川味雞烤魚大王 (大河道)

營業中

休息中

同同事去開呢頭做野, 見間野個樣唔錯大家又鍾意食辣就入去食個tea啦。大家都唔係話超肚餓又未食過呢間野就求其點幾個小食試下啦, 分別係涼拌川辣味魚皮,茴味雞翼同涼拌豆腐。豆腐呢家野我本身就覺得冇特別唔想嗌架喇, 個同事又係都話想食就就下佢啦, 點知又真係正喎, 個豆腐索曬d辣汁, 個汁又夠惹味喎(有種獨特既香味), 同個同事好似爭食咁係咁食,呢個強力推介, 不過唔太食得辣既就免喇(可能可以嗌少辣, 我地冇試)。之後個雞翼就食唔食得辣都食得喇, 呢個老闆冇推介錯, 個茴味冇得頂, 一上枱已經大大陣香味, 雞翼仲大大隻, 算係抵食之選。最後個魚皮我同同事都冇係其他地方食過, 大家都覺得好特別, 勁爽口彈牙, 個汁就近似豆腐個個但冇咁辣, 值得一試架, 係個價錢比較貴咁啫。最衰就冇咩時間, 唔係實叫多幾款試下, 下次就黎試埋佢晚餐烤魚!!!

近排食慾不振，辣辣地既滋味係最能夠解悶開胃，拜讀過多位食友既食評後，就決定帶埋阿爸阿媽黎呢度食，順便逛下久違了既荃灣區。呢度主打正宗重慶菜，睇睇餐牌選擇都幾多，價錢亦算親民，對於少食辣既屋企人黎講，大家心情都好興奮！先黎一客涼拌豆腐，38蚊，豆腐入口軟軟嫩嫩，健康有益，香辣味令人精神為之一振，好啱熱天食。跟手歎左個招牌口水雞，例牌價68蚊，呢個就比先前個豆腐辣，雞肉都夠鮮同嫩滑，雞味十足，又香又麻又辣，但麻得黎又唔會去到苦既程度，令人口水直流，叫得招牌菜點都有一定水準既！叫得做烤魚大王咁本事，咁梗係要食重慶麻辣烤魚啦！叫左條游水沙巴龍躉($388)，小辣，阿爸阿媽都好好奇魚鍋係用長方型盤載，而唔係圓型煲，呢D味人地既地方風味囉！魚係原條上，輕微煎過，上面鋪滿辣椒，浸左係湯入面。先試啖湯，味道相當香濃，辣之中飲到魚既鮮味，跟手就試下D魚肉，都好鮮喎，魚肉結實得黎夠滑身彈牙。沙巴龍躉魚既好處係肉多而骨少，連皮食啖啖肉好享受。個湯底真係會越食越辣，唔食得辣既朋友可能揀清湯比較好。份量亦絕不欺場，成盤放滿滿，成家人都食到咀lam lam。

天氣開始轉涼 所以急不及待約友人食雞煲雖然是平日星期三晚，但店鋪都坐滿了食客幸好我們等了5分鐘就有位了店內面積不算大，但座位尚算寬鬆舒適我和兩位友人點了三個前菜-涼拌豆腐皮脆而豆腐十分滑看似很麻辣，但其實沒有想像中辣之餘又開胃連平日不太吃辣的友人也吃得停不了口-涼拌魚皮平日我怕腥所以很少會點魚皮但想不到這裡的魚皮十分入味，把莞茜蔥花生辣油完全入味，一點都吃不出魚腥味！而且十分爽口，很讚！-口水雞雞件滑，肉質鮮嫩，皮薄肉厚，最鐘意滑嘟嘟爽口的雞皮！而且份量足，麻辣味夠！主菜我們點了花雕醉雞煲雞肉勁滑而份量亦十分充足，重點是「新鮮雞」，飄出淡淡的酒香，但食落就覺得湯底味道不夠濃。亦有可能前菜太濃味的關係影響。但整體來說都性比價高，不錯！配菜有芝心包、薯粉、手切安格斯肥牛這裡芝心包有別平日打邊爐的芝心丸打開芝士包後，內部的芝士全都溢出來，所以不要馬上放進口一口吃唷！薯粉是螺旋彎曲形，跟平常食桂林米線的薯粉外觀完全不一樣，吃下的口感十分煙韌呢！由於我不吃牛肉的，所以對沒有對這裡肥牛作出評價，不過我見友人一片接著一片的吃，應該不會太差。最後我們還點了白酒我們都白酒沒有研究，是店主推薦我們的甜酸度

