LAB EAT Restaurant & Bar (T.O.P This is Our Place)

❣️有一排無去，估唔到呢到慶生儀式感超爆燈！❣️玫瑰花🌹心心燈生日佈置真心好有驚喜，佈置有心思！仲可以點畫碟甜品～❣️點$788二人餐本身已經有4款前菜，再可以加錢換多d唔同前菜！💟$788 二人生日餐💟▪️前菜▪️每款前菜都好用心，鍾意食前菜多過主菜！✨日式慢煮鮑魚 $98/2隻‼️必用優惠價追加‼️- 鮑魚大大隻好厚實身，食落去鮮甜滋味✨海膽多士 $98/2 個- 海膽creamy水準幾好，多士好脆本身包：✨吞拿魚他他好精緻，吞拿魚蓉幾新鮮✨煙三文魚凱撒沙律沙律菜爽香✨蟹肉紫菜塔可餅🦐蒜片大蝦：蝦肉彈口，點上醬料好香口🥣餐湯係蘑菇湯，粒粒蘑菇滑香▪️主菜▪️🍝海鮮義大利麵- 意粉蒜香加上濃香番茄，幾滋味。海鮮青口鮮甜🐷炭燒伊比利亞豬鞍- 豬鞍燒得好香，肉質都幾嫩，配菜都用心▪️甜品▪️-訂座時講好畫碟圖案，又真係畫得幾可愛！甜品嘅雪粑酸酸甜甜refreshing———另外追加———🍸Happiness- 真係帶到happiness，會打泡泡落cocktail，莓味比較濃，飲落去都幾refreshing ，配酒香都順滑易入口🍸fate $108- keep住冰凍感覺，面層係厚厚egg white，飲落去有荔枝、檸檬好refreshing有層次感🥚慢煮蛋及露筍- 推介！露筍爽口，加流心蛋蛋黃香更滋味推介去慶生+食精緻前菜！…查看更多

❣️最近同朋友慶生，本來只係諗住食好d，估唔到呢間餐廳有氣氛，食物又唔錯❣️booking時話慶生，會有happy birthday msg 仲有玫瑰🌹蛋糕更加係火花effect❣️前菜好精緻，好有心思✨海膽多士$136/2件- 都幾多海膽，而且口感creamy幾有海水香，麵包脆口🍄炒蘑菇$68- 炒菇香得來爽口，撈上蒜粒夠惹味✨吞拿魚他他$88- 賣相精緻，好似雪糕筒咁，入面甜甜吞拿魚蓉加洋蔥、青瓜、黑魚子，鹹咸甜甜夠特別、最難得係洋蔥唔辣🦞西班牙龍蝦尾意大利飯$288- 龍蝦拆好曬肉，肉質彈口鮮甜幾高質。意大利飯撈上龍蝦湯、番茄香，淋香入味，推介！🍰果木煙經典意式巴菲$128- 生日碟上寫好慶生message，仲有星星火花蠟燭。意式巴菲好滑身有咖啡香，旁邊嘅nuts勁脆，甜度適中另外雞肉salad沙律菜爽脆。下次有朋友生日再去❤️…查看更多

