鏞鏞．藝嚐館

3/2/2021 星期三，陽光普照，天朗氣清，立春，即是踏入牛年，梗係要慶祝一下！欣賞呢間食店，首先被佢嘅戶外環境吸引，可以欣賞美麗嘅維港景，又可以欣賞尖沙咀街景，坐戶外享受午餐，夠晒舒服！今日二人午餐，由點心開始，叫咗：-金菊綻放蝦餃皇，蝦餃夠彈牙！蟲草花海皇湯餃，夠營養，美味。之後，再叫咗：-流心西施炸蝦丸，外脆內軟，流心腐乳醬，有特色！惹味沙薑手絲雞，雞肉嫩滑。禮雲子蛋白配白飯，原來係蟹膏蛋白配白飯，正到呢😋鏞記正宗燒鵝，必食😋😋燒鵝一啲都唔肥，啖啖肉，燒鵝皮脆卜卜，醬汁係燒鵝汁加入花生醬，好惹味😋清炒豆苗，夠嫩口，好食。總括食物質素好正，款款都係用心泡製。侍應服務也值得一讚，給予客人安心享受午餐。立春的第一餐，好的開始👍🏻…查看更多

真開心，終於可以出返嚟食晚飯啦！ 仍記得晚市禁令前一日，在 K11 Musea 的鏞鏞·藝嚐館，睇住日落嘆鵝脾、飲紅酒，夕陽無限好！  K11 人民購物藝術館是個充滿新意的商場，所以老字號都要改頭換面，屹立中環幾十年的鏞記，過了海換上新裝成為鏞鏞·藝嚐館，以鏞記經典菜式的概念注入新元素，效果相當好！ 唔知有幾多人知道，鏞記起家實由炭燒燒鵝開始，配合此淵源，呢度嘅燒鵝脾，食得型過人！ ＂嘆＂原隻鵝脾 $290設計以迷你明爐上菜有心思、有氣勢，造型提醒大家當年鏞記成名之因在於炭燒，食落又真有幾分炭火烤肉香！ 細緻的燒鵝髀肉、豐富的味道、再加上油香，配杯紅酒，好完美啊！ 我認為另一必吃是禮雲子蛋清兩口飯，禮云子是中國南方的一種特別的食材，應該唔係個個都知道禮雲子是什麼？其實禮雲子是雌性蟛蜞的卵子所製成，而蟛蜞是一種生長在鹹淡水交界的小蟹， 多數藏身在禾田的水邊。一般都是用來蒸豆腐或蛋，最能突出其鮮味。 禮雲子蛋清兩口飯 $130/位呢度唔例外，禮雲子蛋清配飯，平凡中顯得不平凡，甘甜豐腴，輕盈果腹！我們亦淺嚐三款點心：菊花蝦餃黃色的是菊花蝦餃，顏色漂亮，啖啖蝦肉配合輕輕的菊花香。鴨絲餃子吃慣豬肉餡，原來鴨肉更香。梨型鹹水角內藏新鮮梨肉，有助平衡膩感，軟熟惹味。 創意菜式有呢幾款：堂煎荷包雛鵝蛋 $80 堂煎荷包雛鵝蛋有噱頭，煎蛋程序具欣賞價值，突顯鵝蛋的身價，雖然味道唔覺與別不同，我又覺得幾好玩。流心西施炸蝦丸 $200以腐魚作流心芝士效果，很有玩味，食落味道都唔錯，又幾夾吓！ 潮吃懷舊生死戀 $360生死戀意喻生魚死魚一齊煮，即是鹹魚伴斑腩，避風塘式炒至香惹，刺激味蕾比喻激清，又因為重口味咗，所以用試管隨意注入適量柑桔汁平衡味道，家鄉梅菜扣腩肉 $320特採用本地飼養英國王室御用黑豬 Berkshire 伯克豬作食材，依照傳統做法先炸後醃味，食得出肉質唔同，而且份外有豬油香。童年大白兔糖奶凍 $58慶祝生日已經無需蛋糕，在可愛的大白兔奶凍插上生日蠟燭多盞鬼！ 飯店位於七樓的 Bohemian Garden 房，保持了鏞記的招牌金色牆，同時用上型格的傢具及注入綠色元素，絕對是新舊的融合；設置大露位，所以值得在黃昏之前到達，欣賞日落晚霞。 …查看更多