今日出荃灣，發現好多橫街窄巷都食店林立。上網見到呢間川味雞烤魚大王都幾多好評，就去試下。平日，但都好爆場。店鋪裝修簡單，以竹竿作外牆裝飾，帶出四川風味。其實我好唔食得辣，川菜都係第一次食。一開始，我地就叫左枝白酒。白酒夠凍，入口甜甜，帶點酸味。雖然有9%酒精，但酒味出而不灼喉，容易入口。價錢亦唔貴，好抵飲。百五左右。第一味涼拌魚皮平時食開都係炸魚皮，見菜單有一道叫涼拌魚皮，便叫來一嚐。用上花生，青瓜絲，羌荽作伴碟，辣油覆蓋著魚皮。散發陣陣麻香，花生十分香脆，魚皮入口順滑不腥。第二味食左呢個涼拌豆腐呢個辣味無涼拌魚皮咁重，辣香為多。豆腐外層炸成金黃色，香口不油膩，內層軟滑。必食推介! 口水雞肉質結實，有有嚼勁。麻辣味剛剛好，食左幾舊嘴唇麻麻的，幾得意。花雕醉雞煲口感嫩滑而且沒冰鮮味，應該係用新鮮雞，廚師刀法好好，食唔到有碎骨，可以大口大口咁食，份量十足。略嫌酒味較淡。薯粉&火焰芝心包薯粉帶有螺旋紋，口感豐富彈牙我地前菜味道較濃，雞煲味道淡淡。薯粉建議最後放入，吸收湯嘅精華。火焰芝心包用料有別於一般芝心丸，芝士味更濃郁。一咬芝士馬出流出，記得唔好一啖放入口。

不知道從何時開始, 香港人打邊爐已不會再分春夏秋冬, 八月份, 氣溫高達三十多度仍然可以對著爐火, 吃著滾燙的火鍋料也面不改容.實不相瞞, 早兩天才打完邊爐, 今日又打, 上次用老鴨淆湯底, 今次吃藥膳雞煲, 可謂各有各特色.先來兩款當有四川特色的開胃菜:涼拌海蜇 ($38)調味好像麻辣火鍋呢, 濃重的花椒八角味, 吃得嘴角也發麻, 但又”麻”得幾過癮! 加入少許惹味的麻醬, 令人忍不住手 (口) 吃完一條又一條.辣味反而不重, 怕辣的我也可一個人吃了半碟. 海蜇不用多說, 非常爽脆, 海蜇平時只會用麻油涼拌, 用麻辣醬汁涼拌別有一番風味呢!涼拌豆腐 ($38)由海蜇換上豆腐, 麻辣醬汁基本上涼拌海蜇的一樣, 同樣令人吃得嘴唇發麻. 不過這個沒有麻醬味.豆腐好大磚, 兩個人吃極也吃不完! 最得我歡心是豆腐用上炸豆腐, 外層金黃香脆, 內裡嫩滑, 豆味濃郁.藥膳雞煲 ($158)生的雞件舛湯窩分開上桌, 待湯底煮開後, 加入雞件弄熟即可食用及用來打邊爐.打開煲蓋, 一大陣中藥的味道撲鼻而來, 是杞子, 當歸等藥材的味道, 如果有吃過台灣的藥燉排骨就大概知道是什麼味道了!先呷一口湯, 中藥