柏

柏位於亞士厘道一個細細地嘅舖位 門面同舖內都好有和風木色設計🎴預先訂座多數可以護安排卡位 每個卡位之間有木廉間隔 感覺私隱度高同好舒適😊 ✨️刺身2人盛合 5點 $3205款刺身基本上都係白身魚 所以食落比較淡口無咩油脂 好在無咩筋 不過款款都好清無咩魚味  我個人都係鍾意油脂豐富啲嘅紅身魚🫠比較突出嘅係真鯛同鰤魚 真鯛嘅皮好爽脆 肉質厚身有咬口 而鰤魚油脂相對豐富🐟 ✨️辣吞拿魚卷 $128辣吞拿魚卷賣相好吸引🤤有蔥絲同可可脆豆作裝飾 卷物內有玉子、蟹柳、青瓜等配料 不過食落味道唔算好有驚喜 少少似加洲卷😂不過個特調醬汁似加咗沙律醬、芝士同辣醬 甜甜地帶有微辣 幾清新特別😜 ✨️濃湯金鯛燒 $168呢個係餐廳其中一個特色菜 刮起咗金目鯛嘅魚鱗 燒到表皮脆卜卜💥魚肉肉質比較結實 味道鮮甜 配埋底下嘅忌廉濃湯 增加味道嘅層次 幾特別嘅一道菜😄鍾意與否就視乎個人喜好😗 ✨️燒物🍢日本豚腩肉 $42一上菜已經見到個豚腩肉熱到出煙 啲油脂超豐富 油同肉梅花間竹 層次好分明🤩果然食落啲油脂喺個口爆晒出嚟 超級香 無過多嘅調味 完全食到肉嘅鮮甜 超級推介🐽🌟 🍢牛舌 $48牛舌每一舊都切得好厚 一啲都唔吝嗇🐮而且燒到外表微脆 內裏8-9成熟 帶些少暗紅色 食落好嫩好爽口😋 🍢雞腿肉 $38雞腿肉望落比較細份 食落肉質都有啲乾 似係燒得過火 普普通通的雞肉串 🍢蘆筍 $30蘆筍都係燒得過火 或者本身唔太鮮嫩 食落有啲老 腍咗少少🥺 ✨️吉列蠔 $58吉列蠔有4隻 隻隻都4 5吋咁大 一開頭仲以為係雞翼😂不過食落炸粉好厚 蠔都唔係好新鮮好大隻 似係煮完之後縮咗 唔夠鮮甜 仲有啲腥同油臆味🥲 ✨️檸檬燒酎梳打 $62燒酎感覺濃度唔算高 一開頭飲嘅時候都酒味都唔濃 更何況之後啲冰溝淡咗 似梳打水落多咗少少🤏🫠 總結：餐廳環境幾舒適 不過食物質素有啲參差 燒物嘅日本豚腩肉同牛舌水準唔錯 濃湯金鯛燒都好特別🥰不過其他野食就可圈可點 我見其他評論講到好好咁 可能係餐廳水準未夠standardized 令我呢次嘅用餐體驗就一般🥲…查看更多

同朋友約去尖沙咀見面，見呢間日式居酒屋幾特別，就約了去食下餐廳嘅lunch set都可以話幾抵食（串燒定食$138，十五款sashimi丼都係$380）不過難得來到，當然要再點多啲先盡興！先說出色嘅菜式：🦪仙鳳趾蠔大大隻，差不多有成隻手咁大😍見到真係wa一聲🤤食落去好滑、肥美同新鮮，口感creamy帶有鮮甜味，好高水準。🐟濃湯金鯛燒係幾有特色嘅菜式，魚鱗燒到豎起，食落去非常香脆，配上嫩滑魚肉同點上濃湯食，更滋味😋🌟柏·特盛丼賣相的確好吸引，以$380這個價錢可以食到15款魚生，性價比幾高！入面有大拖羅、汁煮鮑魚、赤蝦、海膽、三文魚子等，特別喜歡外層燒得好香口嘅厚切帶子，同埋入口即溶嘅toro☺️🍢串燒六點定食包了菜同肉類串燒，都幾鍾意佢地自家手打的免治雞肉，口感幾好，雞翼就燒到外皮香脆，入面嫩滑。🍤海老天婦羅炸到好香脆，天婦羅皮薄薄的配上彈口蝦肉，水準幾好。🐟鮫鰈魚薄切魚肉鮮甜，雖然係薄切但都好有咬口，點上旁邊的酸汁，更突出鮮甜味，夠refreshing另外餐廳的茶碗蒸都香濃，配上冬菇、白果等，水準不錯。整體來說，真係幾有心思嘅日本餐廳，有機會再來食（一定會encore蠔！）…查看更多

很少經過亞士厘道一帶，柏開業時間不久卻已打響名堂！特別係午市套餐出名抵食。除了套餐外，午市廚師發板亦都性價比出眾😋 日式木系裝修，以橫梁搭成的雅舍大方優雅，卡座之間以竹簾相隔，私隱度充足，能與友人舒心地享受午餐😋午市套餐附沙律、茶碗蒸、味噌湯 、甜品或咖啡一應俱全🤩茶碗蒸內有蝦肉和瑤柱，鮮香有咬口🔸串燒六點定食 $138六款串燒有菜有肉，紅椒串燒比較少見，酸酸甜甜好啱我口味！自家手打的免治雞肉勁有嚼勁，如果有埋個生蛋汁就一流啦！牛舌比想像中厚肉，唔知以為自己食緊牛扒🤩 雞頸肉比較少見，口感好新鮮，爽爽脆脆的好有口感！🔸柏•特盛丼飯 $380我的感想是包羅萬有！未見過咁豐盛的海鮮丼🤩款項刺身都別具誠意 - 燒平貝、赤身漬、大拖羅、汁煮鮑魚、桂花鯛都係坊間少見的食材，真係大飽口福！當然唔少得經典的赤蝦、三文魚子和海膽啦！多達15種款式，真係要逐件逐件試真啲😋 印象深刻的是鮮嫩多汁的燒平貝，同埋清爽的桂花鯛！🔸仙鳳趾蠔 $88估唔到呢度散好的選擇不少，店員推介一試的仙鳳趾蠔有手心般大，初嚐超級鮮甜，回甘又滲出礦物味，確實值得一試🔸鮫鰈薄切 $168另一款店員推介刺身，肉質透白，口感細嫩柔軟，吃下有點點清甜味，配上酸醬，更能吊出鮮甜味🔸濃湯金鯛燒 $168外皮燒得甘香脆，切開會聽到清脆的卡擦卡擦聲，真的不得了！吃下去每一口都能感受到香脆🤩 怕熱氣的浸多一點白味噌濃湯，味道帶點甜味，吃着溫和🔸鹽燒燒白鱔$168 吃着超驚喜的，白鱔外皮用細火慢燒，形成恍如油炸香脆感，每一啖的酥脆感，都令我懷疑你是用炸的吧😆 肉身肥美，真係啖啖香軟肥肉！超愛旁邊的芥辣醬，微辛完全擊退油膩感！大愛大愛🔸豆腐雪糕不得不提,口感超特別! 相對奶味比較少, 但是豆腐味超突出! 閉上眼睛我會以為自己直接食緊豆腐😂😂…查看更多