於旺角ᴛ.ᴏ.ᴘ這個年輕活力商場內，有家平民版的情調西餐廳。裝潢雅緻情調十足，配上私隱度高的美美卡座，一直是該區浪漫約會之選。.✿ ꜰʀᴇꜱʜ ᴏʏꜱᴛᴇʀ 💲68廚師推介新鮮生蠔 ，一客兩隻屬口感清爽帶海水味之類型。.✿ ꜱᴇᴀ ᴜʀᴄʜɪɴ ᴄʀᴏꜱᴛɪɴɪ 💲78海膽多士是餐廳必點必試的小食之一。爆量海膽，啖啖海水鮮味，口感綿滑分幾口也吃不完。.✿ ᴅᴜᴄᴋ ʟɪᴠᴇʀ ᴄʀᴏꜱᴛɪɴɪ 💲88法國鴨肝香蒜多士邪惡惹味，油脂感滿滿。.✿ ꜱᴛᴇᴀᴋ & ꜰʀɪᴇꜱ ꜱᴇᴛ 💲298於每星期六、日的下午三點至九點，餐廳會供應牛扒薯條套餐，除了有250ɢ 的炭燒美國極級西冷牛扒，而且薯條可以無限添加。薯條可跟配辣味蛋黃醬、黑松露蛋黃醬或蕃茄醬。牛扒炭燒味香濃，質素不錯。.✿ ꜱᴘᴀɴɪꜱʜ ʙᴀʙʏ ꜱQᴜɪᴅ & ꜱQᴜɪᴅ ɪɴᴋ ʀɪꜱᴏᴛᴛᴏ 💲268西班牙小魷魚墨汁意大利飯也是餐廳招牌子一的主食。顏色相當豐富，值得一試。.✿ ɪᴛᴀʟɪᴀɴ ᴘɪꜱᴛᴀᴄʜɪᴏ ɢᴇʟᴀᴛᴏ 💲98開心果控的友人衝着這個開心果巴菲而來。開心果的芭菲，加上大量開心果仁，加以果木煙燻效果，打卡度十足。.✿ ᴄɪɴɴᴀᴍᴏɴ ᴀᴘᴘʟᴇ ᴘɪᴇ & ᴄᴏᴏᴋɪᴇ ᴄʀᴇᴀᴍ ɢᴇʟᴀᴛᴏ 💲128另外還選了另一款暖法式肉桂蘋果批配牛奶曲奇雪糕，為這一餐完美作結。…查看更多

之前尖沙咀食過，因服務態度極級惡劣，曾經blacklist. 由於食品質素的確幾好，而且可能係個別員工問題，所以今次朋友建議試下旺角分店，就故且比多次機會。旺角分店，服務好好多，有禮貌，令人覺得係客人嘅感覺，因為OpenRice book 有折，一坐低就同你講清楚咩係折咩無折，夠均真，成個場好爆，但侍應依然盡快過黎幫你。食品一直都有質素，除左好睇，而且好食，環境算靚，話晒都係新新地，但可能係Friday night, 呢個價錢呢講 坐到咁逼 有少少失望。 …查看更多

羊扒（5成熟）幾淋 都算好食 呢個最好食海膽多士正常發揮鮮甜 價錢岩價蟹肉海膽扁意粉面頭有蟹肉海膽 唯意粉淡味 醬唔濃同香Cocktails 正常味 小小薄荷朱古力味 飲唔哂 本身唔好酒 總括：除左羊 其他都係正常 下次唔會再揀佢了 呢個價錢有更好選擇…查看更多

黎到旺角，想黎試呢間好耐，今日終於黎到，即日打電話book, 店員話88折優惠要早1日上open rice訂，所就冇上網book, 原來係可以即日book...唔緊要，不過希望員工講真野啦！2個人叫左杯薑味菠蘿雞尾酒+煙霧汽球(+$30), Cosmopolitan, 黑松露磨菇湯，3件海膽多士，海鮮併盤。薑味菠蘿雞尾酒+煙霧汽球(+$30)噴完汽球3秒就爆左,想影相都影唔到，咁就冇左$30,味道唔錯既，唔會太甜，好淡酒精味，啱女仔飲。Cosmopolitan, 睇drink list個樣係藍色有泡先叫黎影相，個樣唔同左，但味道都唔錯既，足夠酒精味，濃過上一杯雞尾酒。黑松露磨菇湯，非常淡既黑松露味，有香濃磨菇味，好夠熱，但有d失望海膽多士，加拿大海膽好新鮮同鮮甜，每件多士有2片海膽，麵包搽左蒜蓉牛油，所以好香同好軟熟，唔會搶左味，面頭有幼葱碎，如果改為黑松露醬/黑魚子醬三文魚子會更加夾，而其中有1件多士深色d, 其中1件多士有d苦味，整體算唔錯，味蕾好滿足海鮮併盤，全部海鮮都係僅僅熟，入面有刺身口感，非常軟熟唔會韌，面頭都有焦香味，紅蝦油佈滿整碟海鮮，極鮮味美！真係一滴都唔想嘥，龍蝦非常新鮮同鮮甜，煮得幾出色，面頭加左Sundries Tomato Sauce同極輕微辣味，帶出龍蝦鮮味，唔會搶左味，而因為僅僅熟既關係，龍蝦肉會痴住少少殼，要食乾凈要花d功夫，紅蝦非常新鮮，煮得好出色，蝦頭蝦膏極濃郁鮮蝦味同鮮甜，蝦肉新鮮甜美，銀鱈魚煎得好香，外面帶少少焦，入面入口即溶，非常軟滑，魚油整鮮甜美多汁肥美，特大扒巨薯件，非常香濃薯仔味，焗出黎好多汁，淡淡滋味好滿足！咁既價錢，差唔多食到個buffet, 但對 於海鮮控嚟講係非常超值，今次餐飲體驗極力推介海鮮拼盤。…查看更多

