也是一大塊沒有肥肉、沾麵汁也是濃濃的、用來熬湯的肉塊也很好吃、沒有偷工減料！還可以自選分量，重點是價錢都一樣，包你吃到飽。My comfort food under this melancholy weather:) After trying some of the tsukemen in Hong Kong, I bet this one is much more outstanding than those so-called “Michelin” tsukemen restaurants! Their noodles were springy, the pork was tender and no fat at all😍, the asparagus was refreshing and the egg was perfectly handled! The soup base had surpassed my expectation with tangy flavour, it just stimulate my olfactory! You can also choose the portion of the noodles, they serve it for the same price!…查看更多

登龍街從來都唔令人失望 今晚試三田製麵所，八點入座有條隊仔，不過等左唔使十分鐘就入到了。小中大同價，我咁大食梗係食大啦魚介湯超級香濃，好多魚末！胡椒味好重，如果鐘意可以再自己加胡椒。粗麵有口感，用黎做沾麵一流，叉燒冇煎過，所以唔會好多油，仲好香好林，筍同蛋都好好味，略嫌溏心蛋熟左少少，但應該係咁岩唔好彩餐牌介紹食完啲麵可以加上高湯。好味 貪玩試過就咁飲高湯，發現係好清好淡既湯，加埋落濃香魚介湯，溝出黎岩岩好係可入口既咸度 原來真係會飲晒…查看更多

那天下班後去和朋友看at17在伊館的演唱會，但因為身體問題，朋友未能陪我一起吃晚餐；於是，我打算走到登龍街隨便走進一家沒太多人的餐廳，剛巧當天三田竟然沒有人排隊，我當然狗衝進去啦。站在兩對情侶中間的我點了個濃香豬骨魚介沾麵，加一後$85。客人可選擇小/中/大的麵底，價錢一樣。我當天肚子比較餓，加上想著看演唱會，所以點了個大麵底，誰知真的太飽肚了！客人亦可選擇冷/熱麵，聽說沾麵通常是冷麵底，但我個人較喜歡熱騰騰的麵，所以當然不會選冷麵。總覺得吃日式麵不能缺少溫泉蛋，唔食得都睇得嘛！而麵上一大片厚燒豚肉肉質軟稔而入味；把粗大而彈牙的麵沾上濃郁的魚介汁，非常滋味，但由於醬汁屬重口味，故請小心愈吃愈鹹。…查看更多

聽聞登龍街有間出名的沾麵，又從未試過，晚餐就選擇了這間三田製麵所。遠處已經見到有人龍，等了差不多30分鐘才有位。沾麵選擇不多，只分了辣同唔辣，另外麵量自由選擇小丶中丶大或特大。我同朋友都點大分量的濃香豬骨魚介沾麵。濃香豬骨魚介沾麵 ($78)湯底非常濃郁，偏稠，散發很香的魚味。麵質煙韌，叉燒偏瘦，糖心蛋非常之出色，有流心效果，可惜只有半隻。只是食到尾越黎越鹹，而且可能因為選擇了凍的麵底，湯汁沾上凍麵亦好快就變凍。下次要試下點熱麵底，可能會更好味！…查看更多

今日去咗銅鑼灣行街，想搵拉麵食，朋友話去登龍街試吓三田嘅沾麵，我覺得登龍街就嚟要改名叫做拉麵街，就嚟成條街都係食拉麵。食三田要排隊就一定架啦，不過佢就好貼心，大熱天時排隊佢就擺咗啲凍麥茶俾你，一邊飲慢慢排。排左差唔多半粒鐘，終於排到我啦！第一次來我就叫咗個濃香豬骨魚介沾麵，仲唔識死加大埋！另外再叫左個煎餃子同埋自家製炸雞！煎餃子比較普通，唔食無損失。炸雞肉身過火偏乾，一般。不過呢兩樣都唔係重點。主角沾麵，麵身彈牙，個沾汁份量又多，加埋超級濃郁搞到我食唔停口，不覺特大面嘅份量真的不能小虧我都係啱啱食得晒，最後加埋個豬骨湯落去一齊飲晒佢。飽到HiHi。我覺得正常人食大麵已經夠。我呢啲鍾意食肉嘅，覺得加叉燒好過加麵。超大滿足-----完-----…查看更多

