更多
2018-10-04
1154 瀏覽
我食咩都無所謂,朋友們決定空降尖沙咀嘆泰菜。中港城平台幽暗寜靜,有海風有海浪聲,舒服浪漫。多謝朋友們厚愛,百忙中抽空跟我地 9 月之星慶生日,大解慳囊萬分感激。泰式生蝦,巨大雪球放正中,非常有趣。再鋪上晶瑩鮮蝦,美輪美奐,還有七彩繽紛的泰式酸辣汁陪伴左右。細心地每隻蝦已放上酸辣汁渣及蒜片,再用尖辣椒、苦瓜片伴碟,最慘在座朋友們都揀飲擇食,這不吃苦瓜、那不吃辣椒啊!無緊要,等我來!眼測蝦身似乎有點乾,都劏左好一段時間了!如果游水即劏的話,理應濕潤飽滿,表面黏黏立立令架呢。滾上酸辣汁給點滋潤,正宗傳統食法夾埋蒜片苦瓜辣椒齊齊啪入口。各味融合清新擦出火花,甜酸辣甘吊出淡水蝦鮮味,爽彈有質素,食得過。暹邏炸魚餅,魚味咸香濃濃,檸檬葉味突出,剛好互相平衡。質地微彈而油膩感顯著,沾上甜酸汁蠻不錯。落單時見神州阿嬸呆下呆下魂不附體,我已專登講 3 次要炸墨魚餅,何解係都要比魚餅我呢?您覺得西芹比西蘭花更好嗎?仲要反駁話係我錯,我係點魚餅!阿嬸您到底有無細心聆聽?不如返鄉下學好廣東話先落黎啦!離晒大譜,費事同您嘈,再落多次炸墨魚餅!咖哩軟殼蟹,完全分屍四散,初時大家都估您唔到囉。蟹仔偏咸,炸得鬆化脆身
泰式生蝦,巨大雪球放正中,非常有趣。再鋪上晶瑩鮮蝦,美輪美奐,還有七彩繽紛的泰式酸辣汁陪伴左右。細心地每隻蝦已放上酸辣汁渣及蒜片,再用尖辣椒、苦瓜片伴碟,最慘在座朋友們都揀飲擇食,這不吃苦瓜、那不吃辣椒啊!無緊要,等我來!
眼測蝦身似乎有點乾,都劏左好一段時間了!如果游水即劏的話,理應濕潤飽滿,表面黏黏立立令架呢。滾上酸辣汁給點滋潤,正宗傳統食法夾埋蒜片苦瓜辣椒齊齊啪入口。各味融合清新擦出火花,甜酸辣甘吊出淡水蝦鮮味,爽彈有質素,食得過。
暹邏炸魚餅,魚味咸香濃濃,檸檬葉味突出,剛好互相平衡。質地微彈而油膩感顯著,沾上甜酸汁蠻不錯。落單時見神州阿嬸呆下呆下魂不附體,我已專登講 3 次要炸墨魚餅,何解係都要比魚餅我呢?您覺得西芹比西蘭花更好嗎?仲要反駁話係我錯,我係點魚餅!阿嬸您到底有無細心聆聽?不如返鄉下學好廣東話先落黎啦!離晒大譜,費事同您嘈,再落多次炸墨魚餅!
咖哩軟殼蟹,完全分屍四散,初時大家都估您唔到囉。蟹仔偏咸,炸得鬆化脆身,咖哩不辣散發強烈椰奶味,唔難食可以接受。去骨海南雞,無得頂!難得高質可口,大愛!清淡雞肉甜味,肥瘦適中,薄薄微爽雞皮香噴噴,髀肉夠彈夠嫩,胸肉夠滑夠腍,配埋自家酸辣汁份外開胃醒神。
炸蝦餅,即叫即炸熱騰騰,外層薄薄幼細麵包糠炸得金黃鬆化,不油不膩,不刮口不硬掘掘。蝦膠十分有彈性,味道調得清爽得宜,鮮味十足不陰沉,讚!