我們都是西餐喜好者，這些年來試過不少餐廳了。今日又是我們一起試餐廳的日子，來到了旺角 Lab Eat。地點非常好找，就在地鐵站口的T.O.P 5樓。餐廳很大，有室內及室外位置。我們選擇了室內位置，也很舒服。🔸️海膽多士 ~Uni Toast好大塊海膽，而且好鮮甜，每一口都是幸福。我和同伴相望一眼，彼此認同這開胃菜。🔸️熱熔芝士 ~Raclette Cheese店員上菜時，會拿來一大塊熱熔芝士， 刮出一大堆芝士。芝士配合蔬菜、莎樂美腸等，又幾襯喎。這道菜夠3個人或以上吃，因為比較大碟。🔸️cocktail 見不見到cocktail上有個波？ 點整就賣個關子。🤫 這個真令人好開心，而且吸引了附近食客的目光。我不愛太甜，覺得可以減甜少少。🔸️龍蝦尾意大利飯 ~Lobster risotto嘩，一上菜我就嘩嘩聲。好大條龍蝦尾，仲要係已經起左肉，好方便食客。龍蝦肉質不錯，最好吃的是意大利飯，索哂精華之餘，再加上特製醬料，混合在一起好夾，吃不停。🔸️ 72%朱古力球伴高溫熱情果汁 香草雪糕及椰糖脆脆 ~ chocolate ball朱古力ball ball好靚，原來要把它摧毀後才吃。🤣 波波溶化後，會見到內裡的雪糕，幾滑， 熱情果汁少少酸酸甜甜的味道 ， 熱情果味不算濃烈 ，但整體不過甜，非常好。又是頗大份，share食好開心。綜合以上菜色，我們都覺得這間餐廳很出色。服務方面，每位店員都得有禮貌而且親切細心而力度剛剛好，沒有壓迫感。我們渡過了高興的一個晚上。非常推薦~…查看更多

朋友朋友約食飯，揀咗呢間喺旺角嘅餐廳✨一入到去個環境真係好靚呀😍有圓形嘅藍色梳化位💙用嚟打卡一流👍🏻因為我哋係食lunch我哋就叫咗個lunch set 比較抵!我哋叫咗塊肉眼扒五成熟，套餐呢仲會包埋沙律🥗個沙律係有一大舊芝士再加啲沙律菜，加埋食個口感唔錯！我哋以為lunch set個牛扒會好細件，點知嚟到勁大件😳食飽咗我哋兩個人🤣另外我哋仲嗌左兩件海膽多士。呢個真係必食啊！！！海膽勁新鮮，一啲都冇苦澀味，而且多士好脆！！加埋食真係一流🤤食完之後好想再食多件🤤但係無奈真係太飽🥺如果大家有機會嚟一定要試佢個海膽多士啊！！…查看更多