小女子仲未去過日本,一路都好想試下沾麵,而沾麵黎講三田唔係第一間據我所知同類型既仲有周月呀,拉麵台風個d都係食沾麵既,但係一路都冇的起心肝去試講返正題先直到今日難得晏晝同朋友出街食遊哂成個銅鑼灣都唔知食d咩好行入登龍街見到早幾個月排哂長龍既三田製麵所冇人咁我同我既朋友緊係衝入去試下係咪真係咁正啦入去之前睇下menu發現佢都有部荼機 比等既客人飲既都幾貼心不過個服務員一approach 我地我就對呢間野麻麻地首先佢態度十分粗魯冇解釋下佢既menu (平時唔洗解釋既, 但係佢個menu 講d set 呀, 每樣野要加幾多錢個d 好唔清楚)到我問佢 會唔會好辣呢d 好common 既問題佢都答到模稜兩可放碗麵上黎更加係冇放輕其實已經好嬲, 好似比錢買難受咁我同我朋友叫左三碗濃香豬骨魚介沾麵(凍)其實沾麵既味道唔錯味道岩岩好但係又未去到一試難忘Over all呢間試一次就夠哂Comment: 淨係有不俗既食物 冇良好既服務態度 應該難d留到客人既心…查看更多

日本後起之秀「三田製麵所」登陸登龍街，原本諗住早啲去試，點知話就話開11點，之前果次10:50去到，佢話內部有問題改為開12點，於是就無法子抵下食第二樣。上星期同女友再挑戰，今次真係有準時開，同埋開門果時都係有人龍，不過由於我地早去，等左15分鐘多啲就有得入座。「三田」裝修都ok，但廚房有塊大玻離隔住左，無其他拉麵舖咁open咁親切。基本上menu唔係好多野揀，排隊時見到人地食湯麵覺得麻麻地，於是我同女友都係叫左佢個主打 「濃香豬骨魚介沾麵」，一個要凍麵一個要熱麵。如同日本一樣，大‧中‧小係同價，而特大就貴10蚊。另外叫左一個set係有炸雞，一個有餃子。落左單以為要等好耐，點知唔駛5分鐘就有得食。開波！先講個汁，正統野，有雞、豬同鰹魚味，基本上係無扣分地方。麵本身有啲硬，香味唔夠但都好ok（個人覺得灣仔另一間沾麵舖個麵好食好多），蛋就一般，但叉燒好硬無乜特別。個人就鐘意凍麵，始終如一彈牙少少。餃子一般野，唔記得影相，似商品多啲，睇黎都係唔係自己包，係入貨番黎煎食完之後,一如以往落埋清湯，試下沾汁湯，味道正正常常無驚喜。食物價錢：「濃香豬骨魚介沾麵」：$78 加一。不過不失，唔加一的話價錢算係ok「炸雞」：$20三件，雞無雞味，得啲雪味，仲炸到乾曬，調味只係加晌面頭十分失敗「餃子」：$20又係三件，似商品(唔記得影相) …查看更多

店名：三田製麵所地址：銅鑼灣登龍街1號金朝陽中心2期Midtown地下D號舖好味指數：8／10價錢：$78（大）濃香豬骨魚介沾麵 沾麵可選凍麵或熱麵，個人喜好選擇了前者，麵條果然夠彈牙。豬骨魚介醬汁味道濃郁，不過沾汁吃到一半時已經冷掉了，吃完後還可加入清湯當湯飲，不過因為清湯唔夠熱，覺得不夠吸引。配料有蔥花，叉燒，筍和溏心蛋，溏心蛋很好味。拉麵份量有小，中，大和特大選擇。特大要額外加十元，但份量多差不多一倍。…查看更多

