君綽軒

Staycation 套票包咗$1500餐飲券，夜晚叫room service食咗兩件超級難食嘅蛋糕，果斷決定將剩餘嘅餐飲券用係網上評價較好嘅 君綽軒*潮州粉果石榴球($78)純粹係見粉紅色又有金箔，幾適合影相打卡先叫，個餡嘅味道同鹹水角有九成相似，係軟粘版嘅鹹水角！比預期中好食，值得一試👍🏻*燒味拼盤-君綽脆皮燒鵝拼蜜汁叉燒($190)兩樣都想食，侍應好貼心咁提我哋可以揀拼盤☺️ 燒鵝食落冇乜特別，叉燒偏甜味道唔錯，可惜完全冇燶邊😟 可以留返quota試其他小菜😛*巴蜀口水雞($138)餐前小食來講都算幾大份，個汁會越食越辣，食落都幾開胃🌶*金湯珍菌翡翠苗($168)一上枱真係大碟到嚇親，建議有三個人share先好叫😂個湯好濃郁👍🏻*明火豐料養生靚湯($88/碗)平時慣咗食中餐都會叫碗湯潤下喉，湯羹類可以揀窩/碗，唔怕叫多咗飲唔晒🙆🏻‍♀️ 飲得出係真材實料👍🏻*香麻叉燒酥盒($78)係酥皮版嘅叉燒包，平時食酥皮點心最驚食到成口油，估唔到呢款叉燒酥盒完全無油膩感，值得一讚👍🏻👍🏻👍🏻*舊普洱茶($65/位)開茶嘅時候叫咗水仙，花味比較重，另外叫咗舊普洱茶，味道香濃唔苦，食到咁飽飲番幾杯茶即刻舒服晒🫖 餐牌有九款中國茶，價錢$48-$80/位，下次有機會再試下其他款☕️埋單連茶位小食大約$1000內，經理見我哋冇用晒餐飲券，重專登提我地可以再叫外賣拎走，不過為免浪費我哋都係無叫到，始終點心都係即整即食係最好味嘅😋 今次呢間中菜館，無論服務定食物都非常有水準，值得一試👍🏻👍🏻👍🏻…查看更多

北角海逸酒店的中菜廳 傳統中式裝潢有海景午市有點心亦可以散叫其他菜式點心頗有特色而且高質 樣樣新鮮熱辣必點推介《和牛燒餅》酥餅皮好出色鬆化，完全唔油膩好難得，和牛餡料超濃黑椒味勁香。《潮州粉果石榴球》粉紅皮夠哂吸晴，裡面有齊芹菜花生肉碎配搭自家辣醬無得彈。《鮑魚燒賣》有原粒爽彈鮑魚仔，燒賣亦做得出色。另一特色點心有《黑糯米櫻花蝦帶子腸粉》大量帶子，面頭撒滿櫻花蝦提味，個黑糯米腸粉就食唔出太大分別。《海皇冬瓜盅》一盅二人份量啱哂人數少的時候，雖則係迷你，但裡面的海鮮勁足料，可能真係太重料，味道偏濃，如果清啲會更好。《胡椒大花蝦》用上大量香蔥爆胡椒，惹味帶胡椒辣勁。《醬香碌鵝》是甚少中廚有繼續做的一道傳統工夫菜，鵝肉出奇地嫩滑 一點都不老不鞋，醬汁鹹鹹甜甜好特別 比滷汁更夾。聽說這道菜很考工夫，難怪咁少見，舌頭又長知識了。《北海道鮮准山百合銀杏炒蘭度》充滿口感養生菜，鮮准山百合真係唔同啲，無敵爽脆。《XO松露櫻花蝦蟹肉炒飯》出色的炒飯真係越來越難得，飯粒分明仲要有脆香櫻花蝦，XO松露超香惹味。《生磨鴛鴦露》就相對失色 合桃同腰果味都很淡有點稀。…查看更多