鑱咀萬萬歲!🙌🏻ChamZeoiLongLongLife!!!🙌🏻 餐牌款式多，而且有創意！環境舒適寫意型格又有情調，無論朋友聚會定情侶拍拖都非常適合。出面仲有露天雅座可以shisha。正～餐前麵包$0賣相👅👅👅👅👅味道👅👅👅👅👅口感👅👅👅👅👅份量👅👅👅🐭外皮薄脆，裏面鬆軟，熱辣辣，充滿麵包發酵香味，配上黑醋及橄欖油，味道口感絕頂一流PS: 冇得refill，可另order, $20有5片海膽多士 $216賣相👅👅👅👅 👅味道👅👅👅👅口感👅👅👅👅份量👅👅👅👅創意👅👅👅👅性價比👅👅👅👅🐭大大啖海膽，一點腥味也沒有，法式麵包塗滿蒜蓉醬，配搭起味道一流，只是略嫌麵包烘得有點太硬香草蛋黃醬焗蟹肉，牛油果，鮮蘆筍配溫泉蛋 $148賣相👅👅👅👅味道👅👅口感👅👅份量👅👅👅創意👅👅👅👅性價比👅👅🐭味道略淡，蟹肉沒有焗的香味，混合蛋黃醬口感太「淋啤啤」，吃不到蘆筍及溫泉蛋，是不是遺漏了？牛油果底下的蔬菜濃醬有心思黑松露菌泡沫濃湯 $78賣相👅👅👅👅味道👅👅👅👅口感👅👅👅👅份量👅👅👅👅性價比👅👅👅👅🐭成碗都係新鮮打碎左一粒粒嘅菇菌，黑松露同菇菌味濃郁，上層泡沫令整體質感更細滑12小時慢煮美國一級牛小排 $318賣相👅👅👅👅👅味道👅👅👅口感👅👅👅份量👅👅👅👅性價比👅👅👅🐭牛扒油脂比例剛好，分布平均，而且沒有根。外皮蕉香可口，慢煮令口感極度軟滑，但卻少了牛扒本身該有的肉質感。味道略淡，爭左啲牛味。但整體絕對對得起這個價錢。食神鼠到此一遊，拜拜～…查看更多

踏入這家餐廳，第一個感覺就是舒服。老闆很用心為餐廳佈置和設計，座位都很寬闊，大部分都是沙發座位，沙發的靠背都很高，感覺很有自己的空間。餐廳的燈光既柔和，又光猛。除了室內，餐廳還有室外的座位，今天趁人少，有機會出去外面參觀一下。外面是鬧市的景色，是一個不錯的打卡熱點。這種舒適的環境令人的胃口大增，所以今天一次過試了很多的食物。鵪鶉脾非常特別，這次是第一次吃鵪鶉脾，味道香香咸咸的。海膽多士吃下去就是幸福的感覺，一定要試一下。法國傳統熱溶流心芝士也是很特別的一道菜，店員在你面前即時切下芝士，很香的燒芝士味道。海膽黑松露蟹肉忌廉意粉每一樣食材都是高級的，加起來一起吃就有一種難以形容的感覺，一級棒。黑加侖子雪糕店員特別提醒要連著香脆的餅底一起吃，這次也是第一次吃黑加侖子口味的雪糕。這裡的總結就是舒服、浪漫和特別，強烈推薦給情侶。…查看更多

旺角好多餐廳好多野食而呢間餐廳吸引到我之處 係佢可以坐得舒服 格局簡簡單單而且佢用雲石檯影食物相既時候 都會覺得靚過人另外地點好方便 地鐵站一出就係佢座落於既商場佢既擺位都適合同同事放工黎聚餐又或者同男女朋友黎慶祝周年或者生日講番食物先海膽呀 係海膽呀 重要好足料呀海膽多士 兩個係絕配呢個一定要食海膽鮮甜夾埋多士一齊食🤤🤤🤤🤤🤤推薦大家一定要食！千層蟹肉牛油果🥑伴鮮海鹽 (芒果，三文魚子及熱情果汁) 個人認為擺盤囉好靚 打卡唔錯不過牛油果味唔重 可能我過份期待燒黑毛豬肋骨肉質都幾嫩滑 煎得好香同平時食到既豬 比較嫩滑多汁配埋醬汁黑松露芥末幾好味 調咪適中黑毛豬煎得好香 推介！蜆肉手工意無沙就唔洗講 肉質鮮美 唔怕會好乾身意粉軟硬適中 好可惜係太飽 無能力食再甜品…查看更多