o係Facebook睇到話以食沾麵最主的三田製麵所於香港開分店而家12-14日仲有半價優惠tim梗係要去試下啦~我地一行4人去食我6點20pm左右到，都已經排左2行人喇估都估唔到要排左成2個鐘先入到去食都無計啦~又新開~又半價~等下都要啦我地4個人仲要分開2邊坐，如果唔係等得仲耐呀一心黎到都係想食個沾麵姐(其實我同老婆都無食過沾麵，所以唔係好識分點為知好既沾麵)咁當然係試佢個主打 「濃香豬骨魚介沾麵」啦佢大‧中‧小都係同一價錢既 特大就貴10蚊由於等左太耐，好餓既關係我就叫左個特大係等待既時間，見到台面有呢張教學喎對於未食過既我地黎講，呢個教學都幾有用起碼等我地有個Concept先嘛~等左10分鐘左右，個麵終於送上台喇！特大真係唔係講笑~真係超大碗，個碗又深但係d送就少d~ 尤其係塊叉燒，只得一塊因為係第一次食沾麵既關係所以真係唔知原來個麵係凍的 (之後聽到隔離台落Order果陣，個Staff有問佢地要凍定熱麵，但係我地果個無問過囉，我覺得如果熱麵既話會更加好食)而呢個沾汁就係精華所在將d麵放入呢個汁入麵靠呢個汁個熱力去整返熱d麵而且個汁好香，仲有濃郁既木魚味但係我地見叉燒份量太少，所以我地再追加一份叉燒一份有3塊~ $20 都算化算既個麵其實真係幾好食d麵本身個 "un"度適中唔會太林，唔會太硬食落去覺得好彈牙~正至於塊叉燒我覺得無乜特別未去到好好食~但係都唔差既隻糖心蛋都係中規中距啦不過講真~拉麵我食得多但係咁樣沾汁去食既沾麵真係幾特別既佢個好濃味既汁配上無味既麵真係一絕食到咁上下個Staff放左呢個漫壺去我地個台面話可以試下將清湯加落個汁度再試下原來仲有呢一招~食完麵都可以有個湯飲下雖然個味道唔算係驚為天人但係都幾特別既總括而言：我對第一次食沾麵既印象幾好麵質同個汁我都十分讚唯獨可能係新開，d員工 Training未夠所以佢地都有漏招，如無問我地食凍定熱麵就俾左凍既我地另外後尾聽我朋友講先知，原來佢地無俾個清湯佢地所以搞到佢地無湯飲如果d staff training再好d既話應該會更加好不過都絕對值得一試既！！…查看更多

