水門雞飯 (蟾宮大廈)

營業中

休息中

如果要食海南雞，我每次都會諗起水門，雖然人唔係泰國姐，但要最地道一定揀返呢間，未食過唔會明我講咩，但食過肯定有共鳴，唔係耳鳴！👇🏻📌主 食 -▪ 香 辣 紅 咖 喱 牛 肉 飯 - $50▫ 首先試一試呢個「香辣紅咖喱牛肉飯」，紅咖喱唔會太辣，反而煮到好濃香惹味，牛肉完全吸收哂醬汁精華，有咬口唔韌，值得一試。▪ 三 寶 飯 - $64▫ 我朋友就揀左「三寶飯」，三寶分別係水門雞、炸既水門雞、雞雜，雞肉口感夠哂滑溜，加左10蚊嗌多個雞油飯，當然本身仲可以多飯啦，仲有碗雞湯附送，幾抵食。📌小 食 - ▪ 脆 炸 雲 吞 - $28▫ 小食黎講「脆炸雲吞」又係必試，炸到夠哂脆口，雖然好邪惡，但真係好滿足。▪ 泰 式 豬 頸 肉 - $98 ▫ 另一道小食「泰式豬頸肉」幾有驚喜，豬頸肉外層燒得焦香，裡面夠Juicy，完全唔乾身，肉質爽口彈牙，正！

今日同朋友約咗去銅鑼灣食飯，經過一間泰國菜餐廳。見佢下晏2點幾都仲咁多人係入面仲咁好生意，感覺應該唔錯！所以就走入去一探究竟。鋪頭入面夠晒明亮，乾淨企理。入到去已經聞到陣奶茶味同酸酸辣辣嘅香氣，鋪頭仲keep住播啲泰文歌添，成個感覺好似到左泰國當地咁 野食嘅選擇都好多好特別，有好幾款幾吸引嘅野都已經sold out, 有點可惜😢而個香辣鳳爪係每日限量嘅item，即刻叫咗黎食。雖然唔係話啖啖肉個種鳳爪，但食落都唔會話好骨感，加埋佢個香香辣辣嘅汁，成件事好野味，食到我個嘴唇都有啲麻麻辣辣嘅感覺，好 fresh 好正😋主食方面就叫左個水門雙拼炸雞飯，諗住可以一次過食晒佢兩種形式嘅雞。水門雞食落好滑好濕潤，唔會話雞皮好厚嘅感覺，食落口亦唔會感覺好肥膩。炸雞唔會太乾身，炸得好夠脆，外面層炸粉亦都唔會好厚，味道岩岩好。佢會配埋兩款醬分別俾你去點水門雞同炸雞，一款就辣辣酸酸比較濕嘅醬就用黎點水門雞，另一個就係有點類似甜酸醬嘅醬汁。我朋友就叫左個泰式豬手飯，皮同肉嘅比例啱啱好。成個豬手都鹵得好入味，咬落去好鬆軟，有少少入口即化嘅感覺。佢兩個主食都會跟左一碗黑淑蘿蔔湯。飲落口好清甜，後勁又有一種淡黑淑味

環境4分：有梳化位，有窗枱位，有圓枱都唔迫，可以畀四分。衛生4分：地方光猛乾淨，而家仲有膠板隔開，手機落單，非常衛生。服務5分： 年輕人侍應生非常快手快腳，好有活力，上菜又夠爽手，滿分。味道5分：1)    水門雞飯轉雞脾肉加十蚊，揀咗多飯不用加錢，多飯份量應該有一點五倍，非常夠飽肚。Ｄ無骨雞啖啖肉，滑皮，肉嫩，油飯唔油膩但係有香味，超級好食。2)    雞骨湯胡椒味好濃郁，飲落有少少辣都算嘢味。3)    泰式豬頸肉好爽口，個辣汁好香。4)    泰式炒通菜非常嫩脆，Ｄ泰式馬拉盞有Ｄ辣，份量都唔少。抵食5分：沒有加一超大份量水門雞飯普通果隻都係五十幾蚊，加飯唔加錢，又有湯送，套餐型式最抵食，仲平過出面Ｄ快餐店。