冬蔭海鮮湯,大手筆千足料,無味韌韌大蝦、軟軟魷魚、香口索湯炸魚塊、彈彈美味青口,秀珍菇及雞髀菇可口清甜,但無草菇無車厘茄既?黏稠湯汁強酸微辣極濃郁,我鍾意!趁住滾燙時搶住飲多碗先。
煎墨魚餅,有創意不單調,混埋甜椒一齊煎添上色彩。煎得兩面焦香誘惑,趙落除了墨魚鮮味外還散發輕輕甜味,彈滑中來點爽脆,驚喜不已。
泰式炒通菜,無提供馬拉盞咁特別?雖然感受不到鑊氣,幸好用上炸蒜蓉魚露麵醬兜炒,芳香無比,大大注品嚐,惹味十足。通菜翠綠爽甜又多汁,無投訴好味道!
泰式炒椰菜苗,跟炒通菜同一調味但天淵之別。我對椰菜苗麻麻地,暫時食過的都是質感乾硬又帶點苦澀味,不喜歡。依碟都不例外,整體味道還可以。
豬肉生菜包,生菜異常修長苗條,那裡來的品種?非常困難捲成生菜包,不可以貪心地放太多肉呢,我要多多肉少少菜架喎。唯有不捲起,用生菜盛載大量肉鬆直接塞入口,哈哈。依種修長生菜特別爽脆多汁,菜甜味道非凡。豬肉鬆乾乾的,味道略清淡,香料味酸味辣味都十分微弱,中規中矩。
泰式臘腸炒蝦醬炒飯,大家還似為會係臘腸跟飯一齊炒,原來泰式只鋪面,味道差好遠架喎。擺放得整整齊齊靚靚仔仔,索一索舒筋活絡,完全聞得出蝦醬辣椒豉油的精隨,齋睇都知好食。
大大啖兇狠猛攻,蝦醬味濃濃醇厚,夾雜辣椒及豉油清香,炒得飯粒乾爽飽滿均勻,撈埋全熟炒蛋,百味交錯,精彩無邊!讓臘腸食躺在炒飯上送到舌頭,嚥韌有嚼勁,肉味濃泛著甘甜咸香油香,沒有肥油一咬爆出的感覺。真心香口味濃超級吸引,唔食多碗都唔得呀。
泰式生蠔炒蛋,大大隻肥美生蠔,估您唔到!生蠔跟炒蛋天作之合,兩煮合體打得火熱出晒煙!蠔肚脹卜卜肥嘟嘟,蠔汁澎湃味道鮮甜醇美,蛋香非凡!跟埋辣泰式史拉差辣椒醬,酸酸辣辣更是醒胃!推介必食之選。
咖哩炒蟹,跟咖哩軟殼蟹味道一模一樣,幸好肉蟹充滿鮮甜肉汁,蟹肉結實爽彈,不霉不腍。像烚蟹兜個汁就上檯,十分鬱悶,沾點咖哩合格既。
蒜蓉牛油法包,凍既?太求其吧。包皮乾硬帶脆,包肉太韌,要給多點力趙咯。咖哩汁太厚太杰根本吸收不到,似多士搽果醬,乾爭爭於事無補。
椰汁糕,不愛甜的我都試舊吧!極甜滑滑,椰味強烈。白酒,自攜慶祝生日,不收開瓶費?感激。男女 11 飯局完美結束,來個大合照留念吧。
用世界之最的維港夜景畫上句號,禮成。港民食家們飽飽滿足,好有隊形,不慌不忙,守秩序地一個跟一個乘上龜速電梯離開。曲終人散,無盡空虛,獨自上路尋找他鄉的酒精,回歸新界。
52 瀏覽
0 讚好
0 留言
42 瀏覽
0 讚好
0 留言
28 瀏覽
0 讚好
0 留言
17 瀏覽
0 讚好
0 留言
16 瀏覽
0 讚好
0 留言
15 瀏覽
0 讚好
0 留言
16 瀏覽
0 讚好
0 留言
20 瀏覽
0 讚好
0 留言
25 瀏覽
0 讚好
0 留言
14 瀏覽
0 讚好
0 留言
29 瀏覽
0 讚好
0 留言
18 瀏覽
0 讚好
0 留言
23 瀏覽
0 讚好
0 留言
23 瀏覽
0 讚好
0 留言
15 瀏覽
0 讚好
0 留言
13 瀏覽
0 讚好
0 留言
23 瀏覽
0 讚好
0 留言
20 瀏覽
0 讚好
0 留言
張貼