三田製麵所是在日本略有名氣的連鎖沾麵店，在東京主要的購物區都有分店。但老實說我在日本那麼久也沒有吃過三田，因為網上查一下資料，會發現三田在日本的評價是在中游位置，加上連鎖店多半沒有個體戶出色，很難有衝動去試。今次收到邀請能夠在開業前優先享用，真係學杜如風話齋我看不見前面有人，巴閉囉﹗（明明其他人早在日本吃過）選店的位置只能用一個猛字形容…竟然是在修羅場登龍街插旗，現在變成一街十步四拉麵店，想想有多誇張。不過裝修來說確實是最強的，門外看到裝修以木色為主，仿日本紙門的風格，很多人都駐足探個究竟。看看裡面，四人卡座似乎有點擠，如果是吃拉麵就還好，但沾麵就要更多空間，多一個碗佔位是有分別的。 普通餐桌感覺也擠，椅子下有籃子放隨身物品，這是日本人的貼心。 這些都不是重點，重點是師傅會在眾目睽睽下煮麵﹗ 從旁邊可以看到，師傅會把煮熟的麵條用凍水浸洗，好像古時的人洗擦衣服（笑）。看完師傅煮麵，也是時候看一看餐牌了。三田的沾麵有四個份量，小（140g）、中（210g）、大（280g）（價錢相同）和特大（420g）（加十元），和日本的收費方式是一樣的，一提日本的是200g、300g、400g、500g，明顯是日本的更划算。再看下去，會看到很多炸物諸如炸雞吉豬，有五款炸物還要是香港獨有的，因為拉麵的定位是半速食，大概只有連鎖拉麵店才有這麼多款式，加上香港人尤其麻煩要有得揀才是老闆，相信比起同街的對手更具吸引力。 右上五款港獨有沾麵必定有提示另外這裡應該是少數會有套餐的拉麵店了，雖然只限午市，但多一杯飲品是有好過無的。 有點口渴就來一杯可爾碧思吧，好多鋪頭的可爾碧思都沖得很淡，不過這裡的味道夠濃，跟瓶裝的味道是一樣的，很好。 在日本試過吃四五百克的麵而面不改容，不過伸縮胃還是吃個中的比較不浪費，而且當時是身處大饑荒年代，經常會去白飯任添的店鋪叫一個餸再大吃三碗白飯（喂）。另外也點了一個三田脆麵條和三田流煎餃子，豐富。雖然說是極太麵但和過去吃過的麵比較並不是最粗的一家，即使是210g的中等份量，看起來卻相當的多，真的懷疑是搞錯份量了，明明我在日本吃300g的也不覺得有那麼多。首先先拿一點沾麵直接吃，麵的碱水味很濃，是個人很怕的味道，不過麵身的確有彈性而且順滑，不俗。筍乾向來不太喜歡吃，吃過味道是大路貨色，pass。叉燒用的是瘦肉，口感頗韌不太好，尤其大家都被五花腩軟熟帶油花的感覺寵壞了，幸而這叉燒夠肉厚能吸引食肉獸。溏心蛋的質素在香港是不高不低吧，蛋黃開始不再水汪汪，蛋白質感和熟蛋相差無幾，色水雖然頗深但醃得不太夠味。接著到沾汁，一看就知道相當的濃郁，充滿著魚介粉，心想一定會很鹹，不過事實並非如此。魚介粉的味道確是很搶鏡，但不會是單純的一個鹹字，喝起來其實是舒服的，起碼餘韻仍然清鮮。但有一個大問題，由於這沾汁油份不多，當面對著這龐大的麵糰時，溫度會下降得很快，造成了麵條處於溫溫吞吞的狀態。這個時候，自然要下清湯做救星了。但問題來了，倒出來的清湯感覺不到其熱度，可能是因為當日是試食日，壺中的清湯沒有用光所以慢慢就放涼了，不熱的清湯與冷了的沾汁無法產生化學作用，想像一下喝著一碗放涼了的中式湯水，味道一定不及熱辣辣的時候。 輪到餃子，三田流煎餃子不同的地方在於餃子上加了大阪燒的醬汁和木魚碎，這個煎餃皮雖薄但不脆，吃煎餃如果不脆是挺令人傷心的。不過內餡令人覺得開心，除了肉不會太結實不太乾之外，還有吃到肥豬肉在裡面，吃起來會有格外甘香，其實只要點一份普通的煎餃就夠了，醬汁木魚碎也只是伴舞dancer。 至於三田脆麵條呢，這個倒是玩味大的食物，可選擇鹽味和咖喱味，就點鹽味的試試吧。雖說是鹽味，但剛上菜的時候又感覺得一陣日式咖哩的香氣，未吃前還以為來錯了。吃起來鹹度真的很高，如果是拿來佐酒和汽水的話還不錯，直接吃就小心變鹹蟲，不過我一向都是哈。感覺上有點像童星點心麵，不過是放大版本，同時熱氣程度也會放大。此外一個人還是不要點，因為量不少很容易造成浪費，除非你沒有點主食吃。有點好奇用這個脆麵條以沾麵方式吃味道會如何。吃完跟公關聊聊天，在一角發現有一座升降機，就問一問公關上面是甚麼，竟然是三田的製麵所﹗原來這裡的麵是不會留過夜的，意味著每日都是新鮮做的麵條（也許脆麵條是用賣不完的麵？畢竟倒掉也太浪費）。而且公關說連製麵的機器都是由日本運過來的，也太強了吧？平心而論，在香港吃過不少拉麵店，三田一如日本處於中遊至中上的位置，距離非吃不可還是有少許距離，不過在三田可以吃到更多不同的款式，裝修又明顯有氣派，這短短的登龍街來說，絕對能給其他對手造成壓力，真是here comes a new challenger!…查看更多