7月1號book左12點半，可能公眾假期，lunch period去到得兩枱客，所以無限我地坐幾耐。經openrice book，點Alaka menu有75折。一坐低就已經睇中左幾樣野食，雖然係lunch，但起身第一餐就食咁多野，係有啲重口味嘅🤣海膽多士($78/1pc)每件多士上面至少有5-6件海膽，海膽鮮甜，入口即融，多士脆度適中，兩個字：好食隔離個兜係蕃薯條，跟個steak嘅side dish黎，係我哋另外再加$52on top再叫嘅，其實係同炸薯條一樣，但變左蕃薯咁解，意想唔到咁大兜，同埋炸得夠脆，又甜甜地，健康過食薯條香草蛋黃醬焗蟹肉，牛油果，鮮蘆筍配溫泉蛋($148)一上枱嘅時候已經覺得呢碟野嘅外貌好靚，個顏色嘅配搭好refreshing。一刀切落塊個下先知原來係一個完整嘅牛油果中間包住流心嘅溫泉蛋，牛油果上面鋪咗塊一半嘅芝士，啲切粒嘅紅椒同埋蘆筍都好淋，同個蛋黃醬都好夾。但係整體來講成碟菜有啲咸，可能係因為個蛋黃醬有少少重口味，再加埋嗰塊芝士就令到成個菜嘅味有啲過咸左炭燒蘆筍紅菜頭藜麥沙律($138)本身對呢個餸都冇乜大期望，因為我自己本身唔係太鍾意食紅菜頭，但係呢個沙律嘅紅菜頭嗰陣紅菜頭味就唔係十分重，所以個人來講都覺得係易入口嘅，對於如果唔食紅菜頭嘅人來講。沙律個sauce酸酸甜甜，食落個感覺好refreshing。同埋又有啲飽肚嘅薯仔同藜麥long一long肚，食哂成個沙律其實都幾飽個main course本身想叫慢煮牛小排，但極級唔好彩地係佢尋晚賣晒今日整唔切，所以我哋叫咗另外一款steak美國一級肉眼 380g ($338) 我哋叫咗medium，medium肉質食落淋滑，唔會話血淋淋咁樣咁但切開仲有少少紅色。表皮都煎得好香口，好食！Side dish係加多$52嘅一個牛油焗蕃茄仔，啲蕃茄仔熟嘅程度係食蕃茄仔最有營養嘅嗰個熟度，又唔會太酸。以佢嘅量來講好似食番薯條係比較抵呢一餐，總括而言：十分高質，性價比中級…查看更多

