全記海鮮菜館

12月25日, 聖誕大快樂~~~!! 今日晏晝呀比就帶咗我去塔門食海膽炒飯~ 夜晚我地返出西貢就繼續我地嘅海鮮大餐!! 行咗成條海鮮街, 研究完一大輪唔同酒家供應嘅二人餐, 發現呢間全記嘅二人餐$348有四餸一菜之外仲又龍蝦又鮑魚兼送甜品~ 二話不說就走入去啦!!::: 芝士焗龍蝦 (伊麵底) ::: 用上原隻龍蝦開邊去煮, 無乜焗過之後香噴噴嘅味道… 份量唔算大隻, 不過都幾新鮮, 而且頗厚肉~ 唔太彈牙但有蝦味, 蝦頭仲幾多膏添! 伊麵比平時嘅幼身, 煮得有d淋, 但撈埋芝士龍蝦汁食都ok嘅~ 其實咁嘅價錢呢個龍蝦伊麵已經係合格有餘了!::: 清蒸鮑魚 :::清蒸鮑魚仔四大隻! 只以簡單蒜茸豉油調味~ 鮑魚仔係出奇地鮮味, 口感彈牙! 呢個真係幾抵食~~~::: 薑蔥焗蟹 :::炒得都幾香~ 蟹係意料中細隻, 蟹膏亦欠奉. 好在個蟹身都叫有d肉食! 蟹肉味道都夠鮮, 而且薑蔥落得多, 所以成碟野都好惹味~::: 豉椒炒蜆 :::呢個就相對地遜色… d蜆肉炒到離晒殼! 而且d蜆好細隻, 咬落無肉之餘鮮味亦欠奉. 豉椒味亦一般~ 整體真係麻麻…::: 蒜茸白菜仔 :::估唔到呢碟炒菜都幾大碟! 白菜仔幾大棵同埋夠翠綠! 炒得夠香~ 唔錯!::: 紅豆沙 :::好好味!! 紅豆大粒兼且煲到起晒沙, 口感極佳!! 味道係一貫酒樓調味咁會比較甜, 但都可以接受~ 仲有d蓮子百合全部都煲到入口即化嘅地步~ good!! 唯一美中不足只能話係太細碗喇!! 完全唔夠喉!!!環觀成條海鮮街, 全記兩間分店包抄咗一頭一尾咁滯… 尤以佢門口d魚缸入面各種生猛海鮮最為搶鏡! 記憶中多年前我地都喺佢門口拎住隻大龍蝦影過相~ 我估佢都算係西貢入面嘅明星海鮮店! 今次無散叫, 以二人餐咁嘅價錢食到咁嘅海鮮其實都已經算超值~ 下次人多可以試下散叫, 質素應該更好!…查看更多

本月上旬，結束了為期一星期的工作坊，波士大為滿意，決定一擲千金，請一班功臣到西貢嘆海鮮。我本不好海鮮，但素聞西貢海鮮出名，內心亦頗為期待。於是我們一行十四人，于傍晚時分浩浩蕩蕩開赴西貢。巴士一入西貢，我立即感覺到深厚的異國風情——綽綽樹影，低矮的建築，精緻的小店，趴著大大個蜘蛛俠的酒吧，泊滿船隻的港灣，以及寧靜悠閑的生活氣息——在這個擁擠吵雜的鋼筋水泥時代，也許這才是香港的本土風情？我未去過越南的西貢，但在我想象中，這兩個名字相同的地方一定是相似的。我們在西貢海鮮街前下了車，波士率領我們進入海鮮街，此間全記海鮮菜館便是我們目的地。是時華燈初上，海風正爽，當然是選擇在酒樓外的露天位入座，依山傍海，燈火璀璨，衹賞海景亦已值回票價。酒樓外陳列的海產五花八門，多不胜數。放眼望去，整條街的海鮮食肆盡皆如此，而且處處人聲鼎沸，熱鬧無比。當晚大約上了十數道菜（包括兩個蔬菜和一個湯）和兩個甜品（一盤生果及紅豆沙）。由於不甘落人后地加入搶食行列，未能將所有菜一一攝下，但所攝下的幾道，以供回味足矣。 白灼海生蝦旁邊的星國美女說很鮮甜，但我衹覺得無甚特別，但蝦肉還是爽口的。一盤蝦中有一隻尤其巨大，我貪好玩夾走了，別人說我“人細鬼大”。可惜沒有拍攝下來…… 上湯龍蝦(伊麵底)賣相已經讓人垂涎，龍蝦尚算飽滿甘美且嫩滑，但伊麵甞來較淡。之前以為是芝士龍蝦，還在想為什麼沒有芝士味…… 清蒸鮑魚鮑魚肉質紮實，口感彈牙，唯嫌味道過淡，不夠鮮甜，印象不深。 蒜茸粉絲蒸鮮瑤柱方一上枱便聞到濃郁的蒜茸香味，配上清爽的粉絲令我非常受落。而在同座指點下，費了一番力氣最終將扇貝拆肉成功，只是拆到一絲一絲，十分影響美觀。扇貝肉鮮甜爽滑，與蒜茸搭在一起也能保持自身原味，很好。 太極鴛鴦飯雖然只是一盤鴛鴦飯，但深得我心。那樣艷麗分明的色彩，味道卻來得溫文內斂，不濃不淡，不爭不搶，最後圓融為一，似極太極所表達的哲理。個人偏愛白汁蝦的那一邊，蝦仁飽滿爽嫩，白汁香糯，而且本人不太喜歡茄汁的酸感。 清蒸海上鮮我認不出是什麼魚，同行說是石斑。魚身肉質緊實滑嫩，鮮甜美味，連一向不喜魚鮮的我都不禁挾多兩塊，難怪一上桌便成為大家爭搶對象。不過魚肉比較難拆，所以挾的時候都満狼狽。幸好最後侍應過來幫忙，手勢專業，三兩下便將魚拆好。 椒鹽瀨尿蝦在整晚所有菜中，該菜最得我心。始終我對海鮮的原汁原味興趣不濃，像這類香口惹味的菜色才是是王道。蝦椒鹽味十足，炸得非常脆，連蝦殼都可以一并吃下。吃了兩大塊，仍嫌不過癮，拎起筷子準備挾第三塊——咦，沒了？ 鹽堆蟹？這個蟹賣相非常奇異，近視的我遠遠看著還以為是炒飯。超級難剝的蟹殼讓我食興大減，因此衹淺嘗一下，味道並不特別，雖然埋在鹽堆里但并不鹹，甚至有點淡。不過一大群人拎著筷子在鹽堆里挖蟹還真有點雪地尋寶的味道，趣味十足。菜名我并不知道，但google出來最接近的結果就是這個“鹽堆蟹”，乃海派菜，這般想來也貼切，因為波士是上海人，來食海鮮點個海派菜亦屬正常。酒足飯飽之後，一行人便沿著這條海傍街散步吹水。海面點點燈光如散落于海面的繁星，遠處座落于山上的房屋亮起更為燦爛的燈光。海風清爽，左邊的街上喧鬧熙攘，右邊的海面寧靜平和，與我同行的星國美女感嘆，可惜這里遠離市區，若不然她定與男友每日清晨夜晚都到此散步，該是何等樂事。我雖偏愛自由，但試想能與所愛共遊于此，也的確浪漫非常。向來喜歡行走遊歷，待學期結束，必記下路線，覓個時間，行路到此，不為海鮮，衹賞風月。…查看更多