又要找未試過酒店中餐廳，這間係可以望海景，其實想來好久，之前去過香港大酒店隔蘺過間同集團酒店中餐，食物都唔錯，但裝修就一般。前菜茶漬牛蒡，淆肉，掂。得獎：潮州粉果石榴球$58，網上描述：皮由生粉、薯粉、澄麵及紅麴米泥搓成，餡先將沙葛汆水，後加菜甫、滷水腩肉、五香粉及潮州沙茶醬炒香備用，冬菇及蝦米落蔥油炒熟，韭菜及唐芹下蒜油爆炒，後混合以上材料連焗香花生包果，上枱前果面放片金箔，皮薄不穿，15摺皮分明盡見，……賣相係靚，有創意，除此之外，味道及皮無特出。點解用红麴，算我味鈍，食唔到，用波菜汁，九菜汁，杞子汁，红菜頭汁效果又點？假日特色點心~鳳梨义燒菠蘿包$58，因寫特色再加鳳梨，我天真以為有鳳梨，係咁尋找，係無嘅，一般，早知如此，叫义燒稣有4件，見隔離枱漲卜卜。富貴三花帶子鮫$68，賣相好美，精緻，用瑤柱絲、蟹子，欖角碎做花蕊，晶瑩皮包着帶子肉做瓶身，味道適中。蟹肉茘蓉香稣盒$68，即芋角，餡係拆蟹肉，好豐滿，雖然蟹肉濃郁，但芋頭肉少，無蝦米，我個人喜歡多些芋頭，還要有芋香，而且無用纸墊底索油，缺點。有點意見，4人枱布跟大枱大小一樣，布腳過長，好容易棘倒，外觀好似唔啱身。…查看更多

中秋佳節即將到來，今日來個午餐聚會。中菜館位於酒店5樓，大堂的水晶大吊燈，感受極具氣派，跟隨着知客帶領，走進古典風情之地，讓人置身於中式典雅之中。金黃色餐桌布，白色金邊的瓷器，還有四人圓枱也會擺放餐桌轉盤，轉盤再不是大枱專利，以及茶壺下有顆蠟燭燃燒，使茶壺溫度得以保存。君綽鮑魚燒賣王雖然鮑魚燒賣這個噱頭很普遍，但是做得出色又非比比皆是，鮑魚燒賣要好食，豬肉應該加入蝦膠，鮑魚尺寸不能遜色。按這籠燒賣比例來看，頂頂的鮑魚稱得上大粒，整粒燒賣可以用好好味來形容。潮州粉果石榴球沒有思考過它的賣相，原來它是粉紅系出身，頂頂還有一小撮金箔做襯托，實在好看得喜出望外。熱騰騰咬了一口，粉果內裏的餡料細細粒，完全感受到師傅刀工妙絕，粉果皮不厚而且韌度適中，皮滑柔軟。中秋松露玉兔餃別出心裁極具創意，非常應節的點心，白色兔子嬌俏可愛，同樣皮薄餡靚，陣陣松露香由餃內開始散發。雞肉野菌煎脆麵雞肉嫩滑，野菌美味，兩者烹煮再打芡汁完成，伴上金黃色非常鬆脆的麵底，配搭恰當，入口有麵香，芡汁調味剛好，點紅醋食用效果更佳。中菜廳的豆瓣醬，辣椒油，好好味。點心籠籠精美，期待下次再會。…查看更多

週日和細周生上完興趣班，相約了家人到附近君綽軒午饍。君綽軒在港島海逸君綽酒店五樓，作為酒店中菜廳，餐廳裝潢富中國特色，雅緻整潔，樓底甚高，近窗餐桌可享維港景緻。一行十人八大兩小，享用了以下精美點心，另追加了兩碟炒粉麵飯。整體來說，各式點心賣相普遍不俗，用料亦富一定水準，切合酒店中菜廳的預期。鳳梨叉燒菠蘿包：菠蘿外皮甜脆，包身鬆軟度中規中矩，整體口味甜了少許。合桃雞粒酥：口感實了一點，合桃給力可再加強。金銀饅頭：選了蒸饅頭，與合桃雞粒酥一樣口感實了一點。鮮蝦錦滷雲吞：製法傳統，炸雲呑夠香脆，甜酸汁稍稠身，調味OK，餸料份量合理。甜梅菜叉燒腸粉：腸粉滑溜，叉燒餡無乜特別。碧綠鮮蝦餃皇：皮薄晶瑩，餡料爽鮮彈牙。君綽鮑魚燒賣皇：賣相小巧，尤其燒賣上的鮑魚，實在迷你得很。燒賣本身質感味道都算不俗。潮州粉果石榴球：透紅奪目的賣相，面上有少許金箔作貴氣點綴，餡料爽香。陽江豉蒜蒸排骨：排骨肉質十分富彈性，以豉蒜提味亦是頗為穩妥可口之選。鮑魚汁炆鳳爪：鮑汁濃香，鳳爪入味腍身。雲勝魚湯浸龍躉球：雲勝選料嫩口，龍𧄌肉質結實魚味足，配上清甜魚湯頗合小朋友吃。桂花瑤柱蝦乾炒稻庭麵：香口熱辣，調味鹹了少許。XO松露櫻花蝦蟹肉炒脆米：炒飯炒得乾身香口，尤其加入櫻花蝦後更為搶口美味。蟹肉量足亦是飯品亮點，值得推介。川貝銀杏燉雙雪：-珍珠石榴甘露：-柚子蜜蛋散仔：蛋散很鬆化，不俗！…查看更多