Bugis@叻沙・海南雞飯

其實呢間我地都食過好幾次，今次第一次寫食評！地方就腳，價錢又唔貴，味道又幾好，好多時都見排長。今次接近8點尾先黎到，仍然要等位，結果到我地時，侍應話9：00pm last order, 我地得3mins 落單，所以好快手咁揀！😅每次黎都會叫叻沙，其實個湯係幾好飲，明知肥但仍然會飲返幾啖！最鍾意食係佢既麵質，有咬口！如果可以多d 餸就更好！馬拉盞炒通菜我地都好常叫，套餐加$46就有，價錢好合理！:)套餐加$18有細盅肉骨茶，好有藥材味幾好飲！南乳雞翼都唔錯，套餐跟埋！叫左熱羅漢果水忘了影相，天氣涼左感覺幾潤！…查看更多

經過見到依間新加坡餐廳，招牌寫住叻沙·海南雞飯，一於試試佢地既招牌菜。點了海鮮叻沙摻摻。叻沙既湯好濃，兩種麵條係入面，有好多海鮮，青口大蝦都非常新鮮。亦有晚餐set，點了海南雞飯套餐。主食揀左海南雞飯，仲包一個小食同埋飲品。海南雞很夠味，而且每一件都很嫩滑，配埋三款醬汁，正。黃油飯好香，食落唔會太油。仲有配咗清湯。小食選了豬頸肉，大大粒好厚肉，配沙嗲醬另外加錢要左個肉骨茶。藥材味好重好好味。但係配既油炸鬼太硬。野飲係桔仔特飲，有粒粒桔仔，不會太甜。食左餐又豐富又正宗既新加坡菜。…查看更多

今晚（29/5/2020）六點二路過此餐廳，已經有八成客，應該好食，就入去試吓。餐廳光線足夠，店員亦很有禮貌，點了四個自選1人行套餐。新加坡無骨海南雞飯及麻辣無骨海南雞飯，雞肉均好滑，配菜有咸菜及花生，係一個好配料，咸菜不咸，食後更開胃；湯係清湯，不油膩，麻辣醬略嫌不夠味，油飯亦很香口。另點了二客海鮮叻沙摻摻，都很足料，好味。小食點了新加坡香煎魚餅、鮮蝦薯絲卷及絲網海鮮春卷，均好味又香口。飲品當然要新加坡地道野，清熱羅漢果水、鮮黃薑斑蘭意米水及清新桔仔特飲，唔錯。…查看更多

今朝好勤力, 晨早起身去睇早場, 梗要獎勵下自己食好D!BUGIS 個門口好吸引, 貼滿星加坡魚尾獅圖案, 睇到已經覺得好有風味.我12點半去到, 都多人等, 好彩有D人拎完飛行開左, 等左10鐘就有位.午市 MENU 吾算好多選擇, 好快就揀左個海鮮叻沙摻摻配熱咖啡, 加小食沙嗲雞肉串燒.沙嗲雞肉串燒先上, 老實講 ... ... 失望 ... ...雞肉OK林, 但個沙嗲醬吾得, 太稀 ... 吾夠味...我問 waitress 要左碟辣椒油嚟點, 點知 ... D辣椒油一D都吾辣, 只係油 ... 好左D辣椒籽仲OK ... 其實香港人都有人鐘意食辣架 ... 海鮮叻沙摻摻 ... 呢個好OK喎湯頭好正, 一上我幾乎飲左半碗湯, 哈哈, 超讚!佢嘅椰香叻沙味夾得好好, 又鮮甜, 微微辣, 好好味~摻摻係油麵+米粉, 軟硬適中.海鮮有連殼蝦, 蜆, 魚片, 再加D豆卜, 芽菜, 蛋... 算豐富嘅. …查看更多

今晚同男友趕住食個快飯，然後去睇戲，經過呢間新加坡店，見佢有位，即刻衝入去其實我係一個叻沙holic﹐每次去馬拉或者新加坡都係每日總要食一碗，所以我點咗海鮮叻沙摻摻套餐，以慰藉我思念叻沙之情摻摻係解2樣或以上嘅野撈埋，而叻沙摻摻係將米粉同油麵撈埋，雙重口感，而呢碗叻沙都算做得唔錯，用料同份量都算足，味道都ok｡男友點咗個新加坡海南雞飯套餐，另加一客南洋肉骨茶。雞個賣相唔錯，食落就一般般，唔夠滑。至於個肉骨茶，係有d藥材味，未做到肉骨茶的精粹。我地叫嘅套餐$88/人，係包一杯野飲同一款小食，計埋加一，唔算抵食。…查看更多

有時候自己一個都可以食得好今次去左BUGIS食個假日lunch呢間出名食海南雞飯 但我就..叫左海鮮叻沙摻摻 ($76)海鮮有蝦有蜆仔 啲材料都幾豐富至於個湯底都好濃麵質都不錯 索哂啲湯👍🏼至於餐飲有班蘭檸檬薏米水夠哂健康 調和濃味嘅叻沙_________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂…查看更多