⚠先講總結⚠呢到嘅主菜真係好高質推介各位特別節日慶祝嚟食餐好強烈建議大家食慢煮嘅菜色 性價比超高因為8人晚餐叫得太多野食嘅關係 因為有太多野食相嘅關係 遲遲都唔想打文😴-頭盤🇯🇵北海道帶子刺身薄片$198配新鮮海膽、青檸雪芭及溫泉蛋青檸雪芭汁有啲似雪糕嘅感覺😂加埋蛋汁令到帶子更滑溜酸甜汁清新 帶子同海膽都爽口新鮮頭盤嚟講非常開胃 除咗價錢唔友好之外😂 食物質素都很不錯👍🏻🍖48個月西班牙橡果飼黑毛豬火腿$228識食一定食48個月🤤味濃鹹鹹甘甘嘅油香厚實嘅質地 真係好食過平價ham好多倍配埋火箭菜哈蜜瓜同無花果一齊食酸酸甜甜中和油膩感 .🍲湯分別叫了3款黑松露菌泡沫濃湯$78瑞士芝士焗法式洋蔥湯$78北海道粟米濃湯伴輕煎帶子$88🍞令人回味無窮嘅海膽多士海膽多士$408/6pc厚厚嘅海膽2大片 鮮甜濃郁停留係口腔再加上香口蒜蓉多士🤤-意粉 意大利飯🍝意式牛肉三重奏闊條麵$178“😋”何謂三重奏？意大利腸、鹹牛肉粒、紅酒燴牛尾肉3樣濃味材料煮岀黎既闊條麵 超濃牛味我超推薦呢個意粉 重口味人士必食鹹牛肉粒同牛尾肉都煮得好淋好入味每條意粉都非常掛汁 真係好回味 必叫💯🦀鮮蟹膏海膽扁意粉$198海膽份量少 海膽同蟹膏味唔岀 比較普通🐮慢煮有機牛尾肉意大利飯$178“😋”呢個risotto煮得岩岩好夠入味 牛尾肉好淋配埋馬卡風芝士令到味道多咗層次仲有條無切雞脾菇係到😂有少少奇怪 但好味同埋賣相唔太討好🤨-主菜🥩12小時慢煮美國一級牛小排$318😋😋😋⚠本人一向唔好牛扒 但呢個真係十級推薦牛味超濃 慢煮後肉質超軟熟 油花又夠多美國牛唔會似日本和牛咁齋油唔夠牛香味煮法有得揀海鹽炭燒/BBQ風味 我當然揀前者一向靚牛扒都係輕輕煎過加鹽先最好味好味到我地encore叫多左一碟😋出面如果要食到令我咁深刻覺得好味嘅牛扒$600-800一塊走唔甩 呢到$318食到我比十個趣 必食!!!🐙Bbq醬燒烤慢煮西班牙深海八爪魚$278😋慢煮八爪魚本人真係第一次食 感覺好新鮮一條巨型八爪魚鬚 完全唔un 淋淋地配埋甜椒酸酸地真係好開胃😍🍖西班牙極品橡果飼黑毛豬$398/2pc配紫薯蓉同黑松露芥末 肉質有咬口 但有點普通 唔係非試不可嘅菜色🐑炭燒澳洲自然放牧羊扒$318配橄欖油封薯仔露筍 再加埋薄荷香草醬👍🏻肉嫩 唔會過熟 夠juicy🥩澳洲M5和牛西冷$498雖然係M5和牛 但對比起慢煮牛扒完全比下去1嚟少100g 2嚟貴接近2舊水 油脂無慢煮嗰款咁多 又無咁淋 比較有咬口🍗薄荷脆焗去骨法國春雞$268去骨啖啖肉真係超方便 雞嘅外皮係有一層好似麵包糠嘅野(not sure)增加少少脆脆口感 雞肉都幾嫩滑.🐟低溫烤焗智利鱸魚柳及半熟帶子$298魚柳size有點細 食呢個做main一定唔夠飽但用咗低溫烤焗可以令魚keep住juicy半熟帶子都煎得岩岩好 -呢間餐廳我真係幾推薦 樣樣都好味唔伏我絕對會番黎encore佢個慢煮牛小排 極高汁!!! 我地今次8個人仲有4個5月生日有85折優惠！抵好多！自己帶蛋糕要收$100切餅費…查看更多

同fd子約左去lab eat dinner~~餐廳環境好好～ 亦有戶外位坐，可以shisha🤤🤤 Ho jeng🤤🤤叫左幾隻蠔～ 係法國同美國既～ 好似係$59同$39蠔好新鮮！ 勁夠凍❄️同埋佢左手邊果汁好出式！🤤 係泰式汁咁上下點完佢隻蠔d鮮味出晒黎😍食完都唔夠喉！ 再叫左6隻！同埋嗌左set dinner可以加$180 飲枝Riesling既白酒🥂～ 好抵！由於淨係掛住飲，所以冇影到🤣🤣🤣然後就到個千層蟹肉牛油果🥑伴鮮海鹽 (芒果，三文魚子及熱情果汁) $148太重芒果味～ 酸左少少～唯一就係讚下個擺盤囉？之後就到我個湯喇～ 北海道栗米濃湯伴輕煎帶子 $88超唔建議叫依個湯🤣太太太太太濃喇掛，好似每1啖有100粒栗米咁😟仲要唔甜又唔咸果下好kick🤔Btw, 個輕煎帶子就中規中矩，冇乜特別～-海膽多士終於到啦🤤 $78@1海膽超鮮甜！又多！口感超好🤤個蒜蓉多士都不得了夾埋1齊食真係好過癮🤤超級推薦大家吃這個！真！心！正！玉桂脆煎法國鴨肝 $1281開頭叫果時我以為係鵝肝🤣 因為法國通常都係講緊鵝肝？🧐由於我未食過鴨肝～ 所以我都淆淆地～點知都幾好味！佢都係外脆內滑既🤤我都幾鐘意～ 不過佢就冇鵝肝咁香囉～都算幾大舊下🤤 好正👍🏻👍🏻👍🏻但佢擺盤有粒好似蛋黃果既野，我諗係分子野d fd勁難食🥶 好似係勁藥水果d味🤮跟住到主菜啦！香草牛油焗澳洲龍蝦尾伴鮮薯蓉及白酒煮蜆 $368麻麻地，普通野，唔飽，勁細份🤣唔推薦炭燒安格斯牛柳(150g)伴法國鵪鶉脾及烤野菌 $388我淨係試左個牛咋～個牛唔錯！勁香炭火味！又juciy, 又香🤤 肉質都唔錯！下次可以試下齋叫牛～🤤最後，仲去埋戶外果邊shisha👍🏻👍🏻👍🏻👍🏻👍🏻…查看更多

許久沒吃過西餐了，今晚約了朋友在旺角用餐，這家西餐廳一直想光顧，位置比尖沙咀分店更便利。餐廳裝潢優雅，頗有情調。米黃色的燈光，播放著悠揚的音樂，有舒服的沙發座，又有多人的座位。甚至有室外的用餐空間，讓顧客一邊摸酒杯，一邊吹著涼風聊聊天。⭐️Riesling點了兩杯白酒，酒氣氛芳。⭐️生蠔配搭泰國青檸汁、辣根蓉茄醬、鮮檸檬，入口更加突顯生蠔的鮮味。前面的是法國的special roland lambert，有淡淡的礦物味，鮮甜可口，肉質結實美味。後面的是美國的American Pearl，尺寸很大，而且肉質肥美，海水味不重，吃起來很滑，像奶油般滑順。⭐️海膽多士$78/片一小塊烤多士，夾著兩片肥厚的海膽，海膽入口甘美，入口即溶，彷彿成為了多士的醬汁，兩者相得益彰，很美味。⭐️法國傳統熱溶流心芝士$168店員先把一大塊芝士的一邊熱溶，再以45度將熱溶的芝士的表層刮下。配菜有火箭菜沙律、慢煮蘆筍、香草烤薯和沙樂美腸，入口芝士仍然是溫熱的，鹹香不膩，吃多一點也不會覺得膩。⭐️12小時慢煮美國一級自然帶骨牛小排$368牛小排以慢煮烹飪，每一片肥腴嫩瘦，分佈均勻，愈嚼愈香，肉味香濃。再配上8小時烤焗半乾濕蕃茄$48，番茄配上牛肉，夾雜酸甜滋味，更令人難忘呢！⭐️72% chocolate ball$138店員把預熱的熱情果汁倒下去，朱古力球慢慢溶化，裡面是雲尼拿雪糕，嚐一口，熱情果的酸甜滋味配搭清新的雲尼拿，再點綴朱古力和脆脆，口感豐富，是一道有新意的甜品！…查看更多